何洪記 (Closed)

每次必叫雲吞叉燒撈麵另加一碟油菜。雖然撈麵好似盛惠五十油菜盛惠三十但都覺得值得。暫時在香港未遇到過一間雲吞麵好食過。地方雖然淺窄但幾乾淨，一定會再去。

都好耐無食過一餐粉麵係咁肉赤，但肉赤得嚟又好嬲...都係怪自己硬頸，係都要番嚟試...雲吞麵嘅麵唔夠彈牙，仲有醶味；湯又有味精；雲吞雖然無承襲依家時興嘅好似乒乓波咁大粒嘅陋習，但入面嘅餡卻係以淡而無味嘅雪蝦為主，豬肉欠奉，試問咁嘅雲吞又點會好食lei?但佢買到接近成三十蚊一碗，有冇攪錯...試咗一件水餃，不知所謂，淨係食到有少少"脢"嘅蝦肉，連基本嘅木耳絲都冇，但又買到成三十蚊一碗，我去劉森記都不知可以食多幾多碗。所謂嘅招牌干牛河，牛肉用肉鬆粉乸過，無晒肉味；食到成嘴都係油，但又買到成接近五十蚊一碟...食到想發火鬧人...

I went there to eat yesterday around 7:30pm. The waitress are rude. 一食完就叫人走,這是什麼服務態度?! 又貴又唔低食!! 個收錢的老板物體只對她認識的客人有禮並安排坐位給予等候,但其他客人她就叫他們在外面等.那麼大細超的態度實在太過份!!其他客人不用付錢的嗎??

一向都話正餐一個胃, 甜品一個胃, 雪糕第三個胃. 所以食完雪糕,由時代廣場搭升降機落到地面, 又去補番個正餐. 想食粥, 近近地又想不起其他選擇, 便過來坐低. 當然又係叫生滾牛肉粥. 粥底我覺得味濃左d, 咸左d, 牛肉都係細細片, 有筋, 唔滿意. 下次都係行遠幾步去利苑.

24元一碗雲吞麵,超細碗,d麵得三兩著,雲吞得四小粒這間店是很出名,所以慕名一去,坐得很迫,生意唔休做,等碗等了近十分鐘...味道一般,當然比十蚊一碗的好很多啦,但不值24元!而且服務態度超差,可能是因為明星有錢佬客仔大把,根本唔志在做街客生客,比錢時多謝都冇句,收銀的應該是老闆娘,望都不望你,黑口黑面,找散銀是「掟」比你的...可能老店就是這樣吧~

之前睇雜誌介紹呢度既雲吞麵同干炒牛河好食,於是帶家姐黎試下...講真,d雲吞只係一般,貴得黎唔算特別,干炒牛河都炒得幾乾身,冇乜油,ok!不過$46一碟,頗貴~ 侍應服務認真一般,好似趕人走咁,又唔識笑!!

係銅鑼灣唔係山頂或者馬會會所但係好少可見到咁多3卡以上鑽介既雲吞麵店,因食幾次都比D啊太閃親,所以我諗唔會太dirty掛！不過講真就唔係好舒適架啦,因銅鑼灣租貴掛！不過之前見到D食評話食一次就見到又小强又米奇咁好彩！！！言歸正傳如果佢D雲吞麵,粥,牛腩飯,干抄牛河唔得,請介紹一下有冇一D好食D而平少少既地方,不過唔好太遠(大陸或者天水圍....真心說話)因我都覺得貴咗少少,非常感謝！

午飯時間, 人很多. 坐了一個近廚房的卡位.食緊牛肉粥之際, 忽然見到一隻米奇從廚房跑出來... 幾乎想嘔, 與朋友互望一下, 一齊起身埋單走人...現在凡經過都會想起此可怕情境...

睇完波點都要搵d野醫肚,老實講$23一碗雲吞麵,我會用黎同麥文記,永華比較,事實上論湯底不外乎蝦殼大地魚一類為主,但此店更用上蝦籽熬湯,所以係食完麵後,碗底仍有不少蝦籽沉積,不過論麵質就遜色得多,淥得過火,麵條過腍,毫不彈牙,雲吞亦是一口一啖規格,蝦肉並不太爽而有蝦味,總比一些醃得過火而乏蝦味的雲吞強.跟水記,永華一樣,檯上擺有醃蘿蔔,味道與其他兩店在伯仲間,不過個人口味,始終以麥文記作首選.另有一插曲,牆上竟然有小強在遊山玩水,令人反感,而食品訂價偏高,可能跟位處銅鑼灣貴租下的結果!

由細到大去粥舖食粥, 好少食到啲粥底真係綿嘅~~ ^^之前仲有另一間心水粥舖- 滿粥, 不過最後都係做唔住... 講番何洪記啦~~~起初係媽咪帶我去食嘅, 食落真係好好味@^________^@ 尤其係啲豬潤粥,好正呀!!! 不過啲麵就一般般啦, 都係啲粥有保障啲~~~~~雖然何洪記嘅價錢比一般粥舖貴, 但係我覺得物超所值!!!!!

d麵好重"簡"水味,好難食, 但average都要$30幾一碗, d菜又卓到淋o西,正一又貴又唔好食,一定冇下次~

星期五晚想食得淸啲加上有無人陪食飯，所以來呢到叫咗個牛肉粥外賣，28蚊幾貴吓。牛肉粥上有啲乾榣柱，無仔乜味，唔知係咪己經用過來做過湯底。牛肉不過不失，粥亦無乜特別，不過食唔到有味精。但係28蚊就真係貴咗啲。

飲罷朱古力, 好似阿媽話齋:"食飯前飲甜野, 邊有胃口o架?" 那正合意, 去何洪記吃小巧雲吞最理想.其實何洪記的雲吞不算特別小, 而是四處的(尤其沾仔記的)雲吞"受了抵食軸射", 特別大, 所以傳統地用蝦子及柴魚包成的廣東雲吞, 就變成了比現在的牛丸、魚蛋更細小的雲吞了.老公也不是太餓, 兩人share就算. Order蝦子雲吞撈麵時, 店員問:"你要雲吞撈麵加蝦子, 還是蝦子撈麵加雲吞?"我一臉茫然:"...有什麼分別?"店:"雲吞撈麵加蝦子就加$10, 雲吞有7粒. 蝦子撈麵加雲吞價錢一樣, 但加的雲吞只有3粒."我:"o我~咁要前者啦, 唔該."另加"的式"灼鯇魚皮一碟. 我想只有4-5片, 但灼得熟而爽, 讓我也放心吃.

老竇同朋友食過……話唔錯wor..於是就一家人一齊去試下……落雨……上左2樓…話D雲吞麵超正wor……食落又覺得冇乜點……li個價錢咁gea質素就算幾貴囉…唯一「稍稍」特別gea係佢用成隻蝦囉……干炒牛河ok啦，算唔錯，D牛算好嫩掛……arm arm 炸好gea油炸鬼超正！！不過之後再order o個D就冇第一碟咁正了……

何洪記去過一兩次, 你話係咪好正, 真係見仁見智。尋晚十一點至去(佢十一點半閂門), 店員都冇畀面色我和朋友睇, 反而十分客氣。原來店內還有不少客人呢。兩個人一口氣叫了炸雲吞、乾炒牛河、裹蒸粽和汽水兩支, 當然食唔晒啦。於是就打包, 店員便拿來一個膠盒(不是發泡膠), 說可以直接放進微波爐叮熱, 而且不另收費。真體貼。當然了, 這餐結賬足足港幣160 元正, 絕不便宜呢。