德國熱狗 (Closed)

勝利道既呢間熱狗鋪，好細個已經食過多年後再食依然覺得好食不過唔再見到以前既姨姨，變左幾個後生仔但而家真係幾貴下，成50蚊個餐$50 秘製維也納腸熱狗(三色醬) ，連薯條，可樂讚下個包，超鬆軟依舊落咩醬都係自己決定，選擇困難既可以三色醬 或 混醬（五色醬）平時食熱狗正常要多醬，呢度唔會俾好多你因為條腸本身有肉味，夠味情況下唔需要太多醬薯條 or 薯餅都即叫即炸，而且好足料咬開果陣d薯仔蓉填滿晒

聽聞朋友說有一間細細間的熱狗小店非常推介，它位於旺角何文田之間，當天在旺角閒逛，便決定去找找看。一到小店，看進去實在沒有實質的坐位，大概有6張櫈，也有一些小小貼著牆身的小桌，裝潢較舊式。進去是先點餐付款，有大概十多款的熱狗和漢堡。忘了熱狗的名字，但味道兩款都很有層次。當中的配料很多，有芝士肉醬及兩款熱狗醬，吃起來真的很豐富口感。另一款熱狗配了洋葱，特別香口，腸仔帶有香草味道。另外要提及的是薯條！！很熱辣辣的，而且是粗薯條很有薯味。很喜歡這小店形式的熱狗店，很親切的感覺，很想下次再來多試幾款熱狗！

仲記得中學時代，日日lunch都黎德狗買熱狗或者薯蓉食，因為價錢相對其他餐廳平，畢業後都好少過黎呢頭啦!咁岩要去買寵物野，所以就睇下有冇開，因為以前係冇開到咁夜架!去到發現唔係以前個姨姨，就係到諗緊D野食會唔會都轉左呢!好在都仲係同以前一樣!細個得好少錢食飯，所以叫黎叫去都係食1號餐或者薯蓉，而加有經濟能力，一於食貴少少!匈牙利腸熱狗，香腸比較粗身，咬落個皮好脆，帶有少少黑椒的辣!這裡的熱狗包是芝麻包，比較鬆軟!加上叫了混醬同埋加左肉醬(不過忘記影相)，口感豐富，更加有層次!辣味燒烤腸熱狗，香腸也是粗身的，腸皮也是脆卜卜，帶有少少辣!芝士漢堡包，這款是最簡單的，有漢堡扒加芝士，雖然普通，但有種回憶!薯條是必點的，因為是粗身的薯條，外脆內軟，而且可以揀要BBQ醬代替茄汁點架，特別惹味!我諗我都要多啲返黎支持小店先得！

值得繼續支持既小店依間小店原來已經開左20幾年，當年由德國人創辦，轉左幾手人，呢啲藍色餐盤已經用左好多年，買少見少，好有童年回憶瀦留腸熱狗芝士熱狗兩個都好出色，即叫即整，拎上手熱辣辣，一定會再幫襯

呢間專賣德國熱狗嘅專門店，真係名副其實！佢搜羅左不同款色嘅德國腸，真係可能你講得出嘅腸佢都有！今日試左佢個肉醬熱狗：可能因為有肉醬嘅緣故，條腸比其他熱狗細。不過即叫即整，夠晒熱！食熱狗應該最重要係醬料，而呢間鋪頭有好多醬料選擇——有茄汁、酸瓜、芥辣、BBQ醬、沙律醬等等，亦可以簡單講一句樣樣都要，咁佢地就會樣樣幫你落d。唯獨有少少瑕疵，就係地方太淺窄，目測只有5-6個位，所以見到有好多人都係買外賣走。

話說有一日約咗個朋友請佢食Lunch , 諗住佢會揀一間坐得舒舒服服，又或者可以影下靚相，打卡呃下like嘅餐廳啦，點知佢居然話想去食德國熱狗。同我講話好好食，真係好好食。我覺得好攪笑🤣 有咁好食嘅熱狗？ 不過冇所謂啦，就同佢去食。入到去，店舖非常細小的，大約只有四、五個坐位吧！ 不過熱狗嘅選擇種類都幾多， 起碼有二十種以上 。都唔知點揀好。有德國脆皮腸、家鄕白腸、秘制維也納腸、肉醬熱狗等等...... 最後點咗幾個試，比起平時食嘅熱狗唔算有太大驚喜。不過配料方面比起出面都算多選擇。我自己就鍾意加德國酸菜😋 另外忌廉粟米薯蓉都幾特別，好似粟米湯加落薯蓉到食咁。

依家做埋夜晚，不過啲質素真係好參差，隻熱狗條腸又細個麵包又唔趣，個肉丁硬骨骨，根本班細路冇heart做嘢, 同晏晝嗰班嬸嬸係兩回事!夜晚真係唔會再幫襯！差差差！！

這裏提醒我時新快餐店幾十年老店門面細細熟客卻好多我看了菜單差不多5分鐘實在太多不同香腸的選擇亦有很多不同的配菜選擇有點困難看到前面排隊的客人都點了薯條 見他們點得這麼熟練 我跟著辦熱狗麵包夠熱 香腸味道濃郁 醬料配搭得宜需要一讚的是薯條和薯餅真的很好吃我從不是煎炸的粉絲但卻非常欣賞很脆很熱很新鮮看了看介紹 原來這家店在香港設有香腸的製造產房 交貨給很多香港的酒店🏨老闆是德國人 所以命明德國熱狗🌭️幾十年的老店吃的滿滿是人情味

細細個已經食丶起碼食左廿年，今晚特登係旺角行走食㸃左個1號餐肉醬熱狗丶出餐時真係嚇左一跳，個熱狗包打開左之後見到一堆肉醬但係唔見條腸，原來條腸細個要搵放大鏡先見到！另外現時接手啲金毛後生仔真係以為自己好風趣，但係呢D服務真係唔係好合適!

一間細細地嘅熱狗店，估唔到可以喺勝利道依條食街屹立不倒咁多年。🌭佢仲要係開得晏收得早，其實返工人士就好難就到佢開舖嘅時間，因為放咗工再嚟就一定已經打烊了。所以成日都有種感覺係佢哋唔休做咁樣🙈我諗佢哋多數都係靠中學生嘅生意啦，因為見到晏晝話下午茶，中學生放學嘅時間都好多人幫襯。依間鋪頭都係由中學嘅時候成日去食嘅童年回憶！最記得係佢個肉醬撈丁，其實就唔難整但係就係食回憶！熱狗，反而就冇特別鍾意食。會食佢個豬扒包，佢有隻青瓜醬係自家製好好味架！不過講真大個咗再返去食就真係覺得唔係咁特別。但回憶的味道就是最棒的咯！

係勝利道開左二十多年的老店，朋友帶我黎先識食，認真失禮慚愧。外表平平無奇，內裡甚至有點殘舊，但係平民老店就係咁先至有傳統風味。食物方面，裡面有好多款不同種類香腸。一份套餐，包括一客熱夠,，一份配料，加上飲品(HKD40)，價錢算係合理，當然唔會經常食，小食多滋味的道理就係咁。今次試左【香蔥豬柳腸】，洋蔥再配合芥末和茄醬，洋蔥嘅甜味加上本身已加入香料嘅豬柳腸，唔洗加醬汁其實都已經perfect!一客熱狗唔算太飽肚，當做下午茶就岩岩好。多年黎質素都KEEP到，值得繼續幫襯。

幫襯左十幾就黎廿年上次去見唔到肥姨已經心知不妙不過以往的姨姨仍在，味道係無變的但係今次去明顯份量少左，個薯蓉賣緊$40 但係得返三分二，見到收銀哥哥抔左半碗薯蓉落去又抔返幾羮出黎.....明明人已經少左，但係仲混亂左。邊個客飲咩野又唔知，人地叫左咩餐又唔知，反而後面整緊野食的姨姨仲心水清睇到之前的comment話打電話叫外賣通左但係無人理我現場都見到阿哥仔佢接左個電話，擺低左繼續收錢，之後又推個電話俾後面個哥仔聽下次真係要好掛住佢的味道先至會去，希望整野食的姨姨唔好走....

Lunch Time 路經油麻地 見到有間熱狗店 咁熱鬧就去左試一試好鐘意食腸既我 點左個熱狗🌭️比100分先講服務點餐到食物到手 不用兩分鐘 好有效率果種傳統快餐既風味 香港我覺得越黎越少 值得幫襯同 支持 👏🏻收銀大叫一句 廚房即刻整再講野食個面包係微微脆 洋蔥食落少少甜 加上茄汁芥末 完美配搭😋 腸就唔使講 一個字 好味❗️眼見舖面不算大 只有幾個位 但一路有客人入黎 亦都好多學生捧場 總之好食啦 人生第一次OpenRice 寫食評

食左熱狗餔近十年，鍾意果度快靚正又親切。最近老闆娘交左俾兩位候生仔打理。服務水準真係差左！有次打電話叫早餐外賣，接通後候生仔叫我等等，佢繼續同現場嘅顧客落單，之後就一直無聽我電話。由於電話係好難先打通，所以我選擇繼續等。我等左十五分鐘，一直聽到現場嘅對話，最後唯有放棄前幾日去食早餐。見到候生仔突然走開左，由嬸嬸落單。咁啱有幾位顧客出現，又有電話入。嬸嬸要聽電話又落唔到單，結果有顧客走左！至於食物方面，份量明顯比以前少左身為街坊，真心希望兩位俾心機做。唔好嘥左老闆娘嘅心血

今日係一個忙碌嘅周末, 行開窩打老道要食個 quick lunch, 朋友同我講呢度有間好有懷舊風味又好食嘅超細熱狗快餐店, 就一於去食啦去到店面真係好細, 而且只有幾張吧台高位。其實除左熱狗之外, 仲有好多公仔麵餐因為店面好細, 大家最好係門口嘅 menu 睇定晒之後先入去嗌野食👍而熱狗都有好多種類選擇。我選擇左珍寶芝士腸熱狗 + 牛油粟米(連茄汁同芥辣醬)。第一啖咬落去已經食到好香芝士味, 之後芥辣醬嘅味就沖上黎, 好香啊！💟唔單止所有醬汁一 d 都唔少, 而且條腸都好大條, 剛好中和芝士嘅流味。而牛油粟米都冇好濃嘅牛油味另一個選擇左匈牙利辣味腸熱狗 + 薯條 (連茄汁同芥辣醬)。辣味腸對食得辣嘅人實在係一個好好嘅選擇, 因為好夠辣再加埋芥辣, 實在係太過癮啦😂😂而薯條都係粗薯條, 剛剛炸好, 好好味啊！總結: 2個人叫左2個熱狗套餐(連一罐罐裝飲品) total HKD94, 因為只係一間小點, 有機會食材會好快售罄, 大家最好早少少幫襯啊。極力推薦另外因為只有少量座位, 所以唔介意可以外賣。