Hungry Korean (淘大商場1期)

Open Now

Now Closed

今天，我和家人來到了九龍灣淘大商場吃午餐。遠遠看見一間餐廳的門外聚了很多人在等座位。原來Hungry Korean 在九龍灣淘大商場的分店剛開業。餐廳面積較小， 座位也有限。 由於價錢相宜， 只需數十元已經可以吃到韓式食物，再者在九龍灣可以選擇的韓式餐廳不多，HungryKorean也很受食客歡迎， 門外大排長龍。泡菜湯鐵板韓式牛肉鐵板泡菜豬肉豆腐我們每人點了一份套餐; 套餐內包括一份主食和一碗白飯。 可是，這三道菜實在沒有什麼可以介紹。無論是泡菜湯、牛肉或豬肉全部都是韓式辣醬的味道，沒有分別。也沒有什麼特色可言。店內人手明顯不足。 服務員態度很差， 對須要服務的食客視而不見，即是回應了，很多時也板著臉，對話時語氣很重。這樣的服務態度的確讓食客很不舒服，期望日後有所改善。

Hungry korean都算係幾韓式食品中最平既代表可能因為佢係有特許經營?周圍都係佢分店 但就唔係間間都好食上次食左佢個年糕同飯卷一般般個年糕會好DD 有咬口D今次再食另一款飯卷 揀左最保險既豬肉餡大概等左五分鐘就有無論堂食定外賣都係一樣用錫紙包住豬肉饀其實係肉絲咁 份量唔多味道唔會太濃 無上次個吞拿魚咁伏不過同樣都係果個問題 就係紫菜太淋身淋到完全痴實D飯 無咩脆感可言但三十幾蚊黎計佢確係幾抵食 另外叫左個炸醬面好少食炸醬面無得點比較以為會好濃味 但食完個味同想像中唔同麵條頗有彈性 不過就咁食都幾單調 好彩叫埋飯卷

人生第一次寫食評，就係呢間餐廳琴日我同屋企人去食晏，叫左一個海鮮豆腐湯飯（湯入面只有一隻青口 一隻虾同幾舊豆腐，味道差 諗住快啲食完就算）而我，叫左一個石頭鍋雞飯。點知第一啖食入口舊雞係冰凍既（你冇聽錯、果舊雞明顯係雪櫃攞出黎） 隨後叫屋企人試吓，啲飯都係凍既當時我立刻有問侍應，男侍應話係用個石頭鍋整返熱啲飯？果一刻我忍唔住笑咁冇常識既事情都可以講得出。喺雪柜攞出黎既雞，無加熱係有細菌，容易造成細菌繁殖導致毒素產生並令人嘔吐或腹瀉，何況依家呢個天氣30幾度？我唔想食物中毒，我要求更換。再者有常識的人都知道，石頭窩飯既窩係用黎保持食物熱度，而唔係將一啲冷凍嘅食物整番熱。呢間公司負責人應該好好控制食物質素！隨後我轉換了一個辣味鐵板雞，等了四個字，終於上枱 味道好鹹, 唔會再幫襯呢間餐廳

牛肉石頭鍋飯 $46賣相不錯🙈 配料也多 份量足夠 味道也不錯😋 抵食之選!評分:8/10🌟豆腐湯 $46雖然豆腐很健康 但湯有很多油😳不建議喝呢 而且蔬菜也不只很多 沒有特色 比較一般評分:6/10🌟

一行七人周五晚上到淘大覓食，竟發現又一新店開張了，Hungry Korean,不錯不錯。之前已吃過尖沙咀和中環分店，知道菜式和味道都有保証。這次人多，可以叫好多唔同款式！豆腐湯，炸餃子，辣豬肉壽司，仲有好多，上菜都好有效率，啱晒餓左好耐的我！菜式都有辣有唔辣，不過本人偏好辣，所以叫左幾味都係辣既，食完叫埋杯抹茶鮮奶，解辣一流！總結，地點一流，食物幾好味，坐位唔算逼，不過都幾受歡迎，要等一陣位，不過淘大晚飯時間間間都要等架啦，所以ok, 下次再黎食過，快靚正

一班fd去dinner 有d人冇食過hungry korean 我就都一段時間冇食 原來有新菜式 有人唔食辣野都兼顧到佢地 而個人係食唔到太得辣又想食小小辣嘅人今次發現原來辣嘅食物又可以揀小辣 非常好!share嗌左好多野 d野食黎得都算快 樣樣都幾好食 炸醬麵好食 鐵板甜鷄配飯都好好食係杯抹茶牛奶抹茶味唔夠重 同埋可能晏左去 8半泡菜壽司賣哂啦呢間分店比其他分店寬敞好坐d 冇一排面壁望鏡位 仲有半卡位 同埋可能因為新d 冇咁多人排隊

本身鍾意食韓國野，同朋友行過見到有餐廳新開張，近近地就去試下，本來以為會係普通快餐水準，點知食落令我地好有驚喜。食物水準比得上出邊一D所謂既地道韓式餐廳。我地一行三人，叫做一個辣豬肉飯，一個海鮮煎餅，一個炸餃子，一個水冷麵。海鮮煎餅外脆裡面煙韌，水冷麵夠凍，夏天食好開胃，辣豬肉飯裡面很足料，上面還有一個生蛋，感覺很正宗，最值得一提係個炸餃子，超脆，好新鮮，個醬汁辣辣地好惹味。最主要是性價比超高。快餐價食到餐廳水準。好滿足

一間新開的小店，四方形店鋪的兩邊是玻璃墻，使得店堂顯得光猛。由店名即可知道這是一間主打韓食的餐館。＂豆瓣醬拉麵＂，大大份，食極仲有。簡單的配料，一點菜同三片魚腐皮，湯底濃郁黐口，有醇香的豆味。麵質不錯，有咬口同彈性。＂韓式飯卷＂，有７種配料可選其一（牛肉、雞肉、豬肉、魷魚、吞拿魚、芝士、秘製泡菜）。我揀＂魷魚味飯卷＂，有醃蘿蔔、青瓜、魷魚、蛋、紫菜等製成，少鹹少甜帶少少辣，好味😍。＂韓式炸餃子＂，大大只，韭菜餡，皮脆餡香。＂韓式石鍋飯＂，有５種配料可選其一（牛肉、雞肉、豬肉、魷魚、秘製泡菜）。揀咗＂石鍋豬肉飯＂，顏色豐富，紅綠黑白黃齊全，鍋內有辣豬肉、菠菜、菇、芽菜、矮瓜、蘿蔔絲、芝麻等，再加一只生蛋黃。店家會送上一樽紅色的醬汁供你拌飯。拌勻的飯噴噴香帶少少甜辣，好開胃，鍋底仲有飯焦，正😍！＂凍綠茶牛奶＂，綠茶味再出點會更加好。總而言之，這間餐廳的出品不算精緻，賣相也普普通通，味道還算可以，尤其是有＂價廉＂這個優點。