Isaac Toast (新城市廣場三期) (Closed)

皇牌火腿吐司 (Ham Special Toast) 💰34我每次食都叫呢款吐司😆因為覺得呢款CP值最高～而且都算多餡料，有雞蛋、粟米、火腿、芝士、椰菜絲、同埋酸瓜🥒🧀🍳🌽。因為係即叫即整，所以都要等一陣㗎。烘過嘅吐司底面幾脆，又捈左牛油烘，幾有牛油香🧈不過比起韓國Isaac Toast，我覺得香港食到嘅冇韓國嘅咁甜，同埋少咗個異國旅遊嘅味道，都keep到韓國有嘅水準！仲記得以前去韓國要特登排長龍去食Isaac Toast😆🤤香港宜家都開左2間分店，可以排解下思韓之情 (DSE中文閱讀理解問題咁款😂)仲記得以前去韓國要特登排長龍去食Isaac Toast😆🤤香港宜家都開左2間分店，可以排解下思韓之情

好懷念韓國既Issac!!!咁岩今日約左朋友黎沙田行山 我地就揀左今日黎沙田新城市廣場Issac toast食早餐～鋪面幾新幾靚（環境係比韓國店好😂）不過得好少位 要搵位唔容易啊食完都要快d讓位比其他人😅有自助點餐機，可以用八達通或信用卡俾錢，好方便如果人手落單，就只可以俾現金❗️分別叫左⭐️韓式煙肉吐司⭐️⭐️皇牌火腿吐司⭐️吐司有甜甜的蜜糖味🍯不過芝士味可以再濃d （一路食一路諗係咪有芝士？最後覺得應該有 但淡左d🤣)煙肉/火腿都好味 份量唔算多 但對我黎講係足夠既⭐️韓式冰茶⭐️同想像中既冰茶唔同🤣 佢係比較甜的 類似蜂蜜梨茶（？）中意甜既會覺得幾好飲 幾fresh另外仲叫左杯⭐️熱鮮奶咖啡⭐️好大杯👍👍非常香滑中意飲咖啡既話值得一叫整體而言呢間Issac Toast比韓國Issac稍遜🥲等候時間都長 大約15-20分鐘不過而家去唔到韓國 頂住先都好過冇🤣🤣

📍Isaac Toast , 沙田薯餅吐司$35, MVP 漢堡 $49無得旅行去韓國食,係香港回味下先😂 有少量堂食位 可能星期六日都要等耐少少先有位.落單後等左十分鐘度就拎得 。因為係快餐所以啲枱都比較窄, 同埋地下, 枱都痴笠笠咁打開食物見度份三文治就有少少失望..... 漢堡同薯餅size都偏細塊😩 最重點嘅醬汁都唔算多, 食落其實都唔太似韓國始祖嘅酸甜味..... 應該都唔會再黎試... 希望可以再去韓國食✈️

知道沙田開咗分店，今次亦都唔係等一次嚟但今次食已經冇岩岩開店個陣咁有水準了，今次吐司太淋身，不過入面嘅芝士，漢堡扒，菜份量都足料！加上坐位好少，又好易比人望住食野。食得唔太舒服始終都係掛住韓國嘅Isaac啊。

假期的下午茶時間經過isaac toast，難得有空枱就打算食少少野hea 下叫了個炸物拼盤 $50有炸蝦餅，蟹餅，魷魚，粉絲卷每款兩件，Size 有如麥樂雞大小炸得唔油膩，不過味道都無乜特出芝士醬（？）都唔濃芝士味另外叫了西柚梳打$32都係一般...唔會過甜，但都唔係好好飲今次叫的兩樣野都好一般唔會encore，再下次再試返名物Toast 吧

韓國過江龍嘅三文治店 喺香港開店已經一年幾 終於可以一試😋聽聞平時成日都大排長龍 今次周末下午黎到見到都唔算好多人🤣咁岩有位所以堂食 吐司底面都有烘過好脆😆用咗車打芝士同忌廉芝士兩種芝士 食落好香😋 提子梳打就俾個顏色嚇一嚇😅點解咁紅嘅😂

既然最近冇得去旅行，就係香港食泡菜國猛龍過江既ISAAC吐司！！———✨MVP辣雞吐司！🌟🌟🌟🌟🌟簡直就係最愛！！心目中TOP 1 吐司！！ISSAC秘製醬汁再加上少少辣既雞扒！🐓不得了！仲有酸酸既小青瓜仔！🥒同埋！唔少得既椰菜絲🥦係重口味既吐司之中帶點清新既小感覺😌 甜酸甜酸既感覺真係越食越開胃！😋———✨皇牌薯餅吐司🌟🌟🌟🌟🌟即叫即炸嘅薯餅，加添額外一份嘅新鮮感！！🤩薯餅超新鮮！仲有香熟又軟滑既煎蛋🍳做配角！！味道同薯餅超夾！！打到呢到又想即時再食多兩舊🤪🤪———

好耐冇得去韓國食，所以周不時都會黎沙田呢度食。特登早少少十一點幾趁未有咁多人時黎食，座位唔多，咁岩又好好彩即刻搵到有位。依家門口有部kiosk可以自己落單，都好易操作。不過咁岩遇到部機可能有error，用信用卡比完錢後出左張好長好長亂碼嘅單，同店員K求救，佢好helpful咁幫我解決左個問題，仲印返張岩嘅單畀我同埋確認返係成功落左單。食開嘅都知道係即叫即整所以需要啲時間。坐響位等嘅時候，有位女士可能等得唔耐煩，走左去收銀同頭先幫過我嗰位店員抱怨投訴，嗰位店員都好有耐性咁同位小姐道歉解釋，但可能嗰位小姐真係好趕時間冇咩耐性，講啲說話都幾難聽，不斷話個店員又態度唔好又話個店員影衰間公司。但我一直坐係度見到個店員都keep住好好態度解釋比個客聽依家整緊下一個就到佢。我比較怕事冇即時出聲，唯有係度打返編食評表揚返嗰位店員已經做得好好。我遲嗰位小姐兩張單，都係等左10分鐘左右就有得食，都唔會話等左好耐，完全可以接受。講返食物質素先，同朋友叫左煙肉多士同火腿多士，一份細炸雞同兩杯咖啡。多士keep到同平時食開一樣好有水準，愈食愈掛住以前有得去韓國嘅日子。炸雞就第一次叫，細size有4舊，兩個人食岩

🥪可一不可再#經典火腿芝士吐司 有火腿，芝士🧀同蛋🍳，火腿同芝士好正常，個蛋同個多士就唔ok喇😅#多士 個樣係烘底，但係個多士係腍架!!!!! 見唔見到第一幅圖抑掀起塊包有 弧度，佢腍到好似普通方包咁🍞比方包甜少少，但係一啲脆都無#蛋 係甜架，係甜架，係甜架，當你expect佢係奄列或者煎蛋係咸嘅時候，個反差令你覺得呢wtf，仲要食食下，入面有粟米粒，令個甜度同反差感再double🤨好彩我食嗰個#皇牌火腿吐司 🥪仲有酸瓜🥒同椰菜絲，可以減啲甜味，又加咗爽脆嘅口感意外地個#愛文芒果汁 不錯，雖然係沙冰，唔係果汁，不過飲到佢唔係用其他鋪頭嘅芒果醬打嘅，應該用真芒果打,同埋仲食到少少蘋果肉#抹茶拿鐵 熱嘅，都係同平時嘅差唔多🍵題外話，我地食緊野嘅時候，有個女仔 啱啱放低杯沙冰就倒瀉咗，員工好好咁幫手清潔，仲俾咗杯新嘅佢，服務好好，落單個員工就一般味道: 3/10味精: 3/10價錢: 5/10環境: 7/10服務: 6/10

明洞嘅ISSAC其實唔係咩好食名店，之但係晨七咁早嘅明洞係冇嘢食，得佢呢間早餐店，久而久之就變咗遊客們喺明洞嘅早餐店！今日咁啱要去沙田整野，又要食早餐，呢段時間又冇得飛，咁就不如食ISSAC就FF下自己去咗韓國啦！我叫咗個MVP煙燻漢堡吐司。韓式嘅漢堡扒冇美式嗰啲咁肥膩，再加埋BBQ醬，酸瓜，酸酸地幾開胃！再加埋塊包搽咗牛油烘，香香軟軟咁都幾好味嘅！雖然收我$49係有d貴，但佢全部新鮮製造，都好過我每日花$26.5係OK買嘅玉子火腿三文治😔。

可能期望越大，失望就會越大 。當舖天蓋地既報導，吹捧到好好食嘅時候，而你又甘心情願去幫襯，換來嘅係……一般般咋喎😑已經避開咗剛開業時候既人潮 , 先幫襯😂店舖聲稱用上韓國直送嘅醬料，但完全還原唔到韓國地一道嘅原汁原味，好失望👎底面2片麵包唔熱，唔脆，似係烘定兼放咗一段時間，蛋唔老，但偏嚡，好乾身🙈 來自韓國直送嘅醬汁就比較好少少，酸酸甜甜同份多士三文治都幾夾。杯奇異果汁幾清新，似係即打鮮果汁，無落多餘糖份，幾好飲👍試一次就夠 , 唔會幫襯第二次😂

之前去韓國都一定會去食O下不同種類的韓式三文治，疲情關係唯有係香港食Issac 回味一番，而且又想去沙田周圍行一O下。朋友十分幸運，一到達就可以找到座位;店舖不是很大，現在坐位只有10個座位，可見我們是多麼的lucky!當見到店舖的海報推介午餐肉吐司，真係按不住叫了一份加埋柚子梳打水，而購買一份吐司連飲品就可以 減$5，都算有少少優惠啦! 果然沒有令我失望，由點餐到取食物大約要等7-8分鐘，因為每一份都是即時製作，所以真係非常新鮮及熱騰騰。吐司總共有三塊Richman 餐肉，芝士都有拉絲的效果，醬汁也好好味，少少辣，真係配合得天衣無縫。由於之前遊韓國時都有食過 Issac，最不同的地方係麵包的厚度同埋濃濃的牛油味道，好可惜係香港Issac 就食不到這種味道。好懷念韓國的阿豬媽塗上一層厚厚的牛油在鐵板上再放上吐司烘焙，有係好好味!

一直都好想試呢間餐廳，但係奈何永遠門口都唔知點解有好多人喺度排隊，今日好早就去到沙田，終於可以食到呢間鋪頭。嗌咗佢嘅黑椒漢堡吐司，首先講吓佢嘅吐司，入邊充滿着芝士，係邪惡嘅味道，再加埋漢堡扒，本身我就係漢堡扒嘅忠實粉絲，漢堡扒加芝士實在係無懈可擊。再加埋佢嘅價錢，亦都唔係好貴只係幾十蚊港紙，就有咁高質素嘅吐司可以食，簡直覺得好抵。同埋韓國野食，有芝士嘅存在就當然有蛋嘅存在啦，芝士同蛋果然係好夾，令到呢一個吐司嘅口感更加高。配埋吐司入邊嘅椰菜一齊食，可以令到吐司入邊嘅黑椒漢堡唔會太過膩。

今日去開沙田 記得新城市有間ISAAC toast 係冇得去韓國的情況下 我都俾左錢決定回味一下叫左一個皇牌招牌吐司$34如果加野飲轉套餐就野飲原價減5蚊都係汽水咖啡奶茶個類唔算話好吸引 所以淨係叫左吐司等侯的過程中有好多外賣單插係中間所以我諗我都等左超過十五分鐘先有得拎 個汁都做得到韓國味道的70-80%只不過個蛋都煎得略為乾左少少 份量都足夠的總括而言 食一次當試下我覺得都ok ge 不過CP 值唔高 冇咩翻桌再食的念頭

以前去韓國既時候已經食過ISAAC,今次係第一次係香港食.真係百般滋味在心頭.好掛住韓國呀~~~~~一早就黎, 無人食亦唔洗排隊.焦糖咖啡  好甜呀..凍美式 好香濃咖啡薯餅吐司 好吃脆卜卜現炸既薯餅 仲有熱辣辣既吐司 夾到暈皇牌火腿蛋吐司更好吃好多椰菜係入面. 仲有酸瓜. 好好吃呀..滿滿牛油同蜜糖香味既吐司材料簡單 但係最原始味道  我去韓國都係食呢款架.