J.Co Donuts & Coffee

Open Now

Now Closed

姪女黎食飯，廿四孝姑姐買定甜品孝敬佢🥳呢間donut係公司附近，好味唔太甜，又多款揀。不過由於我地主力鐘意食朱古力，所以好少揀啲色彩鮮艷既款式。今次揀左兩個朱古力，一個有脆脆係面，一個就有勁濃既朱古力filling係中間。 另外一款叫royal tea。朱古力面裏面係茶果既cream,一啲都唔甜，好濃茶味，重有少少甘甘地。黃色嗰個係lemon cheese。入面芝士味唔算重，檸檬味比較清新。Almond嗰隻基本上每次都會買，脆脆既果人係媽咪至愛。重有cookie cream cheese，外面係Oreo粉，入面係好香既cream cheese,之前食過好味所以encore🤪 四個女人食飽飯重清哂6個donut🤣🤣為食呀媽話，好似陣風咁，食多個都重得😂

最近大家工作量多了，加上老闆和老闆娘不停吵罵我們，公司氣氛緊張，同事們情緒低落，想到甜品可以令人開心，所以去了J.CO DONUTS買了一打冬甩與班同事齊齊分享滋味，超級多款口味眾多,唯獨我最愛是為復活節而出的檸檬味最令我接受，甜甜酸酸不甜膩，見到復活蛋造型滿可愛，嘴饞的我貪食多一件，嘩太甜了吧！裡面忌廉爆漿甜到入心入肺，不合我口味。同事說好好食特別愛朱古力脆脆、Tiramisu以及士多啤梨，買一打HKD170,平均一個都係HKD14價錢便宜，絕對係甜食控嘅選擇。新鮮水果四季茶色彩繽紛，水果好新鮮味道酸甜滿好渴。

easter donut $17 each .have 2 donutyellow.is mango favour but a bit sour for me . lovely chick and chocolate to deorate.ester egg is avocado cream . this one is more balance and cream color is very colorful . I love this one more .both are cute and as dult and kid all.love

Yin Yang $16 白色糖粉上面係奶茶味醬黑色自然係咖啡糖醬同咖啡粉入面嘅cream 好似係茶味~~奶茶味唔濃，但都食得岀係茶味~有咖啡嘅苦澀中和左個甜味😚食落仲無咁膩😌一直都有食開J.Co 但就無record 🙂有機會再記錄反其他味道😚😚

J.CO係印尼當地連鎖嘅冬甩品牌,嚟咗香港咁耐一直都冇試。老公起附近剪頭髮、行完街腳攰決定入嚟坐下順便試吓 😁有好多款唔同口味嘅donut,真係花多眼亂！由於食完飯冇耐所以唔想食啲太甜太漏太多cream嘅！最後揀咗Marble hazelnut,donut 圍住有大量花生碎,配上榛子醬朱古力食落真係好正 🤤 又唔會太甜！J.CO ge 甜甜圈咬落去唔會太乾,亦唔會太鬆,好有咬感！原味糖霜帶出甜甜圈的麵包香！冬甩始終都係甜 😹所以叫咗杯French press 咖啡平衡一下！見咖啡師真係逐少逐少加啲水壓d 咖啡出黎、飲落真係超級濃郁！完全可以中和冬甩嘅甜 😜

J.Co Donuts & Coffee 地址: 中環租庇利街1號喜訊大廈地下B號舖電話: 25063668===================== 食cake 食得多都悶，想起屋企附近有間j. co donut 成間都賣donut ,口味多不在話下啦，散買一件$17 ，買6件平少少$96 見到個玻璃櫃好開比架，咁多口味真係全都想試 ，選擇困難症出現，手指指咁指左6個唔同味個底是鬆軟架麵啦，再擠上唔同味架cream and topping oreology- 舖左好多oreo ，岩prep fans coffee and chocolate 都是sweet teeth 喜愛架大路口味。alcopone -面上almond 碎片好脆是我心水matacha 是綠茶,食入口滿甜

來自印尼嘅冬甩連鎖店已經喺香港有4，5年多。全香港所有東德餐廳嚟講佢一定係第一。有20幾款口味揀，佢哋有焦糖，有榛子醬，有抹茶，有cookie and Cream, 有朱古力，有Glaze, 有花生醬味等等。佢哋亦都有一個特別版嘅微型冬甩。但係一買就要24個一盒咁買。普通份量嘅冬甩就可以一個或者六個或者12個咁買亦都有送貨服務。價錢嚟講每隻冬甩大約十幾蚊左右。最好食嘅味道就當然係原味，榛子醬味同埋微型冬甩先有嘅椰子味。

新嘅一年要開開心心, 由甜甜嘅冬甩開始J.Co 一直係大食妹最鍾意嘅冬甩品牌之一, 款式又多又抵食<Alcapone>今次大食妹終於試新口味加州嘅杏仁, 羅馬嘅配方, 再加上比利時白朱古力, 乾爽並且帶有堅果香, 係下午茶嘅好選擇<Mr. Green Tea>綠茶味嘅冬甩同樣係大食妹嘅最愛之一可惜綠茶部份有少少失準, 屈居亞軍<Don Mochino>今次同樣試一個有餡嘅冬甩黑朱古力嘅表面, 配搭泡沫咖啡口味嘅cream, 味道有少少苦, 大食妹都係鍾意甜啲嘅<Tiramisu>咖啡嘅口味都好特別, 可惜味道普通, Tiramisu只係喺鮮奶咖啡上面灑上少少嘅可可粉<Hazelnut Latte>Hazelnut Latte都係一樣, 榛子糖漿只有面頭見到嗰兩條

聖誕前經過J.co見到面外聖誕donuts poster咁得意就入咗去幫襯！入到去見無擺出嚟，問吓職員有無～竟然賣晒！下午3點幾已經賣晒了！唯有食其他啦！叫咗杯凍朱古力（$37），好正夠香濃朱古力味，最正係面層嘅cream又香又滑，雖然好邪惡好月巴，間唔中放縱吓，開心一次咁多啦！仲叫咗兩個Donuts（$32）及一個 Ham & Cheese Croissant. 呢度嘅Donuts無得輸，好香好鬆軟，食一個Donuts飲杯野做下午茶啱晒。Crossiant ～職員主動幫忙加熱～熱辣辣食更好味，加分。

🐱🐷行完中環街市 嚟JCO食件donut叉叉電嗰日係boxing day 見到有好可愛嘅限定鹿仔冬甩 緊係諗都唔諗即刻揀咗佢💓佢嘅鹿角係pretzel嚟 以朱古力醬做topping紅鼻子就係櫻桃🍒嚟 中間亦有朱古力餡～滿足另外買咗Tiramisu味donut~中間係有啲mascarpone cheese 味嘅filling~ 好滿足💓食甜野緊係要飲番杯Americano❤️‍🔥可以中和番啲甜味～perfect😆🐱🐷總結：多口味而且味道不錯的donut and coffee shop💓見到佢平時中午仲有啲lunch set 食西餐野 下次可以試下😆❗️注意：有時啲味會賣哂 不過等多陣會再出爐又有得賣 睇下你嗰日同邊款冬甩有緣喇🤣

第一次食 Donuts 🍩 嘅散水餅 🧡原來真係會有選擇困難症😫個個 Donuts🍩 都咁吸引🤤都唔知揀邊個好🤔呢個同事好鬼闊佬👍🏻買咗四打Donuts 🍩請同事食😋Donuts 款式有7種：🍩 Glazzy🍩 Alcapone🍩 Mr. Green Tea🍩 Tiramisu 🍩 Choco Caviar Chocolate 🍩 Mr. Mokacha🍩 Milosaurus最鍾意抹茶嘅我🍵梗係揀一個綠色㗎啦💚點知原來綠色係Mocha😂，切開個 Donut 中間，有好香濃嘅摩卡咖啡味忌廉，Donut 又唔會太甜，呢個唔錯❤️另外又試咗一個Tiramisu，Tiramisu反而比較甜，個人覺得麻麻地😆雖然好唔捨得呢個同事😞真係好唔想食呢個散水餅🍩anyway祝福佢搵到一份好工，遇到好老細好同事😚

《Jco. Donuts & coffee 》雖然係連鎖咖啡店, 但係香港就只係得3間分店, 知名度亦不算突出~ Jco 主力商品係Donuts 同咖啡, donut嘅款式好多, 而且唔甜！除左donut之外, 佢哋都有提供早餐同lunch set , 水準亦算不俗▪️▪️▪️▪️▪️▪️▪️▪️▪️▪️▪️✨全部donut都好軟熟~ 而且佢有細size, 好適合買嚟做散水餅tim!! ✨Donut方面就揀幾款推薦比大家啦！（$15/1個 $90/半打 $148/一打）🔸Royal Tea 🍩如果本身中意伯爵茶, 咁呢款包你一定中意！因為一食落口, 就有陣好濃好香嘅伯爵茶味嘅cream湧出嚟！ 😋🔸 Tiramisu 🍩同上面個款一樣, 食落好香咖啡味, 不過呢款就會甜多啲啲, 唔中意食甜野既可能選擇第二款會好d啦~🔸Berry Spears 🍩呢個味就好適合最後食啦, 因為佢酸酸地, 食落感覺好fresh, 完全可以中和到之前食落既甜膩感🔸Burger truffles (黑松露牛肉漢堡) （$88）與黑松露味相比,漢堡牛肉味更加突出,配菜亦避免「好膩」的情況出現. 漢堡set 同時亦配有薯條🍟及咖啡☕,

在中環四處逛逛後，突然想吃一些甜品，剛好望見賣donuts的店舖後，便進去吃了一個下午茶。店內冬甩的選擇十分多，最終我和朋友選擇了忌廉芝士味和伯爵茶味的donuts。無論是忌廉芝士還是伯爵茶味的內餡，味道都是不俗的，但唯獨是冬甩上的toppings，不論是Oreo、還是巧克力，都令到冬甩過甜，減低我們想再吃的意欲。建議店舖可以將Oreo上的煉奶減少，也將伯爵茶味冬甩的朱古力轉成黑朱古力，可能會令冬甩更為好吃。

JCO嘅冬甩真係非常高質☺️💕首先綠色嗰個係摩卡mocha，入面嘅cream有濃郁嘅mocha味，本來以為呢個係抹茶🤣下面好似Oreo嘅冬甩，裏面嘅cream係cheese cream，呢個相對會比較有滿足感，但我就好鍾意食👍🏻😆因為cream雖然鹹鹹地，但係做得好滑，好好食😋！在下面係Tiramisu，甜度適中，Cream都非常之滑！粉紅色嗰個就係草莓味，咁多個裏面相對冇咁肥膩，比較清新啲，因為佢酸酸甜甜咁樣，味道好好🥰

放工經過見到呢張poster, 3 Donuts + 飲品都係$60(免加一)，真心覺得抵，就食呢間當dinner.可能是晚上，內裡可買的Donuts款式唔多，我今次order咗2 Glazzy (Mokacha and Tiramisu) & Choco Caviar Chocolate + Hot Hazelnut Chocolate. 3個冬甩來講，我鍾意Mokacha, 外與內的綠茶cream好多好甜好重綠茶味；Tiramisu 個cream比較淡味，愛少甜的人好適合食；Choco Caviar Chocolate 就有驚喜，外層朱古力醬好好味，Nut又脆，食完真係想又食多個。呢杯Hot Hazelnut Chocolate, 份量無減少，榛子和朱古力味比例係50:50，真係飲得出2種口味，係好飲的，但甜度太高，我自己加咗熱水個胃先無咁濟，我下次會叫少甜呢😛。