宜家家居咖啡室 (Closed)

之前向呢度行傢俬都無向呢個位於5/Fge cafe,今日反而刻意黎試試,因為知道佢唔貴.附近其實有不少餐廳,但價錢當然有一定分別.起身見到D侍應好似懶係忙咁,幸好serve落都發現佢地ok有禮貌,禮儀舉止語氣都十分友善.匈牙利雞肉意粉($26):賣相麻麻,同想像中好有出入,味道亦似飛機餐,幸好,食落口係另一回事,主要係有d青椒味咁,個汁唔係太濃味;雞的份量不少,偶然1,2舊有d"鞋",整體黎講合格.紅咖哩牛肉意粉($26):賣相較前者好,份量同樣適中,我只係試左2啖,咖哩唔似紅咖哩(但唔代表唔好味).其實對好多人黎講呢個意粉一d都唔辣,不過小弟係完全食唔到辣,即使近半年積極練習亦未見起色/.\周打蜆湯($8):又係冇乜試,質感比較稀,相反味道就偏濃,足料.瑞典凍蝦($22):無論係樣子定係數量都令人滿意,本身對味道的期望不大,食落係有驚喜(可能我預期太低?)雖然蝦頭冇乜蝦糕可言,不過甜蝦般的味道令人回味.雖然細細隻,但唔會有"唔夠喉"之感;此外,有D蝦籽般的東西,不過味道十分淡.飲品係自助的,小弟慢慢飲完杯汽水,最後仲針左杯咖啡拎住走,都唔好話唔歎.總結,繁忙時間,最大問題都應該係驚冇

3.18剛剛打完泰國菜的食評發現日子有錯, 應該是3月17食的吧...3月18我同男友去左行宜家傢俬, 所以黎左呢度食肉丸。佢傻左咁買左好多粒, 好似係15粒, 2個人食咁多太飽了。不過肉丸仲係咁好食, 因為很淋, 又平又抵食, 係茄汁酸左d。而跟肉丸的薯片換左另一種, 之前個隻好食好多, 依家個款好硬身, 同埋好咸。

自從沙田宜家大修, 冇得食肉丸後, 仲以為同宜家肉丸緣份已盡 : (估唔到九龍灣仲有得食喎, 呵呵味道比沙田宜家, 無論醬汁或肉質, 呢度係差少d, 但唔係話呢度唔好食, 只係沙田做得太好, 另外叫左個凍蝦, 大大話話都好似成廿隻,肉幾鮮, 比預期中好有機會黎開九龍灣都會再黎, 肉丸絶對係必叫之選, 抵食大件

行完 Rainbow Gala 2 返到德福廣場, 第一時間去 IKEA Cafe 抖一抖我去買嘢食, 頌頌仔去搵位, 見佢仲未搵到位, 就改要外賣 +$2 , 諗住帶回家食啦...加左錢後, 先比佢搵到位...無啦啦唔見二蚊... 慳唔到一蚊, 反而浪費二蚊o潻~雞批 $9味道OK啦, 內涵大部份是白汁, 食唔出有雞肉, 可能 d 雞肉已同白汁溶為一體~肉丸 $19d 薯片好味, 肉丸都唔錯, 茄汁醬就酸左 d 啦~

專登來ikea買cushion比貓貓們過聖誕~行到腳軟真係要坐坐...點了: 藍莓 muffin - VERY Good!雞批 - 嗶！大個到爆！好飽 ... 味道一般，始終冇茶餐廳咁好味~熱Coffee - Good!平日來行行，Tea一Tea好寫意~

以前在vtc上學時，每次放學都會和同學們一起到宜家當然是看上比麥記、ok、7仔都還要好吃而只需$2的雪糕雪糕杯都不錯呀，只需$3 無論什麼都較其他平本身不愛熱狗的也試過，不過我覺得腸比較好吃！當然特別是熱狗加汽水成餐都只是$9 是男同學們的最愛 宜家小吃價錢一向平宜，心得大眾喜愛，我也不例外但在cafe卻一次都沒試過難得再出來，便決定在這裡吃晚飯7時多很多人，很難找位！叫了一個set，$26 只有兩種選擇 每款都會有汽水，另加幾元有湯我選擇了意粉+汽水最初第一眼覺得很少份量但當用餐後便已經覺得飽肚味道都不錯，意粉都ok，汽水雖小但可任添很欣賞ikea是要求希望用餐後自行收拾，很少會這樣作法這樣好從中訓練公德心和責任感下次希望嘗試宜家的cake！好像很吸引！

午餐前小吃, 第一次試了IKEA的食物先試了瑞典肉丸, 共十粒size同街邊魚蛋差不多, 肉味頗香, 有咬口, 同番茄醬味道很夾, 算是不錯的小食薯片我無食, 男友就話幾脆另外試了煙三文魚, 煙燻味濃, 咸味啱啱好, 很快又清了碟 野食既價錢同質素都收貨, 環境就一般, 好難搵位坐, d位又坐就唔係咁舒服排隊人龍很長, 員工手腳最好再快一些

迎接聖誕和呢個冬天﹐連呢度都出了個湯添。薯仔蜆湯好香﹐都creamy﹐料都唔小﹐而且蜆肉夠彈牙﹐感覺好新鮮。煙三文魚好香﹐不過都幾貴﹐得個兩片就成差唔多30文﹐如果多D就好啦。不過真係夠香咖﹐又滑﹐入口沒有一半三文魚的感覺﹐煙過果然真係唔同D。香好多。茄汁長通粉又幾令人意外﹐本來如此普通的材料﹐沒有肉對於我真係唔多吸引﹐不過D番茄夠晒香﹐而且番茄肉好健康感大大粒﹐長通粉煮得剛剛好﹐好健康啊。最喜歡﹐一定要吃的就係蝦香檳﹐D蝦真係健康D感﹐雖然細細只﹐不過好鮮甜﹐肉身又唔係“淋”晒個只﹐有DD彈牙﹐但都係因為鮮甜同比較多汁﹐所以我一定會吃﹐縱使會吃到食相好狼狽﹐感甜﹐值得啦。

由於距離睇戲唔係剩好多時間,所以叫了瑞典肉丸($19)裹面共有10粒肉丸及一些薯片,肉丸配上鮮茄醬味道尚算可口,不過我食到第5粒已經好飽,如果份量可以少d就仲好薯片最好食咗先,如果唔係會俾d汁浸到淋哂

今日8點半左右去到九龍灣的IKEA Cafe... 呢間的肉丸同沙田相比, 差好多呢!!!肉丸($19): 超酸的汁... 好似食緊酸版山竹牛肉!!蕃茄長通粉($19): 通粉好乾, 食得出係用暖的蕃茄醬掩飾凍冰冰的通粉!黑椒肉碎批($12): 用叉一插落去, 全部變左餅碎!!! 食不出任何的黑椒. 肉碎味!!汽水($7): 5部汽水機的汽水都係冇氣的! 有客人投訴, 店員亦沒有更換"氣"... 像樣嗎??這一餐我承認是我選擇錯誤!!! 我以後都唔會再到呢度食, 要食肉丸, 我一定會番沙田的!!

有免費電影票, 拉著家人去德福看個電影. 同家人逛德福, 新屋亦未齊傢俱, 要行, 當然是傢俬鋪.看完, 離開場仲有時間, 平平地, 叫一份肉丸, 每人一杯奶茶. 只是$40. 真是抵食.肉丸一份十粒, 味道仿佛全世界一樣, 到過英國, 瑞典及香港的IKEA, 肉丸連醬汁是完全雪藏一包Made in Sweden, 果然, 味道不變. 這裡的肉丸, 肉味十足, 粉落得不多. $19一份, 保持了抵食, 好食. 以前在外國, Weekend遊IKEA, 必定係裡面食埋野.地方同格局同外國的無異, Self Service的餐廳, 價錢便宜, 德福沒有什麼經濟午餐, 唯有IKEA. 相信, 中午不少人呢.

主人與奴隸獸有數星期時間，要在九龍灣上課，所以『宜家』自然成為我們其中一間食堂。瑞典肉丸配鮮茄醬（HK$19）當然不能少，因為已成為奴隸獸的至愛，從前已有評述，不再贅言。今次我們還點了：1.　有機意粉配有機蕃茄醬（HK$19）：只可以用兩個字來形容，『好酸』，勁酸得要命。2.　杏仁餅（HK$12）：味道濃郁，杏仁碎粒腍腍的，但頗有咬口，不太甜，是主人喜歡的傳統餅食。

從前已很喜歡坐在這裏優閒的看書, 這次又再黎到溫習, 順便吃點東西白汁燴雞肉意粉($26): 包一杯汽水, 呢度汽水係任添的, 正!! 意粉不甚突出, 味道偏淡, 適合喜愛清淡口味人仕有機蕃茄醬配有機意粉($19): 友人認為頗難吃, 蕃茄較酸且意粉太腍瑞士肉丸配薯片($19): IKEA Cafe的招牌菜, 肉丸聞說用牛肉mix豬肉而成, 很美味; 友人相對更愛薯片. 很脆雖然味道不算突出, 但IKEA Cafe的優閒環境絕對贏回不少分數, 不少人看傢俬, 逛累了, 上來吃一點東西, 絕對是不二之選, 難怪星期六日會咁多人啦

補習之前同朋友去ikea食lunch,聽講呢到的茄汁肉丸又平又好味.就黎食下啦真係唔錯呀 !有10粒肉丸仲有d chips,肉丸個味好似山足牛肉呀我覺得但10粒食下食下又真係幾好味!但我就覺得d茄汁多左d...-3-小返d應該會好d...感覺似食肉丸多過茄汁..!

o向德福間新戲院MCL睇完戲行o左o黎行IKEA行行o下肚餓, 搵o的o野醫肚先~都等o左幾耐o下先有位, 買o野都排o左幾耐兩個人, 叫了... ... 周打魚湯 {不喜歡飲周打魚湯o既我認為係難得好飲o既周打魚湯} 瑞典肉丸 {招牌貨~ 水準依然~ 蕃茄醬酸味味~ 夠開胃~ 肉丸鬆化可口~ gd!!} 煙三文魚 {另一必叫菜! 甜甜的芥末醬~ yummy~} 蕃茄醬長通粉 {不是熱的, 只是微暖, ok la~ 一般貨~}是餐, $71, 食得一般飽肚, 令你可以繼續行埋落去~