艾粒是叻 (Closed)

剛才那個燉奶佬微波叮叮乾蔥雞飯根本不能滿足到我，極之傷透心，為了彌補我心靈上的創傷要立即搵野食！居然佛系小店有開檔喎，無定向開檔無定向收檔無定向休息，有緣就會食得到！世界最遙遠的距離，就係望住屋企係對面，但就返唔到去！朝早出門口時都有猶豫帶遮唔帶遮，點知臨到屋企個天黎先倒水！等等下外賣落狗屎仲越落越大，四眼肥仔店員主動借出私伙長遮過我，真有人情味！外賣就緒時，雨勢突然變得毛毛，那我不用遮喇，多謝好意。久別重逢，比初開檔時款式增長很多，琳琅滿目包羅萬有！到底照片中美少女是否老闆娘？還是朋友？親戚？模特兒？催銷員？只在初開將時有過一面之緣，真的使人牽腸掛肚，輾轉反側！某日晚上，那位後生仔廚師我那麼好禮貌問我想落單呀唔該，您只冷淡地回應等等啦！無緊要，我就用最大的耐性忍受酷熱的夜晚及車來車往的癈氣等 1 分鐘。夠鐘！您忙您的事吧，我唔打搞您啦，我去幫襯第二間都無緊要架！少年您真的太年輕，梗係放低手上隻鑊鏟過黎落單收錢先，個食客咪無得走要繼續等落去囉！我每次買親無 $80 都 $100 蚊，每次最少點三味菜，居然自顧自地忙，那我都不打擾施主喇！紙袋雖然都不環保，但總比膠袋好千倍萬倍！可否捍衛繁

必試一口牛，食得出用靚牛柳，唔係鬆肉粉，入口即溶。加炒腸粉，夠飽，加埋杯🍋綠茶，都係$48，抵過自己整！見到人哋叫鹽酥雞，個樣好靚，下次去都要試吓先。聽老闆娘講，係用成本高嘅無激素雞，又唔用味精，真係良心食堂！👍🏻👍🏻👍🏻不過個Menu好多選擇，小心去到，會有選擇困難症！😆😆行完人多嘅龍豐市場，行過對面馬路就到，門口兩張枱可以立食。對面係室內運動場，做完運動，想補充一下體力，都唔錯嘅。

下晝口痕，經過見到，決定一試。25蚊 鹽酥雞連飲品，我簡左是日自家制飲品，係菊花蜜大大份雞，杯蓋裝唔晒，要用袋雞外脆內嫩，外面唔會話炸得好硬菊花蜜清甜，夠冰凍！仲有，老闆好有禮貌！Overall, 真係好高質，超值！

工作中午餐，想試呢間熱狗店🌭️好耐，店面細，店內做咗廚房，只有一張立食枱，店內外貼咗好多食物相片，食物款式都幾多，店內雖然細，都用了啲假花，黑板餐牌，幾有少女feel，去到前面有3個客，加我哋3份單！店員都講明要等得耐啲，結果一等就半小時，外賣包裝簡單，魔鬼熱狗（$46）透明膠盒，熱狗麵包烘過鬆軟，香腸皮薄夠脆有肉汁，不過麵包底太薄，放咗香腸後爆軚，啲芝士漏咗落底部，店員會問落唔落芥末/茄汁，芝士香濃，加上醬汁好味芝士肉醬薯條（$28）紙盤，肉醬芝士半溶鹹香，薯仔粗身，但炸得油膩重身，唔夠乾身（感覺啲油溫唔夠，所以有咁嘅情況）一般牛油果蜂蜜奶昔🥑（$30）透明膠杯，粉綠色好靚，初時有點凝固狀態，似一早打好放入雪櫃，牛油果味鮮甜清新，好清爽唔太甜，好味！熱狗好味，薯條一般，奶昔好味！店員要落單加煮食物一腳踢，佢哋兩個都幾有禮！到出食物（兩份）時我攞上車食，發現少了一份薯條，同時店員都發現，叫未攞餐嘅同事攞比我！反應幾快！熱狗可以一試

已經係第四次過嚟食，每一次經過上水，都心思思，去到依家野，想食炸鹽酥雞。食咗咁多次，都要返轉頭幫襯，好明顯係因為，水準依舊！今次有再幫襯，依然唔好令我失望！鹽酥雞（$20）鹽酥雞炸完出嚟之後，非常酥香，聞一聞，有一浸烤焗出嚟嘅鹽味，雞肉香噴噴，咬落去又泌好多汁。熱辣辣，有大大舊肉， ＄20成支野，一個杯都裝唔晒。非常抵食，一串好多雞肉，插得又靚仔。好食過「豪大大雞排」多多聲。依家野，除咗鹽酥雞肉非常出名之外，仲有好鬼多小食，好難可以食得晒，慢慢玩啦。多D幫襯下本土品牌！🤗

之前兩日摸過門釘，還是忍不住要一嚐魔鬼熱狗滋味面包明顯烘過，外脆內軟，加上四種芝士，有拉絲有片裝芝士混集一起，茄汁和芥末如果再多些會更好，如果女生吃一個，應該會飽，因為芝士挺膩。

炎炎夏日，伴着假日的街上走着，飲一啖清新而不甜的奶昔。之前已經見電視美食節目有介紹，店家的牛油果奶昔和芝士熱狗，熱融爆芝聞名。筆者本想點杯士多啤梨奶昔，與朋友商量之際，店員竟剛好走出來聽到，說：「士多啤梨不當造，芒果較好。」雖然筆者堅持選了最愛的牛油果，但覺得小店就是有種人情和溫暖的感覺。牛油果味清新而不甜，飲下去感覺滑口而微凍，入口後反有種牛油果味出來，店家指加入蜂蜜，不太覺得加了，但總的來說，夏天飲杯挺寫意的，一杯份量夠兩人飲。

經過重重水貨海先走到去呢間小食店，真係店仔細細，但係都幾多野賣，只係提供外賣或者立食，店如其名I Love Snack，就係賣小食。有個紫色花牆打卡一流，上面仲掛左好多客既留言，仲有細細架既手推車可以買，全部野食即叫即整熱辣辣，門口有兩張高枱可以立食。牛迷緊要叫《一口牛》($25)，一杯裝食食下粉量都唔少，咬落去夠嫩又夠油脂，不過就用過梳打粉牛味唔夠。好多人叫既《芝士牛油蜜糖薯條》($28)，薯條即整真係熱辣辣好好食，芝士有拉絲不過得面頭果浸有芝士，蜜糖又會沉哂底要逐條點。店名：艾粒是叻地址：上水馬會道184號後座地下B號舖餐牌:

夜晚同女朋友掃街！點可以少得熱氣嘢食？佢拉咗我去一家，佢平時好鍾意食嘅小食店。這一家有好多好多好邪惡好熱氣嘅小食，咁多個選擇入邊，我強烈建議你一定要選擇，鹽酥雞！好彩我個一晚冇乜人，等大概三至5分鐘，好快有得食。老闆一等出嚟俾我，香氣迫人，一陣一陣的熱氣帶着炸雞的酥味。考下你，熱辣辣，完全冇雪藏、油渣味，沒有血渣，只有炸雞的香味。一口又再接一口，真係好正你一看，絕對不是麥當勞、肯德基粗製濫造的角色。$25一個餐，絕對抵食。第二個食物，我叫左邪惡芝士熱狗。顧名思義，非常邪惡，成個芝士淋上去，包住整條熱狗腸，一定要趁熱食，一咬落去熱狗腸爆開，與芝士混在一起。本來已經香的麵包，烤好之後有脆脆的口感，好正。不過有啲乾，記得要叫老闆這茄汁、或者芥辣俾你。又係一個滿足的晚上

食完晚餐 口渴想飲野 見電試介紹過又係附近就黎試啦 咁就變左增磅啦叫左一杯奶茶仙草 同一個牛油蜂蜜薯條（唔太記得正覺叫咩名）講下杯飲品先 奶茶 香滑（我男朋友講）仙草大大舊 但係旁邊 飲既時候未必下下食到 要自己吉中仙草個位先食到 飲落勁甜（我有飲 真係好甜）望落好大杯 但飲左幾啖就發現冇曬奶茶 剩餘仙草 發覺原來冰已經佔個杯大半位置 加上口渴所以勁快飲曬牛油蜂蜜薯條即叫即做 食落我覺得係用完隻薯仔切條拎去炸做既 食落好薯好熱 有蜂蜜喺上面我又唔覺得太甜喎蚊都好香牛油味但係唔出囉 去到最後幾條先發現 下面喲係溶左既牛油 喲口感就好似放食舊牛油落口感 所以最後幾條覺得唔好食下次我要食炸雞脾整體而言係好食既（以上為個人意見）

看過電視介紹，特意到此試試，點了生炸雞肶及蜜糖牛油薯條，雞肶外皮香脆，肉質嫩滑而且多汁，看到是用心烹調。可是小店經營以至製作需時，假日如非有耐性者，需考慮等候時間。

之前幫襯過frozen fruit ，最近食店易手而且改名叫艾粒是叻。心血來潮行過決定過去支持下先，係現場望左陣完全唔知買咩好，因為太多選擇了 最後揀左個38蚊既海鮮 ^_^收到個時完全嚇親，話係韓國好hit 既小食杯黎賣相又靚又大杯真係好抵啊，仲引來唔同既艷羡目光。而且店主仲好好提我杯頂食物較重，小心失衡。同埋仲推介唔同既飲品入面既食物全部新鮮炸起，薯條有少少椒鹽係到，隻蝦又好好味，仲有蠔同炸魚係入面，鐘意既話加10蚊要埋蟹蓋都得。下次有時間一定要再幫襯先

住係上水多年，食為吃貨又鐘意周圍搵好野食既我，又點可以唔試下呢間網上熱捧既小店呢！🙈一試，直頭對呢度既野食上哂癮，上水好耐冇試過有咁好味既野食喇！邪惡芝士熱狗配真.紫薯奶昔($35+$15)店內有多款熱狗，最出名當然係邪惡芝士熱狗（$35)同魔鬼芝士熱狗（$45）啦！窮學生就揀左個平啲既，食落外面脆卜卜，好似多士咁，又內軟喎，係我人生食過最好味既熱狗！超滿足！本身以為咁多芝士一定好咸，但食落啱啱好，抵讚。紫薯奶昔($25,買熱狗+$15)飲過兩次，坊間有關紫薯既甜品浸紫薯味一係好人工，一係唔突出。呢杯奶昔就真係用真紫薯蓉，加低脂奶同蜂蜜打成，好天然健康之餘，仲好好飲！味道唔太甜，飲飲下仲食到一兩粒紫薯，係有味軟綿綿架。☺️芝士西蘭花薯波（$20）薯蓉混西蘭花碎，中間包住熱辣辣既芝士，真係拉絲架，但略嫌有啲鬆散，有啲難叉起黎食。😂建議可配啲茄汁更惹味。一口西冷牛配玫瑰花蜜（$28）呢個設計好貼心，方便一路行一路食。西冷牛份量好多，醃得幾好食，值回票價。不過睇相明明人地嗰杯有菜有粟米，好豐富咁，唔知點解我嗰杯得一塊生菜。😂玫瑰花蜜就有少少失望，似飲緊凍水，有好淡好淡普通蜜糖味，完全冇玫瑰味。

其實這裡很多款食品也很好吃，例如：一口牛，鹽酥雞，雞軟骨，椒鹽燒賣，芝士西蘭花薯波，紫薯芝士潛艇，芝士熱狗和各種奶昔沙冰等等等。。。最正係自家製飲品例如薏米水，天氣凍時仲可以叫走冰。艾粒杯的概念在上水是第一間吧？最近新推出的海鮮杯和爆雞杯都很吸引，遲下一定要試!!!老闆娘很好人，很健談，非常樂意接受意見。值得支持Whitney經常跑來跑去的，要小心不要撞到啊有時不用太心急，慢一點點吧我會繼續努力試晒你所有食品的。

忙裡偷閑嘅星期六下午咁啱嚟到上水附近，就突然諗起呢間舖嘅名。點解？有睇過波嘅都應該識呢，你懂的。由港鐵站步行幾分鐘嚟到，第一眼就見到有幾位小朋友喺門口，襯托著側邊紫色貼牆嘅餐牌，感覺都幾和諧。之後就梗係同老闆娘落order，試下個一口牛啦！22蚊嚟講都算合理，份量滿意，而且食落有o趙頭，亦有肉味 。小食嚟講唔錯，如果叫埋飲嘢一齊仲比較抵啲，下次再試其他嘢啦 * 門面嘅餐牌設計，真係睇得出好有心思，好有心機，夠清晰 ~ 希望你哋越做越旺，加油！