風信子甜品 (Closed)

第一次去非連鎖式gei甜品店~仲要唔o係旺區~估唔到有意外驚喜~今次同朋友去試左心太軟併雪糕+窩夫併雪糕+麻蓉湯丸樣樣都好好食~~特別係d icecream..蕃薯味n柚子味非常特別同好味~出面絕對食唔到!!!個湯丸細細粒..d皮好薄..聽講好似係自己整gei..正!!!仲有d蕃薯糖水底~~忍唔住飲哂~~~ 極力推介!!仲有,我同朋友坐左好耐傾左成晚~~但員工gei態度都好好~!!!

我們成班朋友昨天去了風信子食甜品，因為朋友介紹好吃。地點雖然是有點難找，但入去後發覺鋪面光鮮，而且以紫色作主調，襯托一些以風信子作主題的裝飾，感覺別緻乾淨。點菜時老闆好客熱情介紹他們的招牌甜品，那就試試吧！先來了送的芒果米，看來不是很大舊，但一咬開，皮薄而芒果又大又多汁！真比坊間一些看來大粒但粒芒果得那丁點兒的好多了。然後是法式焦糖燉旦，感覺涼涼的，女士們試了都說很好吃。再來了朱古力心太軟伴雪糕，心太軟的朱古力一切開就漏出來，大家都爭著搶吃！雪糕味道誠意推薦柚子味的，大家都讚好！之後的原味法式梳乎里，由於太好吃啦，被友人快手清光，所以沒甚麼機會試真味道，但看來應該好吃囉還有香蕉窩夫伴雪糕，是幾特別的甜品，以前都沒有機會嘗試，它除了看來好吃，吃下也是好好吃！更適合一些想有飽肚感或咬口感的朋友。休息一會後大家還未想停，再叫了香蕉西米布甸和湯丸。香蕉西米布甸很重香蕉味，西米不多，但我反而喜歡；中式糖水湯丸也弄得好吃，想吃中式糖水的朋友也有選擇。是次由於光臨的時間接近半夜，所以人客較少，看著光鮮的裝潢，吃著好吃的甜品，慢慢聊天是很好的享受。沒甚麼可以批評，連乾淨的洗手間也有提供，下次再去要再多

其實在這條充滿車房、五金舖、雜貨舖的街上突然有一間精緻的甜水舖 確實有點格格不入點了一個招牌的香蕉西米布甸 女朋友要了一個朱古力雪糕窩夫先來的是布甸 整個都好蕉味 令香蕉反而有點失色窩夫比較遲來 份量好多 像吃了2個麵包似的可惜味道依然一般 只有朱古力雪糕是有保證食物確實是不太好 不過環境真的不錯 其中一副大掛畫也很有感覺一班後生仔也好有heart(不知是否股東還是只是路過的朋友)希望佢地能繼續做落去

昨天去了風信子食午餐，其實是朋友開的，講了去試一下。三個人去叫了三個set lunch，同埋叫了兩個甜品。環境：地方四正整潔，我覺得最正是店前半部樓底非常高，上開一個大玻璃，感覺開揚舒服。地點：尚算易揾，門前有得泊車，但就要睇你有冇運啦。午餐：一般水準，賣相可以，學生有八折，但我都覺得對學生哥來講，三十幾蚊餐飯都幾貴。甜品：當然要講啦，今次試咗兩個招牌甜品：◎香蕉西米布甸：西米口感非常好，味道幾好。◎心太軟加雪糕：我個人喜歡吃朱古力的，所以非常欣賞這個暖暖心太軟，內裡朱古力醬流晒出來非常正，同時欣賞它不太甜。但當日去幫襯時，正值新學年開始，比較多學生幫襯，就睇到明顯出現混亂，出品相對慢，當時店內只有十幾廿人左右，此方面他們真要改善改善啦。

今日同老婆經過黃大仙試間新既甜品屋, 試左香蕉西米布丁,心太軟同西瓜盅.布丁好有"蕉"味又唔太甜, 心太軟不比高級餐廳差, 西瓜盅原個迷你西瓜上幾特別, 可以再試

今日同中學老師&同學飯聚, 飯後老師提議去呢間風信子食甜品, 所以就去試. 叫左一客雪糕楊枝金露, 一客雜果涼粉, 一客芒果荳腐花, 一客西瓜荳腐花, 一客心太軟加雪糕, 仲有一客招牌香蕉西米布甸.坦白講, 荳腐花麻麻, 一d都唔滑, 感覺好實, 雜果涼粉一般, 雜果切得唔係好靚. 不過雪糕楊枝金露就幾好味. 兩款招牌甜品 - 心太軟加雪糕,同埋香蕉西米布甸都幾好味~ 心太軟夠脆, 朱古力味都好濃, 鍾意黑朱古力既人應該會好喜歡~ 配清新既綠茶雪糕真係好好味. 香蕉西米布甸有好香既香蕉味, 係真香蕉個隻, 一d都唔假, 加埋西米, 好有口感~值得一提係裝修幾靚, 以紫色為主調, 感覺都幾寬敞. 而且服務真係一流

夜媽媽想食糖水..知道呢間新開..1直都想試下..所以落左去買番屋企食@0@""..買左3碗楊枝金露..2個芒果pancake!!! 原先對呢間店期望算高..因為裝修ok但係估唔到竟然連最普通既楊枝金露都*食之無味 棄之可惜*!!!!冇乜味好似飲緊水咁都算..成碗得1舊半隻手指長既芒果..真係好過份柚肉同西米少到無可再少..其實真係好嬲囉..我從來都未食過咁難食既楊枝金露..靜係睇個賣相1D都唔似楊枝金露-_-""我完全係以為比錯碗燉蛋我仲有碗楊枝金露入面有好多1條1條既唔知乜野既毛毛..兩碗都係咁-_-""..而個芒果pancake 1般..好普通..冇乜芒果亦都冇乜味!!!不過平心而論佢地既服務真係唔錯..好有禮貌=]但係今次之後..我諗我唔會再幫襯

這間在我家附近的甜品店開了一段時間，早前看見他們的宣傳牌之後已經很想試，因為個人很喜歡吃甜品，今天友人與我在家附近吃飯後，終於有機會去試了......本人叫了香蕉西米布甸，因為看圖片我好像沒有試過，幾特別，而且在宣傳牌上看過，結果吃後覺得味道不錯，有很多西米粒，很有口感.....而友人叫了鮮雜果涼粉珍珠，友人一向愛吃，所以說了很多意見，例如生果好像不夠新鮮，但味道是可以的......而生果也切得不好看，其實可以做得更好.......個人認為不錯，下次再去試心太軟，因為看到鄰枱的心太軟好像很美......而且鋪子運用了很多我喜愛的紫色，所以坐下去覺得很舒服，當然其實它的裝飾有一種簡單美，也是我喜愛的......

無諗過會o係黃大仙食糖水 搵開朋友有間新野見佢裝潢都幾精簡 一d都唔似一舨糖水店入面既野都ok 掛一試佢既推介 招牌香蕉野 如果好蕉既一定要食 因為個招牌香蕉choi非常有fresh既蕉味 一d都唔作狀 又唔太甜 係小有既原創又健康既選擇 口感仲好滑tim朋友試左心太軟 佢鍾意比較脆既口感 所以fit晒佢既口味 朱古力味亦夠香濃