姨婆瑪麗 (Closed)

補 12/11車仔麵大家都熟悉，腩汁小辣再配啲簡單餸，咁就係最地道嘅車仔麵。不過今次呢間餐廳嘗試將馬來西亞嘅風味融入車仔麵，咁特別就梗係試下啦。車仔麵有咩簡都係一個幾重要嘅指標。望落餐牌，其實都算少嘢簡，不過就有啲特別嘢。首先個麵底除左最普遍嘅油麵同米線之外仲有啲馬來西亞嘅粉麵。湯底就冇腩汁個啲，係自家制嘅湯底。餸方面，老實講都係啲普通嘢冇乜需要花幾多功夫。落單：魚蛋，雞翼，豬紅，蘿蔔，蝦湯底上餐都算快，車仔麵嘛唔慢得㗎，一慢就唔係車仔麵。望落湯底好似好濃，喝落比想像少，雖然係蝦湯底，但其實冇乜蝦味。只係一個濃湯湯底加小辣。蘿蔔，甜，小部分有渣。魚蛋，高級超市貨，正常。雞翼，煮太耐所以淋晒，當然梗係入晒味啦。豬紅，冇腥味，但味道偏淡。油麵同平時嘅唔同，唔係粗身黃色嗰隻。呢隻比較似上海麵嘅口感。總結: 有特色嘅車仔麵，價錢夠平，食慣腩汁嘅可以一試，但選擇較少，味道正常水平。

今天返工港島，早就搵到這家，想去試試，本身鍾意咖哩，於是點左咖哩湯底，豬軟骨，腐竹係炸過的，咬起來脆脆的，雞翼嘛嘛得，不算好吃，別的都很好食，同事也都覺得好吃，就是尼個地方離地鐵不算很近！

馬來西亞同事帶我地食家鄉菜佢話呢間係最有屋企既味道叫左個《辣死你媽 參巴魷魚通菜》魷魚本身幾普通但加左D醬之後就唔同感覺辣得黎又有少少甜味要讚個通菜炒得好好味而且好多其他配料都係撈一撈個醬就食得個椰汁飯就正正常常未試過既可以試下

經常在北角出沒，開業時已經想試，但看過頭幾篇食評就打消念頭。直到今日，已經唔想再食茶記或粉麵，於是抱住試一次嘅心態入去。自己唔食得辣，所以點了怡保雞湯麵加可樂。食物份量比想像中多，翼脾位有幫你斬開都幾細心。湯嘅味道唔係我印象中嘅怡保湯味，以清湯底計入口都幾濃，冇加水～ 雞肉亦冇講到咁鞋囉～ 我覺得雖不至好好食，但絕對合格。價錢以同地區計算，車仔麵三餸要$38。我點嘅麵就貴咗少少$58唔包飲品。普通飲品包嘅話感覺會好好多。

已經很久沒有出國旅遊，異國風味在哪裡尋？晚飯時間來到北角，經過一間小店，牆上寫著＂馬來西亞美食＂，真的被它吸引了，就來試試這位＂姨婆＂廚藝如何…晚上五點三十分，晚市剛剛營業，店員都忙於準備打點，隨便找個坐位坐下，餐牌是塑膠的，可重用，非常環保，點餐方法就像平日吃＂車仔麵＂一樣，可自行用筆去剔選，我點選了＂咖喱湯底摻摻麵＂（油麵及米粉)，配料有＂咖喱雞翅丶咖喱豆卜丶滷水豆腐丶炸腐竹＂，還加配了炸雞脾。咖喱湯底摻摻麵＄44（油麵及米粉)，麵＋湯＋四餸（可自選)，喝一口咖喱湯，入口充滿耶香味，湯味十分濃郁，適中的咖哩味，辣味足，配上兩款不同質感的麵條一起吃，很好吃；咖喱雞翅，雞翼過熟了點，輕易離骨，味道一般；咖喱豆卜，大粒而有彈性，吸湯力強；滷水豆腐，厚切有質感，夠入味。炸腐竹，非常卜卜脆，浸湯食一流，必食。炸雞脾＄20，港式炸雞脾，雞皮香脆，味道咸香。

今日黎北角附近辦D事，咁岩到左食飯時間，於是就四處尋找有興趣既食肆啦，行左無耐見到哩間餐廳，首先係俾佢個名吸引住，透過大型落地玻璃門窗可以看見店內環境，白色牆體上面好多菜式既相片，仲擺放左一D綠色植物，很有氣息我自己就因為哩個菜名而點左哩份餐啦！佢個名叫做「辣死你媽」HKD44蚊哇，阿媽都辣得死，我哩D唔怕死既梗係要試下啦！個飯好有椰香味，仲配有青瓜，蘿蔔，花生，魚乾仔，雞蛋，同埋娘惹泡菜喔，牛腩好入味，好淋、份量十足呀

友人發現左呢間馬拉車仔麵小店，檔口小小，店內位置唔多。店舖位於春秧街街市左近，離地鐵站都有一段路程，有少少難揾。向來食開港式車仔麵檔，第一次食呢間主打馬來西亞風味嘅，都幾特別嘅。地方好企理，唔係平時呢呢啡啡果啲車仔檔。講下野食，叫左兩碗三餸麵，$38三餸，唔貴，不過好似限左最少三餸。樓上果碗係魚皮魚蛋豬軟骨。本身想試下個名好特別嘅西刀魚蛋，但原來係普通白魚蛋。個豬軟骨亦少肉得滯。魚皮竟然無分開碟上，冧晒。樓下果碗係魚蛋炸腐竹咖喱雞翼。除左都係炸腐竹無分碟上所以都係冧晒外，呢碗係ok嘅。雞翼好冧，微辣而帶椰香嘅咖喱汁亦幾好味。其實兩碗嘅份量都做得啱啱好，呢點係唔錯嘅，啱晒唔大食嘅朋友，同埋呢度啲麵感覺無平時啲車仔麵咁油。中途偷聽到店員同隔離枱推介好多食客會嗌內臟嘅餸，可惜我地唔好。今晚餐飯好平，想夜晚食得無咁heavy的話呢間小店都值得幫襯下

前排食過米珠蓮果間馬拉野覺得非常麻麻，今次黎到北角咁岩見到網上又推介呢間，決定又試試，始終香港食到好味馬拉野既地方確係不多，無乜期望點知就帶來驚喜。Lunch time 12:30都未坐滿，老闆親自過黎介紹餐牌，係新加坡食過蝦麵已經念念不忘，估唔到呢到有齊好多馬拉菜，仲可以自己揀配料，好似車仔麵咁，而且仲幾抵食，加分👍🏿成日食蝦麵/喇沙就會知麵底係由2款麵溝埋，米粉加類似油麵既東西，叫做摻摻，而老闆就話佢餐廳唔係用普通港式油麵，會少d油，又真係好食d，哈哈！講番個湯，真係好香蝦味，好似係馬拉星洲食過既味道，d餸都幾多下，而個辣醬會係匙更上，睇個人口味先落，真係好貼心。P.s. 老闆以為我唔食辣，九秒九拎個碗仔比我裝起d辣醬，服務無得彈👍🏿👍🏿👍🏿

「姨婆·瑪麗」如果單看名字，十分趣怪，根本不知道什麼胡蘆，賣什麼藥...門外標榜著馬來西亞車仔麵，終究入內一探究竟。店內面積不大，裝潢簡約，牆身有手繪的人像及圖畫，多了一份調皮感。過了膠的點餐紙，可用臘筆劃上，循環再用，十分環保。與一般的車仔麵一樣，自行選擇湯底、麵底和配料。咖喱豆卜、牛栢葉、滷水雞翼，蝦麵湯底摻摻甫上桌，湯色頗深，旁邊有一撮辣醬可自行調味，喝一口湯頭，味道濃郁，帶點蝦味！故意點了豆卜，就是貪豆卜可以吸收蝦湯味道，份外入味。滷水雞翼略嫌滷水味不夠，失色了！摻摻麵底吸收了湯汁，啖啖都吃到蝦湯精華。再配上一杯熱豆漿，簡單的享受了這頓馬拉菜！

中午遲咗食lunch，到咗夜晚都仲滯滯地上網見到北角開左間小店食馬來西亞車仔麵，於是就抱住只求食少少野嘅心態去試吓。去到鋪頭，面積唔太大但都幾多人食，每個人嘅枱面都有碟芽菜雞，應該都唔差，但可惜有點飽嘅關係所以無嗌到，今次就咁叫左個麵同五香肉卷。由於本人食粉麵時對湯底特別著緊，所以對呢個麵都頗為失望揀左蝦麵湯底，但口味偏淡，食唔出特別有蝦味。麵底揀左摻摻，食落無乜特別。配餸方面唔差，但係都係屬於正常水準範圍，無太大驚喜。而肉卷方面煎得太油之餘口感味道皆屬普通，無乜香味同肉味，下次就唔會再嗌了3餸麵湯底：蝦麵湯底 麵底：摻摻 豆卜 - 普普通通，唔太入味同唔夠淋魚蛋 - 彈牙好味鯪魚肉 - 大大舊無骨，爽滑

初次嘗試馬來西亞的車仔麵，呢間位於北角亞太商業中心地下的餐廳，主打各款車仔麵，湯底分三款，在雞湯、蝦湯、咖哩湯。我點左怡保咖哩麵 $46 配油麵。今次試咖哩麵碗麵好多餸🤗而份量幾多下佢最正係炸腐皮，口感咬落脆卜卜，如果有得分開上就好，就不會有浸腍的機會。咖哩湯底好夠熱夠味雖然有少少唔夠香，但豆卜吸哂d汁會好好食。呢度既車仔麵黎講份量又大份，價錢又不貴，環境夠光夠企理都乾淨坐得舒服架，值得推介去試一試！

咖哩面高質，雖然任你選配料唔係絕對正宗既食法，但個咖哩面湯底同馬來西亞既幾乎一樣! 好食到想飲嗮個湯。麵條亦軟硬適中，椰漿飯都唔錯，尤其是配牛肉既話味道一流。美中不足系無肉骨茶食。另外叫左碟烏打烏打(葉包魚)，味道都似馬來西亞食過既味道。呢間算系我香港試過最好食既其中一間馬來菜館，價錢又平，值得一試再試 ，見佢廚房煮野既都似馬來人，我估所以味道都正宗。小店裝修唔錯，夠光猛，食得都算舒服。總括來講系好滿意既一餐!

自從上次食過超正既蝦麵，就一直對呢個姨婆念念不忘，奈何過年之前一直忙碌，未能再來以解雙思之苦。好喇，過左年第一日返工就衝過來諗住食個lunch, 點知...竟然未啟市😭😭😭唯有等多幾日先啦！廢話講完，入正題喇。今日唔食蝦麵，改試車仔麵。面底揀左地道滲滲（既係油面加米粉）配雞湯湯底，最平既三餸只收$38。我梗係要encore 腐皮，仲有咖哩雞翼，再加清清地既蘿蔔。一如以往咁抵食，雞翼竟然有三隻，好入味，蘿蔔大大舊好清甜。雞翼既咖哩汁加落雞湯度令湯底變得微辣惹味，配搭不錯。呢間小店，我越來越愛🤩

今日忽然想食星馬菜, 喺北角內街搵到呢間小店。餐牌就只有呢兩張, 有咩選擇一目了然。小食選擇都唔少㗎, 不過今日一個人就試唔到太多喇。睇見"辣死你姨媽" 重以為一定好辣啦! 一問之下, 原來呢個只係椰漿飯"Nasi Lemak"嘅譯音呢個椰漿飯夠曬豐富 , 椰香飯+青瓜、雞蛋、娘惹泡菜、鯷魚 & 花生, 重有6款配菜俾你揀,都只係$44主角椰香飯米粒乾身, 粒粒分明, 淡淡椰香均勻地佈滿全碗飯, 配娘惹泡菜酸辣醒胃, 而酥脆香口嘅鯷魚&花生, 就為成個飯增添惹味, 配菜揀左冷當牛腩, 牛腩夠腍又入味, 重好足料**同我一樣超怕辣嘅朋友可以放心叫, 全set只有娘惹泡菜同牛腩有好輕微辣味, 只要唔點青瓜上嘅辣醬就無問題啦👌本來以為係普通嘅一碟菜心, 點知!!!有驚喜!!! 原來佢哋係將菜心當串燒咁燒, 再加上孜然粉調味, 燒好嘅菜心表面乾身微燶, 菜莖咬落爽口多汁, 特別好食一定要試!!!

作為一個有星馬情意結的香港人，總覺在香港很難找到似樣又唔貴的馬拉麵店，不過最近在北角這間「姨婆瑪麗」，總算找到比較像樣的選擇。不過，今次最令我驚喜的反而是芽菜。我勁喜歡食芽菜，尤其是大馬怡保那種肥胖芽菜更屬我的最愛。相對中上環一些有此物供應的店子，這裏的怡保芽菜價錢算相宜了，只要加點豉油便是人間美味，芽菜有汁，滿足也！此店的麵以星馬一帶的蝦麵、咖哩麵湯底為主，除了像車仔麵般可自選配料外，還有三款已配搭了配料的懶人包選擇。我這次便選了怡保咖哩麵，湯底以香港水準來說算不俗，但在怡保那邊吃會多一層紅紅的咖哩油。同老闆吹水談起這問題，他表示香港人看見那層油會怕怕，但如果我下次幫襯提出要求，佢會幫我「加油」。且相信他吧。回說今次呢碗咖哩麵的配料唔錯，尤其是豬紅不會散，蝦算新鮮，腐竹仔更是脆脆的。最後叫多個一般香港人不會叫的烏打烏打（一種黃色的魚漿食品）。味道只有星馬人，或是像我這類去慣那邊的偽星馬人才會欣賞。一個人連飲品一百元鬆D，不算便宜，但對我來說卻頗合理了。