漁屋日本料理 (海寶花園) (Closed)

周街都係日式放題，但要同大食friend去食飯，抵食又有質素嘅放題就最重要。朋友住大埔，咁我哋就一於去大埔漁屋啦。卡位梳化座椅舒適，枱面寬闊，夠晒位放食物。更值一讚既係没有出現漏單情況！飲品方面種類不少，各式茶品應有盡有。綠茶、烏龍茶、解茶、啤酒、汽水、各式紙包飲品，連椰青水都有！放題方面有刺身、壽司、手卷、天婦羅、燒物、炸物、串燒及鍋物，款式好多。刺身上枱時有墊底冰，保持新鮮。刺身出奇地新鮮，魚生及蝦刺身均没有腥味。蝦爽脆鮮甜、三文魚刺身質感軟滑、吞拿魚油脂豐富爽口。手卷細細支，唔怕食飽個胃食唔到其他野。壽司方面亦不遑多讓。炙燒三文魚甘香，入口即熔。炸物方面特別推介紫薯。外脆內軟，煙靭黏連，口感非常之好。燒蝦鮮甜，肉嫰彈牙。甜品方面有自家製嘅甜品，仲有雪糕。

食物新鮮有賣相, 炸物好正, 尤其係炸雞翼, 但係就坐得唔舒服, 過到燈光好盞眼, 使鬼開咁多燈, d燈光可唔可以柔和d, 餐廳格局好似茶餐廳咁, ㄧd都唔似曰本餐廳, 坐位太多, 人太多,好噪炒

總括： 區內無咩放題餐廳，難得呢間食物選擇同九龍區有得比，一家人食飯都幾唔錯．加分位：如有朋友生日，都會送上個小CAKE，會暗燈＋有幾分鐘生日歌～喜愛熱鬧喜慶既朋友都係一個好選擇!Candy Corner仲好吸引小朋友~ 中選原因：一家人新年前食個飯，媽媽愛食，又唔洗出九龍咁遠都食到佢心頭愛～服務：相比一年前就差左，服務員成日都唔見左咁，間中都漏單．食物： 雖然對比一年前就無咁好味，不過都尚算幾好，魚生類仍好新鮮．屋企人愛食生蝦，叫左各類型蝦，都好新鮮同好肥美～甜品有驚喜～賣相好，味道都比我預期好～另外近期新增的Candy Corner夾糖區，自己都夾左２包食，比大家帶走～小朋友好開心～賣單前，送大牌子的雪糕／雪條，最後我揀左 Haagen-Dazs Salted Caramel味雪條，都係上次向度食過再揀多次～Yummy~飲品： 都好抵飲，屋企人愛飲清酒，岩哂～而佢亦有調製其他精美酒類飲品，都幾唔錯～環境：正值食飯當晚係最凍幾天．坐近大門位，就超級凍了．．．但整體黎講都舒適，張枱細小小啦～傾住食得開心都無問題～

上星期約了大埔食放題，之前已經食左一次，今次再去食。今次去送左每人一個鮑魚，非常爽口，有少少檸檬汁，令到鮑魚更加好食。漁屋嘅魚生好新鮮，又多選擇食，特別鐘意食呢間嘅三文魚，好厚好正。呢間嘅飲品都有好多特製，其他放題店未見過嘅。漁屋嘅火炙壽司非常多選擇，個味道都好正。小食特別推介蒲燒饅魚，好厚好大塊，好抵食。另外魚干都係好值得一試嘅，點埋蛋黃醬食仲好。呢間放題嘅員工非常有禮貌，服務態度非常好，下次會再去。

今晚一家人好想食放題，一於近近地去屋企附近嘅漁屋啦！店鋪嘅環境好舒適，燈光明亮，我地坐的好舒服，枱與枱之間有段距離，可以同屋企人傾下計，又唔怕嘈到人。然後當然係食d小食先啦！我最愛嘅螺肉，雖然好常見，亦好常食，但我仍然好想食，就叫左啦！冰冰涼涼，辣辣地，螺肉嘅口感又爽爽地咁，食完一隻又一隻，好好味呀！當然唔少得食幾片燒菠蘿啦！暖笠笠嘅燒菠蘿酸酸甜甜，解左飽飽濟濟的感覺，令個胃舒服d，畢竟放題好自然會食得比平時多，所以燒菠蘿係呢個時刻就扮演一個重要嘅角色刺身拼盤當然係主菜啦！有三文魚，吞拿魚，帶子，蝦等等，樣樣新鮮，樣樣好味，juice又嫩！而天氣咁凍又點少得牛肉火鍋，牛肉味香濃，夠晒暖肚好味！

見好多人都話大埔比荃灣店各方面都好所以爲此遠行一次當一入座就即刻送上免費鮑魚呢度仲有啲特別手卷～黑松露手卷但本身麻麻地 所以冇試芝麻雞翼好香口 一口氣食左五隻好食到唔就得影相 哈哈另外飲品都好吸睛 Ig打卡最適合

餐廳光猛 地方寬敞 食物種類多 刺身好新鮮又高質素 更有大牌雪糕送 如movenpick 已算非常抵食 另外值得一讚嘅係朋友生日 餐廳會在送上蛋糕時播生日歌同有disco燈光效果 氣氛非常熱鬧

好耐無食放題，晚上八點才來到，人潮也非常多餐廳內設沙發卡位，而且空間尚算闊落，座得舒服 入座先送鮑魚，每人一隻，夠晒新鮮彈牙！食物有壽司，刺身，炸物，煮物，主食，串燒，等等 赤蝦、甜蝦鮮甜肥美 鹽燒海蝦壽司的大小剛好一口一件而海膽甜筒就最回本！火炙壽司也有不少款最愛火炙三文魚放題怎能錯過芝麻雞翼咬落皮脆肉嫩，內裡更帶肉汁飲品選擇很多，仲有自家特飲，夠晒解喝食物質素不錯頗有驚喜的這邊的店員非常主動，收碟速度很快

食過荃灣同大埔嘅漁屋，食物質素同員工質素都係大埔好啲嘅...荃灣個啲姐姐唔理人架！同埋不停漏單..我又唔係去左旺角啲放題，做咩咁對我喎👉🏿👈🏿送嘅！不過唔記得咩味..其實我叫下巨峰酒呀梅酒呀，其他飲品好過啦，唔知係咪想我地飲少佢幾罐野呢？都係送嘅！鮑魚仔，唔韌嘅，加埋啲汁凍凍地幾好食放題黎講，個樣算係咁喇！個人認為火炙嘅壽司加少少千島醬或沙律醬係飯同魚嘅中間會好食好多！可惜呢間冇～每一次都咁盛大～

今次和太太再一次來到這家漁屋日本料理，我和太太都覺得這家餐廳進步了很多，價錢依然是大眾化，而且食物種類數不勝數!當然來這裏的主要目的是因為以新鮮的海鮮作為賣點，是最吸引我們來的原因! 可能今天來的時間比較早，所以很快已有座位入座，餐廳不同時段有不同價錢，越早前來價錢便越平宜，也沒有太迫人!這裏的刺身比起我上次來的時候更新鮮，而且都很巨形和厚切，無限任吃! 非常爽口新鮮!蟹子沙律的蟹子鋪滿表面，每一口都充滿蟹子。 太太特別喜歡吃這裏的燒蠔， 這裏的蠔份量十足，面層鋪滿了黃金色的芝士! 蠔熟得恰到好處!這類的炸物水準很高，粉醬不會太多，外脆內暖，吃到停不了口壽司種類也算很多 而且全部飯分量不會太多, 可以多嘗試幾款不同的種類!最後吃了這裏的甜品， 所有甜品都很有質素， 而且不會太甜，我個人自己已經吃了四杯， 絕對物超所值!

係open rice見食評幾好，就過去試下，價錢比旺角出邊貴唔係問題，9點3入座，到10點正先上左刺身拼盤同一碟壽司，其餘時間齋坐，我足足靜坐左15分鐘，但係我無催，因為繁忙，漏單可以理解，但係每樣野我落左兩次order 都未黎，最尾問服務員，佢地話無曬，叫親幾樣野都無，但係隔離檯係有既。直到差不多夠鐘，好多野都未黎，就話D野無曬，由9點3落order既野，到最尾佢地話無曬，叫乜無乜。呢兩個鐘等既時間多過食既時間，唔會再有下一次黎

我諗我一個月點都會食一次放題，貪佢款式多，又可以任食。加上，我成家人都好大食，食放題就啱晒。今日去開大埔踩單車，就去試下呢間放題先。事不宜遲，食啲前菜先，開開胃，蟹籽沙律，芝麻八爪魚，帶子裙邊，魚翅螺肉同日式海蜇，都好好味。之後當然要食刺身啦，呢到有十幾款刺身。挪威三文魚肥美，甜蝦鮮甜，珍寶帶子軟嫩，油甘魚甘香醇厚， 連鮑片都可以嗌，認真高質好味，值回票價。另外，鹽燒挪威三文魚鮨都超級正，燒得勁香之餘，魚肉都超級滑。炒野菜都好好味，加咗麵豉落去，所以好夠味。燒菠蘿片，香甜多汁，燒得啱啱好。

朋友聚會, 總離不開飲飲食食, 相信吃放題會是一個非常好的選擇, 因為食物種類繁多總有一款合口味的。 因為之前來過這裏食, 有信心所以都是來這裏。刺身有很多選擇, 質素都很好, 最多人捧場的當然就是三文魚刺身、甜蝦, 味道又鮮又好味, 我們吃完一碟又一碟, 刺身永遠都受歡迎的。除了刺身外, 我們也吃了很多壽司, 這些壽司的外貌都很不錯, 排放得整整齊齊的, 而且味道都幾好, 一口一件, 很快便ko所有壽司。 雞翼都很好吃, 味道跟以前相比是有所進步了。其實吃完壽司都開始飽肚, 所以只是簡單的要了些少燒物, 燒牛舌、一口牛柳粒, 味道香口又惹味, 如果不是這樣飽肚的話, 一定會叫多一些來吃。

幾日前同朋友傾開好耐冇食過放題喇，於是就訂左枱今晚食呢一間一黎當然梗係刺身拼盤，款式都好多，但自己唔太食得生野，但見到塊三文魚咁厚，隻蝦咁大，就忍唔住，我開動喇！前菜點左芝麻八爪魚同味付螺肉，兩款都做得唔錯，爽脆新鮮飲品選擇種類好多，有我自己喜愛嘅解茶可以任飲壽司可以選擇款式都不少，自己點左好多熟食嘅壽司鐵板紐西蘭羊架，食羊最緊要唔太羶，味道一流鹽燒青魚，魚質滑日本芝麻雞翼，超讚！皮脆肉滑，味道一流唔太膩 ，可以番點幾次呀

放題真係好邪惡，不過真係好鬼正，可以一次過食好多嘢，仲可以食飽飽，好滿足。今日特登唔食Lunch，留返嗰肚食餐勁嘅，唔食佢兩盤刺身，我哋係唔會走㗎！！快啲叫刺身啦，每樣8件吖，唔該！！三文魚真係超級肥美，勁香魚油味。希靈魚都好好味，鮮甜味美。另外，大家一定要叫雞中翼，雞肉非常入味，我一個人就KO咗四隻，真係真心推介。炸物都唔錯，炸得啱啱好，唔會太燶，又唔會太乾。炸榴槤更加無得頂！中間係流心，榴槤味濃，真心正！每次放題都一定會食燒菠蘿片，真係好好味，又甜又多汁，而且不會燒過晒火。食埋地獄海鮮烏冬，真係好滿足，非常足料。食到好飽，好滿足。