丼瀛 (Closed)

丼瀛-大「丼」家廟街一向是個不夜城，到處美食林立，今日經過一間門面排著無數橙紅色光的燈籠，場面非常吸晴，內裡掛著色彩繽紛的掛旗，配以純白的牆身、深木色的桌椅，感覺光猛舒適。北海道海膽三重爆丼哇哇哇，滿滿的海膽！有來自加拿大的海膽和馬糞海膽，海水味十足，忌廉感重又沒有腥味，不用醬油，單單和飯加紫菜味道己經很突出，再加上三文魚魚籽爆珠和溏心蛋，口感味道更豐富。松葉蟹肉甲羅燒蟹膏爆丼原個蟹蓋的甲羅燒，海量多的蟹膏，在甲羅燒中的蟹膏經烤過後更香味道更溢出，沒烤過的蟹膏就非常鮮甜，而且蟹膏沒有太膩口，入口清新，加上松葉蟹肉和蟹籽，鮮味倍增，「蟹」的極置。

向來喜歡吃小店的我喜歡四圍找一些小鋪頭，今天和朋友在佐敦廟街找到一間是吃丼飯、壽司的曰本餐廳，店鋪面積不算大，只有十多個座位，晚上被外面的露天攤檔阻擋著，途人跟本難以知道有間餐廳。我們大約六點來到，店內不算太多人，我們點了二人餐$398，有前菜-枝豆、麵豉湯、香桃蟹籽沙律、刺身盛（赤蝦、三文魚、吞拿魚）、喜之次一夜干、磯煮凍鮑魚雙層爆丼、蒟蒻麵配胡麻汁、泡芙。枝豆 - 是同朋友談天說地必備食品麵豉湯 - 不會太咸，足料，不錯！香桃蟹籽沙律 - 份量非常足夠，蟹籽夠大粒赤蝦 - 沒有黑頭，無腥味又夠大隻三文魚 - 鮮味十足吞拿魚顏色靚，味道鮮喜之次一夜干 - 貴價魚，肉質嫩滑無比，少骨磯煮凍鮑魚雙層爆丼 - 師傅夠細心，鮑魚有開一半及切離殻，帶子夠鮮味，北寄貝略細一點，整體不錯蒟蒻麵配胡麻汁 - 麵口感一流，新鮮感十足總評：整體食物高水準

經開佐敦買野，見好耐冇去廟街食野。點見到e 間日本餐廳都幾吸引，就入去試下。依間餐廳唔係連鎖店，我同朋友最鍾意就係試下唔同的小店，遇到間正的當然要支持下！佢的價錢都係好平民價，但食物的質素十分高！我地揀左一個二人餐，見佢menu 有個推介北極海膽杯，好似幾得意咁就叫埋。沙律好大碟，醬料同菜配起上黎清甜好味。刺身盛有赤蝦，三文魚，吞拿魚三款刺身，肉質彈牙有鮮味👍🏻依條魚超好味，肉質嫩滑。配埋佢的醬汁，帶出魚的鮮味。磯煮凍鮑魚雙層爆丼雙層爆丼即係上面係滿滿的刺身同飯，下層係麵。麵底同醬汁都有幾款俾你揀，有蒟蒻麵、烏冬、綠茶麵、蕎麥麵。我地揀左蕎麥麵。冷食的蕎麥麵則配上一小碗調配好的醬汁，將蕎麥麵夾入醬汁碗裡沾著吃，口感爽甜，麵質彈牙👍🏻而佢的鮑魚十分正。磯煮是日本一種煮海鮮的方法，是用昆布同醬汁慢火去炆，不用煮太長時間，可以令肉質保持鮮嫩彈牙，同時又讓濃郁的湯汁裹住鮑魚，值得推介！北極光海膽杯依個係店內推介，必食！因為真係超級好味！！我冇諗過海膽、蟹、同黑松露係可以有咁的配搭！佢的賣相已經好精緻，就咁望見佢約分為10層，最高有黑松露同海膽，加埋一齊食超正口感！黑松露的香甜加埋海膽的鮮甜好夾

同男友經過佐敦，又想食日本野，就意外地搵咗一間幾出名嘅丼飯。藍鳍吞拿魚海膽爆丼$248一係就唔食，一係就要食最好！🙂😌吞拿魚水份充足，甜味慢慢滲出，齒頰留香，的確與黃耆吞拿魚與別不同！每一片都是精髓。加拿大海膽味道較濃，非常新鮮！配上紫菜，更加帶出海膽鮮味。劍魚腩蔥拖羅爆丼$138劍魚腩！有足足五件咁多😍😍😍😍水準極之高！魚油豐溢，入口細膩。拖羅鮮甜，配上香蔥，更添口感。溏心蛋蛋黃軟韌❤️❤️❤️黑醋無花果羽衣甘藍沙律$88食咁豐富嘅魚生，都會想清清地食個沙律！黑醋汁解膩清新，沙律菜新鮮爽甜，配上羽衣甘藍、車厘茄、藍莓，及鮮甜無花果，很健康😛。侍應服務周到，態度誠懇，主動給我們添茶，值得一讚！

放工後想吃日本東西，立即約朋友到佐敦探究便宜有質素的餐廳，好好享受一下呢。在地鐵站一出前行８分鐘左右，便停下步伐，進入這個有日本感的地方～在門口的裝飾看來，紅色又搶眼之設計令人為之一振。店內不大，如果多人的時候，一定要早一些打來預留座位～由於今日人流不算多，等一會可以進去。餐牌很新，而且有的款式令人每一樣也想吃，最後吃了以下兩個好吃的美食：三文魚籽身帶子丼飯加海膽三文魚籽、厚身帶子，製成的丼。比起單點的吸引！原來丼飯用上日本小津米，飯粒飽滿，但口感有一些不同的，大廚利用自家調製的壽司醋處理，味道尚算不錯。丼飯的海膽鮮味也是不得不細味呢，碗中海膽是馬糞海膽，豐腴鮮美。鋪上各種日本時令海鮮，包括馬糞海膽、三文魚子、算是高質刺身，平民化價錢，一定要來再吃一下高質丼。這店每個丼也有不同的材料呢～龍蝦刺身海膽雙層杯這個是非常吸引而又會下回再吃的東西，龍蝦愛好的人也不要錯過喔！一個飯分有雙層的，上面是龍蝦爆丼賣相非常吸引，爆丼足料，滿瀉，招牌雙層爆丼果然名符其實呢。下面的海膽汁撈撈麵～真的很好吃喔！雙層爆丼是店長新推限定精品丼，只是單看賣相已棒。爆丼飯大胃王亦吃飽了，餐牌上有多款日式丼，不同種類的

星期三的晚上要返學，九點放學好肚餓，于是約左朋友食宵夜，朋友提議食丼瀛，話系夜晚時段有半價優惠，好抵食。店鋪裝修簡潔，卻充滿日式和風。大割引時段，部分菜式半價，抵到一個點。主餐牌菜式就冇半價，不過實在系好吸引，所以照殺！炸蝦飯卷同鰻魚飯卷，十零蚊，夠新鮮，尤其炸蝦飯卷好好味，我地又再加左一份。大蝦天婦羅，味道不俗，份量滿足，好抵令！炸紫薯餅，紫薯好香甜，炸到外脆內軟，好好味！凡立貝刺身，估唔到又幾新鮮哦！原條鰻魚丼，大大碗，鳗魚厚切，燒汁濃厚，肉質不俗。正！呢個系主菜牌的人氣推薦，北極光海膽杯，賣相十分吸引，味道都一極棒！有十層組成，黑松露香味好勁，海膽鮮甜，中間的蟹肉蟹膏份量十足，另外配上紫薯，簡直創意十足！好值得食！影相一定呃到like!

九點之後去有半價，叫咗刺身壽司同串燒。刺身壽司大嚿又好食不過牛舌同雞泡魚干就真係麻麻地太硬太乾... like fb 送咗一杯野飲，荔枝乳酸，都幾好飲.總括嚟講半價之後幾抵食, 下次去應該會全部嗌壽司刺身.

呢排最鍾意起唔同嘅街頭捐窿捐啦搵好嘢食，尤其最近好鍾意係佐敦廟街去搵。其實有好多唔係大集團嘅日本菜食都值得支持，質素一定會拍得住嗰啲好多人排隊嘅連鎖壽司店。今日去到嘅呢一間餐廳簡直係俾咗我好大嘅驚喜，而且價錢一啲都唔貴非常合理，仲有好多款式揀添！先來嘅係呢個油甘魚牛油果海膽沙律，哇未食都知大陣仗啦，擺碟嘅方式非常特別，就好似放左啲魚同海草喺一個魚缸咁樣食落去更加不得了，全部野都非常新鮮！ ！ ！最驚喜就係個海膽，一啲都唔會覺得俾得好少，而且通常市面上嘅海膽十個有九個都其實唔鮮甜，仲會有少少臭味，但係呢間小店竟然可以做到好似築地啲海膽咁新鮮，非常火炙三文魚好食到要encore，燒得啱啱好會有入口即溶嘅感覺！當然唔少得安自愛嘅火炙比目魚背，有啲餐廳會唔知點解燒到好硬，但係佢呢間嘅魚背做得好好食蟹肉蟹膏軍艦都好full好澎湃，超級有滿足感呀！辣味三文魚比起大型連鎖集團做得更好食，辣味超出牛油果軟殼蟹卷都可以一試，食完好有飽足感鹽燒鯖魚都出乎我想像咁好食，平日食魚都係交晒比阿寶KO，今日竟然連我都停唔到手！果皮笑得好趣，魚肉都完全唔會鞋口呢間小店一定要推薦比大家，性價比超級高，其實食日本野都唔

朋友住佐敦所以成日都係附近開餐，呢間餐廳喺廟街比啲鋪頭遮住所以，唔係好起眼但係朋友見到佢D海膽同刺身都好吸引就話入去試吓啦！呢一間餐廳幾好第一頁已經係知道佢主打啲乜嘢，啱晒我呢啲有選擇困難症嘅！緊係揀乜都有嘅海鮮杯同埋雙層爆丼啦！黎到見到龍蝦已經覺得超值咁嘅價錢有龍蝦食，刺身新鮮！我覺得夠兩個人食因為佢係兩層，下層係麵可以揀烏冬話者其他麵。海鮮杯個海膽你睇下幾大塊好鮮好香海膽味，個鮑魚咁樣食法我真係未試過，個樣有啲醜樣但係出奇地好味，食完啲生嘢想食返啲熟嘅野所以再叫多幾串串燒，個雞翼好脆，唔太鹹，免治雞肉串正常。已經飽到上心口！去開附近嘅朋友可以去試一試

佐敦一帶，食肆選擇甚多，今日試左一間隠世小店，人情味濃，食材及服務俱佳，值得推薦介紹👍🏻店舖位置並不顯眼，亦不是特別富麗堂皇，但就特別令人覺得有人性及人情味，在日本🇯🇵很多時一些不起眼的小店其實是很值得光顧，正如這間「丼瀛」一樣🤗今日Order左一個二人餐$398，打頭陣的是枝豆和面豉湯，還有香桃🍑蟹籽沙律🥗，三樣頭盤小食都製作得很出色，服務員態度亦很親切，特別一提沙律的溫度很理想，入口爽甜新鮮👍🏻幾款刺身赤蝦🦐、吞拿魚、三文魚，新鮮肉厚，刀功細俐，油脂豐富，賣相精美，其實嚟到呢一個階段已經值回票價，讚😍如果你未試過這𥚃的「雙層爆丼」，必定是你的損失，這個套餐有五款供你選擇，我揀了「吞拿魚海膽雙層爆丼」😬雙層爆丼，顧名思義是上下分開兩層，除了上層自選的五款爆丼之外，下層亦可自選各式麵底加不同的醬汁，今次我揀了蒟蒻麵配胡麻汁。上層的吞拿魚刺身和海膽份量已經很充足，加點醬油山葵配合，保證已經令人溶化掉了，之後再揭開下層，把適量的胡麻汁沾上蒟蒻麵條，又是另一種享受😋還有燒物，元貝和虎蝦，上枱已經香氣四溢，不得不馬上用刀叉🍴品嚐，果真香嫰多汁，鮮味彈牙😍再嘆埋我至愛嘅甜品泡芙，實在是太幸福和滿

這晚跟朋友在佐敦附近參加興趣班，見還沒到時間所以先去吃個晚飯。在廟街閒逛走著走著看見這家不起眼的日式餐廳，價錢相當公道，就決定一試。先來個枝豆作開胃小菜，枝豆是熱上的，帶微微的鹽咸味，冬天吃很適合。餐廳有不少種類的日本酒提供。再來一客拖羅壽司和白鱔串燒，非常高質，拖羅新鮮肥美，白鱔的油香燒得淋漓盡致，十分香口。主菜點了雙層藍鰭吞拿魚海膽爆丼，上層有新鮮足料的3塊厚切吞拿魚刺身、大量吞拿魚茸、整隻溏心蛋、還有2大塊肥美的海膽，海膽鮮甜沒有腥臭和藥水味，值得一試。下層是海膽蒟蒻沾麵，可能因為拉出沾麵的時候加了蒟蒻，麵質特別彈牙，配上這個秘制帶微微芝士味道的海膽汁拌著吃，實在是大滿足。牛肉壽喜燒，味道正常不過不失。

2018年12月10日。晴。佐敦。去廟街覓食，今日唔食大排檔，食日本料理喺廟街牌坊行入去，行兩個街口就見到呢間日式餐廳門面好似同附近嘅大排檔、茶餐廳有啲格格不入，但係內有乾坤餐牌都好新淨，又厚，好有質感餐牌入面嘅菜式選擇密密麻麻，揭極都仲有第一版就見到好吸引，有好多唔同嘅爆丼，睇個名唔係好知係咩，但睇相就流晒口水餐廳嘅裝修簡約，木枱加木櫈仔，都幾可愛北海道海膽三重爆丼，$288友人鍾情海膽，所以點咗呢個爆丼造型好澎湃！飯面有海量嘅海膽食落先知用咗幾款唔同嘅海膽，各有鮮味海水味不一，大小都唔同，不過款款都咁creamy，入口即融，令人欲罷不能食到最後只係嫌飯量唔夠用來配海膽食，感覺超級奢華！丼瀛龍蝦沙律刺身雙層爆丼，$218造型都係滿分！淨係隻龍蝦已經好搶眼，再加埋龍蝦側邊嘅幾款刺身，簡直就係天堂般嘅滋味啊！龍蝦沙律調味出色，有少少wasabi，又有蟹子，啖啖肉，超正！拆開龍蝦個頭發現驚喜！龍蝦有好多好多膏～～撈飯食係最高享受！總括來講，小店嘅性價比極高，係廟街入面非港式餐廳嘅好選擇！

之前有去過觀塘嗰間丼灜， 上次嗰間味道不錯以及令我念念不忘，聽聞開咗間新店喺佐敦，所以我就決定一嘗。首先，我二話不說，就叫咗個蟹膏蓋。 蟹膏嘅味道刺激味蕾，令你一試難忘。 講真，蟹膏真係會食上癮!!! 燒蟹膏蓋都可以保持到蟹膏嘅鮮味，唔會去到過火。 值得一嘗。另外我就叫咗丼灜龍蝦刺身雙層爆丼， 若果係海膽&芝士迷，的話就一定要試過， 個麵沾上海膽芝士汁的話一定令你食多幾啖。刺身就正常發揮， 新鮮，美味。築地壽司杯是令我較為surprise嘅菜式， 除了擺設別對新鮮創意之外，不同壽司杯嘅刺身都十分美味，不存在馬虎的表現。另外，牛舌都一定要試!!! 牛舌唔會有韌嘅感覺，可以話係冧身。重點主角就一定係北極光海膽杯， 呢個菜式係最奢侈的，也是最好味的，最吸引的。 佢每一層都夾住海膽，令你食每一樣食材都有海膽配合住，佢同不同食材都好match。 令你一試難忘。總結返，呢間餐廳若果未試過的話，就一定要試。 若果是試的話就更加要再嚟，因為海膽是任何人都喜歡的。

經過見到有間細細哋嘅日本嘢~行埋去見到門口Menu有個海膽都幾吸引~海膽條心癮就出咗嚟喇~所以就入咗去食~環境簡潔,地方不大~我估大約坐到十枱客~我就係比個 北極光海膽杯 吸引咗入去嘅~美觀得嚟又好有層次感~色彩繽紛~影相打卡一流~經歷完海膽嘅鮮味再有蟹肉加蟹膏嘅包圍~最後再嚟一層甜甜嘅紫薯蓉~好幸福囉~小小嘅一杯海膽杯~有7重味覺感受~勁!松葉蟹肉甲羅燒蟹膏爆丼~蟹肉同蟹膏都好多~一啲都唔吝嗇~讚啊~原本諗住試吓個海膽杯同蟹膏爆丼架啫~點知原來特定時間係有半價餐單~咁抵就忍唔住食埋其他嘢喇~最後食到好飽咁走~

今日黎到廟街就search下附近有咩食就比呢間吸引到，一入到去發現9點之後有兩張半價既Menu！半價左之後勁抵食，忍唔住叫左幾款壽司食火灸三文魚腩、火灸劍魚腩、油甘魚同火灸帶子，想讚讚佢d壽司🍣火灸系列燒得好香好厚身之餘仲有種入口即溶既感覺，而我第一次食既油甘魚都好滿意，味道不錯👍🏻卷物我地就試左炸蝦卷，我好欣賞佢地做到入面既炸蝦都係熱辣辣脆卜卜😍，好少鋪頭會咁好，好多時其他鋪頭入面既炸蝦已經凍晒、淋晒。d串燒味道可以再進步多d，因為無加入太多調味，味道可以再濃一點，因為個種比燒過既味道仲出過d調味🙈軟殻蟹炸得好香口，入面既蟹味好濃。蒜香一口牛份量可以更足😚d牛都好淋。上面既海膽同黑松露都勁香，但係個炒飯太重黑椒味，喜歡黑椒味既你應該會中意，對我黎講就太濃。食埋甜品就滿足晒！ 泡芺唔會太硬👍🏻食完個陣侍應都有問我地食物質素如何希望拎下意見 所以我都希望佢地會越黎越進步😆🙈下次再光顧😋