豪大大雞排 (Closed)

同男朋友出去行街, 經過見到有好多人拎住大雞排行過, 為食0既我地就去買0黎試試~全店只售2種食物 :: 大雞排 / 香香雞 (各售$25)大雞排...剛炸起加少少淮鹽, 少少辣粉色::炸雞一大塊, 睇落都OK香::普通味::一口粉冇乜雞味雞肉口感似「X樂雞」...「鞋」炸皮同肉分離...油多到漏番出0黎, 食到尾0的炸皮係油浸!!!未食過台灣0既, 單係以今次經驗評, 真係唔會再有下次...

所謂台灣進駐香港小食，香港人總是貪新鮮，會走去試試，事實上，在台灣也不見得特別好吃的有骨雞排，來到香港味道又甚會突飛猛進？講真真係好難食，皮同肉係分離，粉又幾尺厚，而且仲要等十幾廿分鐘，去KFC食一個餐，條氣順好多。順帶一提，豪大大香港店定價為台灣兩倍。

昨天同事買左件雞扒食唔晒請左我食,雖然凍左少少,但係都好味呀,唔算好多肉,係骨多,辣辣地,同事話有好多粉可以加落去,佢加左少少辣粉上去,味道都幾好呀.都好大份的,d肉都好滑唔會過火呀,我鍾意食.好懷念台灣的味道,如果切開細細塊食得仲方便呀.

去台灣旅行必吃之物美味無比見香港終有得賣, 必要一試!可惜.....終究不是新鮮的雞排做不出同樣的美味......看來, 要吃還是得到台灣去.....

豪大大雞扒系香港鬧市旺角開檔好多人都特別一試 星期6ge下午當然大排長龍排緊ge同時好多人系隊ge中間插過 感覺好不爽但鬼叫你條隊排到出馬路 阻住人行咩終於排到我地 叫炸野ge staff好努力炸緊同拎起炸好ge雞扒另一位staff就問我地要唔要辣 隔離果位就落緊粉做野算快手ga la 食左好耐都仲熱辣辣 呢個要讚呢間豪大大同士林果一樣 唔幫你剪,太浪費時間人人都大大塊咁拎住黎食 不過價錢就系市林ge2倍 而且仲要有骨我覺得一d都唔抵食 都系靠d味炒黎吊味 皮肉分開得好緊要食到最尾d骨位真頭搵唔到肉黎食 更加唔想食試完呢次都唔會有下次 除非再去士林再食la!

豪大大雞排是台灣士林夜市的名物, 特色在於其巨大的尺寸, 更有未食過豪大大雞排別跟人說去過台灣云云. 現豪大大過江來港落戶於旺角鬧市, 吸引不少人慕名而来一試.晚上約7時左右有不少人在排隊, 可幸人龍倒不是十分長. 店內的雞排隨炸隨起十分有效率, 等了一會就已經買到.雞排十分大塊但好像有點簿身. 新鮮炸起的雞排外層香脆, 而內裡尚能保持濕潤不會乾巴巴. 食味都幾淡, 要靠味粉來吊味. 在台灣吃的雞排是沒有骨的, 不知為何來港變了有骨雞排. 雞排有骨影響進食的方便程度, 本人對有骨的東西會興趣大減.25元一塊雞排不算便宜, 希望能改進一下, 不要自己拆自己招牌.

之前試左中旅社個面個間..2x$又係..唔太值博..今次試埋呢間長期有長龍既雞扒啦..感覺都未如理想..拎上手只有(大件,新炸物,人人都食)而沖勳頭腦..食落亦會覺得咁大塊2x$就好飽可以..唔駛幫襯肯得雞啦!!但錯!錯~~哂~~先係食完回想始終唔覺有值得回味既一絲雞味係口中...再者如下面所講皮同雞分開哂..整體係皮槍分..我諗我友人可能會岩d..因為佢經常食雞只食皮.最後佢未如所見咁大件..食到底都一樣係雞胸咁有一大舊骨..

七月時去了台灣, 成日都好懷念 "士林夜市" 的 大大雞排. 知道旺角有, 一直都好想試. 今日終於試到喇 我覺得味道都唔及台灣. 不過都 ok. 炸完都唔干. 而且味道都唔錯. 食完都唔口干. 不過就覺得比台灣薄咗啲....最重要就係...$25真係貴咗啲. 除非減价 or 做 promotion. 否則, 一次就夠了...

放工約friend去旺角行街, 見到新開左豪大大, 即試!見得兩三個人排隊, 而且就算即炸應該唔駛等好耐,所以我等.... 等...... 等了又等.....終於到我既時候已經半個鐘喇~~同佢講要小辣, 位女士就用國語同入面位先生講,由位先生落粉.... Wow~~ 大大塊... 熱喇喇... 不過.... 冇雞味!表面都只係有味粉既地方有味, 其他 - 冇!雞肉好鞋, 好似白烚雞咁, 炸皮同肉分開, 係我記憶中, 台灣食果塊雞排好正架喎~~~廿五蚊塊, 其實都真係幾貴, 當比人搵一次笨啦!!

嘩~~~咁多人排隊o既??? 不過都想緬懷一番, 所以都照排~~~$25一塊, 價錢我覺得還可以, 當然係有少少貴啦~~~但都係食一次, 所以ok!!!真係超級大塊, 大過塊面啊~~~ 哈哈, 3個人食先o岩o岩好, 2個人食到好飽, 可以當dinner!!! 佢lee度我覺得得個"大"字, 塊雞係新鮮出爐但無雞味, 而且成塊雞係無味添~~~ 佢有問我地要唔要辣, 我地唔要, 但我expect味道唔係淡成咁law~~~ crazy!!!!!!!!!!! 一路食只係feel到自己食緊炸物............................我諗佢o向調味方面要下d苦功...........因為咁樣只係吸引人客食一次, 而唔會再幫親~~~始終覺得佢同台灣o個d差得遠~~~~~

早1個月前行開旺角無意中發現豪大大喎~心諗係咪好似台灣果d無牌貨呢~豪細細/x大大果d乜都有架嘛~於是行前d睇真係佢個招牌喎~由於果日bf喉嚨痛所以下次先食~點知一等就1個月lu~終於比我地試到喇~其實味道係同台灣差唔多0既~拎上手又係熱到咬唔到~連d辣粉等等都完全一樣~好似真係0係台灣食咁~點知越食越怪咁~皮同肉分開哂~d雞真係有d"鞋"呀~最最過份係要成hk$25喎~上年我地食只係圍番港紙hk$12咋，真係成個double仲多1蚊添~可惡啦不過好奇怪咁多網友都話點解有骨~雖然上次我食到一半就冇食~但我都知bf最後係有骨架喎~當然今次都有~所以我地唔覺得出奇~乜台灣果d冇骨架咩？短時間內試過就好喇~如果唔係心癢得好利害我地都唔會咁快再食呀~終於真係唔划算呀

我記得去台灣吃雞扒，我係吃得好快，好好味架，無骨的。大大雞扒終於登陸旺角，我們去到都有條短人龍，未見瘋狂，雞扒成個頭咁大，但貴了些，25元，即叫即炸，有辣有不辣，食落會發覺雞肉無咁大，有三分二係炸皮，肉同皮係分開的，雞肉鞋口，無雞味，幸好一塊雞，五個人分來吃，如果一人一塊，我們實心痛死。

在旺角看到有間新的大雞排, 人龍差不多排對面大廈,心想: 雖然$25貴了一點, 不過應該會好吃, 就花了大約15分鐘排隊等.從剛拿到雞排, 直到咬下熱乎乎的第一口, 都感覺又超值又好吃,可是, 咬了兩三口竟然都是炸粉, 原來外面的炸粉像個殼一樣, 跟裡面的雞肉完全分開了......... 囧TL當我終於咬到雞肉的時候, 才發現它竟然一點味道都沒有,而且雞肉一點也不滑, 還很硬, 那$25真是白白浪費了.......... (流下悔恨的淚)當我吃到最後的三分之一的時候, 竟然發現.................... 有骨??!!!!!!! Σ(⊙口⊙)而且是好大塊的骨??!!!!!!! Σ(⊙口⊙)竟然有三分之一是骨??!!!!!!!!!那一瞬間, 我突然有種 "被騙了" 的感覺............... OTL (無力)最後, 吃完還感到口渴......................... OTL除非這家店願意改善以上幾個問題, 不然, 我再也不會光顧了..............

見咁多人排隊加上未係時間食野於是買一塊試下內只是一塊硬實實﹑沒有雞味的肉更甚的是可能大量製造的關係醃製時間根本不足﹑一點也不入味只吃到椒鹽和辣料的味道去台灣食豪大大我諗十過有九個都係貪好奇同新鮮去第一次去台灣肯定會試，去第二次已經唔會再食當豪大大黎到香港再靠這種新鮮感能夠在香港屹立多久呢??

行旺角，見到咁多人排隊，諗住應該好好食。點知...雞肉無味，炸粉同０的肉分開曬有０的似食無涵既煎堆一樣外層只有味精粉．．．我都唔浪費食物既人來既，不過今次我真係食左一半就掉左入垃圾桶。自己心情覺得好浪費＋曬錢＋比人搵笨。