稻八日式火鍋炸物放題 (Closed)

成日食半自助火鍋 第一次有得玩自助天婦羅 可以自己沾漿炸 感覺好新鮮 熱辣辣炸起 仲特別好食! 我試炸左日本蕃薯同魚蛋!側邊仲有好多調味粉揀 重口味人士可以任加飲品同雪糕選擇都好多!今次叫左 極上安格斯牛小排set $238/人肉類頭一round每樣一碟已經夠哂喉 因為份量好多!啲牛嘅脂肪比例都唔錯 食落好香口!仲有刺身食!質素一樣ok家! 唔會又細塊又腥! 種類都唔少!有三文魚 象拔蚌 大北寄貝 鮑片 等等舖頭夠大 位同位之間又夠闊絡 傾住計食野一流! 

上網見十一點後有七五折就book左So far啲野食都正正常 價錢合理賣單大約$250一位 但有樣唔好既就係 明明兩點先收但十二點就開始汁緊野 十二點半開始收野食 同全場得一兩個人ser 其他人就食野同準備收當感覺好唔舒服 下次黎食都最多十一點前食 無咁嬲

呢幾日天氣唔係咁好，成日落雨，趁今日天氣好啲就去咗荃灣行街睇戲食飯拍拖拖，今日特別啲去食自助火鍋和刺身氹下另一伴開心😃一入到去門口有好多掛牌客寫左不同心願，掛滿走廊都好特別 我地最後點左一個$238極上安格斯牛小排放題，入面包含咗炸物、極級美國榖飼牛、美國自然豚肉片、美國進口牛肉、羊肉、日本北海道雞片仲有刺身,還有日式冷盤。選擇牛乳牛骨湯底,底料加入牛腩令湯更加濃郁，如未落材料可以試飲下都唔錯。食物送到，賣相唔錯牛小排唔可以煮太耐，叫識得掌握佢嘅熟成度，而另一款叫牛白肉嘅食物就令我更加覺得吸引，食落口好嫩滑又有口感，令到我追call幾次。已刺身可能唔係主打，選擇唔算太多，但食落去都算新鮮，我哋嗌左一次以無再點，因為今次主要都係食火鍋出面有食物自助吧，仲有日式冷盤，仲有芝麻八爪魚同螺肉，芝麻八爪魚係原隻唔同有啲鋪頭係剪開，醬料亦都十分齊全，可以自由配搭。最令人驚喜係出邊有個炸鍋，可以自由選擇你想要炸嘅嘢，仲教埋你點炸天婦羅等等嘅食物出嚟，未試過而又想嘗試嘅好去試啦！自助吧出邊有好多丸菜一定有款啱你！如果想飲走嘅朋友，可以加錢去飲。出邊仲有啲韓國雪條同糯米糍俾你做甜品

同男朋友收工一齊去食日式放題，哩間放題既好處就係佢可以一邊打邊爐一邊食刺身，仲可以自制天婦羅，而且揀中上等既牛都係200幾蚊位，真係抵到冇人有😍😍佢d牛有幾款，但由於我食食下發現幾好食先至影相，所以影得唔齊全😂😂😂仲有牛粒，嫩滑唔軔左上角係肥牛🤤🤤刺身種類我記憶中貝類都多選揀，而且有少見既嬰花魷魚😍😍😍自制天婦羅，簡單易上手，炸一炸就食得，好食又好玩，咁曬d貪新鮮既香港人🤭🤭

一行六人連埋小朋友，去咗呢間食火鍋放題嘅日本餐廳，因為係朋友book枱，所以之前我基本上未聽過個名，但係估唔到咁有驚喜。佢地嘅選擇同用材，唔會差得過出邊一D連鎖嘅食牛肉放題嘅火鍋，而最驚喜果點係有個炸天婦羅既area🍤最欣賞係佢refill番嚟嘅肉質都係同一類，記得之前去其他”牛”字頭嘅火鍋，refill左2盆就變左另一檔次嘅肉質，呢間童叟無欺又ok啵刺身都新鮮另外絕對值得一提係佢嘢飲嘅corner，好多懷舊嘅嘢飲，呢個無糖嘅碧螺春，我連續飲咗3罐。成晚坐得好舒服，一D都唔迫，最重要係冇限時，而且基本上唔需要等位，唔使食餐飯都趕到死。所以呢間餐廳我絕對會再去食，推介

呢間涮涮鍋放題開左都一段時間，除左有和牛任食，仲有個diy炸物區，一直都好想試下，今次牛痴朋友生日，有人提意食呢間，終於一行四人去左食~餐牌有幾個唔同價錢選擇，主要係肉類種類有唔同，我地揀左中位價，每人二百幾蚊既任食套餐~一入去就比呢個貓牆吸引住~除左牛肉係任食，出面仲有好多食物都係任食，各式丸類，蔬菜，豆品，粉麵等等，都好多選擇~DIY炸物區，選擇都唔少，蝦，茄子，秋葵，都係我至愛~整齊乾淨~飲品區亦有不少驚喜~好好味既韓國蜜瓜雪條都係任食~除左套餐包既和牛，仲送左一碟手切牛~每款都新鮮，色澤紅潤紋路清晰，厚度剛好，唔會因為任食就切到好薄咁比你~油脂甘香亦有牛味~好味我地呢個價位仲有刺身都係任食~都好鮮甜~花膠同灣仔碼頭水餃都係必食~雖然已經好飽，但都要整反幾串炸物食下~炸物區有教學，要整到脆卜卜都唔太難~最後仲有一人一杯哈根大師雪糕，今餐抵食又滿足~

呢排成日都狂風雷暴最岩就係室內大吃一餐😍🍲有冇人同我一樣 又有放題食刺身既心又想打邊爐🤫呢間可以滿足哂我兩個願望😋😘仲有自己DIY炸天婦羅🍤 勝在環境都幾舒適宵夜時段21:30入座全單85折tim呀我揀左極上安格斯牛小排放題 $238簡直係食肉獸最愛👐🏻湯底選左鴛鴦鍋壽喜燒同北海道3.7牛乳牛骨湯🍲淨係講肉方面都已經有：美國極上安格斯牛小排、特級美國穀飼牛、羊肉、美國牛白肉、美國自然豚肉片、雞件✨當中以特級牛為最鮮嫩。仲送花膠、墨魚滑、蝦滑🍣刺身任食‼️最欣賞係填幾多嚟幾多👍🏻👍🏻三文魚、帶子、甜蝦、象拔蚌、油甘魚、呑拿魚、劍魚、希靈魚、鮑片等等😋質素都ok嫁‼️ 當然唔好要求好似放題咁高質素啦～但至少係新鮮同埋都幾厚身 可以encore呀唔該👋🏻配菜款式更比其他日式火鍋多選擇😆我朋友真的太有才！ 但蔬菜拼盤排得勁靚！！自助區多到我都試唔哂山根、響鈴、芋絲、海鮮球、芥末魚丸、京蔥、大蒜、魚豆腐、龍蝦丸、芝心丸、油揚、餐肉、鮮支竹、雞肉腸、鮮木耳、蘿蔔、翠玉瓜、蕃茄、冬瓜、雞髀菇、鮮冬菇、南瓜、油麥菜、金菇、旺菜、唐山菜🌿仲有個微形salad bar，可以自製沙律醬汁區一定唔少得啦連螺肉、中

今日一行四人揀左間貴精不貴多的放題，集刺身、火鍋、串炸於一餐的放題，門面好有日本風格的裝飾，主要食靚牛肉的火鍋放題，而且有刺身任食，最特別是有自助串炸，又玩得又食得。先揀step 1的肉類選擇，有六款價錢由$158-$368，大致上前者較平是美國牛，中價有澳牛，最貴是日本牛。再揀step 2的火鍋湯底，有八個口味選擇，當然還有特色的湯底，但需要再加錢。我地揀左極上安格斯牛小排放題 $258，點了簡單的九洲濃厚豚鍋，濃而不膩，直接涮蔬菜食已經好好味。$258以上的餐都可以任食刺身，其他價以下都要加錢。我地點了八款刺身，漏左油甘魚，不過可以任食再點。三文魚最肥美油潤，入口魚脂又香又滑。甜蝦也嫩滑鮮甜，帶子仲好冰凍，不過都嫩而不腥。北寄貝好大塊，入口爽甜味美。另外象拔蚌同榮螺都非常爽脆甘甜，櫻花魷魚柔軟中帶彈性，仲有飛魚籽的鮮味。刺身款式頗多，而且味道質量都幾好，值回票價。等肉類送來時，可以出去調定個人喜好的醬汁，而且仲有沙律吧，有新鮮爽脆蔬菜配芝麻沙律醬超正又開胃。超豐富的火鍋，有極上安格斯牛小排、特級美國穀飼牛、美國進口牛肉、美國自然豚肉片、羊肉、日本北海道雞肉、蝦滑、墨魚滑，還有附送的

今日又到左約朋友出黎聚舊既日子,之前經開荃灣德華公園附近發現有間日式火鍋放題,所以就黎試試我地揀左$258~極上安格斯牛小排放題蔬菜配料區都有好多選擇,有蔬菜、丸類、豆卜、菇類、麵類等...醬料區度有幾款餐前小食,仲有沙律可供選擇,我拎左少少芝麻八爪魚黎試,大隻得黎,好爽又入味佢地仲有白飯同熱茶提供有好多款凍既飲料,但如果想飲酒既人就要另加錢先有,但可惜要成枱人都要加,不可分開,對於唔飲酒唔會點既都要加錢就比較不值.有不同口味既雪米糯;蜜瓜雪條同朱古力味雪糕三文治,都係不錯既飯後甜品我地揀左九洲豬骨濃湯,味道都幾香濃極上安格斯牛小排:油脂分佈平均, 雪花紋好靚. 薄切好快就熟,入口肉味重而有咬勁.特級美國穀飼牛:肉嫩口感扎實,鮮嫩多汁日本北海道雞片 & 羊肉 :雞片肉質雖不算嫩滑,但又未到粗糙 ; 羊肉肉質細嫩,但有腥膻味.美國自然豚肉片 :肉質具有咬口之感,且脂肪香而不膩,配上芝麻醬更滋味.美國進口牛肉:雖然比較厚身,但肉質細嫩軟綿,牛味香濃牛白肉 & 牛柳粒 : 呢2款都係送,第一次食牛白肉,原以為係牛既脂肪,但上網查先知係牛胸肉,接近胸骨軟骨位,口感爽軟;牛柳粒 香濃多汁,脂肪比

餐廳位於荃灣，環境寬闊，出lift後可見充滿櫻花道感興就無去錯。門口掛滿讓客人寫下留言嘅祝福牌其中一幅牆仲要係擊中我們貓奴心嘅彩繪，原來都想拍張到此一遊，但唸真啲好似有嘅"大鄉里"餐廳形式主題係日式火鍋，有幾種價錢，主要分別係有唔同種類嘅肉，再加出面自助區蔬菜，沙律，丸吃，飲料，甜品，雪糕，燒酒，刺身仲有另一吸引我們嘅要點，就係呢個有得玩嘅炸物區，多款串成一串串嘅食材由自己上脆漿同麵包糠，再放入倆格油格度炸至金黃色小弟嘅作品多多指教飲料選擇都唔少，有三個雪櫃由百事汽水系列至道地茶品，支裝涼茶雪條，雪米糍，同用餐尾聲職員會主動問你要咩味嘅 haagen-dazs新鮮刺身同一般放題質素相若湯底係蕃茄濃湯，手切牛，美國豚肉片，羊肉片牛肌肉岩岩溂熟食材實在太多，不能盡錄，你們自己黎體驗啦。我就覺得餐廳環境舒適，有嘢玩，食物質素普通，價錢優惠，係朋友聚會嘅好選擇。

-今次約朋友去荃灣就食日式火鍋放題, 價錢唔算太費。餐廳環境幾闊落，不錯👍-依間餐廳有6個不同價錢嘅放題可以揀，今次就揀左 $238 極上安格斯牛小排放題，而湯底就揀左蕃茄湯底。$238 極上安格斯牛小排放題1. 任點 刺身（每款刺身好新鮮，好鮮甜，好高質👍🏻不停點刺身食，必食刺身！）2. 特級美國穀飼牛（肉質嫩滑，睇落好新鮮, 牛味濃郁☺️）3. 手切牛肉（手切牛肉係厚切，牛味十分濃郁❤️4. 羊肉（羊肉嘅騷味比較重）5. 美國自然豚肉片（豚肉好新鮮，味道一流😘）6. 日本北海道雞片（雞肉十分嫩滑，好好味😍）7. 牛白肉 8. 牛柳粒（牛肉味香濃，肉質軟彈牙，味道不錯😋）9. 墨魚滑，蝦滑，花膠（墨魚滑同蝦滑都好彈牙，而花膠都好滑😆）仲有好多蔬菜，肉丸類，菇類選擇😍-飲品是自取，有各款汽水，烏龍茶可以飲😋-甜品區有雪米糍，雪糕三文治，雪條🤤（P.S 埋單前有Haagen-Dazs雪糕 或者 movenpick 食）-每人大約$238 就食到咁高質嘅食物，真係好抵食😎

日式放題真係我至愛，今次搵到荃灣呢間又多嘢食，價錢又抵嘅日式放題，點可以唔同大家開心share呢? 極上安格斯牛小排放題都係$238，美國極上安格斯牛小排、 特級美國穀飼牛、 美國進口牛肉、炸物、美國自然豚肉片、雞肉、刺身任食，仲有雪糕甜品添！去到餐廳門口，掛滿晒繪馬，好似去左日本神社咁，好有日本feel。餐廳仲有唔同嘅顏色筆比你畫繪馬，寫低你嘅願望掛上去添，我梗係都唔執輸，寫番個願望先。湯底方面足足有七個選擇，我哋揀咗個Sukiyaki壽喜燒甜醬油湯底，超正呀！如果想試多個湯底，加$18就可以有雙味湯底啦！到時可以mix埋其他，例如：北海道3.7牛乳牛骨湯、 味噌芝麻豆乳湯等。鍾意食肉嘅我真係啱晒，有美國極上安格斯牛小排、特級美國穀飼牛、美國進口牛肉、美國自然豚肉片、雞肉、一口牛柳粒，無限量供應啊！啲牛肉仲要好新鮮好嫩滑，雪花紋整齊排列，每一口都有好香嘅牛味。個staff仲好細心話我知，點番啲日式麻醬會更加好味，果然無介紹錯。刺身款式有好多，有鮑片、榮螺、 馬刀貝、八爪魚、大北寄貝、希靈魚、吞拿魚、劍魚、象拔蚌、三文魚、油甘魚、甜蝦櫻花魷魚，同埋我至愛嘅帶子。刺身都好新鮮，完全食出

平時行經呢度, 都好想去試下, 今晚終於一嚐所願, 黎個日式 Shabu Shabu 晚餐 一上到去 1 樓, 一出電梯, 就會見到用好多許願牌佈置嘅 Reception 位｡餐廳座位都比較寬敞, 檯同檯之間都唔會擺到好迫｡醬料 + 日式小食區: 醬料款式有好多, 連辣椒七味粉同胡椒海鹽都有  而日式小食就有 7 款｡火鍋食品自助區: 主要都係提供各式蔬菜同丸類, 款式夠晒多｡自助天婦羅區: 餐廳另一賣點, 就係自己落手整天婦羅｡ 雪櫃擺放左 15 款天婦羅食材, 揀左食材後, 可以沾上炸漿 & 麵包糠, 然後就可以放落去炸, 簡單好玩 今次決定食豪D, 所以 Order 左最貴果款, 國產黑毛和牛套餐 $368, 主打食日本國產黑毛和牛, 湯底揀左鰹魚昆布清湯｡ A4黑毛和牛肩肉、A4 黑毛和牛肉眼上蓋、A4 黑毛和牛三角腩: 齋睇顏色同油脂比例就知係正野啦 牛肩肉脂肪較少, 由於係薄切, 所以淥幾秒就已經食得, 肉味較重｡ 肉眼上蓋肉質較腍, 口感好嫩滑｡ 三角腩肉質較瘦, 帶有筋, 又稍帶肥肉, 所以食起黎比較有咬口｡ 牛白肉、牛柳粒: 牛白肉全身帶透白, 睇上去以為係脂肪,

難得黎到荃灣,緊係要食下好野於是搵左間任食邊爐（重點係有得自己炸野食）緊係要試下啦門口都幾難搵,最好搵定點去因為餐廳係二樓平時都唔多覺眼Menu都好多選擇嫁,除咗打邊爐仲有刺身可以食菜同飲品都係打邊爐唔少得既野咁呢度當然都會有啦,而且菜式選擇仲唔少wor咁就咩菜都可以試吓啦湯底可以選擇轉鴛鴦底同人地一齊share只要你叫咗餐,就咩肉都會有d可以食呢度嘅肉類都好新鮮,色澤睇落紅潤到左重頭戲就係呢度可以自己整炸物食而且食材好豐富,有蝦、茄子、翠玉瓜等等好玩又好食