ISEE iSEE Handcrafted Icy Desserts (Closed)

一到夏天自然忍唔住想食雪條雪糕,特別銅鑼灣雖然多野食,但賣冰品的唔算多,呢間手工雪條店立刻成為我最愛,自己一個都可以食嘛入到去見到咁多花款顏色咁靚gei雪條真係唔知點揀,雖然朋友強推我食開心果,但我本身真係唔係特別喜歡,所以最後我都係揀 蜜瓜,哈哈未免大家食到一手都係佢會有個紙杯畀你盛住,由於佢真係全手工製作,所以真係一出店好快就會開始溶咬落去冰的部分很多汁,feel到好豐富的果汁,所以唔會係好硬的冰塊~咬到一半終於都食到舊水果,估唔到雪咁耐佢都仲係咁鮮甜多汁~~整體而言D雪條質素係唔錯,唯獨價錢偏高,好快就食完有D可惜囉...

來到銅鑼灣，吃完午餐有點口痕，就來一條雪條吧 😄Isee isee 的確見了很多次但從來都未食過。 雪櫃入面 介紹雪條的牌已經舊了， 唔係好睇到佢寫乜 😅， 結果點了這條最多人吃的士多啤梨雪條 😃。牛奶香，士多啤梨味亦很足夠。 整個用餐經驗，雪條都不是重點 😄 飢詩 記得賣雪條嘅哥哥好friendly, 記得個冷氣好舒服， 仲有好正嘅背景音樂。 大家會不會聽到一首很熟悉的歌 就凝住了？ 一邊吃著雪條， 望住啲車， 一邊聽著熟悉的歌， 回憶從腦海中湧出嚟， 時間便停住了~ 咁樣寫好似有啲誇張， 的而且確， 喺呢間雪條店入邊 嘅環境 令飢詩發白日夢啫 😌Btw 老闆你塊玻璃好大塵，麻煩你抹一抹佢 😂😂飢point : 7/10#hungermarch #非飢詩 #飢詩

每次經過這地方，都不其然地停一停，望一望。是相當吸引的手工雪條！這次是我的第一次光顧，原因是價錢有點太貴。我就像那些小學生般，每次去玩具反斗城行一轉，但都沒有收穫一樣。而這次決定買來試下，令自己心情愉快一點。相信每個香港人都有壓力，而我最大既壓力來源是工作。時不時都會將悲憤化為食量的我，今次選擇重質不重量。在這麼多的選擇下，我還是揀了最受歡迎的。草莓北海道 HKD 42.00用42蚊買一刻好心情。值了。外觀非常吸引，少女心即時浮現。這雪條並非虛有其表，而是外在內在都好正！牛奶味很香很濃，口感超滑。甜酸甜酸的草莓口味，更是回味！貨真價實才能有這種口感！最後， 買了一個好心情，即時開心番晒！題外話：女店員超有禮貌的！

天氣開始回暖，又係時侯去食雪條喇！大家對"hand crafted"都有著一份執着，有一陣子對手工雪條更是趨之若鶩。夏季還未正式來臨，店裡沒有很多顧客，可隨意坐在旁邊的小木桌。雪櫃裡放滿各種色彩繽紛的冰條，有Creamy Mango, Straight Up Pineapple, Refreshing Kiwi, Cheesy Strawberry，聽起來全部都很fresh 很juicy喎 ～ 還有Earl Grey Pistachio，本人對Earl Grey 跟Pistachio是情有獨鍾。二人揀左 Chilli Mango ($46) 和 Kiwi ($38)， 清楚看見粒粒芒果同奇異果籽，好足料，就是那種home made新鮮全天然的感覺。Refreshing 這店不時推出新口味，款款都好吸引，啱晒同閨蜜／男朋友share唔同口味

I have a very high expectation before I go in to this shop,but after I taste the strawberry favorite,I thought I was dining in Peking house cos the strawberry is thin as the duck skin.

High quality, great presentation and equally interesting combination. Tried the earl grey pistascio ... truly fantastic is the word. The other flavour that stands out is the berry berry. Great host and amazing setting too. I'm definitely come again

呢個Creamy Mango芒果味都幾濃幾fresh雖然理解唔到$42條雪條（話哂都夠食個甜品）但學過見到五顏六色，又幾難忍嘅。不過呢度叫有個位坐下，裝修得幾靚，幾cosy💐成間cafe仔咁，好過無啦啦喺商場，行住食條雪條。

老公帶我來買雪條吃他說每次工作經過這店就很想帶我來試點了cheesy raspberry芝身野紅莓很香的奶味,,而且很滑溜！是cream cheese那種,,所以不會太漏！而且紅莓略帶酸味,,中和芝士的味道！兩者的味道很配合啊～～！！只是紅莓的份量較少如份量能多點,,應該會更好吃啊！因吃到最後,,就只剩芝士味,,味道較單一呢！

呢幾日花了點時間自己一個周圍行吓睇吓野，大概開始已唔想同任何人講自己嘅心情，所以一個人行下都係不錯嘅選擇，今次就由跑馬地行出天后，過程中見到呢一間潮店 iseeisee.想開飯網睇一睇原來佢已經開咗好多分店，但係竟然一次都未食過，我實在有點慚愧！唔試下又點可以叫自己做食家呢？呢度主打係全手工自家製雪條，最出名嘅係草莓同埋芒果味，另外呢伯爵紅茶都十分之受歡迎！唔知點解我最後呢三個味道都無揀到，實在唔知嗰一刻自己諗緊啲咩！最後我竟然點左一個紅苺配芝士嘅雪條，其實我唔鍾意咁濃厚嘅牛奶味。。所以我都唔知自己點解會揀咗呢個味！Happiness is eating lovely icy pop before it melts .既然你講到咁我決定趁佢未溶食咗佢，紅苺同芝士實在係幾夾嘅, 奶味比較重，真係要睇個人喜好！如果你問我＄42.1條雪條值唔值呢，我自己就覺得一般般啊，可能我今日選嘅雪條唔啱我口味！其實應該草莓會比較適合，不過自己一個坐響窗邊望住啲車走過，花左15分鐘坐響度諗一諗野，＄42都叫值回票價！

Tried this a few times. I find the flavours very interesting. The best one is the pistachio flavour. There appearance are also very attractive. Reasonable price for dessert these days.

今年夏天來得早而且兇,酷熱天氣令人身心疲累,車爸爸見我呢排忟忟憎憎生怕我火山爆發,於是這夜帶了數枝ISEE iSEE的美味雪條回來撲火!!第一條先嘆芒果味雪條,主打鮮果泡製的手工芒果雪條味道真係珍珠都冇咁真,不過吃下帶少許芒果的筋口感有點麻麻~而青提子雪條味道酸中帶甜,沒有奶的關係冰感較重,同一弊病帶大量提子皮口感勁差囉!!唔係有皮先代表新鮮架嘛!!另一夜試了草莓雪糕用上北海道牛乳味道香甜又好吃,口感非常滑溜這款比起之前兩枝好吃得多^0^傻豬仔車車好喜歡食雪條,可惜那三枝都不能請您品嚐,兩枝有奶,一枝係提子全都不能吃呀!!最後呢枝菠蘿雪條便可請您瘋狂咁舔喇haha,用新鮮菠蘿做成的雪條味道確天然,4枝中最好味這款吃下即時清爽消熱^0^另一枝西瓜雪條係韓國貨味道也算不俗,當然味道沒有Isee Isee的那麼天然啦!!睇下車車吃得多麼認真haha~

草莓北海道牛奶 $42.去年好hit既雪條我今年先食🙈食完感覺係一個騙局黎 雖然有隻紙杯寫名畫野好貼心咁 其實食完只係舊垃圾不太環保.賣相幾靚 有兩邊大大粒顏色又鮮豔既士多啤梨 絕對吸晴🙋而士多啤梨係香甜又好食既 其實雪到冰左都幾有咬口😌.北海道牛奶混合左士多啤梨香 其實只有淡淡既味道牛奶味較重 果肉係雪條既作用增加左咬口 係就係幾特別同有創意既 可惜味道不是十分突出賣$42有點不值吧 

食完生日飯，搵個甜品食下畫上完美句點啦！咁啱比我見到至愛Earl Grey雪條，佢又遇上知音Pistachio，個味一咸一甜又出奇地friend喎，仲痴住好多碎碎，口感👍🏻Creamy Mango就唔洗講啦，同原個芒果啪落口無分別😎😎

好熱好熱好熱好熱，三十幾度嘅香港焗到抖唔到氣！上班族辛勞完一天，應該食啲清爽解熱消暑嘅野！返工附近有間ISEE iSEE, 當然要去試返枝雪條啦！舖仔細細，但感覺好簡約同寬敞，可能係一放工六點就黎，啲人去食飯，所以由入舖到走嘅時候一個客都冇。店內一個大櫃show晒有啲咩雪條賣，種類都算幾多，而且好多種雪糕都係有果肉，賣相幾吸引。加上顏色七彩繽紛，靚！最後我地決定左要草莓北海道牛奶💰HKD42每枝雪條都會有個杯載住，而店完會幫我地喺杯上寫名，都幾好。由於我地想食一枝比較多人食，而且影相靚啲，所以揀左士多啤梨。食落唔會太酸唔會太甜，係牛奶嘅味道中和左草莓味，而果香味一啲都唔假，可見雪條用料應該都幾真材實料。雪條唔算太硬，食嘅時候仲食到一粒粒嘅草莓籽，而果肉亦真材實料，唔酸，果肉增加左雪條嘅咬口。整體上，我覺得除左有好大粒果肉係gimmick外，味道唔算特別好食。仲要成42蚊支，定價未免太貴，即使真料實料，但定價實在太高。

同朋友話想食個宵夜點知去左食雪條見識少未食過😝🙈亦都少食凍嘢我果個係紅莓，朋友果個好似係開心果好冰喔不過感覺都好fresh 紅莓有點酸但感覺就更真材實料結哂冰都食到果肉呢開心果原來係牛奶味見到杯底有一堆開心果碎一路食一路沾都好正！夏天熱辣辣食一條，真係透心涼