稻庭養助

Open Now

Now Closed

嗰晚去演唱會前一支公黎食個飯，最掛住呢度嘅蕃茄湯烏冬，即刻嗌個腩肉蕃茄湯烏冬，跟住再睇下menu，比之前黎多左幾多選擇wor，見到有魷魚肝醬炒野菜魷魚，鍾意海鮮嘅我忍唔住嗌！碗烏冬一黎到快影張相就即刻開動，跟住先醒起....d腩肉去左邊？！原來落錯order 😣我趕時間，唔想搞咁多野，唯有下次啦！好彩蕃茄湯依舊香濃，同幼滑嘅烏冬好夾，加上有好多洋蔥、椰菜同鮮冬菇，仲有d肉碎（應該係牛肉），好味又有營養。點炒魷魚時聽到侍應同廚房講：「炒你魷魚呀」😅哈哈，講呢d~~一黎到就覺得好香喇，上面有好多蔥，啱晒我！加左魷魚肝醬炒嘅椰菜特別惹味，魷魚份量好多，柔軟有鮮味，本身點菜時覺得有d貴（加埋一要$100多d)，試過就覺得係值嘅，不過奉勸唔好好似我咁獨食，加埋烏冬實在太飽喇，係眼闊肚窄嘅🤣鐘意呢度會手寫menu，同埋按時令有唔同菜式，不過自從地鐵通車後真係貴左唔少，喺香港搵食真係越來越重皮喇~

口刁既我朋友搵紅磡黃埔有咩食，最後決定食呢間。我地7點幾去到，見到好多人，不過去流算快，等左一個鐘左右就入得我地兩個人，我想食冷烏冬，朋友想食暖烏冬，最後我叫左一個淨冷烏冬，佢叫左個天婦羅盛盒暖烏冬，我地share天婦羅食因為暖烏冬係湯浸住，所以冇冷烏冬咁煙韌叫左銀三文魚刺身，唔係我地食開既三文魚，味道上有分別，呢種比較清，亦冇咁多油脂叫左鹽燒牛舌，味道都係偏淡，所以叫左侍應俾鹽同檸檬仲叫左原味唐陽炸雞，呢個就一般般，炸粉厚左少少，不過雞肉好滑餐廳好有日本既感覺，咁岩後面坐左枱日本客人

一直對呢間好有日本風味既餐廳念念不忘 今次晚市黎 睇下有咩唔同先！通常食烏冬都係食清湯嘅 今日聞到隔離食蕃茄味,所以就忍唔住叫啦喎上面有好多燒豬腩肉 用左鹽燒既方法做 蕃茄湯底十分甜 原來除左蕃茄 仲加左好多蔬菜 例如椰菜呀芽菜 紅蘿蔔等 令人胃口大增 烏冬同出面既好唔同 係好幼同好薄既稻庭烏冬 所以唔會好似食左一大舊粉團咁 少少飽 岩岩好順帶一提 食完比較濃味既蕃茄烏冬 不妨試下秋葵沙律 秋葵本身有助消化 配埋酸甜可口既和風沙律汁 可以解下油脂 大家都可以試下！

如果你對烏冬的印像是肥嘟嘟的便宜貨，那便錯了。其實烏冬在日本有很多流派，也有相對幼身的。日前在紅磡的「稻庭養助」，便吃了一頓很滿意的天婦羅冷烏冬。稻庭烏冬是秋田縣名物，這店自家的手製烏冬的爽滑程度一流，屬幼身，名乎其實的滑溜也，有點涼意下，沾汁當素麵般吃的冷烏冬更絕！這次選的配菜天婦羅唔錯，至少炸漿不會過厚。唔夠喉，見店子是日推介有炸池魚，相當香口。呢間居酒屋格局的店子，店長是日本人，客人也有七、八成都是日本人，味道應正宗吧。唯一唔like是叫酒精類飲品要硬食廿蚊的送酒小食，唔理人想唔想食，有點強人所難。不過，傳統日本居酒屋亦有此慣例，要飲酒的話真的只好認命吧。

一直想試呢間d烏冬好耐，今日得一個人食lunch，決定試下！叫左個set有兩款野食，一碗迷你冷烏冬同迷你吞拿魚飯，包一杯野飲。送到黎，賣相都ok。平時d日本餐廳前菜好難食，估唔到呢度前菜既蘿蔔漬幾好食！個吞拿魚蓉飯，個人認為搭生菜沙律有d怪怪地，但係d飯熱辣辣仲好軟糯，食得出係靚米！吞拿魚蓉都相當新鮮，多d會更好。跟住到稻庭烏冬，以為佢湯汁另上，點知已經浸緊湯。烏冬幼身亦相當滑，不過個湯底，個人認為配深色冷麵汁比較夾。99蚊偏貴，試過一次就算。

放假當然要同姐妹去搵好嘢食啦😋😋今次我地去揀左去紅磡食稻庭烏冬。 從紅磡火車站行過去，大約十至十五分鐘左右。 👯👯餐廳內既裝修富有日本的味道，店內乾淨整齊，令人期待佢既食物味道如何呢😜 前菜，我地揀左薯仔沙律 入面有薯仔，火腿，紅蘿蔔，再有少少pepper調味。雖然簡單，但卻好食😋 然後，我跟朋友各點了一個烏冬，可以share 兩種不同口味😏 雜錦天婦羅冷烏冬 天婦羅的配料有蝦，青豆，帆立貝，獅子狗及蓮藕 炸粉厚度也ok , 熱辣辣食👍🏼 冷烏冬分量也很多，稻庭烏冬扁扁細細的，口感幾似上海麵😂 冰冰的，沾上冷烏冬汁，就可以去一下天婦羅的油膩感😋燒雞白湯烏冬（熱食）呢個湯好像牛奶一樣的白色，喝下去有濃香的胡椒味，很順口，加上扁扁的烏冬，可以吸哂湯的味道👍🏼 驚喜的是雞扒！ 燒得很香！並不像外面一整塊放入炸爐炸，整個油油的😂 最後還有一個燒豚肉 這個超級推介！好好食！好好食！ 這個也燒得很香，肥瘦適中！口感十足！ 配上特別的鹽味汁及香蔥，令人一塊接一塊咁食😋😋 這個佐酒無得頂！不過！這邊有一點不愉快的是。。。 是點餐以後差不多半個小時以上，都沒有一樣東西上菜！ 當我們發現旁邊其他比我

上次食過一次，今次再黎因為鰹魚沙律好食，所以今次再食，另再叫迷你和牛丼，飯團，冷豆腐。迷你和牛丼今次得幾粒，少過上次好多😦😮飯團同冷豆腐正常等左好耐，問下個侍應個沙律，佢話問下，之後佢話唔知點解師傅無整好再等10分鐘左右，但眼見身邊有難度的炸物定食連沙律都有，唯有問侍應，佢話唔知見係咁，唯有取消。佢即刻好開心，話：「好呀！」等左半個鐘，一秒取消。嘥時間。都係果句，就算有日本師傅或者老闆，如果員工嘅態度都係咁散漫同唔上心，點都唔正宗。啲嘢食上次影的，今次啲嘢食同態度都走樣所以冇啦

琴晚鏢賽又飲到爆醉，本來想去飲韓式解酒湯架麻，誰知爆場滿座，仲要成排食客等位中，時間有限唯有轉場。定食都好多花款喎，眾同事研究完 menu 後，係依區黎講菜色屬高價位喎。無緊要，最重要係好食啫。發現份彩色 full menu 仲更更吸引呢 ﹗湯麵、湯烏冬、刺生、燒物、炸物、等等，應有盡有 ﹗遺憾地，lunch 試唔到那麼多啊。依家先留意到，原來依度環境都幾舒服寧靜架喎。和牛串燒，我真係忍唔住要 order 試一試，lunch 乍喎 ﹗生日梗係要食豪一點，太奢侈喇 ﹗超讚高質和牛柳，HKD78 蚊兩串。即叫即燒熱騰騰送上，熱力迫人都話知您，塞左入口先講，好美味呀 ﹗牛味濃郁，質地軟棉又不失咬口，燒得燋香仲非常 Juicy！外脆內軟，外層燒得微脆香口有咬口，裡面嫩紅肉汁微滲，牛味又突出香噴噴。配上山芋蓉、青蔥、醬汁同吃有創意，味道非常配合，好味味啊！混得可口甜美富特色，真心好味道 ﹗腐皮千層，口感似海棉又似蛋卷，質感非常濕潤，一咬標水激射 ﹗豆製品既味道，雖然豆香飄飄，不過屬淡口類型，我麻麻地鍾意。蕃茄濃湯豚肉稻庭烏冬，特濃洋蔥味呀，仲非常霸道 ﹗生洋蔥救命，我頂唔緊啊 ﹗同事食唔晒分左少

呢度環境靜靜地 但播住日本歌 又見到日本師傅 好有去左旅行既感覺叫左稻庭養助便當 128 果個左一係果個豚腩網燒 好香口 少少黑椒果類既調味但食落唔會太濃 幾有層次中間係日式炸雞 我覺得唔使配沙律醬都得 好好食右邊係天婦羅 好味 好薄既炸漿 蝦肉彈牙其他配菜好似沙律 蘿蔔都非常好味 雖然價錢係幾貴 如果想食正宗日式便當 感受下日本餐廳果種氣氛 我覺得好值得既 都會再黎

來到這裡，都是為了吃烏冬而來。食烏冬的話，個人向來prefer凍食，因為我覺得凍食先更加食到烏冬既口感。於是今次我都唔例外地叫左個炸雞冷烏冬。炸雞冇乜野特別，都係普通既炸雞，只係炸得幾好食，外面好脆好香口，而裡面就真係幾嫩口，還好的質素。冷烏冬方面，不會太凍，都係涼涼地既感覺，而且口感幾滑帶點軟韌，係我好鍾意既烏冬口感。如果下次再來，應該都係會點冷烏冬。

Came here for dinner after a recommendation from a friend who knew I was a big fan of udon. Arrived at around 7pm and found a large line outside. I informed the waiter of my arrival and went across the street to get some egg pancakes. After coming back, I quickly ordered udon with tempura set. The tempura included eggplant, prawn, green peppers...each cooked perfectly and ingredients were definitely fresh. The tempura batter was not oily but very crunchy...yum! However, the star of the meal was

今天是除夕，也就是日本人說的大晦日，同事都獲准提早下班。我們18:00左右便晃到養助用餐，拉開木造燙門，發現店內已接近全滿，吧檯還有很多空位，不過都是留座。這裡是一個很日本的空間，店內貼滿密密麻麻的日文手寫菜牌，天花的大電視正在直播紅白大賽，除了演歌的旋律，還不時傳來日文的談話聲，根本就是日人的大本營。忽然想起，公司過半的日本同事都住在紅磡，真的不希望2015年最後一晚要跟他們一起醉酒渡過。雖然手傷未癒，不過今晚氣氛實在太好，忍不住要小喝一杯，於是點了一瓶獺祭。300ml的純米大吟釀賣$150，精米步合雖然50%，但風味比二割三分更令人討好。冷飲令純米系的清香和果香盡情展現，酒精濃度16度，女士同樣適合。不過，如果客人飲用酒類則需要硬性加收每人$20的小食費用。在日本，お通し有時候是可以免除的，不過飲酒才要收倒似乎未有聽聞。我們點了冰三文魚刺身，店員還特別溫馨提示刺身是冰的，當時還在想，斷估不會冰到像石頭一樣吧? 然後便見店主笑咪咪的把刺身送來。眼前橘色一盤，跟一般三文魚油潤的形態完全不同，硬邦邦的長條狀就像厚削鰹魚片一樣，上面還帶點雪花。太急着吃的話，就像吃冰條一樣牙齒會凍疼，待冰霜

雖然有點而貴 但物超所值 真係好好好好味 既日本餐廳------------------------🍴小弟今次就order左 :1) 冷/熱烏冬配豚肉飯 $90再加一包括: 野飲 沙津 前菜👍烏冬 第二道食唔到既口感 滑滑qq👍清清既湯底足以調起烏冬個味 而唔會 覺得單調👍飯 用日本新潟米 特別香 好有咬口👍佢個豚肉我都介紹左好多次 真係好好食 燒得好唔係重點 而係羅白蓉加佢既醬好好食 肥而不膩👍食完好飽飽 ------------------------💁服務: 正正常常 有店員懂日文 或日本人------------------------⛲環境: 好日本 似日本居酒屋------------------------**提示: 中午時份較多人 可能要等位

由於用膳日在久前, 無法記得午餐價錢 朋友點選的一份豬扒定食(確實名稱以餐牌為準)喜歡她的湯是鮮淮山入湯, 感覺有健脾胃的效果,前菜有冷製蓮藕及紅蘿蔔, 清清淡淡乃健康前菜,另有兩款甚少在日式餐廳吃到前菜,一款似是牛蒡及一碟不知什麼的素食品,豬扒不算少, 配以以上前菜足夠的午餐肉質尚可以是其煎得不乾仍帶有肉汁反而白飯, 我覺得會將一碗白裝得圓圓滿滿的,而不是如圖的沒有美感的一碗白飯令我覺得這店注重其食物質素多於其賣相美觀一份是魚鮫定食(確實名稱以餐牌為準)印象這套餐價錢超過$100,值不值得, 個人當然認為不值得,看套餐的食物, 即使午市價錢仍是過高了,或許未知其魚的成本, 年產量, 供應量, 所以不予置評論魚肉質尚算美味, 肉厚餐廳座位超過20個, 其狹窄欠舒適座位, 座與座之間太近如以香港人午市急急沖沖地填飽一餐或許不太注重但晚餐時段或需要重整座空間以令繁忙的香港人可有一個優閒的享膳空間

星期六晚上到黃埔附近搵食，經過民泰街見到間裝修幾日式，主題係食烏冬為主的餐廳，睇過餐牌後覺得似乎唔錯，再加上餐廳內差不多坐滿人，就決定一試。頭盆選左温泉蛋沙律同大蝦天婦羅，沙律新鮮，天婦羅處理得非常出色，所以之後再叫左份天婦羅飯😁頭盆過後，再選左一份燒豚肉同燒牛舌，豚肉燒得好香口，肥瘦均勻，配上特製醬汁增加味道，牛舌就不過不失，比較乾身。最後再選左炸雞烏冬同天婦羅飯，炸雞正常，烏冬是幼身的，幾特別，好味，不過份量比較少，多少少會好D，唯一敗筆係湯底，味精比較多，飲幾啖後即時口喝。