HOW Food Factory (Closed)

今次係第一次試呢間餐廳， 有app搵到半價就一於試下整體黎講食物和環境都不錯地方大坐得舒服食物份量大而且咖啡整得好靚餐廳係工業大廈裏面但位置容易搵同近地鐵站值得推介

有朋友介紹呢間工業區內的餐廳，好耐無去觀塘食晚餐，所以趁週未試一試。....門口很有日式、文青feel 呢。原來除了餐廳Food Factory，亦有賣家俬衣服，同salon。....一半是餐廳，一半用作其他用途，earth tone 一貫的設計，清新脫俗。工廠有個好處是，樓底高，空間大，very spacious，唔逼。..桌與桌之間分得幾開，所以唔算吵，好適合情侶拍拖、朋友密密傾，及家人relaxing family day 的晚餐。..Dinner set 的價錢十分合理，百幾蚊有湯/沙律、主菜、飲品及甜品。..賣相高檔，用料品錯，抵讚.主菜叫了雞雞及豬豬。..Green Tea Latte 非常濃馥，正正呀.紅豆芝麻雪糕是餐送的，但我見甜品櫃都有其他甜品選擇。.食到一半飽飽地，就去家居部散散步，好得意的experience!..食完，好滿足，bye bye，有機會一定再來

因為唔係住依頭,所以晒左時間黎搵依到一入到去舒服,寧靜地方同朋友6點半去, 無咩人,因為睇左網上評價,話啲 waiter 態度差,都驚驚地但可能無咩人既關係,waiter 既唔差, 我幾鐘意佢地係唔會點sale 你食咩好但你想佢比杯水果啲,都好快手,好爽手今次點左二樣嘢大蝦意粉, 味道唔差,有二隻大蝦,個意粉好 creamy, 好正但份量唔多,比較岩做下午茶多啲牛扒, 叫左7成熟,好開心佢真係岩岩好7成但味道偏咸,好似無咩牛肉味肉質唔錯

呢日放假 H先生帶媽媽去cafe嘆下💁🏻‍♂️💁🏻‍♀️觀塘既工廠區隱藏住唔少高質cafe🙆🏻‍♂️環境舒服之餘 食物質素仲要唔差😯上網做下research就出發🏃🏻‍♂️🏃🏻‍♀️.媽媽就食呢個「美國穀飼豬斧頭扒•薯蓉•薄荷蘋」佢大讚呀😻豬有豐富甜味 睇相可能覺得個面煎得有啲燶🤔但食落係好香口 無燒焦味道😋非常厚切食落好滿足😚一切 感覺有少少鞋 好似overcook左😉但食真又唔係播 肉汁幾多添😛特別係近條骨既位 肉係特別嫩滑架😝仲係粉粉地色最後H先生仲要求食乾淨條骨😂另一樣吸引位係個薄荷蘋果sauce🍎本身兩個人同樣都唔鐘意薄荷味配食物🙅🏻‍♂️但呢個醬係輕輕既薄荷味 反而側重左去蘋果身上👌🏻襯豬肉可以減少個油膩程度✌🏻蘋果既甜味仲更加突出到肉既香甜😋食完一致認同下次值得再食😇.H先生就食呢個「紐西蘭黑安格斯肉眼扒•炸薯角•烤蕃茄」🐄Juicy而且口感嫩滑👅牛味都算濃架👌🏻Order 5成熟 做得好好👍🏻切開見到紅肉 仲有肉汁流出😻厚度適中 有𡁻頭😚中間位置有啲筋 稍為韌左啲 未必人人鐘意🧐配菜新鮮 薯角都係熱辣辣 脆既😛餐廳好有空間感 因為用左成層工廈😮隔離仲有簡約時裝同日本高質傢私睇😂成餐

令人懶洋洋嘅下雨天⛈，未夠鐘同朋友食晚飯，一個人係觀塘最好就係到咖啡店到hea💭。.呢間咖啡店除咗提供咖啡☕️、西餐🍽飲食外，亦係一間office，更係一間賣傢私及精品的小店，好多日本精品都有得賣，飲完杯#cappuccino ($42)，就可以順便行吓，好好hea嘅咖啡店。

由於觀塘是朋友們之間的中心點故時常於觀塘搵cafe 今次搵到HOW，地方闊落，就算人多，檯與檯之間也不會過於擠逼，是日到此，與朋友聚聚舊，食個午飯。環境很舒適，食物也是好很不錯，今次點了burger ，burger 黎講也是好吃，其實的很怕食burger因為會食得很「呢hea」，但今次沒有，可能是因為菜沒有放太多於漢堡內，我個人比較喜歡一口咬，而不是解剖漢堡進食，所以我是很歡迎HOW的做法。噢咖啡黎講也是不錯的，我個人冇咩要求，所以飲杯咖啡，食個輕食，同朋友傾計，呢度可以符合哂所有條件。唯一就係佢有時限，不過我同朋友今次去，過了時限也沒有被請走，賺左賺左，哈哈。而且餐廳同傢私店是同一地方，（地方大就是好）我們食完，逛了一下，感覺好似日本cafe。脫離一下香港擠逼的環境，快速的步伐，崩緊的神經，也很不錯。

觀塘工廈係多，但地方咁大就未必間間做到！今次黎到依到食生日飯！雖然工廈位置但都易揾就腳！食物方面🌟青咖哩蟹肉燴蛋黃闊條麵依個菜名睇見就好想一試，但味道比較辛辣，食得辣嘅朋友應該可以駕馭到，但惹味係做到👍配上茄子，都幾有特色！🌟豬斧頭扒配蘋果醬依道菜最正係個source!!!佢嘅蘋果蓉係好清新fresh，將每啖肉沾上去，簡直係一流🤤肉質方面當然都好食，而且依間真係份量大🌟西班牙黑毛豬配薯角依個黑毛豬又係大份，肉質都好嫩身，雖然對比岩岩個蘋果source 無咁出眾，但都係一個唔錯嘅選擇😋每道set都會配上沙律/湯依到生日碟係黑色！木系枱真係好正

觀塘區很多西餐廳，今次同朋友黎試下文青系西餐。室內環境好大，坐得都舒服，不過枱與枱之間拍得太近，傾計就唔敢太大聲，怕隔離枱聽到，如果距離遠d 感覺會好好多。主菜跟餐湯及餐茶，個粟米湯都幾好飲，飲d 熱湯開開胃先。美國穀飼豬斧頭扒/薯蓉/薄荷蘋果 $188擺盤色彩鮮艷，有薯蓉、蘋果蓉做配菜，食慾大增。豬扒雖然厚，但煮得好稔，好入味，唔錯。日式和牛芝士漢堡 $158好多沙津菜伴碟，感覺健康些，食得冇咁內疚😂 漢堡扒好多肉汁，都好大個，同朋友share 食啱曬，味道有水準，驚喜不太大。日式脆炸芝麻雞翼 $78雞翼大大隻，肉質好嫩好juicy , 炸得好香，外層又唔會好厚粉，雞翼做得最出色😋 好想再食多幾隻。食物都ok 好味，不過我覺得價錢定位有點高，由於地方大，一大班朋友黎share 食就會比較適合呢！

今日同好友去觀塘行街，順便試下觀塘近期既特色cafe.巧明工廠大廈都幾易搵到，沿住巧明街行就見到。一上到去，感覺環境寬闊，成間木色系，好舒適。兩個人，點了一份 忌廉帶子燴飯，一份 慢煮雞胸, 一份日式燒玉子。午餐有餐湯/沙律跟飲品附送。除了燒玉子稍為遜色，略乾，其他食物味道都很好。忌廉帶子飯有質感，奶味出，慢煮雞胸是滑滑的，醬汁也很配。是日湯為有日式感覺的栗米湯，沙律菜也是十分新鮮。飲品點了babychino , woww, 厚厚奶泡入面盛著濃濃牛奶❤️除了環境，食物之外，服務態度也不錯。店員都有禮貌又親切。整體感覺真係 “How” 驚喜，”How” 滿足

琴日同好姊妹每月一聚，搵左一間坐位闊落嘅餐廳。我地預先book左位，所以唔駛等。但有限時2個鐘。不過，其實都好夠時間慢慢傾同食。我地7點去到，唔多人，到8點就開始多人。但都好闊落，冇焗促嘅感覺。我地叫左2個main，一個慢煮雞扒，好好味，好鎖水，好新鮮。另一個豬扒，有啲硬身，但蘋果dressing 好好味，但冇雞扒咁好食。小食叫左日式雞肉煎餃子，好香，唔油膩跟餐有一杯野飲（茶類）仲有跟左一個紅豆芝麻雪糕值得encore 👍

一早係openrice 訂左位，上到去餐廳好闊落，無論幾多人去都唔會感覺迫夾 地方光猛 無壓迫感 店員服務態度良好 上菜時間亦唔需要等好耐 文青 情侶 一班朋友相聚既好地方 推薦

又用eatigo訂位來食午餐地點係工廈中，地方好大好寬敞，超舒服的一半餐廳一半賣傢具的。唔知呢間餐廳係半自助定唔係有人帶你入座，不過點餐就自己出去點。調味料或水就自己去自助區攞，但碗碟餐具服務員又會拎來喎星期日的午餐，呢度都full，真係週末好去處丫。我地點左4個main加一個沙律。沙律唔大，蔬菜好新鮮，魷魚軟骨幾特別，唔會好似雞軟骨咁硬，又唔似魷魚咁淋，有少少咬口。個醬油汁唔會太鹹，甜甜地的三成熟的牛排，其實可能都有5成熟，不過呢個幾好味，都嫩滑，唔嚡口最下面的豬斧頭扒，嚡到一個點不過蘋果sauce 同薯蓉都幾好味。右上意大利飯個人覺得乾左啲，又無乜味。無creamy的口感。第4個黑松露意粉就正常但如果多返少少汁就好喇！

Weekend同老公去觀塘工廈區食晏，本身諗住去食開二樓嗰間西餐廳，見上邊開咗間新嘅餐廳未試過，於是就想着一下去食HOW入到去環境好大好靚，寛躺，舒服。餐廳分開咗三部份：一邊係買嘢區，有唔同嘅藝術家放佢哋嘅作品喺度賣，包括傢俬、衫、首飾、碗等等；一邊係workshop; 最後當然係食嘢啦！老公叫咗安格斯牛扒。牛扒要五成熟、煎得啱啱好。牛味濃，厚度身，但唔韌。好好味！我就叫咗個西班牙黑毛豬。呢個就有啲失望😞豬扒冇乜味、厚得滯，有啲韌，切唔開！嘢飲叫咗摩卡同埋梳打，都唔錯。Weekend冇下午茶Menu，散嗌有啲貴！

小編做過服務同飲食業（同行友人亦都係），做過幾年咖啡店，唔通又要同你講咩。其實真係要，因為有D人會覺得我地呢D會即場向職員反映嘅人等如 _客，佢地唔會知你可能都係做服務，覺得你就係奧客。自問serve人嘅時候對得住良心，亦都見過唔少麻煩客。自己出到去都會注意下自己嘅言行舉，不過有時都唔知自己係個客，定個職員係客，有D職員真係高高在上，不可一世。講返呢間先。其實小編喺佢開業之後都光顧過幾次。嗰時所有野都係好D嘅，尤其係服務態度。小編係食過D野好食，咖啡同其他野飲都好好飲，又坐得舒服。小編成日都向其他人介紹呢間cafe。小編呢排先玩openrice，本身想比個好評支持下佢地，但因為太耐無去，相都舊哂，費事比D唔準碓嘅資料，就諗住搵次再去食先再寫。點知無黎呢度一年，好多野都變哂。首先想講下呢度嘅服務態度。大致上呢度D員工都係一般，唔好但都又未到好差。(不過冇同其他員工交流過唔知)以上嘅描述當然唔包括個別員工啦。落單位員工唔知係咪帶住耳機同其他同事溝通，所以心不在焉，兩個人分開叫，一個人只叫一杯咖啡，冇customise，佢都要人重複。其實呢個唔算大問題嘅，但會令個客覺得你做緊乜。其實嗰度咁多

本人不懂烹調食物, 不便評論太多, 但至少 CP 值合理. 為何CP值合理, 對比週邊收取接近格價的餐廳來說 (不論位於工廠大廈樓層以內或經營於大街上), 份量與價格合理. 外面有些餐廳, 同一價格卻奉上僅 3 至 4 口的份量 (如 Risotto, 外面餐廳像食風一樣, 食完等於無食, HOW現時的份量來說一定不會)基於有多年餐飲業經驗, 扣除店面租金及華麗裝修成本, 以工廠大廈租金來說, 人均消費貼近酒店 (三至四星級).作為一家餐廳, 以一份午餐豬扒餐 (如無記錯around HKD150), 還好像額外有10% service charge, waiteress/waiter 送餐服務像茶餐廳一樣, 椰林閣, 澳洲牛奶公司, 花園酒家, Cenacolo都比這餐廳好. 過程: 8-10人的一桌飯局, 每人點一道午餐, 送餐湯時 Waiter/Waiteress 只安放在桌上某一端卻非獨立派餐, 而且要讓客人自己傳遞給席上每位, 此乃服務上需要改善的地方. 若果經營的是中餐並附上轉盤或餐聽空間有限, 也可以叫作合情合理. 建議真的有心營運餐廳, 投資者有責任去光顧今時今日跟貴餐