北海道活壽司 (Closed)

『北海道活壽司』旺角地鐵站E出口一出就見到！由於位置係地庫，所以要落一層樓梯！琴晚去，靜到好似包左場咁🙊🙊🙊.室內既環境好有日式風格！睇得出當初裝修落左好多心機！呢道既壽司係即叫即整的！但早半年左右迴轉壽司已經停左！可能係因為人小既關係，如果再開迴轉壽司，流量太慢會不衞生既關係！. 「火炙左口魚鰭壽司」微微焦香，但未至於入口即溶！.「海膽壽司」好有海膽味👍🏾 而且份量都多.「油甘魚刺身」切得好厚身，以呢個價錢黎講無得輸👍🏾.但唯一要彈既係，今日既壽司飯太黏又太大舊，影響口感😭希望下次再黎會有改善!

今日去左呢間四年都冇去過嘅壽司店，食物同態度依舊一樣的差，一行入去得三個客人喺入面，我自己一個佢叫我坐一人枱但因為我覺得對住走廊唔舒服我話坐隔離佢話唔得，成間店禁大晏就十二點半都得三個食客佢都唔俾揀位坐真好笑，跟住佢話做咩呢邊唔坐得姐個用詞同語氣都好唔專業，跟住我坐低左叫野食張紙明明剔左走沙律醬黎到嘅時候有沙律醬我叫佢換，佢就話你都冇講唔要沙律醬我話張紙剔左走沙律醬佢嘅語氣唔似對住客人講嘅禮貌語更加似啲街市買菜亞姐咁冇尾音冇禮貌，最緊要係換完返黎啲野都超難食，呢啲時勢晏就冇生意唔一定關疫情事佢地嘅食物質素同服務質素係冇生意嘅主要原因。

等待時間：平日11:30左右，未有人，我好似包左場咁室內環境：睇得出老闆投入左唔少心思，好有日式風格。服務質素： 可接受範圍難得嗰日行近旺角，又想食壽司，立即諗起呢間活壽司，係我既top list之一。佢有二十多款壽司係有超特價叫，件件$9，而且仲係有好多常食同受歡迎壽司，所以我往往既策略都係一半係呢到叫，然後淨返既就叫一d貴價d既壽司，好似拖羅，魚腩，海膽等☺️☺️嗰日我既最滿意推介既肥鮪魚腩，無論係生食定火炙，咁係入口既熔，好食到暈阿

好食，價錢有哩個分量同質數超值！地方大，舒適，一定回食。三文魚刺身（肥厚），帶子刺身（鮮甜，量多），蝦刺身（OK）。左口壽司（肥美，入口即融），蟹籽壽司（OK），鰻魚壽司（OK），芝士三文魚壽司（好食），燒海膽壽司（OK，下次試新鮮海膽壽司）。牛舌（又抵又多，好食），蟹籽沙律（OK，青瓜比例佔多啲就好），芭菲（正啊）今次傾計食到甜品先影相，下次食完再寫食評！P.S. 朋友生日，好似靜靜地送左我地九折，服務好好。

叫左個小火鍋，waitress拿上來時，火鍋的湯水已經滿到溢出，個經理比左個碗叫我自己倒落個碗度咁樣嘅服務仲收加一。壽司難吃到死，汽水上面有油，性價比超低，以後唔會幫襯……

喺朗豪坊附近嘅一間壽司鋪 見到唔使排隊所以入去試吓 壽司質素都唔錯 價錢親民 如果想食壽司都係一個唔錯嘅選擇 地方都坐得舒服 今晚食完飯同朋友坐多陣傾計 地點方便下次想食壽司會再去

下午3:30去到，得幾枱客，我們两人要求坐卡座, 堅持不給，理由是他們客人會很多，我說如果有客來我轉回吧枱，也不理，特別是哪個主管或是經理態度非常不好，到我食完走時，全店一枱客人都无，全是兇位。這種服務我永遠也不會再來。

今日同朋友聚會揀咗一間日本嘅餐廳 食即叫即整嘅壽司 壽司嘅價錢都幾相宜 喺旺角來講我諗都算幾平 比如鰻魚壽司都係$26兩件 壽司多數都係兩件起跳 我哋叫咗三文魚壽司 甜蝦壽司 蟹子壽司 火炙三文魚腩 。除咗即叫即整之外佢哋都有迴轉壽司，不過我哋好少食回轉壽司，始終覺得有機會擺咗好耐。今次即叫即整嘅壽司都好新鮮，特別推薦佢哋嘅三文魚腩，油脂味好香，入口即溶。另外佢哋仲有懷舊嘅黑牛，即係可樂加雲呢拿雪糕，真係越來越少地方有得飲！

地鐵站一出就系！位置地庫，要落一層樓梯！地方好大，中央位於有師傅即場弄制食物午餐set黎講真系好底：天婦羅跟鳥冬，迷你魚生飯！餐中有4種食物，其份量好足！魚生飯雖叫迷李，但份量吾少，內既料亦好有驚喜！有三文魚粒、蛋、魚子、蟹子、魷魚片、北寄貝魚生新鮮，飯是珍珠米！不錯。餐中另有蒸水蛋，蛋中有蟹柳、冬菇、蝦肉，蛋好滑鳥冬是普通鳥冬，清湯，其湯底好清甜。另有天婦羅兩件！成個餐都系$70，有加一！但食到好多野，與質素不錯！下次會再食🤗

每次黎旺角諗唔到食咩就會想食北海道活壽司㗎啦，貪佢夠多款式，壽司同熟食好多都出面無既，岩哂我火炙蟹棒-好食到不得了～～～蟹柳入面好juice，食落又有火炙既香味，面頭仲要加埋蟹籽增加口感，配埋百搭既蛋黃醬，真係perfect，諗起都想食呀後面明太子炸蝦卷-好食到食左都唔記得影炸蝦炸到脆卜卜，面頭加左明太子醬，蛋黃醬同埋蟹籽，炸蝦卷配明太子醬既咸香，真係無得輸呀前面肥牛豆腐-個汁係sukiyaki ，邊有可能唔好食食完哩碟都已經飽哂打完哩篇食評，我想聽日再去食.......

之前成日同同事收工去食，呢個月食左三次，一次比一次差，天婦羅好難食，舊粉好硬好厚，吉到我粉飛滋好鬼痛，仲有炸蝦卷，啲蝦唔係新鮮炸既，凍哂～🤮🤮🤮🤮好難食$88，晚飯時段仲難食過宵夜時段～～

食開個間本餐廳排大隊，諗起之前食活壽司都唔錯 ，今之再壽試一試先， 首先環境唔錯都夠靜，但座位就比較細 有d逼，放幾碟野就已經無位🤷🏻‍♀️價錢都唔貴，同元氣差唔多，平時脆佢好似10定9:30後有折👍🏻 今次點佐個套餐都幾抵食 有成11件 $100有找壽司都唔係隨便俾蟹柳等等，都有貝類等 食得出都新鮮 👍🏻牛舌有4件 薄身 但有牛味💁🏻 如果鹽多少少更好 活赤貝 好新鮮 好爽口 💁🏻但比較細件😂八爪魚反而唔錯 大件又爽👍🏻有少少鹽水味 唔點醬油已經夠味但野飲就好一般 甜得濟 唔套好飲 可以唔洗特別點🤷🏻‍♀️

最近天氣實在太熱，成日都好想食凍野，第一時間諗起壽司🤤今日同男朋友係旺角揾壽司食，上OpenRice揾到『北海道活壽司』見到價錢唔貴，又未食過，所以去試下～「槍魷魚壽司」質地柔軟，入口跟飯融為一體。「甜蝦壽司」質素一般。「粒貝壽司」（左）好爽口，好鮮美！「劍魚腩壽司」（右）可能咁岩個部位唔靚，兩舊都有筋。「白鮪魚腩壽司」（左）超肥美！大推！「油甘魚壽司」（右）又係部位唔靚，味道一般。「火炙左口魚鰭壽司」微微焦香，入口即溶！「蟹籽軍艦」、「八爪魚芥辣軍艦」超爆多料，見到都開心😍仲有個小食「炸脆蝦」好香脆！呢餐飯都幾抵食，不過想食記得早少少黎呀，因為都幾多人排～

Lunch約左朋友交收，見近近地旺角地鐵站，外面d餐牌又好似影到幾靚幾多選擇，所以走入去試下，點知完全中伏！點左牛肉烏冬lunch set，跟餐有2件炸蝦卷物，呢2件壽司無醋香，最離譜甜蛋係又乾又碎又無味！完全唔知自己放左d咩落口！以為自己食緊豆干！packing 貨都可以咁差！？？！個件炸蝦更加豪無期望啦！又凍又淋碗烏冬淋到好似浸左成個鐘，唔使咀嚼都可以吞，1歲小朋友都食到！我屋企個工人都煮得好食10倍！肥牛無牛味已經算，幾十蚊野，但又碎又肥，入既貨真係差！前菜有碗青瓜蟹柳沙律， 蟹柳冇乜幾條，最奇怪係加咗啲菜葉落去，不論不類另外散叫左一碟劍魚腩壽司，正常，壽司有返dd醋香味，劍魚腩唔特別肥美全餐最好食就係火灸左口魚裙邊，有魚油香味，但件飯太散，一夾就爛個人覺得如果你要整lunch set唔該俾返少少誠意，唔係俾個客食埋d垃圾！個餐65蚊加一，我寧願你65蚊好好地整個好食既烏冬！而唔係大堆頭得黎又難食！本身諗住咁普通既一餐，唔會寫食評，所以相都冇影。但實在唔想有其他人中伏，呢篇文嘥少少時間要打出黎！臨走前見到應該係火間土集團經營，食過火間土質素好好多，實在唔明點解呢間既品質會差成咁，

今之去左朗豪坊對出既北海道活壽司甜蝦刺身味道尚算有甜味 肉質點彈牙 未知是否解凍其間用水沖得太耐 洗走了鮮味海膽魷魚軍艦壽司呢款深紅色海膽魷魚加魚籽係坊間好少見 通常都係較淺色沒有魚籽果款 魷魚份量十足 味道略咸 好食味付粒貝有點伏 感覺似放題質素 放左好耐咁一pat 結撻撻既汁加上無乜口感既粒貝（應該係螺肉？）不推介此菜式火炙牛油三文魚終於有返啲似樣啲既壽司出現 呢個火炙三文魚配合燒熔左既牛油 平均地滲入三文魚 提升左三文魚肉本來既香氣 互相揮影