Izumi Curry (Closed)

一向愛吃日式咖哩，愛它辣中帶甜。這天來試試Izumi Curry X Beard Papa的咖哩，餐廳的位置相當偏僻，幾乎在商場走了一圈才找到，也許正因如此，食客也頗為稀少，用餐環境也較為寧靜舒適。在吉列豬扒和漢堡扒之間掙扎良久，最後還是選了奄列漢堡扒咖喱飯。侍應先奉上附送的洋蔥湯，喝起來像加了洋蔥和煙肉的清雞湯。不久咖喱飯也送到了，奄列是半熟的，入口嫩滑。漢堡扒份量不小，至少有一吋厚，吃起來有肉汁但略嫌牛肉味不足。咖哩的辣度對我來說剛剛好，也帶有少許甜味，味道比另一間咖哩連鎖店好。吃過美味的咖哩，來一個最愛的原味泡芙，完滿的晚餐。 

今早約了大胃王陪他的宅宅家姐去睇戲~~作為回報，當然要帶他食點好食的啦！大胃王喜歡日式美食，吉列、咖哩、蛋包飯他都愛~ 所以就帶他到Izumi curry x Beard Papa啦~Izumi Curry x Beard Papa在Mira Mall的分店，人流真的不是太旺盛~午飯時間只有兩三枱客人~ 店員比客人更多呢~~ lunch set 的選擇也不少呀~ 但大胃王想食重型漢堡，所以就點了一份午餐的咖哩吉列豬扒奄列飯，及散點一份重型漢堡咖哩飯~名叫大胃王，當然不會滿足於一客飯啦~所以又點了一份芝士年糕及一份吉列牛肉薯蓉餅~先上桌的是午餐中的沙律及蘋果汁~ 用木碗子盛著沙律，感覺很日式很精緻呀!! 其實沙律只是很簡單的生菜、蕃茄及粟米，再加點日式芝麻醬，器皿不同，感覺也Upgrade 了呀~ 餐飲可以選汽水、蘋果汁或橙汁，不飲汽水的我們就選了蘋果汁，不過只是外來貨色，也沒什麼好評~接著，我們的主菜都來啦!! 咖哩吉列豬扒奄列飯的成品很漂亮呀，美滋滋的豬扒正在呼喚我們呀!! 咖哩的顏色偏深，味濃郁之中又帶點微甜，一點也不辣~ 但我最喜歡的是醃漬物無限量供應，很喜歡食這紅紅的醃物，跟咖

喺香港想食到質素較好嘅日式咖哩飯，除左較多人認識嘅「CoCo 壱番屋」之外，另一品牌就係黎自大阪嘅「Izumi Gurry いずみカリー」啦~~~當晚小弟揀左店家其一招牌菜---「芝士奄列重型漢堡咖哩飯」。「芝士奄列重型漢堡咖哩飯」賣相方面: 外形都頗壯觀!第一層係芝士，跟住係奄列，再黎係巨型漢堡扒，最後係飯同咖哩汁。賣相有層次感，配料砌得整齊，令人有即刻想食嘅感覺，值得一讚!先黎一口已淋上咖哩汁嘅日本糙米。白飯粒粒分明，分量正常。不過對於「大食人士」就比較勉強...咖哩汁用上關西做法，用牛肉黎煮，味道濃郁，而且帶少許辣味，有刺激感。加上有大量咖哩汁做伴碟關係，每一口飯都可以沾到咖哩汁，再配合芝士、奄列一齊食，滿足度十分!對於「食肉獸」嘅朋友黎講，依個巨型漢堡扒絕對可以滿足倒佢地嘅欲望!!!漢堡扒足一吋厚!重量、分量「冇得輸」!!!肉味重，肉身混合左洋葱粒，為味覺增添一些享受。不過肉質就較粗，而且有輕微煎過火嘅跡象...芝士嘅半溶處理做得唔錯~可以做到平時食pizza嘅芝士拉扯效果。奄列方面: 蛋煎得熟左一啲...半熟程度唔夠。至於蛋味淡，唔夠香...總結: 飯同咖哩汁分量足夠。漢堡扒

睇完戲行街搵野食,見到呢個商場樓下有張好大既廣告係塊大豬排咖哩飯,就比佢吸引左入黎啦, 呢間鋪個位置比較偏僻, 係個好小人既商場MIRA MALL 入面,要上左商場再去轉角位先搵到, 所以下午星期六人流都唔多,唔使排隊就可以入去坐啦!成間鋪都幾多位,有唔小卡位添!明明好多位,但係就安排左我地坐最近廚房既卡位..哈哈..不過算啦. 都有二人傾計既空間既!係服務方面,可能侍應比較後生,冇咩經理係樓面,又無咩客人,所以佢地係到傾計..想飲水既時候無人理HAHA不過唔緊要啦 講下食物,呢個係下午個MENU,我地兩個每人一人叫左1個SET LUNCH, 每人$85 + 1 服務費分別叫左一個蛋包飯配咖哩豬排, 同一個溫泉玉子牛肉咖哩飯有餐飲同沙律送 好味道咖哩味道唔算辣,幾易入口,仲好多汁添,蛋包飯塊蛋都煎得唔算,唔算太老,岩岩熟熟地無蛋汁, 但幾嫩~!蛋味都重。飯既份量亦多,豬排仲好大塊添! 女仔絕對夠食仲可以分D比男朋友食添啊~溫泉蛋牛肉飯,牛肉的份量係幾塊咁啦...如果唔係太肚餓都OK! 因為咖哩食得多都會膩架嘛~!餐飲方面,我地飲左蘋果汁同埋橙汁,跟餐免費^^食完飯之後傾左陣計,因為環

約了久未露面的朋友晚飯，由於對方比較忙碌，會夜收工，所以用餐地點亦在他公司附近，免得要變成吃消夜。我沒什麼心水，就由他話事，選來了日式咖喱Izumi Curry，這我是從沒接觸過此品牌，正好一試。環境跟其他的日式咖喱專門店沒多大分別，總算是舒適。翻開餐牌，我就來一客漢堡扒咖喱飯，原來可以加錢去加芝士，就這樣決定，我想有芝士應該會好吃一點的。未幾，我的選擇便送到，賣相頗討好，尤其是有芝士的蹤影。急不及待吃一口，咖喱味幾濃郁，甜中滲出一點辣，比起市面很多的日式咖喱專門店，來得更有層次。漢堡扒口感尚可，多了芝士實在令視覺和味覺均得以提升，只是又確係幾漏。嚐了少許對方的吉列雞扒，談不上很鬆脆，但都可以接受。下次再見面，會是收紅色炸彈了。恭喜！恭喜！

上次去食Izumi的咖喱飯，已是2年前在sogo地庫，當時人十分多又迫，雖然好味但坐得不舒服，知道Mira開了間又大又舒服的餐廳，便來再試一試，幸好水準仍keep到，這香濃的咖哩味真的很喜歡，配上大大塊又嫩又煎得香的漢堡，上面還有香濃芝士，簡直覺得好豐富! 分量大又美味價錢又合理，值得推介!

跟友人約好了晚上七時來到Mira Mall 的隱蔽角落吃咖哩，也許商場人流不多而且缺乏宣傳，客人稀少，可以隨意選擇庭位。餐牌選擇按沙律、小吃、飯、麵等分類，選擇多得無從入手，幸好有10大人氣榜可讓我倆參考。最後點了烤雞肉沙律和芝士重型漢堡扒咖哩。烤雞肉沙律沙律以木製的大碗盛著，器皿看來有點喧賓奪主，但整體賣相是不錯的。烤雞肉整齊地排列成一行，除了喜歡厚切外，也欣賞它的嫩肉質，經過調味後口感更惹味。烤雞以外有栗米、蓄茄、車厘茄、雞旦、生菜，全都是我愛吃的! 份量之大，可以看作一個主菜!招牌芝士重型日式漢堡飯份量毫不遜色，自家製的漢堡厚度是普通版的一倍，加上半溶芝士，份量無疑是供二人共享! 切開漢堡扒，其氣勢與白飯相比，確是巨大無比! 漢堡雖然是加大碼，吃上口卻稍欠牛肉味，但這不足之處讓濃烈而稠的咖哩給補足了。本來還想點泡芺作甜品，可是吃過漢堡和芝士後，已經再沒有食用空間了，只能外帶回家給家人嚐嚐。

聽人講 呢間食咖哩飯唔錯 , 所以就去試下叫左個漢堡蛋包飯 上台個樣好睇 個飯好多 Curry汁, 幾香 , 幾辣Tim 但辣中帶甜 有仲回甘味 ok wow 漢堡都幾juicy, 肉夠嫩 但牛肉味唔夠 不過算幾大塊啦 蛋就好滑, 中間半熟 like D飯本來冇乜特別 但撈埋D汁一齊食 就另寫好味喎 呢度環境好舒服  D waiter 幾爽手 可能制作需時, 呢份餐都等左十幾廿分鐘先到呀

上堂落堂……搞搞下都下午茶三點三咩都唔講，食左野先奄烈蛋飯下午茶份量小，價錢平d奄烈充滿蛋汁，嫩滑之餘蛋香濃郁咖哩稠度夠，微辣，正合我意竟然有沙律伴碟，仲要唔馬虎有蕃茄有菜有粟米，澆上千島醬，甚能不滿意炸雞另外加錢點既炸雞不太新鮮，雞皮軟稔，開始出油既感覺而且雞肉唔入味，仲有少少雪藏味蘋果綠算幾大杯不過忘了走冰/__>\（此人不愛凍飲

到尖沙咀吃晚飯，友人提議到Izumi，沒有吃過，就去看一下Openrice各位食家的食評，似乎亦不錯，出發！起初以為是美麗華商場，原來是美麗華商場對面的Mira Mall，幸好友人相約在樓下等侯，才沒有走冤枉路。餐廳的位置都頗為隱蔽，加上商場人流少，所以即使在晚飯黃金時間，店內僅僅只有幾枱客人，對於客人來說，當然是好事，不用等位，又夠安靜，坐位亦較為寬敞。雞蛋沙律 $49翻開菜單，超喜歡吃蛋的我，一眼就看見雞蛋沙律。原以為是普通蛋沙律，翻開頂層始發現原來內藏一顆暖暖的滑蛋。雖然內藏的滑蛋欠缺蛋味，但夾雜著濃郁蛋味的熟蛋黃卻能取長補短，變得又香又滑，加上蔬菜新鮮，整體感覺清新。芝士重型漢堡扒咖哩飯 $115記得有一篇食評提到，這裡最好吃的還是奄列飯，原本打算照辦煮碗落單，不過當我看到菜單上的圖片，又感到好像Dry了一點，過不了自己，就選了個餐廳標榜它做人氣No.3的芝士重型漢堡扒咖哩飯，唔信邪，結果非常後悔。沒錯它的賣相是不錯，而且足料大份，不過味道就認真差了。首先這裡主打的日式咖喱沒有給予顧客選擇辣的程度，而“預設”的咖哩味道就偏辣，且連日式咖哩最基本的條件甜味亦欠奉，像吃普通咖哩多一

食過屯門V city分店的Izumi Curry，印象中不錯，所以向朋友推薦下，就大家當然選擇尖沙咀或旺角比較方便，而且食完又可以去行下街! 晚上7點Mira Mall都仲係水靜河飛，早一星期打去電話訂位原來係多餘!入到去得2檯客，員工仲多過客人，我們3人坐左係卡位好寬落舒服，少人有少人既好!大約等左10分鐘左右凱撒沙律首先送到，上次食過平靚正，今次都一樣好味道，沙律菜好多而且好新鮮，下次再食都會再叫!牛肉咖哩烏冬諗住普通唔難煮應該唔會難食，點知d咖哩好多糊狀，好怪既口感，牛肉又麻麻地，上層有d脆米已淋哂唔好食!滑蛋吉列豬扒咖哩飯，朋友們話滑蛋做到好似廚窗d假蛋咁好靚，入口好香滑，吉列豬扒炸得剛剛好，唔過熟仲有嫩嫩的肉汁，香噴噴的咖哩配軟綿綿珍珠米一流!最後叫左小食，章魚燒，上面既醬汁令章魚燒合格，因為內裡無咩味，而且章魚有過老過韌!總括全部唔太差，鍾意寧靜坐得寬落，依間係唔錯!

今次又係喺Mira Mall搵食呀！係呀，貪佢周圍唔多人嘛 xddddIzumi Curry我一直想去架啦，今次揀Mira Mall呢間，係因為佢同bread papa's一齊（笑）正如我所講，喺尖沙咀搵間人唔多又坐得舒服既的確難，我地7：00pm到歩，直頭冇客，我地包場一樣，哈哈。店內環境唔錯，消費唔太高又坐得耐, 所以GATHERING可諗諗呢到，你睇下就知，一定唔會嘈（爆）本身我地冇做好功課，其中一位朋友唔食牛的，以為可以揀不是牛的咖哩飯就ok，同侍應講咖哩汁另上，佢話唔可以，因為廚師有佢既原則？？？但有時真的要變通一下，客人就係因為你既原則而少了選擇。不過，細問之下，原來佢地咖哩汁都有牛既成份，所以最後我朋友冇食咖哩飯喔！呢個咖哩本身已經辣辣地，我以為自己好食得辣啦，加$5叫少辣，嘩，辣到噴火，個漢堡扒夠哂大件，肉質尚算juicy冇話乾哂又鞋口，整個飯都好味，不過下次唔好加辣應該更好。由於朋友冇咩選擇, 所以ORDER左一倨蛋沙律俾佢, 睇倨樣都唔錯啊, 我地冇SHARE食,因為再SHARE朋友食既沙律, 佢一定唔夠飽XDDD再叫多個炸蝦...umm...我覺得炸得好油, 一咬

五月十七日 (星期五)三月到台灣拍了婚照，未夠喉回到香港，找來攝影C再為我們拍一輯生活化的是日便先約出來吃個飯，順道找找合宜的裝束原來大家也很喜歡Izumi，就去了下午茶時間，人不多這裡還有提供下午茶，選了三款分享蛋香甚豐富，又炒得幼滑那咖喱汁，就是辣到點到即止的地步，也就是我倆最喜愛的那款!豬扒入口軟腍，豬扒炸得外脆內嫩略嫌肉味稍欠，又或許是受香濃咖喱汁所蓋的緣故吧炸粉不厚，蝦肉略有點嚡口不過伴以清新的沙律醬，效果又不錯喔~論日式咖喱，這裡仍是我們首選意想不到，蛋蛋奄列，成為是次最好的不過在炸物方面若能改善，相信會更得我倆歡心快快吃罷，即往樓下買衫~

第一次來位置方便朋友介紹炸洋蔥圈合格了,不算太油太乾!咖喱特選牛肉飯牛肉很林身,.有點肥膏咖喱味....有點辣'奇怪是此店是主打是"日式咖喱 ?點解會咁辣也沒有給客人選"微辛" + " 中辛" 等選 ?吉烈豬扒,肉質還好,不會過火.同樣問題都是過份超越"辣" 的味道上面雞蛋只是裝飾下,沒什麼味道我們點菜可以加錢有飲品點了 coffee ,給了淡奶,為何不是日式coffee 店的牛奶配上 ?連日本的便利店買 coffee 都會配牛奶.怎會一間主打日式食店也不會 ???甜品沒試,有機會的優點: 位置方便位置也不少. 缺點: 食店的方針要清晰點做日式咖喱  ? 還是要做普普通通的咖喱 ? 

同女友係The one shopping, 本來過海港食野點知一出商場就落大雨, 只好走入隔離避雨。 呀原來有個underground商場一路唔知, 問翻商場姐姐佢地話都有一段時間, 感不如係呢度穩食… 走到商場最盡頭以為要掉頭之際, 見倒一間熟口熟面既鋪頭, yee? 原來係賣Puff果間, 原來有咖哩賣? 試試先鋪頭好乾淨, 全部用木台木凳, 如坐得唔舒服亦可選擇梳化位, 店員非常專業有禮貌, 未食已經打50分底。叫左signature 咖哩漢堡扒包蛋, 同一個雞 gratin, 老實味道普通, 驚喜的是咖哩奇辣, 並非食開日式洋食般甜甜地, 好辣!!! 好再夠數免費送一個PUFF!叫左一個Chou à la Crème, 鬆軟多cream非常好食, 而且cream比例同puff差不多係5比1, 超多cream, 如外賣要小心一定流到成手係, 但堂食就無問題。個puff我比90分 =)呢度客非常之少, 可能重係新, 係一個好好hea同傾計既地方, 所以至此之後我同女友又多一個位hea了。