Isaac Toast (新城市廣場三期) (Closed)

自從兩年前暑假去過韓國旅行，試過明洞嘅Isaac Toast，之後都冇食過韓式三文治，有啲懷念。家人朝早去完新城市，於是買2個翻屋企做brunch。味道當然冇喺韓國食咁好，定價又貴左，感覺唔扺食，不過冇得去旅行，間唔中食一次半次都可以嘅。香脆薯餅吐司$35- 因為買到翻屋企，薯餅都淋左，我覺得太重牛油味，食到一半覺得油膩。不過味道唔錯，有粟米粒做配料。邪惡芝士煙肉薯餅吐司$51- 呢個吐司感覺同香脆薯餅吐司比較，除左多左少少芝士同煙肉外，就冇乜大分別，所以性價比較低，建議食薯餅吐司好過。

其實我一直都係issac toast 的fans, 去韓國必食，就連之前去澳門都係一定要去朝聖，香港一開已經去過幾次了，只係今次先終於的起心肝去openrice 寫食評。Issac toast 真係好正， 佢係用牛油去煎d 麵包，同埋夾住既滑蛋又香又滑，超正！！！！！加埋個饀，整得唔錯，飲品就order 左cappuchinno, 都算幾好，不過不失啦咁。但係等既時間就會耐d,因為佢係即叫即做既，同埋店面細，座位不多。

今日過左正餐時間，唔想食正餐，又去開沙田新城市第三期，不如試吓韓國過江龍。店面細細只有十幾個位，如果唔係疫情原因相信要大排長龍，原來主打多士同咖啡，由於個人唔喜歡煙肉火腿，所以揀咗個辣雞多士。買嘅時候部機貼住要等30分鐘都嚇一嚇...不過人唔多5分鐘已有得食！個包應該有牛油烘過，香香甜甜，以為係雞粒點知係雞漢堡，帶點微辣都幾得意。酸瓜同酸甜汁都幾開胃，炒蛋就唔係太突出不過濕濕地，加埋口感整體都唔錯。有趣嘅係，餐紙上有聖經故事，而Issac係聖經人物以撒，似乎店舖同基督教有關連？

記得第一次食issac 係係明洞 真係一試傾心於是今次專程去沙田意圖喚醒味蕾ge記憶 可惜。。。韓式煙肉吐司 : 由於煙肉實在太薄 一口咬落去剩係食到甜甜ge醬同一大堆生菜🥬MVP辣雞吐司 : 充滿黑椒味ge薄雞肉漢堡扒吐司ge涵料令人失望 但麵包就烘得好出色 底面都好脆 而且充滿牛油香味 (不喜歡牛油 & 不喜歡甜麵包的人 勿試❌)士多啤梨汁 : 超假士多啤梨味 飲左一啖已經不想再飲 特濃朱古力 : 普通朱古力結論 - 如題(1個包加1杯野飲已經80幾蚊 實在有太多比佢好ge選擇)[P.S. 鋪頭ge bar枱設計好細心咁整左層架俾客人放袋 但個層架好頂腳 令人坐得好吾舒服］

最近開咗一間十分之火熱嘅韓國吐司店，就係叫做Isaac Toast，因為係啱啱新開，所以排咗好耐，排左九個字先有得可以order， order完之後仲要等多10幾分鐘，因為佢係即落order即刻煮所以都係要等多一陣。咁我今次就叫咗兩份吐司，第一份係皇牌火腿吐司，另外嗰份係MVP辣雞吐司。首先講吓分王牌火腿吐司，呢份吐司就有啲普通，裏面有火腿芝士同埋蛋，個吐司烤得好好味，料都好充足，但略嫌冇乜汁有個包食落去有啲趕，所以都係覺得麻麻地。依個MVP辣雞吐司就好好食啦，可能個醬汁同個雞真係好夾，所以我覺得呢一個辣雞吐司係好食過分王牌火腿吐司。另外個辣雞吐司舊雞都好好食雖然唔係好大舊，但係真係同嗰醬加埋一齊就真係好好食啦。

最近無得周圍飛去旅行，好掛住韓國掃貨同狂食的時間，點知行行下沙田，我都唔知韓國好出名多遊客食的isaac 食三文治包包的專賣點黎左香港，於是即刻簡左個「煙肉芝士沙律貝果」懷念下係韓國的日子價錢係$52一個包加杯檸檬茶$28，唔算抵食個包但大個，入面食落似薯容甜甜，個貝果包皮都係甜甜的，我個人不太好，下次都係食返佢經典算不過聽講之前要排隊食，依家唔洗就算啦下次見肚餓都可以再食返如果你地都想學我咁，就黎過黎懷念下韓國啦😍😍

今日見Isaac 冇人排隊，於是即刻買左個外賣試下😋😋😋據説係韓國好受歡迎嘅吐司，有唔同口味，同埋價錢係acceptable , 都係三十幾蚊至六十蚊左右！個外賣袋好靚～店員會包好放落個袋入邊👍👍佢哋服務態度亦都好，會recommend 我食邊隻味，邊集最好賣～😃🍴❤️ 我就叫咗一個經典Classic 吐司!入面好足料，有芝士、火腿、生菜🥬、椰菜絲～咬落去口感豐富，不過小編覺得冇傳聞中咁好食⋯⋯只係一個幾普通嘅toast。不過始終都係韓國名店！大家都可以去試吓架^_^同埋只係30幾蚊好抵食！

#IsaacToast 呢個想試好耐 之前去韓國🇰🇷旅行 都無機會試到😂 食完又好掛住旅行 希望疫情快快離我地而去🙏🏻 .排隊個陣已經被烤既香味吸引住MVP辣雞吐司🍞《$44》麵包甜甜地 配料好豐富 有蛋 粟米 芝士 雞肉漢堡 椰菜絲 酸瓜 芥末醬 甜辣醬 如果辣度可以多少少就更好啦雙重芝士薯餅吐司🍞《$44》芝士控必食* 配料有車打芝士 忌廉芝士 薯餅 好邪惡😂 真係好鍾意❤️佢地塊方包 塗上特製既蜜糖醬 加上牛油 真係好正呀😋

#double👧🏽👧🏻吃在沙田-【香港都食到😋• 韓國人氣吐司 🇰🇷🥪】..呢間來自韓國的吐司🍞專門店 已經大熱左一排今次#🥭👧🏻 試咗佢哋最普通嘅吐司同埋全新嘅<邪惡芝士系列>😈🧀🧀-🔻 經典火腿芝士吐司🐷🧀🥪（$29）材料同個名一樣 就係有芝士火腿再加蛋同埋粟米🌽 個配搭冇得頂兩塊麵包加咗牛油🧈再煎到脆一脆 👍🏻加上溶咗嘅芝士🧀真係好正啊😍😍😍粟米令到成個多士咸中帶甜 整體唔會好膩⭐評分：7.5/10-🔻邪惡芝士煙肉薯餅吐司🧀🥓🥪 ($51)入面有薯餅 煙肉 蛋 芝士～佢個蛋同經典嗰款一樣 加咗粟米甜甜地😋呢款特別加咗nacho芝士醬🤤感覺似墨西哥嗰隻辣椒醬咁😮令味道同層次更加豐富✨塊薯餅🥔令到個多士飽肚左🤣煙肉食落都係淋嘅😌 煎得唔夠脆(👧🏻覺得兩款最明顯嘅分別就係多咗塊薯餅🤣)⭐評分：8/10-🔻香蕉豆奶🍌🥛(套餐價 $12)感覺幾健康 唔會太甜🤫 $12試吓都唔錯～⭐評分：8/10－－－－－－－－－🏝環境：8/10🛋服務：7/10💲價錢：7/10💥翻兜指數：7.5/10-🍴餐廳名稱：Isaac Toast📍地址：沙田沙田正街18號新城市廣場第三期3樓A311號

有「國民早餐」稱號的韓國超人氣吐司店登陸香港，落戶沙田新城市廣場三期，遠遠已見長長的人龍，如此人氣美食筆者當然不一甘後人要試一下啦。小店裝潢簡約精緻，門面用上了紅白兩色對比配搭，甚為搶眼；店內座位不算太多，大部分都以高腳吧枱櫈為主，客人當然亦可以選擇外賣或堂食。開放式的廚房讓客人可看到店員忙著不停煎麵包、塗牛油、放配料，即點即製，所以落單後需要等約20分鐘左右，但亦確保吐司到手時還是熱烘烘的。這人氣小店在新張期首兩個月，會有三款香港限定版吐司發售，筆者今次先試其二。熱溶芝士超級吐司，麵包即叫即烘，配料有植物肉(Impossible Meat)、煙肉、車打芝士、忌廉芝士、牛油果、酸蘿蔔和Pizza茄醬，口感味道豐富。Imposdible Meat是以大豆等植物纖維做成的植物肉，是一種可持續發展的新類型「肉類」，口感與味道跟牛肉十分相近，如不說的話可以說是很難分辨得到。而且還用上了兩種芝士加強了奶香和熱溶拉絲的效果，Pizza茄醬配上煙肉和牛油果亦豐富了味道的層次感。唯一挑剔的是以吐司的標準來說，帶著淡淡牛油香的麵包是略嫌烘得不夠香脆，欠缺了外脆內綿的口感，但其實整體味還算不錯。超級吐司2

最近知道咗韓國嘅吐司早餐店Issac喺香港開左分店 於是就去沙田試吓由於間舖唔算好大 而且員工數量唔多但係排隊嘅人就非常非常多所以淨係等買嘢食 已經差唔多等左至少20分鐘買完嘢食等佢整都用一段幾長嘅時間不過佢地嘅吐司真係同韓國一樣味入邊甜甜地嘅醬就最吸引人我叫咗bbq 醬烤豬扒吐司 BBQ醬甜甜地鹹鹹地好開胃另外生菜同青瓜都好爽口整體來講係幾好味嘅 但係實在人太多啦 所以要排好耐 下次可以係平日或者人少啲嘅時候先去試

每次去韓國🇰🇷都會食既早餐店之一😌香港店店面就唔算好大😬佢喺細巷裡面好容易就行過左🙈 選擇都幾多仲有幾款係香港🇭🇰限定😳留意返製作時間大概需要15-20分鐘😉p.s.EggDrop🍳紫菜包飯天國 人氣歌謠三文治🥪都係超好味既早餐選擇🙈<MVP辣雞吐司🥪💰$44>價錢比起韓國貴左超過1半🥺 3800원架咋😭貴就貴d但食得返韓國🇰🇷既配方同味道😭醬汁係靈魂所在😳 酸酸甜甜好開胃🤤雞肉漢堡🐔係蜻蜓點水式既辣😝 仲有酸瓜、粟米粒🌽 椰菜絲&芝士🧀不過始終都係喺韓國🇰🇷食最好味😋希望疫情快點過去🥺 可以再去韓國🇰🇷食😌p.s. 整左個香港🇭🇰vs韓國🇰🇷既MVP辣雞吐司🍞比較圖😆

以前係韓國日日都會買 ISSAC TOAST 做早餐，因為真心覺得勁好食知道沙田開左之後，成日都想黎試。地方唔算難搵，不過坐既位就相當難搵。而且人都算多，等左一大輪先有得食，一邊等一邊搵位，最後都搵到位。我自己叫左芝士火腿吐司，佢麵包都有加牛油煎過，而且 d sauce 係類似特制過既美乃滋醬咁，入口味道係甜甜地，又香既，不過唔知點解，總係覺得韓國本地既好食 d 朋友叫左 HK EXCLUSIVE 既 SBS 歌謠吐司，有草莓醬，佢話有節目講過好食，所以就試下，我個人都係鍾意原味多 d 因為個草莓醬我覺得唔太出色，又唔算夾。整體而言，都係好食既，都會有再想再來食既 feel

今次就點左MVP辣雞吐司，好足料同埋味道幾好。 因為疫情嘅問題所以就選擇左外賣服務，而且沒有失望。吐司嘅表面搽上薄薄嘅牛油所以令到吐司嘅顏色非常之靚同埋食落去嘅口感非常鬆軟。本身以為啲雞會係雞扒或者炒雞柳之類不過原來發現係一塊雞肉漢堡。雞肉漢堡嘅味道都幾平衡帶少少嘅白胡椒粉味都幾香，不過雞味就唔係好重。椰菜好新鮮，好適合平衡返吐司本身嘅膩。不過就唔係好試到粟米蛋同埋車打芝士嘅味道，可能因為醬汁都蓋過咗兩樣嘅味道。中間亦都夾有泡菜同埋酸瓜，不過我就覺得味道好甜有少少搶咗其他配料的味道。醬料嘅配搭亦都唔錯，不過都係偏甜。甜辣醬同埋芥末醬都令到吐司非常開胃唔會覺得有油膩嘅感覺。總括嚟講多士嘅味道非常之好，好香口好開胃，而且所有配料夾埋一齊係非常之夾。不過味道就真係偏甜如果不太喜歡食甜嘅人可能未必太鍾意。份量都好十足當午餐都會非常之飽。中午嘅時段來人流都算多，所以等候嘅時間都會偏長。而且所有多士係即叫即做所以如果趕時間就未必係一個好選擇。不過就勝在夠新鮮，夠熱。今次就等左差不多20分鐘，整一份三文治來講時間都算長。總括來講今次第一次嘅體驗都算幾好，期待下次返嚟再試佢哋嘅經典&皇牌產品！🥪🥪🥪

唔係講笑 我終於明白點解ISSAC係韓國咁火🔥因為真係 好 好 食（好似講緊廢話咁😂）.•最近新推左個deep cheese系列🥪邪惡芝士煙肉吐司 | 邪惡芝士煙肉薯餅吐司個人強烈建議加多$7加塊薯餅 真係唔講得笑🤤🥯輕盈少少既可試煙肉芝士沙律Bagel.•如果2個人既話可以試埋香港限定既🍿Nacho 芝海炸物拼盤入面有4款韓國小食 甜甜辣辣 煲劇食一流😝