宜家家居美食站

Open Now

Now Closed

食完正餐經過Ikea, 又口痕走入去食小食因為有啲飽同埋好多選擇都售罄, 只係叫左兩份小食<煙燻蜜糖腸(左)及蔬菜薯餅(右)>蜜糖腸好大條, 煙燻味都幾重, 但蜜糖味唔突出蔬菜薯餅裏面有好多西蘭花, 兩面小小焦焦地, 好食又健康

經過IKEA美食站隱隱約約聞到肉桂味，就俾吸引到，即刻行去買咗個肉桂捲嚟食，先$7一個好抵，外皮黃金色，咬落去脆脆的口感，裡面口感煙韌，甜度啱啱好，由於係非常熱辣辣嘅，所以要等一陣先食啊，如果你鐘意飲咖啡，可以加杯咖啡，會係一個美味嘅下午茶👍🏻

行開銅鑼灣ikea，見到美食站有個限定口味嘅雪糕，我就緊係要試下啦Tiramisu新地筒❣️期間限定❣️淡淡地嘅咖啡味，加埋上面嘅朱古力粉，食落都幾tiramisu ，好好味，不過因為勁多人排隊，所以杯雪糕比平時細咗啲🙁勝在價錢搭夠，可惜供應期有限☹️爆谷（$7(小) / $10(大)）熱狗（淨包$7，連任飲飲品$10）呢2樣我估大家都唔陌生啦，去ikea食嘢點少得熱狗餐。飲品可以任添，有多款飲品可以揀，熱狗可以自由選擇醬汁，有茄汁，芥末等等，都算抵食，連鎖店一個包都要過$10🙈而佢嘅爆谷都係好好食，最緊要係好抵食，$10有大大包，仲要熱熱地，同戲院買嘅質素差不多、不過價錢平幾倍，想過下爆谷癮可以買大大包，我去親都幫襯大包爆谷😂

今日/低咗男朋友自己一個人慢慢嚟宜家傢俬食小食不過人數都幾多排左成10分鐘阿但見到佢地既野食refill 得快又有新款我就要左第一個當然係popcorn 賣得超平既佢地係10蚊一大袋仲要係我最鍾意既caramel 味本身以為自己一個可以食晒點知都係唔得第二個我就要左一個乳酪雪糕佢地yogurt 味真係好rich 而且仲要係8蚊 上面仲係有醬

今日男朋友未到就自己一個人去左宜家家私銅鑼灣買小食不過今晚人都幾多下要排成10分鐘我自己為食要左一個大爆谷10蚊一個yogurt 雪糕8蚊咁見到佢d popcorn 都係即整即端出黎所以自己拎上手既時候都仲要熱辣辣佢地焦糖既部份好好味而且好多都癡左yogurt 雪糕真係我最愛黎最緊要佢細細杯但好平酸味整得唔錯上面仲有佢地既醬

IKEA often offers different flavours of soft cream once in a while and I always love to try if there are any appealing flavours. This time I tried their chestnut soft cream. It was pretty thick and dense and well kept so that it was not melting when served. It was reasonably rich in chestnut flavour, but still a bit too sweet to me yet it was acceptable. The waffle cone was as crispy and buttery as usual, which was also a bonus. Very good value for money at just $4.5!

見到廣告ikea出咗時令限定嘅栗子味軟雪糕，每每見到「限定」呢兩個字 ，都會心心眼， 何況呢個口味係我最愛嘅， 當然立即衝去嚐鮮啦！奇怪地竟然有雪芭嘅口感，而栗子味 唔會好濃，但係每一啖都有after taste慢慢滲出嚟。決定咗要喺呢段時間瘋狂地食佢， 因為實在太好味啦！而且價錢只不過係四個半， ikea嘅嘢食出名又平又好食， 呢個雪糕絕對冇令我失望！其實每次去都會排長龍 ，但係見到員工都快手快腳兼冇黑面 ，外國公司果然訓練有素！

每次去完IKEA 買完嘢之後，點都會去美食站買小食醫肚🌮🥙🌯🥘，呢度每時每刻都好多人👨‍👩‍👦，排隊條龍都好長，但職員好快手，做嘢好有效率👏好快就買到嘢食。啲小食真係又抵又好味。😄👏

同妹妹去左ikea小食站揀左個素菜丸，肉桂卷，同蔬菜薯餅素菜丸好難食🤢雜豆味㗎，無誠意肉桂卷正常口味蔬菜薯餅就正常好多食得出薯蓉同見到菜絲唔係雜豆味對得起個價錢

😋😋😋最近喺網上面睇到宜家， 出咗新嘅hotdog， 專係為素食者而設。平時熱狗套餐只係十幾蚊，已經有一隻 hot dog同埋一杯無限添飲嘅飲品🌭🌭🌭🍹🍹🍹今次素食系列，簡直係素食者嘅福音😍😍。 熱狗中間嘅腸仔🌭🌭，係用素菜整成嘅。 再加上大量嘅醃菜， 爽脆脆又酸酸甜甜😋😋。 就可以配搭唔同嘅醬汁， 真係非常滋味。整體嚟講真係好好味， 比平時嘅普通 hot dog， 素食的更加好食， 而且冇咁油膩。

我諗絕大部份香港嘅年青人都有試過糧尾冇錢嘅時候我都唔例外 中學時代月尾冇錢要10蚊食到一個晏晝簡直匪夷所思直到我接觸到宜家傢俬嘅熱狗下午茶簡直拯救咗我整個中學時代我諗好多人都會食過宜家傢俬嘅熱狗唔係因為佢特別好食而係因為佢真係特別平試問喺出邊依家邊度仲有可能搵到$10有熱狗又有汽水呢而個素菜pizza 味道相當一般但好有飽足感而且你見到上面嘅了十分豐富加上汽水無限添飲 絕對食得飽~~~~~~~~~~~~~~~~~~~~~~~~~~~~~~經過口渴又唔想去便利店買嘢飲不妨去宜家傢俬食個熱狗飲汽水 又平又抵窮人因物

晚上有一個好重要嘅活動喺維園舉行一向投入活動的我當然不能夠錯過。但由於放工時間同依個活動嘅時間相當接近，所以只能食個超快嘅快餐就係喺宜家傢俬嘅快餐店。今次活動係由維園行去中環蘭桂坊所以都要食多少少嘢我就揀咗蜜糖香腸同埋雞肉肉醬意粉仲有藍莓乳酪。由於唔係好太喜歡食豬肉，近排又食多咗牛肉，雞肉意粉啱曬我!本來睇落個雞肉意粉唔係好大碗~點知佢拎畀我嘅時候，原來幾贅手下， 個肉醬個汁幾好唔係好容又唔係好稀肉嘅份量都不少，而且番茄張有啲啲甜味， 加埋酸味 成為之餘仲有飽肚感， 這個搶一盒有三粒大大條， 樂樂有啖啖肉嘅感覺正都係有甜甜地嘅蜜糖味，三條有啲唔係好夠喉。因為太趕嘅關係藍莓乳酪雪糕，我就冇影相，不過可以話畀你聽，八個半喺宜家傢俬嚟，加上依個講分量就唔係幾抵， 但係當飯後調甜品手不過不失吧！

同媽咪次次落銅鑼灣都會兜轉IKEA，除左招牌熱狗套餐之外，軟雪糕都係必食！本來媽咪係想食原味雲尼拿軟雪糕，點知排排下隊望清楚，先發現一樣白色嘅雪糕原來係新口味 - 豆腐花味！店員會係軟雪糕上面撒少少黃糖，十足十真正嘅豆腐花～雪糕質地軟熟，入口豆腐味濃郁，都真係有豆腐花嘅感覺！雪糕筒嘅味道都唔錯，脆口，有陣陣餅底奶酥香氣。除左雪糕之外，亦都有Frozen Yogurt，IKEA嘅小食亭真係越出越多得意嘢食！

見近日CWB IKEA做緊優惠16蚊一隻雞脾+汽水，一直都好想試！本身雞脾15蚊隻，姐係加1蚊就有埋野飲，認真抵呀！襯準時放工就即刻落CWB食!!IKEA既雞脾向來都又抵又好食，但自從做左野之後，就開始冇再點食喇！襯今次呢個機會即刻試下先!!去到IKEA，估唔到都有唔少人，不過都好快就買到，而且亦都好快有位。隔左咁多年冇食過IKEA雞脾，估唔到咁多年之後都仲係咁好味，又滑又平。希望我係優惠完結前可以再食多次啦！

很多人一提IKEA雪糕，會先想起$4.5那款，其實還有$8的乳酪雪糕。一提起乳酪雪糕，很容易想起小時候紅色招牌的阿波羅。但那種應該是frozen yogurt。所以這款完全不同，其實一開始還希望口感是像那款的。(因為我希望那帶點沙冰的口感)雪糕吃上去乳酪味濃郁， 或許乳酪雪糕就是乳酪味雪糕。如果喜歡乳酪味的朋友值得嘗試這款。