Hugo Le Resto Grill (Closed)

Book檯有優惠！原價288的美國頂級牛腹肉扒減價了就非常抵食原價已經是性價比高，減價了簡直是性價比非常高。叫了5成熟，就真的5成熟。肉質幼嫩，不難咬。有非常少量的筋，不影響進食。

4/12/2019嗰日，一班朋友話要同我&另一個朋友慶祝生日，咁我話我想食西餐，咁佢哋就揀咗呢間餐廳俾我啦，咁因為我要儲miles嘅關係，咁book位呢個重任就交咗比我，Book完位，就發覺原來係OpenRice book左位之後可以用優惠價識到一個set，咁當然book完位之後就打去confirm下個booking啦，然後順便問下佢生日會唔會有咩優惠，咁佢就話你個set個心太軟可以幫你寫啲Happy birthday嘅字句，而家諗返起都覺得好好笑，要寫Happy birthday俾自己咁到咗嗰日夜晚，我哋7:00去到，咁就開咗支白酒嚟飲下先啦，然後慢慢等齊人，咁就叫咗六個OpenRice set，然後其他四個就食佢original嘅Menu，咁普通Menu就包埋沙律吧，同埋任食薯條，咁因為我哋OpenRice set有甜品嘅關係就冇呢個沙律吧同埋薯條，然後終於主菜上嚟啦係一塊鵝肝配一塊西冷牛扒，本身我就唔係咁鍾意食鵝肝，但係佢住得好軟，然後又入晒味，感覺荒廢牛啦我就叫咗五成熟，但係出到嚟應該會有七成熟左右啦，不過都唔緊要我覺得質素都算OK牛有牛味，然後我試咗一啖普通Menu嘅牛，即刻

從網上特價訂枱, 下午四時半鐘到餐廳, 一個人都冇。侍應拿出單點餐牌, 選擇超少, 意粉單點都要200幾蚊。 詢問侍應有沒有其他選擇, 他說沒有, 只好照餐牌點菜。 到後來有另外一枱客到, 同一個侍應竟拿出下午茶餐牌。我詢問要看那餐牌, 問了兩次才拿給我。 原來一個茶餐加飲品才買50多元， 但我的餐牌單叫一個意粉要240元再加一。 當我 遊客任劏， 真係太唔老實。 食物質素 實在亦都太一般， 就係 50蚊茶餐質素。

餐廳係銅鑼灣一個唔太顯眼既大廈入面，而餐廳燈光微弱，播住英文歌，裝修有小小古式，好有西餐廳既格調！餐包佢有2款唔同既包，好特別！而包有烘過，熱熱地，好脆！美國頂級牛腹肉扒我地叫左7成熟，佢係鐵板上，可以保溫，唔會食到最後舊肉凍晒，呢一點好細心！佢既牛味都有，但有小小韌，有啲難咬，不過唔算太差！佢配既薯條就新鮮炸起，配埋黑松醬勁惹味！非凡鮮羅勒香草醬海鮮扁意粉佢海鮮種類好多，蝦、青口、蜆、魷魚等等，份量好足而且新鮮，扁意粉唔會太淋，香料既味道都好豐富！如果無咁油就會更好食！呢度員工態度非常友善，整體黎講都好好！

難得可以同老公撐枱腳lunch，梗係唔可以hea啦！揀左呢間有格調得黎價錢合理，食物仲好好味有個沙律吧，簡單幾款已經好足夠，經常refill, 我添左3次另外有熱辣辣的餐包，仲西餐湯，唔記得影相，好好味 主菜： 豚肉超好味！肉質嫩得黎有啲肥好Juicy!另一個主菜係：西冷牛扒7成熟，有牛味，但個汁就唔夠濃味～

出開銅鑼灣行街，見網上各食家推介呢間，所以上去試下午餐。首先一入門要先行二層樓梯才可到達大堂等電梯，不清楚會不會有其他出入口不用爬樓梯???如果同行有行動不便長者或BB手推車，可能要留意!!!餐廳不算太大，兩旁有卡位，有大窗向外街。選了午餐I及J首先去選自助沙律吧細細沙律吧，蔬菜望落都算新鮮，而且見職員也很積極添加，離開時看見職員將秋葵轉了粟米仔代替。是日西湯 蘑菇湯很香菇味，有濃濃菇味麵包有驚喜雖然湯來了一陣才有麵包，但麵包上枱時是熱及少少脆，應該是即場加熱, 長方型包應該是番茄包，酸酸的配上湯，感覺很好。I 美國頂級西冷牛扒伴紅酒汁$I48 兩個牛扒都選七成熟，結果兩件都明顯過熟。肉質應該是靚肉，即使過熟，切及咬都是用少少力，不致太硬及鞋。紅酒汁無特別。伴碟蔬菜很新鮮及甜J美國頂級牛板腱扒$148總括而言，係牛扒老左少少，呢個價錢有餐湯，自助沙律，主菜，餐飲是不錯了!

星期五放工約左舊同事食飯無意中發現哩間裝修有d老派 不過食物好高質既餐廳OpenRice book位仲有個抵食set dinner 添叫咗一個肉眼扒 同埋海鮮意粉個扒十分之juicy 好耐冇試過有返咁上下嘅扒啦不過個意粉相對就失色左少少普普通通由7點坐到10點都無人趕走 伙記都幾好禮貌值得推介

銅鑼灣區食咩都好似好貴，但有一間扒房稱上糧尾救星，就係Hugo Le Resto Grill～😎 網上訂座成日都會有折扣優惠，但只限散叫食物同埋現金支付如果叫左Signature Dinner，沙律吧可以任食，有干邑龍蝦湯飲，有時沙律吧仲會有青口同蝦，價錢中等，但水準絕對有保證👍🏻－－－－－－菜式1. 美國頂級牛腹肉扒 4.3/52. 美國頂級牛板腱扒 3.8/53. 西班牙伊比利亞全橡果黑毛豬鞍架 4/5以下是牛腹肉扒外配薯條，最好食一定係粗薯條🥰大大條之餘，亦唔會太咸，炸得剛剛好同埋乾身，而牛腹肉扒亦是好水準，鐵板下有個蠟燭可以一直保持牛扒熱度，牛扒總共有四件，相中有一件分左比屋企人🙈味道超重牛味，冇筋之餘亦唔會好韌，個人認為唔需要點汁都已經好好食😋以下是牛板腱，呢塊牛既筋比較多，所以有一部我都冇食到，而牛的味道同樣出色，五成熟冇煮過火，比起牛腹肉較有嚼勁，但薯仔較為有點失色，好似未煮熟，比較生😥黑毛豬鞍好大塊🙈切落去唔係過熟既白色，係少少呈粉紅既顏色，肉質入味，食落唔會好嚡

男朋友生日諗住搵間環境舒服又高級D既餐廳慶祝，咁岩見到呢間係Openrice訂座有特別優惠，仲要有鵝肝同牛扒，又有前茶甜品，即刻Book 枱！餐廳好易搵到，我同男朋友二話不說都點左呢個Openrice special set dinner。首先黎左個龍蝦湯，湯仲可以添飲，之黎就黎左香煎鵝肝美國紐約客牛扒； 揀左7成熟，牛扒好Juicy ，鵝肝仲要好大塊，正！之黎就緊係甜品啦，甜品就係心太軟，一切開D朱古力就流曬出黎，好正，再配埋個曲奇味雪糕，好滿足！會再黎食！

約左老豆收工去銅鑼灣食好西。老豆鍾意食西餐, 就揀左Hugo Le Resto Grill好少西餐廳有自助沙律吧 沙律選擇好多, 大家可以自由揀自己鍾意嘅食材~大食妹最鍾意嘅就係薯仔配煙肉薯仔混合左sour cream, 食落好開胃, 生菜同埋小蕃茄都好新鮮青口有特別嘅調味, 食落水嫩水嫩, 相當唔錯另外, 因為我哋係嗌set, 所以每人都有一舊餐包同埋餐湯。咁啱嗰一日嘅餐湯就係龍蝦湯, 湯頭非常濃郁, 飲落鹹鹹地, 相當有鮮味<美國頂級牛肩肉扒$298> (好味: 4/5) (抵食: 4.2/5)牛扒方面, 我哋揀咗五成熟。上菜嘅時候牛扒係擺喺鐵板上高 生熟度啱啱好, 牛扒唔會太多血水, 亦唔會過熟~好多肉汁呀但係牛扒比較瘦, 食落去都幾健康! 配上炒雜菜, 整體唔會好heavy, 連續食兩餐都冇問題呀<香煎老虎大蝦黑松露鮮忌廉飯$298> (好味: 4.3/5) (抵食: 3.9/5)因為大食妹驚淨係食肉會唔飽, 所以就嗌咗個大蝦黑松露意大利燉飯。黑松露味非常之重, 意大利燉飯應該係混合咗白蘭地, 層次感豐富, 亦都好飽肚

早兩日去咗呢間位於怡和街樓上鋪嘅西餐廳食飯補祝生日。同寶寶叫咗個二人餐，包自助沙律吧，餐湯，主菜同餐飲。沙律吧有蝦，青口，幾款沙律菜等等，我地只係試咗菜類同菠蘿，就係好普通嘅沙律。餐湯得一款，龍蝦濃湯。好重蝦味，湯內有少少龍蝦仔肉。要趁熱飲，否則凍咗可能會腥。主菜叫咗一款飯一款肉。香煎鵝肝炒飯，鵝肝外脆內裡軟熟，但有少少煎燶；炒飯幾香，可惜落得太多油，感覺有d唔健康。黑毛豬鞍架好厚身，望落都吸引，食落亦唔算“鞋”口，但醬汁唔冇乜特別，整體冇乜驚喜。

係香港搵野食真係難 唔係限時就坐到迫一迫偶爾搵到依間樓上西餐廳有自助沙律吧 同龍蝦湯任飲 薯條任食 加埋主菜 餐飲都只係300內 係銅鑼灣區都算係咁位置都好方便因open rice訂台就點左一個openrice special餐 仲有心太軟雖然就唔係極之好味 肉比較淋身 但我認為性價比超高另外點左正常餐單既香草海鮮意粉 （掛住食 無影到）海鮮有蝦 蜆 魷魚 個人認為好好味至於沙律吧 佢有蝦 青口 生果 沙律菜 雖然唔算多 但自助就比個like佢心太軟呢 味道就好 但外表脆左d 同未切開已經漏左朱古力lu侍應服務都好好 不停問加唔加湯同薯條 🍟而且都好友善服務真係加分位絕對會再去食！

身為奄尖港女嘅我, 好少對人對事讚不絕口, 不過今晚呢間餐廳真係令我非常喜出望外.首先呢間餐廳係用某個app訂, 多個時段都有50% off, 不過最後我地無用到呢個優惠, 叫咗個dinner for two, $494+10%, 有龍蝦湯, 沙律吧, 一個扒類, 一個飯麵類同飲品.首先沙律吧質素不俗, 不停食我至愛嘅薯仔沙律, 仲有我至愛之一嘅哈蜜瓜.個牛扒唔靭, 五成熟剛剛好, 薯條剛炸起, 好好味.最最好味係杯熱朱古力(雖然要加十蚊), 加咗層cream, 味道層次豐厚, 勁好飲.侍應又nice又有禮貌.人唔算多, 空間感夠, 坐得舒服.今餐我比100分.

Very kind staff. Booked through open rice app. The special menu from open rice for 260$ is decent. Unlimited soup, fries and access to the salad bar is quite nice which is part of the menu.New york strip along with fois grois was fair. The seafood linguini was ok too. Worth a try to eat at this restaurant.

今晚過大海^^銅鑼灣食好西上到店鋪開著暗暗的燈光，一見到沙律🥗吧就發青光了蔬菜類新鮮，冇想到連冷蝦都算好味，我encore 好幾隻呀。兩人都點了套餐，有龍蝦湯及飽跟上，主菜是鵝肝炒飯及豬肋骨。味道尚可，最開心是有薯條仲配上黑菌味醬汁好味整餐飯，沙律吧必食