宜家家居美食站

Open Now

Now Closed

Sat night 去開cwb 開yoga，學之前想搵D野填下肚但又唔想食太飽，就黎左ikea，貪佢D小食又平又多野簡!望左一輪餐牌，最後嗌左香草雞脾同蔬菜薯餅~<香草雞脾> $15大大隻香草雞脾15蚊，真系好抵食!  一聞好香的香草味，咬落D肉都好滑好JUICY! 推介!!! IKEA雞脾高質過唔小茶記，真心推!!!<蔬菜薯餅>$8好香牛油同薯仔味，有細細粒洋蔥同西蘭花系薯餅裛面，$8雞但完全無偷工減料，黎開CWB唔系太肚餓的話醫肚首選

宜家家俬而家已經改名叫做而家家居。呢度就好似一個主題樂園一樣，可以足夠一家大細消磨大半日，里面應有盡有，有唔同家俬用具，廚房用品兒童的區域，仲有今日嘅重點........美食站，可以填飽個肚再繼續行街。而且價格相宜。好似呢個大大隻嘅熱狗，配大大杯汽水，只需要10蚊，汽水仲可以飲完再飲。蜜糖腸仔非常美味，12蚊3條。大大隻，啖啖肉嘅大雞髀。只係15蚊。咁多樣野加埋先37蚊，但已經可以食到你飽飽啦講翻正題其實由於家中的掛牆鐘無故壞了，我嚟呢度嘅目的是買個新的掛牆鐘。非常抵玩19.9，廿蚊都唔駛。

星期5同男朋友放工食飯, 佢食唔飽, 所以陪左佢黎IKEA買野食, 今次冇叫最出名既肉丸,叫左香草雞脾, 大大隻15蚊都幾抵! 仲見到差唔多個個都拎住一隻黎食TIM!叫左一隻大家SHARE, 咬落D肉都幾滑幾JUICY!同埋好有香草味, 難怪咁多人叫! 不過因為地方極細,冇位坐之餘 搵個企位都有難度, 所以如果唔係買D就咁可以拎住黎食野既, 都幾唔方便架。

每當諗唔到食咩菜式嘅時候都會選擇去ikea~無論想狂叫野食食飽都唔傷荷包，定想食啲輕量小食都冇問題！買左呢個煙三文魚沙律。 佢大大片嘅肥美煙三文魚鋪喺上面真係好吸引！平時喺出面食個煙三文魚沙律要成百蚊，宜家賣$33 係超值。 煙三文魚都幾有厚度，上面鋪滿香草。 顏色有光澤，睇落油脂都幾豐富。咬落去好有滿足感。 味道唔會過鹹或者聞落好重煙燻味咁 。 除左沙律菜，仲配搭左一舊檸檬。吱檸檬汁落個煙三文魚可以去除魚腥味，亦都會冇咁油膩。 加左啲檸檬香嘅煙三文魚味道層次更加豐富。沙律醬類似芥末醬同tartar醬混合，淋少少落個菜度已經好夠，我比較中意落少啲醬，但個醬喺好食嘅。 沙律菜嘅份量方面有啲少，亦唔算太新鮮，有進步空間。

宜家家居的小食店不嬲又好食又便宜一到假日就逼爆每次經過都會口痕想食熱狗單買一個熱狗7元，連飲品10元。小食店內有提供熱狗醬料俾你任加，分別有番茄汁、芥末醬、紅果醬飲品口味可揀百事、蘋果綠茶、七喜、沙士汽水或佢一啲北歐口味的汽水。任你添加。試過佢啲北歐口味的汽水，覺得好一般。喝蘋果綠茶最穩陣。而紅果醬配佢款丸都好好食，醬料同丸仲可以落去宜家家居間瑞典小食店買番屋企繼續正。另外佢隻雞脾望上去都好肥美，下次要試下至得。

一直都諗唔明點解ikea會諗到開間cafe, 而且仲有冇得坐嘅企位快食區 每次去親ikea買野，就好想食佢嘅魚蛋，熱狗同汽水今次因為係填肚，同埋買嘢為主！所以就簡簡單單買咗個熱狗餐，有熱狗同埋可樂任飲 超級抵！冇記錯係$10咋真係平到傻咗🤣熱狗都好特別，腸仔就唔係用粗嘅腸仔，漿料就自由配搭，我係mustard同ketchup都係大量放喺熱狗上面😋 如果唔係就會好dry 超級好味，但係有啲狼狽，因為佢冇碟呀等等工具，有時個口唔夠大一啖食落去，就會可能整污糟件衫 腸仔超級彈牙，外面皮好脆！麵包唔會好硬，真係熱狗包嘅質地，好正，雖然未去到正宗熱狗咁好味，但係呢個價錢來講，性價比超高！飲品任refill已經好抵，所以我就冇再refill, 但係呢個優惠真係好吸引人

因為頭先餐lunch 貴貴地，都唔係叫o左好多o野食，食得麻麻地飽only，所以我地立即搵下場。全香港十大最抵食餐廳，ikea 小賣部一定榜中有名，適逢我地o係開銅鑼灣區，即係衝去食！呢度無得坐，只有企位。好多人幫襯，而且o個個位好狹窄，排隊俾錢條line 只有一個人身位，跟住就係通道俾人買完o野出o黎，但同時d 自助汽水機同埋一d 長檯企位都o係埋o個度，場面好墟磡，但大家基本上都好守秩序。見到個咁o既價錢牌，仲唔兩眼發亮！﹖一隻熱狗配汽水，或者一舊玉桂卷配埋咖啡先至$10，講緊o野飲仲可以無限添飲！本來我想試下佢個玉桂卷咖啡，尤其佢標榜隻咖啡有個乜乜乜認證，好似好勁咁，但只提供熱飲，咁天氣咁熱唔會啦~ 所以最後叫o左熱狗。隻熱狗ok o既，唔會話好好食，因為佢首先唔夠熱，同埋隻包唔夠軟熟，不過呢個價錢o黎講都已經係好好。長檯o個度有得自己落醬，我茄汁同mustard 都要落！飲品就隨你斟隨你溝，除o左可樂檸茶o個d 之外，佢promo 緊一系列「北歐風味果味飲品」。諗住ikea 瑞典品牌實無死，我貪心試o左一隻呢d 北歐果汁。嘩呢個唔多掂，佢話係個減糖配方，但同水無分別，完全飲唔到

幾乎每次經過ikea都會去買野食個人最鐘意食肉丸 啲汁加埋果醬 個味好特別好開胃 必食！熱狗個包又夠鬆軟 中間夾住腸仔 可以自己去加醬 我會加芥茉醬👍🏻👍🏻不會太咸而且好抵食又好味🤤

銅鑼灣有很多不同的美食選擇，有時候想吃一點小食，但又不想吃魚蛋燒賣？！你可以到柏寧酒店的IKEA Bistro。這兒逢星期一至五的12:00-14:00都會大排長龍，原因是附近有著名女校的學生會來這兒吃午飯，始終銅鑼灣物價高昂，當然也有不少「打工仔」捧場。這次試了新食品雞肉洋蔥圈，吃不到洋蔥味，但滿滿的「肉感」。素菜丸配蕃茄田園沙律，沙律有點帶酸，幾新清新，很適合夏天吃。素菜丸有點黏喉，應該是有薯仔泥。最後，都有點經典肉丸，但不知為何沒有了紅色的醬，少了一點味道。

係銅鑼灣附近翻工， 當然可以成日食到附近既好野食啦！今日都唔例外我地收工餓餓地揀左ikea 食下依下肚仔！不過我地實在太遲去啦 有好多野想食既去到都無左了雞翼，雞脾，蔬菜薯餅個d都無哂不過好好彩，我最愛既肉丸個有唷！！即刻啦啦臨買黎食啦good而間係自己加紅莓醬既嘻嘻嘻，緊係加得愈多愈好啦！ 汁都係最點之一有埋薯蓉or 意粉就更加正了而個$10蚊3條，價錢便宜！但味道我覺得比起其他而個有點點鹹！下次真係要早小小黎先得啦

宜家傢俬美食站一直都以平同好食吸引左好多人去排隊，適逢今日去開銅鑼灣，有少少肚餓又唔知食咩好，所以就去左宜家傢俬打算食到飽。熱狗呢，就係普通包加條脆皮腸，脆皮腸係幾好味既，但話超級好味就太over啦。佢勝在夠平，十蚊包埋汽水，重要無限添飲，但淨係一個熱狗，都未夠我塞牙縫，所以我地又叫左雞比，西蘭花薯餅，蓮藕餅，煙燻腸同埋宜家傢俬最出名既肉丸。只可以話係一餐好味既，唔健康既下午茶。但係偶爾一餐，又幾嘆。

每次在銅鑼灣都會想食啲平價小食，所以係睇戲之前就去咗ikea食返過嘢打底，主要都係掛住佢個meat ball，個醬汁真係世界級，唔會太稠密但又做到掛汁嘅功能，肉丸紮實唔再話，仲係粒粒都好平均。每次都食雞脾同埋腸，都係必食三寶，雞脾真係我最愛嘅食物，啲蜜糖味真係好香又好夠甜。跟著近排仲推出咗個豆腐花味雪糕，先4.5咋，真係唔食唔得，加咗啲黃糖真係又幾似食緊豆腐花。素菜丸真係唔好去試，因為試完會好憎ikea，所以食返普通meat ball會好啲。

路過食個tea,,,,讀書時常食的熱狗，抱住懷念心態再黎食因不是間間ikea都有熱狗但味道不同了，不知道係以前我要求底，還是現在將價就貨，記得N年前係$9個熱狗現在$10跟飲品，反而更平了？有改進的是以為茄汁係樽裝，容易Bi到成檯都係，，現在加茄汁好像雪糕機似的，很干淨可惜我不會再幫襯了，不是因為食物，不是因為要自助而是有段小插曲，我Order 了熱狗餐+小食比飛後職員只給了熱狗，然後走開了拿小食，於是我自行拿杯，行去拎小食正想開口問時，職員搶先開口“喂，你單點，我無比杯你做咩自己拎呀,攞反黎啦“講到我好似偷野甘好心佢啦，我都拎個杯佢睇，仲要非繁忙時間，更何況幾蚊雞呃黎做咩先，張飛又俾左佢要佢拎反黎我先check到，當時廢事為幾錢check黎check去，我無講咩就離開，後來我check8達通record,再計反條數，的確只收了單點費，雖然我比錢時無睇單都有責任，但職員可用好多方法解決，而佢用了最差的方法，好簡單，佢拎反張單同我講，你叫左單點，補吾補錢加野飲？效果已經好好多囉，都係一句

春夏交替換季執屋大行動，總免不了行下宜家家私簡單布置下，呢排興窩居宅急便嘛，講求減廢，斷捨離🙀。無論系搵到筍野定清左垃圾，心情都糸咁好，胃口又好左，見到宜家門口塞滿買野食的顧客，我們忍不住湊下熱鬧。真系好抵食，10蚊一個熱狗汽水餐，汽水仲可以無限添飲。真系好方便來行家私的朋友。排隊交錢之後就會比個杯，拎住個杯就可以自助添加汽水，好多款汽水可以揀，每款都可以試。熱狗🌭️包新鮮滾熱辣，品質不錯，面包鬆軟，熱狗外脆內軟，好香。鐘意添加醬汁的，仲可以自助添茄醬同芥辣醬。

IKEA - 對好多人嚟講係賣傢俬嘅地方, 但對於我嚟講, 佢就等於有平野食 唔知幾時開始, 經過呢頭無論餓定唔餓, 都總係想入嚟買返個熱狗set十蚊雞, 就有踏實熱狗一隻, 蕃汁 & 芥末醬任你唧, 可樂又任你飲, 成個銅鑼灣重有咩小食貼地得過佢? 我諗唔到囉😎當然抵食嘅野就一定係多人, 唯一令我卻步嘅就係每次嚟到都有長長嘅人龍, 真心建議IKEA實施派籌制度, 與其個個企曬喺度等野食, 不如將等嘅時間用嚟入去行下, 話唔定唔覺意又洗左錢呢