大吉居酒屋 (Closed)

見朋友話有大吉COUPON..每人都只係$138加一咁啱14號又係我同bb既紀念日咁就諗住同bb同埋兩個朋友仔一齊去食吓啦朋友仔怕會無位都已經預早咗幾日book定位,book咗七點半14號我哋準時去到啦..同個侍應講我哋book咗七點半四位同姓咩既個待應淨係丟低咗句"等陣"..就無再理過我哋喇結果一等..再追問..再換嚟"等陣"..跟住再等..再追問..都係等等咗一個鐘之後bb忍唔住再問..個侍應先至話有人埋單執完檯就得架喇既然明知係人多既..係無咁早會有位既..咁點解要俾人book七點半呢?本身唔肚餓既都等到超肚餓..仲要搞到我哋四個等到咩mood都無!!地方又唔係大..一路等又一路有其他人嚟..好迫終於有得坐低點知啲位又係超迫嘢飲又無紙可以畫..叫完啲嘢飲個侍應又唔記得..每次叫嘢飲都要叫幾次漏單情況都出現咗幾次劍魚腩同食開既唔同樣唔同味有人生日拎個魚生蛋糕出嚟就會熄燈同播歌唔知點解撞正呢日起碼有三四檯都有人生日..呢喥播嗰首歌啲聲超拆..聽到好辛苦下次去食日式放題..儘可能都係唔會再去呢間了!!

睇opemnrice既評語就睇得多，今日終於黎左一試！book 左位，食第二場 (08:45pm-11:00pm)，亞士厘道呢間做緊 promotion，第二場價錢唔使coupon都係HKK 138+10%，抵！八點半到樓下，上到去d侍應仲執緊位，企左一陣，好快坐底，即刻落 order！十分鐘左右，已經叫到成檯都係食物，刺身、炸物、壽司都ok，但其他的如....沙律、湯、烏冬、飯類、炒野類就................order 紙就有好多張，由A-G排列，但實際款式其實唔多，叫左第一round後，之後的就已經只叫刺身和炸物。但之後的order是經常性漏單和送哂d野食去其他檯，錯漏中，我地都飲左人地order d 湯......果然只有1st round 佢地係最清醒，之後就.........................用左openrice張 coupon送張枝所謂的 "清酒"，一飲..............超難飲！！！ 好似平時拜神用果d......九江雙蒸......................但佢係溝左水既............飲左一淡已經可以放埋一邊.....成

預祝baby生日 所以訂左位去到已經好多人 等左一陣住bar位我懷疑唔book位都可以的我第一次黎 真係幾浪費紙張食物種類好多 鍾意d食物可以自己選擇份量 我們得兩個人所以叫d食物都係一.兩隻 一兩串噤樣又可以食多d唔同既食物 又唔怕浪費 幾好~服務超好 唔該前唔該後baby係噤食魚生 佢話都幾新鮮炸物好食 唔會太油 好脆~串燒都唔錯~一定會再黎!

諗住有COUPON試下啦...下次都係咪搞我呀~一、兩個人既位係只可以伸手餵對面食野既，完全唔可以曲手，唔係會撞到隔離檯。野食連位都唔夠放...二、一張檯生日，成場熄橙..... 請留意係熄燈，即係除左CANDLE LITE你係咩都睇唔到架三、我只係聽到隔離檯既聲，對面既聲已經聽唔到... ...四、比錯野，話返比佢知，佢仲好心同你講，小姐，有得你食就好食喇.... ...ORZ五、叫咩無咩....唔知係唔係比錯第二檯呀....好講返野食....吞拿魚.....霉既三文魚.....太厚切燒物....叮到太乾鍋物....太咸咁既地方仲點去第二次呀~

朋友興起相約食日式放題...由於大家對尖沙咀唔熟,,,都搵左好耐先搵到間店...而且佢招牌好細...真係行過都望唔到,,,食8:45場...8:40仲執緊台...個場真係好細..D位好迫....地下好多垃圾...*.*吾....扣分扣分...食物方面...根本上日式食都有...第一ROUND食物有扣數...黎一半到啦....炸物炸得可口....蝦,,蠔,,芝麻雞翼,,墨魚餅都唔錯...刺身入到口...但唔特別...**都唔會切得薄!!卷物...鰻魚卷個芝士好怪...似牛油多D...蝦卷唔錯....第二ROUND食物好齊數...所以要開始清場沙律真係麻麻....唔料唔新鮮...羊架燒得唔錯...燒蝦幾好味...(隔離台五個人成晚食左4,50隻...)飲品麻麻...成晚飲熱柑桔蜜...真係有蜜??職員算係咁..冇特別...收碟,,落單都唔會話太慢....用左優惠券$155蚊....以呢個價係尖咀算抵食...不過未必會再去....因為環境唔鐘意...*.*

想黎大吉食好耐架喇...今次終於黎到...其實係我第一次食放題,如果真係好似大家所講咁ge 質素已經係好好咁我諗其他放題真係好唔得...d 魚生都ok啦...但三文魚就唔得,帶子都好細塊...個牛柳粒幾好食,炸蠔好厚粉最差係個清酒,用openrice coupon 拎ge,好似溝左水咁..可能因為係免費架啦...仲有成日漏單,淨係理後面果張好多人ge 大枱...張大枱又勁嘈,生日大哂咩...又唔係得你一枱人生日...要我係咁吹係咁吹果個人先至幫我人手落單...不過服務態度都幾好真係唔會有下次喇.

見到雜誌賣廣告~ 睇埋網上食評~覺得OK~ 咁就心思思想試下啦~去到如食評所講~ 地方細細~ 超多人~如果唔訂位都未必有得食~ 去到當然快快手手落單啦~咁就咩都試下~ 服務好好~ 有問必答~ 流單情況都好小~ 係食到後期多左好多人之後先出現~食物方面~ 熟食真係OK~ 如牛肉粒啦~ 炸物~ 廣島蠔~ 沙津都好好食~不過剌身方面~ 就超失色~ 三文魚不過不失~ 帶子細粒無味... 仲要唔係一次上一粒...係細細粒開幾片...甜蝦一般般... 好在都仲未有苦味... 壽司方面唔會因為任食就比大大舊飯你~ 值得欣賞~不過壽司同剌身種類不多~ 不過咁的價錢都做得唔錯~有機會都會再去多次~

本來想去食自助餐，不過阿媽既同事介紹話呢間唔錯，又唔貴，咁就去試下啦!因為怕冇位，5點半就打左去BOOK位。6點3左右到，未夠鐘，但佢地都比我地入去。環境OK，不過細左D囉!一坐抵就問我地飲唔飲三文魚魚頭湯，阿媽話想試下，咁就要左2碗啦。等既期間，睇下D野食紙，其實都幾多野食。我同阿媽就野野都點下啦，反正冇試過。差唔多遞紙既時候D湯就黎喇，都OK既，不過唔覺有三文魚味囉!D野食都幾快黎，刺身都唔錯=]最後每樣都食D咁，哈!呢個星期5仲會去多次....哈哈!!BTW，鰻魚芝士卷超級好食!!!同埋都好少漏單既=P

今日同兩位朋友一共三人黎呢到食原因係友人見到呢間放題多種類剌身食，價錢唔算貴就黎食喇我地八點搭八去到想食8:45果場等左幾分鐘就有位喇....可能星期四唔算太多人刺身樣樣都叫晒黎試......咁平就預左品質唔係最高又唔算難食ge~可以接受炸物叫左吉烈蠔、吉烈八爪魚粒、炸帶子、天婦羅蝦、南瓜、蕃薯、雞軟骨除左帶子係唔熱，淨係暖之外其餘都ok~我幾鐘意個吉烈蠔tim串燒叫左和牛、帆立貝、雞翼同海蝦佢ge串燒我真係厭少左D和牛同雞翼值得一讚~熱辣辣唔太乾但海蝦真係好霉..肉同殼係分唔開帆立貝唔熱，又係淨係暖小食叫左豬軟骨、牛肉沙律、TOFU沙律、蜆肉麵豉湯、焗生蠔、燒羊胺豬軟骨暖GE又係唔熱蜆肉麵豉湯得兩隻蜆，食完之後就無飲湯TOFU沙律無味GE唔好食牛肉沙律個人幾鐘意個汁，D牛肉都唔錯，真係有牛味嫁焗生蠔個人覺得有沙律醬好怪，但友人鐘意食沙律醬就覺得好好味燒羊胺係必食推介，熱辣辣又Juicy壽司叫左軟殼蟹卷、饅魚芝士卷、火焰牛肉壽司火焰牛肉壽司不吃也罷軟殼蟹卷不過不失饅魚芝士卷叫做最好服務我地都覺得好好今次用左自己上網print ge cuopon就163一個人我覺得三五知己聚頭算幾好

以日式放題來說，大吉的確有很多款式選擇，粥刺身燒物天婦羅一應俱全，但可惜味道真的很不濟﹕刺身的味道與超市的無什分別; 燒物也沒有味道, 連普通的燒雞翼也感到有雪味; 天婦羅算不錯了，不過太熱氣不能多吃。總括來說，以日式放題來說，晚飯$178唔算貴(但亦唔係平)，但以此食物質素，我覺得一d都唔值。在Ricky其下的壽司店，$200(連加一)已吃得很飽很滿足了。這店在OpenRice的Comment似乎有點過譽了。最後，在openrice睇到原來DBS卡有9折，我果晚想用DBS Black Card簽，點知佢話AE部機壞左，我唯有用其他VISA卡簽，但店員沒有提及DBS係有9折啊!!!雖然店員服務也不差，但發現沒有得到那個折扣優惠(好多人食, 所以相差都有$200)，便感到這間店不太老實呢!!!

尋日, 同學同我慶祝生日, 於是去了尖沙咀亞士厘道27號3樓既大吉. 心想網上大部份是正面食評, 所以這間店應該唔差. 尋晚七點去到, 去到樓下先知部lift要維修, 所以要行樓梯. 你知啦, 舊樓樓底高, 行三層先去到一樓, 而大吉在三樓, 即尋晚行了很多樓梯啦. 去到order了刺身, 除了甜蝦好之外, 其他一般, 帶子係”梅”既, 蟹粥幾好. 其他食物一般而已. 最氣頂是order了三次既螺, 和風沙律, 和牛沙律, 牛肉串燒, 手卷重來無來過, 緊我向waiters 同waitresses反應了兩次, 都無來; 番叫的食物如海蝦串燒, 牛肉粒一直失蹤. 到8:30話 last order 時, 我再同佢講, 佢先一次過出返D食物比我. 跟住8:45趕我地走, 要我15分鐘食晒, 點食呀? 跟住個waitress猛話D客上緊黎, 要我地走. 但8:45後, 有成四張四人tables是吉的. 而我地只佔一張四人table而已. 但我地於8:55走人, 費事嘈. 全餐飯局, 可以用兩個字形容: (搵笨). 下次想 “扇” 人或搵人笨, 可以提議呢間呀!

今次要寫的放題，　真是寫得很開心．因為暫時以一般價錢來講的放題，　我食過至滿意．兩名大漢六點準時到場，派食物的速度快是應份，肉質用鮮字來形容．　　1.魚生由六點至八點，份量唯一係size細咗(食至七點三時)，但至少無漏單．2.炸物也很好．　炸得恰到好處．3.焗蠔是我最愛，　暫時以一般平價放題，　這一間的質數可算係最好．好過佐敦某一間常以焗蠔為主題那間．4.其他壽司也有水準．5.鍋物也不錯．當然有好也有不好的地方．1.場地太窄，我食那一次已經發生兩次跌食物事件．　當時我只能想像到這不好的事件．　食物的質數已令我忘記所有不好的事．我非常滿意，至少我自己一定再試！還會想試下其他分店．　　有用coupon平到162一個人，　物超所值!

星期四晚，一行兩人結伴到尖沙咀大吉一行。曾光顧中環店兩次，服務食物皆具水準，但見該店近期劣評如潮，信心有了動搖。所以這次便移師亞士厘店，碰個運氣。從HMV對著的宜昌街轉入，由於沒有當眼招牌，並不太好找，轉了一圈，才見到那個由位妙齡小姐把守的二十七號入口。之前已得知地方不甚寬敞，奈何現場卻比想像中更擠。坐在吧台邊緣，師傅們就在你頭上舞刀弄劍，好不精采，幸而，坐在一旁，同病相連的，是位美女食客。九時入座，仍是繁忙時段，侍應們七手八腳，還是應接不暇。我倆首輪點的，便足足等了近二十分鐘。及後，人潮漸散，食物也就魚貫送上。由於已是宵夜時段，魚生不算太新鮮，但尚覺爽軟；燒牛串過了火侯，青魚則頗鬆軟，件頭也大；炒蜆略嫌味淡；粟米則太甜太油；炸物算是該店的強項，天婦羅、帶子、生蠔、雞軟骨等都香脆乾身。一連吃了幾回，肚皮漸滿。其時，一個如面盆般大的牛肉鍋和一塊狀似豬扒的豬軟骨送至，把我倆殺個措手不及。危急存亡之際，後方燈光突然熄滅，侍應端出三個頭頂插花的圓形物體，啊，是傳說中的魚生蛋糕。這把戲我在中環店見過，不同的是這裡會播放音樂，而且難聽的要命。出盡九牛二虎之力才能勉強「清場」，原來的手卷補完計畫也只

果晚係食8:45pm 的時段, 但我遲到 9:15pm 先到, 要我朋友一個自己係度等…真係唔好意思….講番野食先, 頭一兩輪的三文魚的確唔錯, 但到第三次的三文魚就有d根及唔肥美.甜蝦- 無乜味道吉列蠔-太腥, 食唔到羊鞍- 好食, 但燒得較為乾炒烏冬- 用個甜汁去炒..有點怪怪枝豆不夠供應, 叫了一次便没有了

六時到達是第一枱客人, 但坐位非常非常擠迫, 肥人不要來, 音樂很吵耳且音嚮質素奇差, 宜改善或不要再播歌了, 擾人及不討好, 洗手間不知是否抄襲祖國 ? 不夠清潔及男女共用洗手盆.一坐下侍應便叫人試魚湯話係推介, 千萬不要上檔, 只是普通一碗湯志在飲飽你, 但食品選擇頗多, 落單大部份到齊, 但件數不對, 份量也強差人意, 最好參考鄰桌, 以免浪費食物被罸款 :剌身 : 和以下各位仁兄所述一樣, 第一Round ok 新鮮, 以後Order 不夠新鮮, 及甜蝦遭斬首後才上碟.揚物 : 粉漿太厚, 但也香脆.串燒 : 各式串燒也不錯, 只是蝦欠新鮮及沒有供應雞軟骨.壽司 : 鰻魚芝士壽司味香濃, 其他壽司飯團太大.吉列 : 嚇人吉列蠔, 厚厚粉漿包著一小團固體灰黑色物, 宿臭難分, 其他的也不敢再試.窩物 : 本來不想試, 因為寫明是 2-3 人份量怕吃不完浪費, 但見每枱也有窩物, 便一試北海道牛奶海鮮窩, 味道不太咸, 也有牛奶味, 用料豐富值得推介.飲品 : 汽水選擇多, 但不夠凍.如有 Coupon 可以一試, 論此質素原價光顧稍貴一點, 也非聚首談天之選.