合益泰小食

Open Now

Now Closed

出開SSP 想睇下電子特賣場同嘉頓裝修好未順便黎食d野 必定要食嘅係1. 香滑腸粉$20 8條 ，首先小食黎講又平又食得飽人，上檯時候只有麻醬同豉油係底，然後跟個人喜好，隨意落甜醬，辣醬，仲可以瘋狂落白芝麻，每一條都混合住香濃醬料配蒸到滑溜嘅腸粉👍🏻👍🏻2. 白蘿蔔 $16 一碗，加$4蚊可以試多5粒魚蛋蘿蔔係呢個季節都仲係咁清甜，已經值得排一陣隊坐係到食仲試左魚蛋，燒賣，珍珠雞，粉果，豆漿，皮蛋牛肉粥粥品仲只係$21碗，抵啦，又多料，鐘意d料多d少d 隨意同d姐姐講，都會滿足到你雖然人山人海，多人都咁，但係上菜速度依然超高效率👍🏻👍🏻👍🏻👍🏻仲有仲有，d姐姐落單之後記住，然後入去嗌菜，再記番係邊個人食邊樣野，呢個驚人記憶力值得一讚 📍合益泰小食地址：深水埗桂林街121號#hkfoodie #hkfood #hkig #hkigfood #foodmap#food #深水埗美食 #合益泰小食 #腸粉 #riceroll #蘿蔔 #港式#異世界生活的大食仔

一間位於深水埗的粥品店，相信唔使介紹都知道，呢間舖頭最好食嘅就係腸粉，而佢嘅白蘿蔔亦都係我非常欣賞嘅小食之一！——————滑滑腸粉腸粉的確係長期保持水準之作，有陣時突然間好想食腸粉，首選我一定會揀呢一間，腸粉的確非常滑，配上麻醬同甜醬，的確係兒時嘅回憶！蘿白用清湯熬製嘅蘿蔔，非常清甜，而且卡路里亦都唔會好高，當做下午茶食非常開心，而且仲可以補充纖維！的確係開心之選！——————評價：平民小食優質腸粉早餐下午茶之選推介指數：❤️❤️❤️❤️

🌈餐廳位於深水埗區，為香港地道的小食店，雖然餐廳環境衞生感覺一般，但長期都有很多人排隊的餐廳，不單價廉物美，更弟2016年米芝蓮街頭小食。到合益泰當然必吃的是腸粉，腸粉很滑，再加上甜醬、麻醬、豉油及芝麻的配搭，真是十分高水準，令人一試難忘。另外燒賣質素就正正常常，可以一試，而魚蛋個人感覺比較一般。總結，這間餐廳可謂CP值極高，每次經過深水埗，都忍不住要去捧場的一間老店。

深水埗多人討論既小食店下午時間入面已經滿座門口重有人企係到食魚肉燒賣彈牙👍🏻有魚肉味🫡都係上品既魚蛋燒賣腸粉地下已經➕左醬汁吳夠 枱上有得再➕芝麻就自己➕先有腸粉 滑👌🏻無黐牙都係 上品結: 2款小食都係 同區中上去開可以去試下#合益泰小食

真係好久冇黎鴨記掃貨, 今日黎買呢頭買野, 一定要重溫下舊時味道, 來合益泰小食平食滑腸粉, 外賣腸粉見有好多人排緊隊, 反而堂食有位, 便來個堂食吧。合益泰小食除咗小食, 仲加多咗好多粥品, 可能深水埗區, 價錢很大眾化。細腸粉 ($10/4 條）腸粉冇出面嗰啲咁粗身, 但腸粉保持到水準, 同以前一樣滑口, 加埋混醬, 雖則無乜米香, 也好食, 十元不能要求太多。艇仔粥 ($19）艇仔粥粥底好綿滑, 材料唔算多, 勝在粥底夠味夠火喉, 夠味得你冇咩味精, 食完唔會口渴。午餐$29 埋單, 夠飽

食腸粉除左佢嘅粉好食，醬料都係好重要嘅一環。以前有段時間成日會黎深水埗都會特登去食。今日難得去開，就回味一下吧。有分堂食同外賣，外賣都可以揀拎隻碟企係後巷到食（通常大部分人都會咁揀）。6點半左右去到，等6,7個左右，唔算太耐。因為呢個當晚餐食，所以就揀左6條腸粉，盛惠＄15，突登叫左多麻醬。呢到嘅麻醬真係無得頂，唔係太乾太水，但又好入味，腸粉本身都非常滑。嗯咁多年水準依然無下降，又係正常腸粉價，下次經過開再食

Went for the rice rolls which you order to the side of the restaurant in the alleyway.There are 3/4 different sizes, went for the cheapest at $10.Instantly cut and put on a plate with multiple sauces to choose from.Ate in the alleyway as did many other customers.Rice rolls were fresh and hot and for $10 you really can’t go wrong! A decent sized queue but it moves really quickly

去深水埗第一時間食合益泰，叫左$30腸粉應該有12條， 加兩杯豆漿， 腸粉保持水準，滑，配合埋醬汁多芝麻，真係好味 係香港遊客必食之選。 豆漿就差d, 冇乜豆味， 好似水咁。

細細個冇咩零用錢，買野食最緊要飽肚同平，好味就當然最好啦 呢度嘅腸粉其實睇唔出有咩特別，都係蒸熟剪短加d醬加d芝麻，俾枝竹籤你督黎食就搞掂，冇咩好招呼同靚環境 不過就正正係咁平常又簡單嘅一切，令人覺得懷念又回味自備食物盒買左$20腸粉，多醬多芝麻。條條腸粉油光發亮，撈均d醬加炒得好香嘅白芝麻，一啖咬落去好滿足 不過我始終都係鐘意重麻醬味多d 下次買都係多多麻醬豉油少少甜醬得喇每次想食腸粉都會番黎呢度買真心

今日成三點幾先食午餐，放工行深水涉食個晚餐又多得滯，唔食又怕夜啲肚餓，重諗緊食唔食好時經過合益，諗起佢嘅腸粉，於是又去排隊諗住外賣走。排緊時見到啲人拎住隻碟企响旁邊食，先諗起係可以咁食㗎喎。自從Covid都好少出去食。腸粉好滑，我只加豉油，多麻醬同多芝麻，好好味。另加左辣魚蛋不過係炸嗰隻魚蛋我唔鍾意，下次可以唔叫。

你到深水埗梗係要食合益泰啦！佢有好多年歷史，屹立不倒超過40年以上，經歷咗香港好多嘅時代，陪住好多人成長。🥰🥰裏面工作嘅姐姐，年紀都有返咁上下㗎啦，但係手腳依然係好靈活，上菜好快，中氣亦都十足👍🏻佢哋都係呢一間店代表性嘅人物，亦係呢一間舖嘅特色。講一講返佢嘅腸粉先，雖然比起以前細個食，真係冇咁好食, 但係比起其他腸粉店相比，依然係好滑。腸粉梗係要加麻醬，甜醬，辣醬同芝麻！呢個配搭真係一絕。👍🏻👍🏻👍🏻另外叫咗佢嘅燒賣同埋粉果，燒賣就普普通通啦，粉果都好足料，不過不失。🥴雖然大不如前，但我都會繼續支持合益泰👍🏻

合益泰小食， 位於深水埗熱鬧嘅街市，是香港的人平價市場，每天吸引好多人去流連，經常去深水埗，也特別喜歡去這間小食。這間小店真是奇葩， 非常好生意， 經常都好多人排隊買腸粉，堂食也多人等位， 經常性座無虛席，出品不多， 腸粉 蘿蔔 豬皮 魚蛋 燒賣等， 但真係好好味。過去我食腸粉， 不加芝麻， 因為芝麻太細粒 ，會攝入牙縫，好難搞，但這次我加了芝麻入腸粉，真估不到有一種入口的麻香， 慢慢滲出。蘿蔔同豬皮好夾，特別係蘿蔔，放入口中那種淋甜清香， 回味無窮， 怪不得這間小店可以天天都這麼多人排隊， 真係名不虛傳細腸粉， 醬汁同分量好適中， 芝麻好香，

難得出去深水埗，所以喺巴士🚌上試搵下有啲乜嘢深水埗出名嘅餐廳。最終都係揀咗合益泰嘅腸粉。呢間合益泰喺腸粉關注組都成日有提及，隔咗咁耐之後，終於有機會試到了。腸粉係好食嘅，夠爽滑，又好闊綽咁俾好多豉油，食完之後先發覺原來我唔記得咗落芝麻。腸粉好食，但係腸粉嘅size比起食開嘅幼， 細腸粉$10有4條，如果淨係食細腸粉就未必夠飽。另外我再叫咗魚肉燒賣同粉果，但魚肉燒賣細粒，唔彈牙，粉果冇乜餡，兩樣都唔係咁好食。另外杯凍豆漿就唔錯。

而家真食到滑身腸粉,真係少之又少,可以食到豬油腸粉已經好好大部分都係問工廠拎,個個都交來貨,所以,要睇下邊間肯擺個心出黎都係睇蒸得透唔透,用咩油,咩醬汁有心,係食得出睇佢肯配搭就知冇計,人到中年,越念舊,好掛住舊時,掃街,火水味,豬油鵝油味比較起上黎我係鍾意鵝油多D呢度腸粉勝在個汁，油多,食落滑口,豉油都較得幾好,唔會太甜腸粉冇左米香味，食汁only推介:腸粉ONLY…其他算啦P:泊車位,少量咪錶,近體育館

經過深水埗一定會諗起魚蛋，燒賣，牛肉球，豬皮蘿白等等既街頭小食。而我呢，會諗起合益泰小食，呢間係一間港式小食店舖，除左小食之外，粥同珍珠雞都可以食到。小店大部分時間，店舖都坐住不同既客人。每次行過深水埗都會想入去掃返轉。呢間小店既腸粉超好食，特別係自家秘製既麻醬特別香，醬料可跟據個人口味自己調配，曬上芝麻，拎整碟腸粉外觀增加層次感，口感非常香滑。今次我地點左中腸粉(6條) $15，魚蛋豬皮蘿蔔$30，同埋兩杯豆漿。一如既往的好食