滿記甜品 (Closed)

1. 出佐新野黎試下，鮮果優酪雪，都幾好食，有奇異果香蕉芒果幾款水果，雪糕面有提子乾，裡面仲有脆脆，算豐富，可以再食2. 例牌一定點雪山榴連配綠茶雪糕3. 想食少少暖野，唔多選擇，就揀佐糖不甩，一般4. 呢間店以家係落單要即比錢，唔知其他分店係咪都甘樣

唔係屯門無糖先唔會食滿記⋯⋯叫左桑寄生蓮子茶，一黎又無蛋，二係茶好甜！之前食既都無咁甜，呢間真係一般般。而且蓮子係苦架！跟住紅棗好少，好唔抵食呀！仲有餐廳職員趕收工咁，明明左邊大把位都唔比人坐，右邊大家都坐到勁逼⋯⋯

屯門市中心冇咩糖水舖好揀所以來去去都係食返啲大集團甜品鋪😕不過咁，呢間都唔算好差嘅😌😌只係來來去去都係都個d款式揀囉🤪🤪同寶寶放工去食下甜品叫咗兩樣食少少就夠😚🥰👫❤️❤️👇🏻芒果班戟🥭芒果夠大舊，同cream嘅比例岩岩好👇🏻楊枝甘露涼粉好足料🤟🏻🤟🏻我好鍾意食芒果🥭😂😂😂多謝寶寶好體貼幫我叫埋個楊枝甘露😂😂😂咁我就可以同時食到芒果班戟，又食到楊枝甘露，一次過滿足晒兩個願望🤪🤪🤪😚😚😚月

點了一碗椰汁紫米露+芋圓......來到的是西米比紫米多的西米露，還有幾小顆芋頭粒......有點傻眼......芋圓+$10只有6粒，而且嚴重煮得過火......入口像吹波膠，完全失去了芋圓應有得Q彈口感......再次傻眼......😰糖水亦細碗......$39一碗貨不對辦的細糖水......😥唯一可取之處是甜度適中......難怪滿記甜品的客人愈來愈少......糖水真的很差.....

又想食糖水 又想健康可以嗌滿記既海底椰西米露😚溫度方面 幾凍 味道方面 西米靈有椰汁味同椰香口味也很好，係細細粒個隻西米而個海底椰 都好爽 易咬值得一提 係個上菜速度！十分滿意！

☀️天時暑熱放假唔知去邊好約埋幾個朋友出嚟 搵間糖水舖坐低傾吓計而家搵間似樣啲嘅糖水舖都少之又少最後去左市廣場嘅滿記唔講唔知 原來滿記而家都多咗好多嘢食賣相都好吸引 齋睇相都好想食啱晒我呢啲咁為食嘅人🤤四條友一人叫一個❤️芒果西米露加小丸子小丸子煙煙韌韌有咬口 我最鍾意呢種口感🤤（可惜唔夠凍 可能我地太早去）❤️楊枝甘露加芋圓🤤竽圓同小丸子口感不相伯仲一樣係有咬口 正👍🏻❤️海鹽蜜糖優酪雪呢個略為遜色冇乜驚喜同食雪糕差唔多 食唔到海鹽味😅❤️芒果班戟皮夠薄 唔會太多cream 芒果又新鮮👍🏻Good Good 穩陣之選🥰整體來講尚算OK下次再試埋其他😎

係屯門食完晚飯想食糖水近地鐵站既好似唔係太多選擇結果就揀左商場入面～.有人話要試間糖水舖得唔得就叫d常見既咁就叫左個楊枝金露！佢既西米口感比較硬（個人鐘意淋少少）柚子肉就唔酸但係味道偏淡芒果汁既甜度都足夠既但係就唔算太香至於芒果肉🥭就數量唔係太多可能我季節唔岩？佢既果肉都唔係特別甜.以一碗30幾40蚊既糖水黎講佢唔算驚喜每樣都係中規中距不過都唔算太差既.另外佢地埋位置佢又的確唔錯有足夠位置又近車站方便大家食完飯食個甜品搭車走～

我相信每一個屯門人也知道這一家糖水店，因為他應該是第一間知名糖水店在屯門開設分店。還記得一開幕那時，長長的人龍和熱鬧的門面。可是隨著時間的推移，人龍開始不再，店面也不再好像剛開幕時那麼熱鬧。我覺得人數減小的原因是他們的質素開始起伏不定，時好時壞。然後又有新的糖水店開始在屯門開設分店，所以很多人也開始轉去吃其他糖水店。但是對於我來說，滿記有一個很吸引我的甜品：雪山黑糯米，這一個的質素在這麼多年來依然保持得好好，所以我周不時也會去吃一次。白雪黑糯米 $40溫熱的黑糯米裡面有不同的豆類，所以每一口也可以有不同的口感和很香的糯米味。在黑糯米之下是白雪，他是香草口味的碎冰，但是是比較稀的。一口熱的黑糯米再配上冰的白雪再加一點點雪糕，口感很滿足又有多層次的口感。夏天吃簡直是消暑透心涼的良品！總結來說，白雪黑糯米依舊很出色，可是除了這一個甜品之外，品質起伏不定。但如果只論這一個白雪黑糯米，絕對值一個好評！

呢期興食芋圓，我又唔執輸，揾間有芋圓既食下先。屋企附近，別無他選，只有滿記。最近試左佢2個芋圓甜品，味道尚可，但份量偏少，個碗又細，一路畢，D芋圓、涼粉一路跌出碗外。上個月中吃過一次$39，過左半個月加到$42，加幅驚人，C P值低。下次去其他區吃芋圓。

成日食滿記都中意食佢既雪山系列，今日放工返屋企前見滿記無乜人〔未到甜品時間？〕即刻整返個甜品醒下神。-無人既滿記坐得幾舒服，座位下面仲有個布袋可以放隨身物品，幾方便，包包唔洗放大脾，即刻輕鬆曬。-今次簡左飄雪黑糯米〔配雲呢嗱雪糕〕$40滿記用即木製餐具都好有質感，忍唔住要影多左幾張相📷暖暖地既黑糯米有好香糯米味，勁好咬，我最中意係黑糯米中有不同既豆，每啖都有唔同口感！下面的白雪係冰咁質感，加埋雲呢嗱雪糕同黑糯米一齊食，冰火交雜，好過癮，呢個每次食完都會想食，不過黑糯米太飽肚！下次再食其他～

这间老字号的出品一向都对他有信心，糖水种类繁多，而且很有水平。我最喜欢吃芒果班戟，一个里面的芒果很新鲜，外皮軟滑，口感十分不錯。除了一些新派甜品，还有不少怀旧甜品，令人勾起童年回忆！

睇到介紹圖片，以為芋頭雪糕，就俾佢吸引左。同朋友食完午餐，我就帶朋友嚟呢度，諗住食佢個芋頭雪糕。黎到先知原來係芋泥！味道偏甜，同埋好飽肚芋圓有芋頭味，仙草好似涼粉咁，不過薏米就好好味。但係太heavy，胃口細嘅朋友，直情可以當一餐晏

夜晚同朋友食完飯，但仲未傾夠😂😂所以就轉場搵間甜品店坐低繼續吹水😂😂附近得滿記甜品，所以就入左去啦。朋友揀左楊枝甘露，佢話都冇乜特別，唔難食，亦唔算特別好食喎。而我就揀左芋圓啦，呢個甜品都幾靚，好多種顏色，好似好吸引。但食落發現芋圓得幾粒嫁咋，而且唔係好煙韌，一般般。

望落就好多唔同材料顏色幾豐富，但芋丸實際就得一眼望曬果幾粒，唔係幾開心，因為叫呢個甜品就係想食煙煙韌韌既芋丸。芋丸質素都係ok既，就係少左d。其餘材料同芋丸都唔係幾夾，特別係底層既綠豆蓉，賣相係極其唔得，仲要凍冰冰，食落就係甜既一灘野，有d嘔心。

前日同女朋友去左滿記、大約十點到去到、人唔係好多、基本上唔洗點等位、入左去就坐低叫左兩個甜品，唔洗一陣幾分鐘就上曬枱、我點左個個白雪竽圓、上面有一舊溫溫熱熱的芋頭泥、入口即溶、味道幾好、至於芋圓同雲呢哪味ge白雪冰溝埋個感覺更加係冇得頂、又有口感、又有彈性、比得上台灣d甜品、而我女朋友就點左個芒果甜品芒果奶、佢都覺得味道唔錯、唔會太甜、但最緊要係係個到食野個感覺都幾舒服、地方大可以傾傾計、唔會嘈、值得一去