一沢拉麵 (Closed)

黑蒜醬炙燒雞卷豬骨湯拉麵（$80）雞卷口感軟嫩 燒得好靚另有少量木耳絲同芽菜 溏心蛋流心軟滑入味個人偏好硬麵 如果麵質硬身啲會更好—————————————————黑海老海鮮櫻花蝦湯拉麵（148）配料甚多 有蜆肉 帆立貝 青口 蝦 蟹膏蟹膏完全唔腥得黎帶些少甜味面頭灑上大量櫻花蝦 湯底頗為濃郁個人比較鐘意食哩款———————————唐揚炸雞（$30）炸雞係另一間店舖黎炸起新鮮熱辣脆 雞肉嫩滑配埋個甜甜地既醬汁 食落唔錯

🍜Food Playground拉麵🍜推介指數 ❤️❤️❤️❣️🤍Lunch 食咩好? 柴娃娃想食個快Lunch，之後可以逛一下商場踢走負能量，順便透透氣嘛😪於商場Food Court 搵食，大家都可以選擇不同食物，重點係等一陣就有位啦🥳🍜九洲豬軟骨味玉拉麵 HKD80✨湯底可選擇原味或辛口，辣度容易入口。豬軟骨肉同骨同樣軟腍，溏心蛋半熟，蛋黃流出且蛋白軟滑。食落兩種口感一次滿足晒～✨拉麵彈牙，配料有木耳絲、竹筍及蔥花，份量多一點就更豐富啦...🔖 一沢拉麵 🪑尖沙咀梳士巴利道18號Victoria Dockside K11 Musea B2樓Food Playground B203-03號舖

疫情突然又再次爆發，成個星期都外賣返公司食。。。呢2日忽然好想食拉麵，原本都冇諗住堂食，諗咗好耐，拉麵外賣始終係差啲，見冇乜人就決定堂食。快快食完走人🤪個湯超級熱🔥辣辣，飲咗一大口湯，辣親個口同喉嚨😓拉麵🍜都係熱辣辣食最好味😋湯底有好濃郁嘅蝦味，原隻天婦羅🦀，食完成個下午個口都有嗰陣炸蟹味🤣配料就略嫌少咗啲天婦羅軟殼蟹赤味增蝦湯拉麵🍜

食拉麵都要豪一豪, 配上原隻龍蝦 $168 係food court都有龍蝦食, K11 MUSEA果然係氣派寧舍不同.咁大隻龍蝦放係拉麵上,係好吸引人既. 如果你係blogger 不妨一試要黎打卡都好.拉麵既湯底係一沢自家熬製長達12小時既九州豬骨湯底,濃郁得黎唔會太咸, 唔使驚話要之後要飲好多水.你睇下我果隻龍蝦幾多膏！絕對有驚喜！肉質同肉量以呢個價錢係交到貨, 你諗下係出面食碗叉燒拉麵都會要差不多一百蚊, 呢家有龍蝦都係多幾十蚊咋.其他資訊: 係food playground食野, scan張單上面個QR code就可以係Storellet呢個綜合會籍平台儲分, 儲夠唔同level既指定分數就可以免費換野食,新會員仲會有迎新coupon送.

當日和太太難得來到尖東海旁，提早看看今天的燈飾，感覺終於比去年有生氣，商家亦更願意投入金錢去渡過今年的聖誕，令人心情舒懷，但願疫情寒冬盡快告終。行完後走進K11 Musea，不自覺便行到Food Playground，決定簡單食個拉麵位置（8/10）：這間一沢拉麵位於商場B2樓扶手電梯旁，由港鐵尖東站J出口步行前往商場只需約2分鐘，位置算是方便環境（7/10）：屬於美食麻場，需要自行找座位，幸好座位亦夠多，不需難找，商場空調亦算舒適，但附近人多嘈雜則沒法避免服務（7/10）：美食廣場本來就不能期望服務，但購物可用現金、八達通及信用卡，付款後亦有提供到餐呼叫器，算是方便食物（8/10）：拉麵店最主要是拉麵，這家麵質不錯，同時亦可加配小食及叉燒等，選擇不算多但以拉麵店來說很足夠火炙安格斯牛肉麵（麻辣 +$5） - $93第一款選了牛肉麵，用上火炙過的安格斯牛肉，相當香及嫩滑，很有誠意，而配料有香蔥、黑木耳及珍珠筍，本人再加$12增配流心蛋的味玉份量滿足。湯底亦加錢轉了麻辣味，不算辣但夠香，令牛肉麵更加美味黑蒜醬炙燒雞卷豬骨湯拉麵 - $80黑蒜味很香濃而鮮甜的豬骨湯底，主菜是用炙燒過的雞卷

前排同幾位中學同學去K11 Musea行街，行行下肚餓，就落樓下food court搵野食。見到呢間拉麵價錢都幾合理，就一齊買左啲share黎食。天婦羅軟殼蟹赤味噌蝦湯拉麵 $128見到有軟殼蟹食，又有蝦湯做湯底，就即刻揀左呢款。軟殼蟹有足足一隻，入面嘅蟹肉都唔少。湯底蝦味都幾濃郁，拉麵都幾掛湯，算係一個唔錯嘅拉麵。仲有一大片海苔同埋好多粟米粒。黑蒜醬炙燒雞卷豬骨湯拉麵 $80有隻溏心蛋，一咬開，蛋黃半熟，會有流心嘅蛋汁。炙燒雞卷有兩件，雞肉都幾嫩滑，又唔會好鹹。喺K11 Musea 可以用$80食到一碗唔錯嘅拉麵都幾抵。炙燒厚切豚肉（每件）$15豚肉幾厚，燒得好香。唐揚炸雞 $30炸雞有五大件，新鮮熱辣啱啱炸好。點埋甜甜地嘅醬汁，幾好食。

同小朋友2個人食唔到啲咩見到有food court 有位就坐低，第一眼就比佢個海鮮拉麵吸引左但有啲貴，$168一碗拉麵麵份量正常，蝦一般，其中一隻梅梅地，同埋係半生熟最正係果淡蟹糕，湯底麵好濃，略嫌偏油

質素衰過味千拉麵兩次大聲講明走荀，冇走。整呢碗拉麵(我見佢其實放料同放湯)果位阿伯，係原來幫餐廳拉袋黑色大垃圾袋去掉。我冇屈人。唔信可以去問。😡有可能係Musea裡最差嘅食物。以後唔會幫襯，亦都會叫所有人唔會食。

經過k11 musea 嘅food court，見到呢間拉麵店寫住自家製麵，同埋有辛口湯底，試下先🍜拉麵賣相可以，湯底帶辣及豚骨嘅味道，唔算好濃但味道幾好，麵質尚算幼滑少淋唔算有咬口，豚骨肥瘦適中，都幾淋，帶有油香及脂香，少量蔥花，木耳絲及大量筍片，溏心蛋都入味及有流心，食完好滿足😍呢個food court環境都唔錯

呢間係位於K11 musea地底food court（最近先發現有）既拉麵店。當日係星期日兩點幾左右，佢好多拉麵都已經無，包括本身想嗌既安格斯牛。所以叫左個九州拉麵，因為個人幾中意福岡系拉麵既湯底。整碗拉麵同湯底都合格，豬軟骨一般，湯底都合格，但又未話去到超級好食。但值得留意係，佢d筷子匙羹係自己拎，拎完發現有兩隻匙羹痴左d飯粒，未洗乾淨，呢個大家要留意下。杯茶就係後面一間叫robot tea整既，味道都係一般般，不過佢可以由機械人負責沖，比較有gimmick。

之前已經食過幾次呢碗麵最好食係溏心蛋煮得啱啱好 蛋黃唔會熟咗叉燒都唔錯 不過得一塊但係個麵質唔好食 有鹼水味湯底都普通其他配料就OK不過唔建議加炸蒜 口感好差$80一碗有啲貴 但係糖心蛋係值得食嘅

入面兩個呀婆staff完全冇禮貌 對客呼呼喝喝，話佢點解服務態度咁差 扮聽唔到 用背脊對住人 繼續你有你話 佢有佢做自己野 完全無視客人感受 食物方面亦不了 一個成九十蚊拉麵 得四片牛肉 又小又薄 係k11 musea 根本唔應該有呢啲staff同咁嘅食物質素

火炙安格斯牛肉拉麵有4塊安格斯牛肉 （$88）可能俾清湯淹沒左火炙味 食落冇 但清湯中就有牛肉味勝在都唔韌 拉麵都係正常份量 唐揚炸雞（追加$30）👍🏻有6塊都比想像中多炸粉都係薄薄地一層雞肉唔會太老醬汁反而有種韓式炸雞🍗的甜度Food court 到左7點都比較full 不過 每張枱都有足夠隔離 同都坐得好疏落

這天自己一個人完全不知吃什麼好，走到K11 Musea地牢的food court，被一沢拉麵這個原隻極上龍蝦拉麵的圖片吸引了，馬上點了這個$168的拉麵，另追加$12的豚肉，先喝一下湯底，湯底濃濃，不油膩，可以接受；而豚肉半肥瘦有油香，也是可以接受的，但問題是，用168這個價錢點一碗拉麵為的是吃那隻龍蝦，可惜龍蝦只有很大的頭，蝦尾的肉很小，而且沒有龍蝦的鮮味，有點韌，總而言之，以這個價錢來說是令人失望的。

得悉K11 Musea做緊展覽，今晚放工後有時間去參觀一下，順道去下層 food court 睇下有咩好食。睇中了一間日本拉麵店，係豪華版拉麵。極上原隻龍蝦拉麵湯底鮮香，絕對用上不少海鮮餚製。原隻龍蝦非常吸睛，肉質爽脆。龍蝦膏甘香。麵條幼細，容易掛湯。日式沙拉炸餃子不油不膩，餡料十足。好喜歡淋上了沙律醬，添加滋味。荔枝檸檬梳打食熱辣辣拉麵，最好飲番一杯凍飲，茘枝檸檬梳打味道夠晒清新，係夏日炎炎最好的消暑飲品。