i CREMERiA (Closed)

大熱天時行街，又忍唔住要去食雪糕，今次好彩揾到位，可以坐係到歎住食同朋友share食左高知縣沢渡茶大福芭菲杯，仲有宇治抹茶銅鑼燒芭菲杯，兩杯都有香濃軟滑嘅抹茶雪糕，夠曬冰凍又好解暑，不過可能慢慢食既關係，所以覺得雪糕好似好快就溶咁第一杯有大大粒既麻糬，咬落好煙韌，旁邊的紅豆甜度適中，而另一杯銅鑼燒偏硬身，不易散掉，餡料同樣甜度剛剛好，我自己就幾鐘意兩杯都裝到滿滿的，餡料算多，口感又豐富，吃完好飽足呢

The pairing of chocolate and orange never goes wrong.This turned out to be one of my new favourites because the chocolate is rich and creamy and the orange sauce they drizzle on it is made with real orange.It doesn't have the bitterness from the orange peel which makes the taste so appealing and the orange sauce is not too sweet or sour but enhances the chocolate flavour.

夏日炎炎, 有咩好得過夏天去食杯凍冰冰的雪糕甜品去消消暑, 這間外賣雪糕店已經想黎試好耐, 終於搵到機會去會一會佢….它們的食材都來來源自日本, 所以用料十分有保證, 雪糕種類很多, 近期仲推出左薰衣草口味的, 亦都係日本的味道….不過我對花冇咩特別興趣….反而見到呢杯日本直送完熟白桃芭菲特別有興趣, 白桃也正值的日本的當造期, 一定十分鮮甜多汁…..無考慮下已經立即乖乖放下錢…….~呢杯日本直送完熟白桃芭菲色水好似好Dry咁, 其實中間都放滿大大小小的原塊白桃, 而雪糕就是牛乳味軟雪糕…雪糕下面有就不同的配料, 有脆米粒粒, 忌祺同白桃汁果JAM, 層次分明…牛乳味軟雪糕奶味很香濃, 而且雪糕不易溶化, 上面有不少的白桃, 咬落去十分多汁鮮甜, 超級新鮮, 再連同下層的配料一同食用, 口感十分豐富, 亦都幾大杯幾有份量, 下次再去試試個蜜瓜味芭菲.

還記得5年前的夏天去到北海道睇花田，當然少不了品嚐當地的美食啦～蜜瓜是北海道夏天當造的水果，在北海道食過一次蜜瓜雪糕後，一直都念念不忘！早前就發現香港都品嚐到北海道的美味蜜瓜雪糕，早前天氣太熱，去到34度以上，於是走去回味下！相信這間專賣雪糕的店舖大家都不陌生，每次行過都想試試，宜家係全港都有幾間分店，今次就黎到銅鑼灣Fashion Walk內的分店！店內雖少，不過店外設有少量開放式座位，可以坐下來慢慢品嚐～日本直送Deluxe蜜瓜芭菲（HK$220）一係唔食，一食就食個最貴先～大半個蜜瓜上面配上香滑的牛奶味軟雪糕，蜜瓜是北海道直送的，十分吸晴，雖然價錢有點略貴，不過都係食左先講啦！牛奶味軟雪糕奶味濃郁，很甜的牛奶味，店員都豪不吝嗇吱了幾圈，太重所以雪糕在相機食先下有點下垂～蜜瓜超級新鮮爽甜，跟男友一口接一口，配上冰冰涼涼的牛奶味軟雪糕，好有幸福的感覺，味道仿如置身北海道一樣，大滿足！下次再食！

行到熱屎辣辣，去到fashion walk,見到呢間一直想食既雪糕店～～～本身勁想試佢個哈蜜瓜雪糕，點知冇哂貨咁就叫左金箔雪糕～～～～真係喪影哈哈，爭d溶哂～～～～呃like真係一流 好濃既牛奶味！！仲order左呢個限定雪糕，大大粒，好味臨走仲見到呢個薰衣草雪糕，下次可以試呢個！鋪頭係fashion walk入面，環境當然都唔錯，一邊係買野，另一邊係俾客人坐低食雪糕，好舒服。但位置就比較少，大約得20個位。

I Cremeria 雪糕我相信好多人都識，當中既奢華的金箔雪糕是相當出名的。還有半個溫室蜜瓜的雪糕都是代表作啊吧。平時喺旺角朗豪坊分店，都是十分多人的。今次我在銅鑼灣Fashion Walk偶爾見到，原來這裏都有分店。雖然這裏鋪會比較細，但相對較少人。店舖擺放着新鮮日本直送的生果，有溫室蜜瓜、提子及水蜜桃。除咗軟雪糕，還有芭菲。今次行過看到日本直送完熟白桃芭菲，有限定優惠，價錢只是＄68。所以立即坐下order。完熟白桃非常非常甜美，質地較淋身，桃的甜味加上軟滑濃郁的牛奶雪糕，牛奶雪糕奶味重，而香滑。絕對是天作之合！！！

難得放工可以同男友仔去食個晚餐點知食完佢仲俾左驚喜我，就係帶左我去食我至愛甜品雪糕心諗，你今日係咪轉左姓呀，點解咁好既呢間係我一直想食好耐架啦，只係之前覺得佢價錢太貴，唔捨得食，我終於知道點解突然咁好帶我黎啦，原來呢幾日有某間信用卡公司做梗半價，太吸引了吧。 太多選擇唔知點好，男友仔就不停話有半價當然試下最貴架啦。 就叫左呢只半個蜜瓜雪糕日本直送deluse 芭菲，雪糕都幾香滑，重奶香味，不過就比較溶得快，無相片賣相咁高大蜜瓜其實好甜，甜到有點太熟，本人感覺，有點林身，不過係幾香密瓜味，還不錯的，半價就可以享用到係不錯既事情，感覺很幸福唔知幾時會再有半價優惠呢

近排見好多人都朝勝一間I Cremeria 雪糕店，好奇心驅使下就去看看有幾特別。店鋪位於fashion walk入面。店面唔大，要行到好入先見到。雪糕種類很多，但價格亦都不便宜，有一款雪糕仲要＄220先有交易。店內沒有座位，店外放左幾張枱凳。思前想後，決定點了白玉餡蜜芭菲$58賣相好似日本茶屋甜點，最上層有綠茶雪糕，好濃綠茶味，好軟滑。餡料有好多，係最面分別鋪有紅豆和湯丸既物體。中間果層有綠茶味既cream。最下層有綠茶啫喱。口感豐富，食完夠晒飽肚。題外話，食店提供的匙羹好特別，銀色的，驟眼睇以為係鐵匙羹，原來係膠匙，好攪笑。

前排見到網上好多人POST呢個薰衣草雪糕，好喜歡薰衣草的我，當然要來食下啦！今日終於約到朋友同我一齊來食，好開心！實物賣相同相片一樣的，完全無分別，好真實！雪糕係粉粉的紫色的，好靚呀！味道都幾濃，是平時香薰點的那種薰衣草味道，聞到個人好relax好舒服。有分杯裝，也有甜筒的，我地一樣點了一個，配甜筒的感覺抵D！個甜筒好脆也很香口。另外點了個蜜瓜，配上抹茶雪糕。抹茶味道好甘香，茶味好出，係好吃的抹茶雪糕。另外蜜瓜相當驚喜，非常甜美，而且勁多汁，每食一啖都好多汁流出，很好吃！！！

冬天去北海道食咗PAPURA FARM嘅蜜瓜牛奶雪糕，一試難忘，最近先知道原來I cremeria都有蜜瓜雪糕賣！原價價錢不便宜，要$220，但早排用匯豐卡有半價，計返每客先百多元，淨係個蜜瓜都幾十啦，咁呢日食完飯就去佐同男友一齊去食，順便回味一下！我們十分幸運，平日830pm去到剛好買到最後一客『日本直送Deluxe蜜瓜芭菲』，可見非常受歡迎。日本直送Deluxe蜜瓜芭菲造型同北海道嘅差不多，都係有大半個日本蜜瓜，上面載住牛奶雪糕，非常誘人。牛奶雪糕冰感唔重，質地幼滑，牛奶味尚算濃郁，但日本蜜瓜實在太香甜，所以牛奶味始終有被果香搶去少少風頭。其實定價咁高都主要係因為用上日本直送嘅蜜瓜，宜家當造特別香甜多汁，我哋崛蜜瓜肉崛得好徹底呢。 如果可以keep住有優惠就好啦！呢度所有水果都係日本直送，我仲見到有白桃芭菲，都係好吸引！！！下次經過再試試先！

以前曾經試過『i CREMERIA』的抹茶雪糕，印象中是又香又滑，不過因為價錢較貴就很少買來吃……這天下午經過位於銅鑼灣FASHION WALK的分店，突然很想念它的雪糕，抵擋不住誘惑買了一杯自己獨食！LOL這間分店的格局較為迷你，店內基本上沒位子可坐，只可站著吃，不過店外有幾張枱子，兩三個朋友一起坐著吃倒是沒有問題～今次沒有點抹茶，點了「Monbana香醇朱古力Affogato」飲品+雪糕的組合，看著店員將朱古力飲品倒在雲呢嗱雪糕上，小女子的口水已開始爆流LOL～雲呢嗱雪糕還是跟以往一樣幼滑，而朱古力超級濃郁，味道很classic，再配上曬在雪糕上的朱古力脆片，增添了每一啖的口感層次。明明是打算慢慢歎這下午茶的，結果不出5分鐘已吃得乾乾淨淨！LOL吃了幾次『i CREMERIA』也是一貫的高水準，果然是一分錢一分貨啊！------------------------------By alvahana

HSBC 信用卡做50% off,有機會當然要來試一試。星期日的晚上六時來到fashion walk這裡，幸好不用排隊就買到，我們還能坐下來品嚐這出名的雪糕呢！朋友心大心細，鍾情綠茶，但又喜愛日本蜜瓜，結果最後我們都同樣選了日本直送的蜜瓜芭菲。說實話細杯的雪糕芭菲較大杯的抵吃，大杯的只是多少少細粒的蜜瓜而已，但要貴三十元。雪糕牛奶味很濃，十分香滑，不過很易溶化 ，所以好快就吃完 。而日本蜜瓜必定清甜多汁的，實在是無得輸吧！總括而言 ，一個字

早排同幾個朋友去開銅鑼灣食日式燒肉，邊食邊聊意猶未盡，決定下場食雪糕繼續聚會揀咗呢間一來方便近本身間餐廳，二來想食佢個蜜瓜雪糕好耐了<日本直送Deluxe蜜瓜芭菲> $220個蜜瓜確是鮮甜多汁，而抹茶雪糕就好軟滑，茶香味都夠而已仲帶點回甘，邊食雪糕邊刮蜜瓜都幾狼狽，個蜜瓜水份真係好夠，不停濺到四周一手都係，價格如果再平啲就好啦<富良野薰衣草雪糕> $48紫色純粹紫色好靚，食落味道有點似香薰味，覺得有點不合我口味

炎炎夏日一定要食杯雪糕開心下!!重要對自己勁好，所以決定要食金箔雪糕。其實認真從心底裡覺得好貴架!!!不過一次半次豪下就算啦!!!!而且吃金箔又有養生美顏功效，可以改善血液循環及加速新陳代謝作用，咁多好處無可能唔吃吧!!(其實功效我唔知真定假，不過吃左先算)職員非常小心地把金箔包住雪糕表面，避免塊金箔爛開。一大塊金箔包住左杯雪糕，好閃!!!其實金箔係沒有味道的，但雪糕味道可以選擇，有北海道牛奶味、綠茶味。今次選擇了綠菜味，雪糕的綠茶味好濃，但覺得佢味夠軟滑，所以決定下次再試下個北海道牛奶味先!!!溫馨提示，大家食完金箔雪糕抺咀後記得照下鏡或者問下身邊人抺乾淨個咀未，因為食完之後成個咀都係金色閃閃下。食完行出街比人用D奇怪眼光望住就唔係咁好啦。

今日同同事出去食飯，見途經有間雪糕店，同事已經比佢個芭菲吸引住，之後就話一齊食甜品，入到去餐牌都有吾同選擇，我見到個蜜瓜勁吸引，但我一個人又食吾晒，竟然見到個個蜜瓜芭菲 $88,上面有幾點蜜瓜同一片蜜瓜，二話不說就買了這個黎食。蜜瓜芭菲不久就黎到啦，蜜瓜勁吸引，好香， 雪糕就選擇左宇治抹茶，中間見到有玄米添，仲有最底仲有蜜瓜蓉，幾大杯同抵食！～抹茶味濃又滑身，份量大，蜜瓜粒香又甜，熟的程度剛好，中間玄米和類似雪糕增加左吾少口感和帶有奶香又滑！～最後食到最底的蜜瓜蓉更香甜，如果改為選擇另一款雪糕會更為配合 ，因為我太愛抹茶而選擇 但也是因味偏濃吾係咁甲，要分開食就好味。