Hungry Lobster (Closed)

龍蝦包熱潮興起左咁耐，一直都好想試下！今日上完堂諗住去登龍街搵食上次食完拉麵見到hungry lobster 個門面，已經暗暗同自己講有機會一定要去試下！Hungry lobster 地方不是太大，不過勝在樓底夠哂高，加埋全落地玻璃窗，夠哂開揚！侍應安排坐正玻璃窗座，路人經過見到食物咁吸引都應該會流哂口水！小食叫左法式龍蝦湯配迷你蒜蓉包湯面拉花好有心思，濃濃嘅龍蝦味主角 signature lobster roll (加薯條)龍蝦包表面掃上牛油去焗，好香中間好足料嘅龍蝦肉餡，配上醬汁，好好食薯條炸到香脆十足黑松露蘑菇忌廉意粉黑松露味香得黎唔會搶哂忌廉同蘑菇嘅味平時唔係好食黑松露嘅我都忍唔住

本人係當日既下午打電話去該店，訂左2位8點半。我們大概8點25分左右到，到最後8點45分先進到。全因有班人話自己5個人，霸左個位令我同我partner無得坐。但其實都算係店鋪，處理失當因爲我已經訂左台嫁ma!?事不而遲坐低就馬上叫左野食（等的時候已看完餐單），我們叫左一個龍蝦包餐（包一個8安士既牛排），2支特式啤酒同各一龍蝦湯龍蝦包最好食的8安士肉眼牛排（不得不提，勁好食又juicy 味道又較得岩岩好）龍蝦湯（可以5叫，無特別重要無乜味）埋單3百中左右，算中等價錢偏高。但服務還是不錯的啦

elder brother has just won the Entrepreneur Hall of Fame Award in the USA 🇺🇸 I love that Now that we can "have lobster for breakfast "As the Chinese saying on tang lung stCause way bayThere is a lobster lunch restaurant namely Hungry lobster the interior design is famous among our circles The wood boat symbols and the 🐟 are all swimming 🏊 lunches range from 90$-128$Add 25$Change the soup to a lobster bisque For the price The bisque is delicious It's thick and hot a lobster egg and vegetables 🥒 s

銅鑼灣好多野食 今日行完時代廣場就去左搵食了途經登龍街 就入左呢間專食龍蝦既餐廳食物既選擇就唔算好多 因為餐廳主打龍蝦嘛 同埋係西餐黎 我首先就叫左呢支果汁先 好似話對皮膚幾好的 飲落都非常清新 少少酸又少少甜 好香的菠蘿味接下來就叫左個龍蝦包啦哇 都幾足料 有不少龍蝦肉食 而且個包好軟 好香 仲有特製既醬料 唔錯！！然後就叫左個帶子意粉 大大粒帶子 配上 香蒜 小辣椒非常香口 而且有dd辣 果隻感覺好正由於唔太肚餓 所以無叫好多野食呢度的龍蝦真係好吃 而且價錢都化算店內仲有龍蝦公仔 好QQ！

終於等到星期六放假喇, 好姊妹就快結婚喇, 要去宜家傢俬買嘢, 約埋一齊去食個下午茶同行街街。行街前食啲嘢補充體力先, 黎到登龍街呢條食街, 好多唔同食店。見到vpoint樓下呢間hungry lobster, 好吸引甘呢, 而且之前喺日本食唔到龍蝦包, 今次就食左佢!!!!餐廳唔算大, 座位唔算多, 似小店呢。裝修都幾得意, 天花有啲魚魚同造船嘅架。侍應服務幾好, 好好笑容, 仲問我地同唔同龍蝦公仔影相添。除左龍蝦包, 仲有唔同嘅龍蝦菜式, 例如: 多士, 三文治, 烤龍蝦等等。識食嘅當然要叫龍蝦包喇, 記得係signature lobster roll呀。諗起都流哂口水呀!!! 龍蝦包裏面龍蝦肉都唔少, 有2隻鉗肉, 而且包入面塞滿龍蝦肉, 真係好好味呀。龍蝦肉仲用左龍蝦汁去煮, 包索哂啲汁, 勁香味道好濃郁呀!!!! 個包勁邪惡, 查左牛油去烘, 好香而且包好軟熟呀!!! 旁邊嘅牛油汁唔好睇小, 佢唔油膩, 有少少檸檬酸味同蒜頭香, 加落啲龍蝦, 又另一種美味!!!另外仲加左個炸龍蝦餅, 可惜唔記得影相, 1客有3件, 炸得好香脆可口, 龍蝦餅彈口, 有淡淡嘅龍蝦味, 都唔錯呢!

作為龍蝦粉絲既我，梗係要黎試下hungry lobster既龍蝦全餐。全餐有龍蝦包、烤全隻龍蝦配薯條同沙律、龍蝦意粉同龍蝦湯。聽落好似好多野，但其實2個女仔食岩岩好，如果大食既仲可能會覺得唔夠。先講最好食既龍蝦包，個牛油軟包焗得好香好濃牛油味，小小脆，包面放左2隻龍蝦鉗，包入面都充滿住龍蝦肉，每一啖都充滿住龍蝦，加埋特制既龍蝦汁真係好正，但個包就真係細左d!跟住就到烤全隻波士頓龍蝦，份量OK，唔算好細隻，肉身都厚實。伴碟既薯條係連皮粗身既，好好味。龍蝦意粉既龍蝦唔多，但意粉都幾入味同彈口。龍蝦湯味道都唔錯，冇咩特別，伴碟既多士烤得幾香脆。整體黎講，呢餐對於龍蝦fans會好滿足，但價錢唔算平，份量都可以再慷慨d，間唔中都可以黎食下！

今日黎到銅鑼灣新開既VPoint食龍蝦餐，真係諗起都覺得開心！黎到店內既裝修，地中海既設計，令人置於歐洲郊外，遠離銅鑼灣既鬧市。店內既人員服務頗佳，有禮貌，值得給五星。講番正題，龍蝦湯味道不像出面的鹹，但味道濃郁，值得一飲。主菜點了龍蝦意粉，龍蝦肉有點不足，但醬料搭夠，值回票價，建議加回龍蝦鋏，那就完美。總括來說可以俾到四星啦，今次既龍蝦之旅都幾滿足到胃口，期望和更多人一齊光顧既時候可以試到其他唔同既菜式呢！

Hungry Lobster顧名思義是一間龍蝦美食專門店，從銅鑼灣逛得累了餓了，瞥見裡面食客不多，正好可以自己享用一個悠閒午餐。裡面裝潢以水底作為藍本，天花掛滿海洋生物吊飾。龍蝦包配沙律 ($138+12)龍蝦包或龍蝦三文治可以$12加配沙律或以$22加配薯條，淋上龍蝦汁。麵包本身塗上牛油烘過，外層鬆脆之餘亦帶濃郁牛油香，中間彈牙龍蝦份量充足，以往嚐過的龍蝦包體形大多是闊而高身，而這款龍蝦包最特別的是它比較長身如熱狗一樣，而且橫切面大小適中，剛好方便直接手拿咬食。炸龍蝦餅 ($118)炸龍蝦餅外皮酥脆，中間彈牙結實，龍蝦味不算突出，但能清楚看到當中混合不少龍蝦肉，真材實料，而個人認為配上他他汁比茄汁更為匹配。個人覺得龍蝦包性價比最為不錯，在銅鑼灣區而言算是上數一數二，即使對龍蝦不感興趣，但亦見有其他不同價廉物美的午餐選擇，應該是不錯的午膳地點。

今日約左朋友食lunch，佢話想試呢間hungry lobster，當然好喇，我之前係Boston食果啲lobster roll至今都難以忘懷，所以我就一口答應喇。我地12點幾黎到，本來以為好多人所以幾日前都book左位，但原來都唔洗都仲有好多位，可能啱啱開門。然後我地開始點餐喇，其實menu上都好多野食可以揀，例如龍蝦pasta，龍蝦沙律，仲有牛扒等等，但因為我一心黎食龍蝦包，即刻揀左個同埋黑松露嘅lobster roll。首先黎左原味龍蝦包，個包用左牛油黎烘，好香，仲有啲脆，但又有麵包原本鬆軟嘅近感。其實味道都唔錯，略嫌個包有啲甜，除左面頭啖啖肉嘅鉗之外，包入面都有幾多龍蝦肉，真係每一啖都係包夾住龍蝦肉呀！跟住黑松露lobster roll 黎左，味道不過不失，黑松露的濃郁味道加上火箭菜的清新味道，頗特別的。跟原味的相比之下，龍蝦肉有點少，口感沒有那麼豐富，個人覺得原味比較好食。另外waiter會主動過來問食客覺得食物如何，跟客人有互動，服務態度很好。總括黎講，這餐都算唔錯，而且價錢合理，值得一試。

又係港島美食團出動嘅時候喇今次又去返銅鑼灣最新食點登龍街! 今次唔試近排最興嘅拉麵!今次去返食龍蝦包! 其實想來呢一間餐廳食龍蝦包好耐最終去到今個月先至有時間同朋友一齊試~呢一間餐廳喺登龍街嘅頭位一入去左手邊就係佢啦! 一入到去你會見到有個網既裝飾喺牆上面，旁邊就掛滿左好多魚仔～望一望餐牌你會驚嘆原來龍蝦可以做到咁多菜式哈哈，俾大家揀嘅嘢食有前菜啦主菜意大利麵小食等等另外佢哋仲有烤龍蝦牛扒組合，龍蝦包牛扒組合 同飢餓龍蝦全餐呢三個大嘅套餐比大家選擇，其實如果好肚餓，嗌以上三個套餐其實係好抵～既然我同朋友今次來的目的係食龍蝦包咁當然就叫咗一個龍蝦包($138)再加多兩個龍蝦湯($58)試一試啦~ 率先上場嘅有龍蝦湯在配一片蒜蓉多士，龍蝦湯好濃飲落口嘅時候感覺係有龍蝦嘅鮮味亦都加上一啲嘅番茄味道但係味道實在係有點過咸如果可以輕手返少少咁樣就最好喇～飲完湯之後主角上場了！熱辣辣嘅龍蝦包～面包係烤得好香嘅牛油軟包，上邊擺咗兩隻龍蝦鉗肉，一口咬落去嘅時候入邊嘅龍蝦肉全部都好彈牙再配上一個醬汁，感覺簡直就係完美！

今日與同事到銅鑼灣搵食，輾轉之間又來到了登龍街。見到一間以龍蝦為主題的餐廳，睇落幾吸引，二話不說就衝左入去。店鋪的裝修很有特式，帶一點輕鬆悠閒格調。在裡面就餐，應該食得很暢快。點了兩個set lunch，難得來到龍蝦餐廳，當然要試下龍蝦菜式，set lunch 加25蚊，頭盤可升級至龍蝦湯。先來龍蝦湯，非常鮮甜，超濃的龍蝦膏味，實在令人一試再試，飲完都唔太夠喉。同事點的大蒜薯仔湯，據他所講，蒜香味強，飲落淡淡薯蓉味。原本點了蟹肉意粉，後獲侍應該通知要改為茄汁大蝦意粉。大蝦超爽甜，肉質鮮嫩，伴以茄醬炒香，酸酸地感覺很開胃。Roasted Beef Ciabatta牛肉鮮嫩，伴以蒜蓉烘製的法包，倍感滋味。

起初一黎到都幾失望 因為店員話當日無龍蝦包 無龍蝦沙律 果日又係假期所以都幾意外不過當日純粹因為準備唔切龍蝦鉗 如果交代得好d會食客感覺無咁怪不過點解我都介紹呢間餐廳呢 因為佢食物質素又真係可以挽回呢樣野 大家睇落去啦先黎一個法式龍蝦湯($58)本身期望不大 諗住都會比較咸 當暖下胃算 不過佢真係好出色 因為佢有好濃既龍蝦味 又唔會太咸 好啦算你啦之後叫左個薯條($28)大家share 薯條比較粗身 做到外脆內軟既效果 唔錯架 大家一路傾計一路食 好快就清曬 哈哈重頭戲黎啦 龍蝦意粉 ($168) 唔知係咪本身係應該有龍蝦鉗架呢？不過店員無講 如果真係無 龍蝦又得個頭（入面無肉）咁係有點失望既 不過值得讚既係 意粉個汁真係調得好好食呀 又唔會太咸 同埋汁既份量剛剛好 而且我轉左長通粉（等左20分鐘屋企人差唔多食曬先上）不過真係口感岩岩好 唔會太林 食得出大廚功架！總結 始終係新店 準備食材要留意返 同埋唔好咁孤寒啦 多d料先吸引到一班客仔哈哈 不過我都會比80分個大廚 個長通粉真係令我念念不忘 好想學整呢種口感呀

以“時代廣場”為地標會容易尋找。背向時代，左邊，走到路口拐右，在下一個路口再轉右，需要找一找。背向時代，右邊，斑馬線過馬路，好像是賣鐘表的地方旁邊有小巷子，穿過去，登龍街往左走，找，就是了。龍蝦，其實興趣一般般，不過看見有特別的，總想試一試。中午有套餐，選擇了中間價錢的，龍蝦包也是不錯的選擇（看賣相）。我點的牛扒加龍蝦半只，各自的味道不是很搭，分開吃也ok。等的時間不算長，最後發現薯條還可以，唉，找一次就好了。這裡說了十二點開始，去到已經過了十二點，但是門口也是半開的，害得我又猶豫了一下。這條街有不少食肆，有一間拉面門口也是排隊的。看來競爭也不小啊

呢間hungry lobster睇個名都知專食龍蝦, 今日lunch time過黎食個lunch, 見到原來都幾多野食, lunch set價錢都唔貴, 不過大胃couple係睇中呢度既龍蝦包而黎既, 另外加左個龍蝦湯同bless既cold-pressed juice.龍蝦包簡單得黎都幾令, 用忌廉拉左花, 味道超濃郁而且大碗, 飲到尾會有小小膩~ 主角龍蝦包出場, size都算大個, 鋪滿龍蝦肉, 不過個包本身唔跟salad既, 要加$12先有, 包身軟熟, 食落似排包, 加左牛油都幾香口, 而龍蝦肉幾多, 點左龍蝦汁幾惹味, 肉質亦彈牙, 係唔錯既~餐廳有得賣bless既cold-pressed juice, 要左呢款有紅菜頭既好fresh,感覺健康XD

平日經過呢間以龍蝦為主題既餐廳，見到佢哋裝修幾靚，樓底又高，於是今日Lunch同埋同事一齊嚟食下佢個龍蝦包先😍😍入內座位舒適，座位寬敞，lunch set有5款選擇，都有多款選擇，並有湯或沙律，仲有嘢飲奉送😍😍今日叫咗一個lunch set，係蟹肉蕃茄意粉，多蟹肉並有濃濃嘅新鮮蕃茄汁，不錯😍😍😋😋另叫了龍蝦包，龍蝦肉都好多，個包夠晒鬆軟好香牛油味，並附上香濃牛油味嘅龍蝦汁，可加在龍蝦肉上，正呀😍😍下次好有興趣想試下佢個飢餓龍蝦餐，睇個menu見呢個餐都有好多龍蝦食，呢間餐廳一大班friends嚟聚下食下都係不錯嘅好選擇👍👍😋😋