I's Land Cafe (Closed)

呢間 cafe 經常有抵野，又好影相，之前有個甜品放題，而家又有特平 tea set 食，而且又好靚 😍-#翩翩蝴蝶下午茶雀籠 $89 一位 (有學生證明) / $105 一位正常價，有學生證就平 $16，冇學生價嘅其實都好抵食，兩位起，免加一，呢個 tea 限星期一至四嘅下午茶時間，咁呢個 tea set 就包括有自家黑醋鮮果沙律、煙三文魚意式三文治、牛油果芙蓉、酥脆蝴蝶拿破崙、6 件蛋糕，包 2 杯野飲，有水果茶、奶昔、果汁、茶啡等等選擇，另外可以加錢轉冷壓果汁或者特飲，整體質素都唔錯，係好抵食嘅 🤤-另外食左個午餐我都好推介，好似係叫牛腹柳 $120 定 $130，配薯菜，塊扒燒得勁靚仔，肉質好高質又 juicy，冇筋，出面食肯定冇兩三舊水都唔得，私心推介 😛-I's Land Cafe觀塘駱駝漆大廈 1 座 6 樓 A 舖

餐厅位置观塘一家工厦里面名字挻特別 I's Land Cafe 门面挻Ins风格的 与里面环境不同 进到里面令人感到在森林的感觉 去到的时候已经爆场了 幸好不用等太久就有位可以入座 ·紫薯窝夫配自选雪糕 HKD$62 这个甜品有2款形状 有格仔/花花 我们选择了格仔样子 是平常看到的样子 这家摆盘挻有心思 四周还有拖肥/朱古力酱 新鲜做出来 热辣辣要快点食才行🤭 ·招牌绿茶心太软配自选雪糕 HKD$52 心太软有谁不爱呢? 这个味道我很喜欢❤ 一切开里面的酱流出来很多酱 这个酱不太甜 不会令人有腻的感觉 ·玫瑰园花茶 HKD$58 由玫瑰花/木槿/矢车菊花混合而成 有美容养颜等等功效 颜色是淡淡的粉红色 ·Cuppchinno HKD$40 与平常饮开的一样好味道🤭🤭 咖啡挻香的 咖啡爱好者在此🙋‍♀️🙋‍♀️下一次要再和朋友到I's Land Cafe才行環境和食物都不錯的 靜靜私心推薦💪💪

老公忙咗成個月，終於約到佢食晚飯啦所以揀間好嘢食先嚟到 I’s Land Cafe, 森系嘅門面已經好吸引，入面嘅裝修擺置都係同一系列地方都幾闊落，坐得好舒服～坐低見到本餐牌都好精緻，而且價錢唔算貴，我地叫咗個2人餐，再加少少嘢食～香煎法式鵝肝- 鵝肝好大件，外脆內軟，嚟到已經聞到香味，抵食仲有好多沙律菜，唔會太滯～經典蜜糖香草燒春雞- 睇落好似細細隻，但原來兩個人食都差啲食唔哂味道夠，肉質嫩滑，出色白松露手工扭繩粉配荀及帶子呢個粉好特別，佢係捲埋一條咁，粉嘅質地有啲似長通粉，但再滑啲，而且收埋好多汁係入面，超正下次再嚟都係因為佢朱古力心太軟睇相好吸引，所以最後忍唔住破戎食朱古力，一切開，超濃嘅朱古力香味走哂出嚟，食落唔太苦，唔太甜，好好味呀士多啤梨奶凍跟餐甜品同樣出色，貌似簡單，但味道不簡單，香濃奶味中帶少少士多啤梨香，味道好夾，而且夠滑最後一定要提提l’s Land Cafe 嘅服務員非常細心，見我大肚就主動換杯暖水俾我，而且仲提我坐沙發會有可能矮得滯，會坐得辛苦即刻warm哂～

今日放工去咗觀塘APM攞眼鏡，順便約咗個朋友附近食飯。我哋去咗駱駝漆大廈I’s Land Cafe，裏面嘅裝修真係幾靚喎，有眼前一亮嘅感覺，朋友真係冇介紹錯。晚餐烤大西洋扇貝茄茸意大利飯，包餐湯餐包，同飲品，我叫咗杯鮮橙汁。餐湯都落足料，有好多蔬菜喺裏面，味道唔錯。扇貝好大隻，而且有幾隻添，D飯熱辣辣，顏色配搭都好靚，當然要相機食先。另外招牌小食拼盤，真係有好大碟，BBQ豬仔骨有小小辣、意式芝士焗大啡菇、吉列炸蝦夠大隻、水牛城雞翼夠晒入味、仲有魷魚串同雜果沙律👍最後就係甜品招牌綠茶心太軟北海道3.6牛乳雪糕，一切開裡面嘅綠茶流心就流晒出嚟，超級正，唔會太甜，配埋個雪糕一冷一熱好好味😋

格仔餅、蒜蓉包全部淋到好似謝霆鋒啲雞蛋仔咁，靭到咬唔到。 同餐廳反映，侍應話我地係咁㗎啦。之後order咗個花茶，個女侍應大大力咁放落嚟，黑晒面。我地兩個人食，之後畀得一套杯，同侍應該話要多個杯，佢話: 吓？你要兩套㗎？主菜燒春雞都幾好食， 肉質幾好😌不過冇下次

觀塘工廈已經成為好多隱秘餐廳、小店既集中營。今日我同朋友就來了這間好有森林花園佈置的餐廳食晚餐。一進門外已經見到柔和燈光同葡萄園既牆身佈置好浪漫呀！ I's Land Cafe有很多玫瑰花圍繞著。我們揀選了兩款主菜。。。期待中蒜蓉多士，香脆蒜蓉味香。餐湯-羅宋湯，香濃蕃茄味而蔬菜豐富好足料。沙律，水果蔬菜夠新鮮，好醒胃。白松露手工扭繩粉配澳洲露筍及帶子 $148白松露香濃帶子大大粒好鮮味露筍鮮甜，而手工扭繩粉好特別又得意，形狀長條形醬汁滿滿掛在粉上每一口都有白松露既香味。香酥堅果羊架 $178熱辣辣香酥羊架肉質鮮嫰多汁，焗過堅果碎香脆可口。餐飲可選鮮果特飲士多啤梨燕麥鮮果奶昔 $48香甜士多啤梨加燕麥打至企身，好幼滑好清新，顔色粉紅色女士至愛。熱咖啡，芳香濃郁。I's Land Cafe 除了主菜出色仲有多款甜品選擇。

入門就見到幾隻colourful嘅小木馬，餐廳以綠色為主襯以草葉裝飾，再加一面花牆，就形成森林感。一個都幾受歡迎嘅all day breakfast，味道唔錯都夠新鮮同熱，可以一試。鰻魚炒飯，飯質較硬，味道都唔錯。二人雀籠下午茶，都係供影相為主。小漢堡同多士都過得去，沙律同焦糖布丁、泡芙都ok。但蛋糕同馬卡龍都非常甜，甜得太過了。花茶有蠟燭暖著，又夠大壺，都不錯。草莓奶昔，夠凍同味道OK咖啡夠濃，奶另上，奶是暖著給你的，不錯。

最近幾年掀起工廈cafe潮，各式各款的工廈cafe相繼堀起，朋友說他找到一間位於觀塘的cafe，環境裝修舒適，而且適合與好友知己到此悠閒一聚，經他推介下來到了I’s Land Cafe，步入門口便發現店主於裝修方面很用心，佈置了不同的擺設，還有木馬呢不止環境，I’sLand Cafe連Menu的設計也很精緻，食物款式也有很多選擇我們點了香煎法式鵝肝作前菜😋鵝肝煎得十分香脆，加上鵝肝的油香味令人垂涎三尺，配上香脆的多士，實在忍不住要多叫一客🤤餐湯及蒜蓉包😋😋白酒香蒜托托大蜆意粉，大蜆份量非常多，肉質鮮甜彈牙，配上香蒜味的意粉，味道配合得很好南瓜海鮮意大利飯有蝦仁，墨魚，青口和大蜆，很足料的意大利飯，香濃的南瓜汁還帶有南瓜蓉呢，口感豐富😋香蕉花花窩夫窩夫可以選擇不同形狀及吉士夾心，還有兩球自選口味的雪糕，但怕吃不完雪糕所以只叫了一球🤣最後選了花花形狀🤩窩夫新鮮出爐，外脆內軟，還有豆腐味雪糕清甜不膩，濃濃的豆腐味，大愛😋

今天叫了二人下午茶$188說是包括飲品。但埋單時發覺另外加錢。其他的也不錯！地方舒服，夠大！枱與枱有相當距離。又是土地問題！因為這邊租便宜一點吧！食物相當好味！會贊！

想食比茶餐廳正宗D的餐廳，可以試下。但不要有太大要求。湯似茶記。主食都似正宗西餐。茶啡就算吧！ 價錢就一般但環境算坐得舒服。。可能當日人比較少。 地點系觀塘就係對我方便。補充，食物質素算係合理水平。覺得比較啱十多廿歲客路。

這間cafe在觀塘已很多年了，可見其質素有多高。餐廳非常大，環境設計得很有風格，四周都是花花草草，既可來打卡，又可作約會聚會的好地方。前菜是南瓜湯和沙律。兩者不過不失。沙律多水果而且用沙律醋做醬汁非常開胃！白松露忌廉帶子手工扭繩粉。白松露的氣味一陣一陣地散發岀來。忌廉味頗重，帶子和菇菌可完全吸收了白松露和忌廉的味道。第一次吃扭繩粉，口感頗有趣，不像平日吃西餐常吃到的意粉。燒春雞燒得剛好，最初怕燒得太過火，中間的肉位不夠滑，但這個沒有問題。另外配有三種醬汁，包括茄汁、燒汁和蜜糖醬，我偏好點蜜糖醬加燒汁，鹹鹹甜甜的。還有脆脆的薯條和沙律搭配。心太軟是要另加錢，外皮不算硬脆，有點似蛋糕質地，熱騰騰的口感，配上最愛的曲奇味雪糕，冰火交融，非常滿足。餐廳雖隱藏於工廈中，但距離地鐵站也只有5-10分鐘的路程，非常近。餐廳環境很大，很多不同的配置，令人很舒服。食物亦非常高質素，很值得一試。

今日到觀塘海濱參加嘉年華，於是到了這間在附近的環境靚靚cafe , 加上有我最喜歡的all day breakfast !! 餐廳環境寬敞舒適，談天也十分自在餐牌也非常精美，很有大自然感覺。我點了all day breakfast , 有香噴噴的黑松露炒蛋、蘑菇、多士，腸仔，還有沙律，樣樣都熱哄哄，而且十分精緻，可以慢慢享受。餐湯材料十足，一流！朋友點了軟殼蟹意大利粉，有不少配料，吃得很滋味！點了墨西哥粟米片配牛油果醬，又是熱哄哄的新鮮焗起，一流！蘋果汁是鮮榨的，正！咖啡也很不錯：）朋友大讚！

I's land cafe可達到非常高，由出口到大廈，兩分鐘就到，連馬路都路使過哈哈。地方相當闊落，成個場大大話話都放左幾十張大小不一的桌子，岩曬兩個，甚至十幾個人齊齊食下午茶。場地設計傾向簡單，佢地分左幾個區，一個天花上滿滿咁裝飾左綠葉🌿同燈泡，然後用木做主調，木架上面有盆栽擺設，簡單為主。另一個上面呢就係滿滿既紅葉🍁，重有木搭出帳篷，秋意甚濃🍂。來到2:30，剛剛好是下午茶時段😛，當然叫了個afternoon tea set.價錢相當吸引，係$210😛，$210😛，$210😛。因為好平，所以我要講三次。當日好似有優惠，全單做左個八折啦啦啦～講到個set真係呢，個雀籠有我最愛既花草包住，完全心心眼😳。由底到高，甜點到咸點咁分佈。包括，沙律、菇菇撻、三文魚三文治、蛋卷仔，吐司、芝士蛋糕、奶涷。食物質素正正常常，都無讚無彈。睇落好少，但我食完，飲埋杯好濃郁又大杯既拉花熱豬古力😘，我真係覺得好飽下。另外，customer service 個度，其實佢地態度都好好，不過可能個日人太多，員工又少，感覺佢地都好錯亂下，閒日我諗唔會既🙊。依度周六日都好多人🙈，如果大家想去最好閒日啦，周埋如果講影相

為食花太郎 Fafafoodblog #fafafoodblog觀塘 #fafafoodblogcafe <環境舒服既 i's land cafe >😃呢間喺觀塘駱駝漆大廈 既 i's land cafe環境以園林為主 有好多靚靚盆栽 同書架 幾有文青 feel 🤣 menu亦都製作用心 有唔同既西餐野食 好似沙律 意粉 扒等等 應有盡有 價錢合理 食物唔錯 經過觀塘可以一試💪🏻<Secret garden dinner set for 2 >😃 398 蚊有是日餐湯 同埋 沙律 , 意粉 or意飯 主食一個 , 是日甜品同飲品 💪🏻 🍴野茄燕麥雜菜沙律 🌿🍅新鮮 juicy既蕃茄 加埋羽衣甘籃 生菜 燕麥 火龍果 蜜瓜 菠蘿🍍🍈 夠哂清新健康🍴是日餐湯 周打魚湯🐟湯底好香濃 落足料 洋葱紅椒 周打魚 魚肉煙靭味濃 好味🍴水牛城雞翼🐤傳統美國水牛城雞翼係好辣， 但呢個應該附合番 hk人口味 佢既醬汁似甜蕃茄醬多 d , 只有微辣 雞翼大大隻 炸得好香脆 入面雞肉嫩滑 唔錯🐤🍴白松露忌廉帶子手工扭繩粉 🍝🍄佢個忌廉汁好香濃同密度高 帶 d白松露香味 💪🏻

三個女仔傾下計，我地叫左個英式下午茶，加花茶，差不多百幾二百蚊，加埋個意粉，平均每人一百左右。呢度環境同氣氛都俾人有下午悠閒既感覺，可能過左午餐時間宣鬧既人流時間過左。個英式點心架一上同配左一套靚杯碟，即刻忍唔住影下相，見到靚野人都開心啲。甜點款式唔多，有一兩款偏甜，分量有啲少，感覺唔係好抵食。最後我地追加左個意粉，先有肚子既滿足感。杯花茶感覺有少中伏，有點似藥水味，我地好似點左玫瑰花茶。下次再黎可以叫其他甜品試一試或者會有啲驚喜，份量都會滿足啲。