港星冰室 (Closed)

銅鑼灣區想找一間好食不難，但抵食好味的餐廳真的比較困難，沒辦法，租金實在太貴。港星開在希慎廣場11樓，位置好，價錢大眾化。每天更有特價之選今天星期一， 厚切餐肉滑蛋三文治，餐肉足足比一般茶餐廳厚三倍，好吃。西多士都好厚身，碟邊沒有一點炸，炸得幾好。西多士上面半溶牛油，看到都流口水😋西多士中間唔係花生醬，而是一片半溶的車打芝士，為西多增添特色。馬來咖哩牛肉，香辣椰香味重，牛肉滑溜，充滿馬來風味，下次來銅鑼灣逛街，也會再次幫襯。

下班了時間尚早，同朋友行誠品書局。11樓出來就是foodcourt。行一圈決定叫港式下午茶。話說好耐冇食炸雞脾啦，即刻叫左一隻雞脾拼薯條。雞脾炸得脆撲噗，好似食緊台灣鹽酥雞。薯條就稍微稔左D。叫左個厚切餐肉滑蛋三文治。真的是厚切，唔單止麵包厚，連餐肉都足足兩公分厚。瑞士雞翼好好味，而且雞肉夠滑，唔會鞋煞煞。三個人食到飽到喉嚨，連晚餐都省返，紅豆冰初初飲第一啖，唔甜嘅，但係紅豆同花奶一攪勻，甜味即刻來左，啱啱好。最後買單價錢平過茶餐廳呀。下次來誠品行書局，會繼續幫襯。

朝早係hysan place附近 唔知食咩好，就去左food court揀左港星冰室。常餐揀左2餸（午餐肉+叉燒），件午餐肉好大件。但食到最後發現碗湯有蟲...有觸須有腳，一定唔係鑊焦，但因為浸得太耐 影得唔清晰。下午翻到屋企痾左2次 唔知關唔關事..我腸胃本身都敏感

12月22日冬至當日中午12點左右，叫咗碟炒飯食，食食吓發覺酸酸地，跟住就唔夠膽再食。之後個胃都頂住頂往。直至下午5點左右，又痾又嘔，跟住成個人發冷又頭暈，全身無力。搞到要瞓住入律敦治醫院急症室，入到去又打針，又抽血，又要吊鹽水，最後醫生證實係食物中毒，腸胃炎。出院後以為返到屋企食左藥訓覺好既休息下就無事，點知一食藥就嘔，重嘔返哂中午食過啲炒飯出黎。重要搞到今年無得同屋企人做冬！真係好嬲！希望大家小心！

飲食文化源遠流長全球獨步天下既港式美食是聞名世界的味道咖啡,奶茶,西多士,生炸雞脾,菠羅油,瑞士雞翼等每次台灣,馬來西亞既朋友來訪必定帶路去吃最地道既冰室最近發現在希慎廣場有一間名為港星冰室在11樓food court食品質素非常好,就想介紹一下 西多士下單後才即時製作吃時保持到脆身炸得金黃,麵包有彈性流心芝士西多士蛋味濃郁, 乾身不膩溶化了既芝士跟牛油,吃起來出奇地配搭散發著淡淡既鹹香,個人十分喜歡 滾水蛋又名和尚跳海已經很少見是港人早期經典飲品一顆蛋打入滾水中喝之前將之拌勻,是當年香港人簡單又有營養既飲品略嫌味淡可以加糖係另一種情懷既味道 生炸雞脾薯條炸雞脾,係永恆不老既好滋味快餐店,冰室,茶餐廳,各形各色每家都有自己既秘方單手拿著,大啖咬下 非常大隻炸至外皮香脆生炸雞脾好講求時間控制拿揑要得宜,才會稱得上一隻好吃的雞脾百分百生炸,見到雞肉肉質嫩滑,肉汁豐富與坊間的明顯有分別值得推介 瑞士雞翼 Swiss Wings每間餐廳都有自己既特色有些顏色深,偏甜,或偏咸港星冰室瑞士雞翼比較特別,全隻滷浸,份量十足色澤通透飽滿,明顯選用比較大隻既雞翼瑞士汁甜味不算重,滷得非常入味 香脆菠蘿油