愛爾蘭瘋薯 (Closed)

本人最愛吃薯條,因為雜誌介紹而去試..呢間經常都有條長長的人龍.還以為很好吃,所以那麼多人排隊..與友人一起買了個芝士肉醬薯條,吃了幾條...好鹹...芝士味是很好,但係太鹹了,而且25元可以食餐飯....有錢都唔想再食...

total 食過三次, 第一同第三次都係係間分店到試!上次黎既時候, 呢間野仲係好hit, 門口一大堆人不在話下, openrice幾乎經常都會係首頁見到佢個名, 嗰陣個個都讚好. 今次再黎, 連隊都唔駛排, 連旁邊比人食野既小枱都有空位! 不過 "熱潮" 總會有退既一日, 只係好奇點解退得咁快... 早過佢開業既輕鬆飲點解仲要排咁耐~~~今次點左香濃芝士配碎肉汁, 等左一陣就有得食. 上次去葵芳食既時候得嗰少少令我我好失望, 所以接到即刻望下有幾多先... 好彩, at least 都唔係中間空既~~~~食完一啖之後, 我就出現左題目既問題..... 第一次食既時候, 佢哋既薯條係香脆, 今日係冧嫁囉. 但係已經都無咩人, 睇住佢係即叫即炸既, 熱辣辣都會有咁既情況? 汁既味道都無之前咁濃, 而且分量真係啱啱好... 啱啱好淋到咁多條薯條... 每條薯條都有, but 唔多. 究竟係因為熱潮既退卻令到食物質素下滑, 定係因為佢哋既食物質素先下滑而令到呢個熱潮提早退潮呢?佢哋啱啱登陸香港時, 仲未有咁多地方可以隨時食到呢d粗身既薯條, 但係當而家開到成街成巷既美式快餐, 再加上呢個質素

一直都想寫..不過之次都唔記得....佢初初開果時...見d人過好好食...就買左個酸忌廉試下啦....不過...唔知係我食唔到佢d汁..定係佢真係冇咩味...我完全食唔到所謂既酸忌廉味...而且仲要$25...一d都唔值呢個價...相比起NEW YORK FRIES.....我覺得人地好食好多...

All the staff had stucked inside the store, I really wonder what they are doing!!No one came out and guide the customers into the right queues.One of them had really bad attitude, she keeps yelling at customers,(May be the surrounding music is too noisy.).Hope they can improve since they have quite good French Fries.And I wish to have tables and chairs like their counterpart in Tai Wan.

首先，睇到呢個名就好似好吸引，咪諗住去試下la~但係有幾方面真係好失望，食物一般，冇想像中咁好味，而且係幾方面都唔係好得丫1. 買野食+等拎野食都等左超過20 mins~ 條隊又長又多人，一d 指示都冇，根本就唔知係邊到開始排。2. 果日條街好迫好多人la，排隊又唔夠位差d 比人迫左出馬路。3.我諗冇人會想係條後巷到食野掛................又污糟woo~~叫人點食丫~所以迫住一路行一路食...........

講真，同個 fd 都真係因為見到依間野幾出名，有好多好評下，所以先特登去試下！但果度 d 音樂真係好大，聽唔到 d 人講咩，我覺得真係唔洗播 d 英文歌黎扮高檔囉！見左佢都幾出名 ge 酸忌廉，所以叫左，點知要等左好耐先有，份量唔多...頭果幾條已經覺得好普通，係個酸忌廉有 d 特別，但食落就覺得其實一 d 都唔好食，咁貴真係唔值，比 $25 食 d 咁 ge 野，我真係去食麥記好過！一定唔會再有一次，我唔會再幫襯！

太多cream而把cheese的味道蓋過了*可能因為人太多趕時間做的食物始終無放太多心机~cream好飽肚*

成日睇雜誌都話這間店的薯條好好食，好多人排隊，咁今日一早出了去旺角，諗住試下，點知十二點佢都話d 油未得，叫我地行多十五分鐘先返來，咁我地都去行了，點知返來真係見到好多人係度等緊，心諗即叫即炸應該好食，咁我都等了十五分鐘先有得食，我地好似叫了個煙肉芝士加肉醬再加多支紅葡萄的飲品，一心抱著好大的期望去食，點知d 薯條唔脆，雖然就唔油，但係食薯條都係想食脆，咁佢都幾大條，但係唔知點解d 肉醬好辣，佢又冇標明，我唔食得辣，但係佢d 芝士又幾香，那支紅葡萄的飲品，真係飲唔出係紅葡萄的味道呀﹗這間o野我只會試一次，係唔抵食，好食的話，幾貴就都抵，唔好食就幾平都係waste 我的money呀!同埋佢其實要改善一下佢d 音樂聲，佢開到個喇叭好大聲，我地係收銀落order時又聽唔到個女仔講o野，佢又聽唔到我地講o野，要好大聲，佢d 員工長期係度做o野，聽覺一定受到好大的影響呀!我來買o野食，點解要我好似鬧交咁大聲呢？

因為見到食評好, 而去一試。呢晚成11點鐘去到佢地既旺角分店, 唔係太多人等, 買左個兩溝 - yogurt 味+肉醬味, $28, 有小小貴, 因為份量唔係多, 只係potato + 個汁, 不過見有幾十個好既食評, 去試下無訪。等唔係太耐, 5分鐘就有得食, 不過等既過程見到佢ding番熱d肉醬, 即係減左d 分, 覺得好似唔係太健康。佢地好認真將d french fries 用個磅秤佢, 一份份之後law 去炸。兩溝就係名副其實兩溝, 將兩隻醬溝埋o係個杯度, 結果上面我街係食到yogurt味, 食哂上面o個d下面先有肉醬味。yogurt 好食, 唔"流", 好似食緊乳酪咁, 有小小酸酸地。肉醬味就好一般, 只係有小小spicy, 又食唔到有咩豬肉。我下次買未必會再叫肉醬味。見到佢地有hot dog 賣, $18一隻, 用既腸係靚野, 係sogo/ taste 買都要$4x 一pack, 佢賣$18一隻唔叫太貴, 不過我見到佢有個套餐, 好似包埋細french fries + 細汽水, 都係$2x, 好似好吸引, 下次會一試。總體來講, 唔係因為一杯french fries 成$

一向都鐘意食薯條今次想試下d有汁既見到蜂蜜芥辣比較特別所以就買黎試下薯條係磅住黎炸的即係話每杯既份量均等薯條略嫌乾身蜂蜜芥辣汁以蜂蜜味偏重好似唔覺得有芥辣味存在結論係想像中既蜂蜜芥辣薯條比實際中好食

由九龍城回來旺角，雖然甜點很飽肚，但是還想找些鹹的吃吃。記起早兩天看到瘋薯有特價十元六隻雞翼，便宜非常，便打算試試。咦，特價沒有了，要二十元才有六隻。算了，反正又不是特別想吃雞翼。與男友選了薯條加小食餐($59)。煙肉芝士薯條﹕選芝士薯條也不用額外加錢，比單買的抵。第一次吃芝士味，沒有其他食友所說的結成一大塊，吃到尾只是凝固了少許。芝士味不太濃，薯條要加點芥末比較好。洋蔥圈半份﹕只有四圈，有點洋蔥味，不太油，但不是太特別。魷魚圈半份﹕只有三圈，沒有魷魚味，下次不吃了。有氣提子汁及蘋果汁各一﹕樽裝飲品，提子汁較香，只嫌不夠凍。想吃芝士味薯條，這套餐會比較化算，如果將果汁改成汽水，更會便宜十元。希望這個套餐供應期能長一點吧。

返到香港咁耐，真係好掛住UK到薯條，見到個個都話好味，所以決定一試，點知失望到爆我地叫左一個煙肉芝士薯條，$30，少之餘又貴到喊 (if佢有品質，我地會覺得抵)等既時候，我地見佢將d仲係冰塊既薯條放入個爐炸，我未見過人咁炸野law，著條個心仲係冰，點炸得好食架!!!不出所料，我地食時，d薯條個心仲係粉狀，完全唔係外脆內軟d芝士，點解可以係又乾又硬，而且少得可憐，只有面頭幾條有芝士，搞到我地要去拎茄汁沾來食。都唔明點解咁多人話好食???無食過真正既chips=.="開店果個知唔知咩叫真正既chips???真係要去UK學下野，triple's o好食過佢n倍，人地都係$13，又多又大，最重要係外脆內軟麻!!!!

一早久仰大名..有次同朋友特登去搵呢間鋪...都搵唔到但再同朋友尼...行行下竟然會見到...無心插柳...哈哈招牌芝士mix酸忌廉..無記錯$33 ,同FD share...因為唔肚餓...純粹試下...排隊..打蛇餅=.=等+買起碼15min...服務態度未見出色..不過咁忙...好難有d咩表情Lu..拎到杯薯條之後..即刻幫佢留返個倩影..哈試下食sin..的確唔錯...薯條夠粗身...酸忌廉mix芝士味道好夾...淨係落是但一樣醬又寡..所以咁樣夾我覺得係最好芝士食食下有D硬=..="HAHA...但應該本身係咁...本身以為share唔飽..點知都係好滯...唔係貴wor咁又...推介...會有下次...

得個名,繁忙時間薯條份量自動縮水上次收工過去試下好出名既呢一間薯條專門店點知換黎既結果係等左20分鐘,比左30蚊換到一杯得3份2滿既薯條食埋都唔夠廿條,一食就知係炸得太耐乾晒,30蚊食佢個汁都唔使咁貴啦下話一條薯條成2蚊,真係聞所未所咁抵食啦!個收銀又串,唔憂做真係完全唔理客感受!

見到新嘢便心急試食......點知..........非常令人失望 買了個招牌芝士薯條點知一食落口全無口感可言不突止, 啲薯條又乾又硬又幼身得滯明顯唔夠粗身, 仲有好勁油溢味 (好懷疑佢係用咩油炸的?? 說不定係用隔夜油) 食了幾條已覺得好油膩兼口乾 + 勁口渴 個芝士汁都不外如是, 味道好普通, 毫無香濃的芝士味 所以食了一次之後一定唔會再食, 因實在太難食仲賣成 $30 一杯 ; 根本就唔值這個價錢, 如稍為有味覺的你一食唔會再食 ; 相信排隊中的人羊群心理及第一次試食心態居多........