日船章魚小丸子 (Moved) New Location

好記得以前係屋企樓下間惠康都有賣日船章魚小丸子..好似係$12一盒..好鐘意買黎食..而家要食日船都要出到旺角..😫😫😫今日經過就心思思買黎食..滿滿既照燒汁..木魚..紫菜..沙律醬..配上獨有既wasabi..脆脆既外表..一口咬落去..好熱..裡面仲有椰菜絲...好好味..日船算係好足料..真係有章魚係入面..食落又唔粉..比起香港其他食章魚小丸子既..已經好味好多...價錢都算合理..

日式章魚小丸子 $22 (盒)Japanese Octopus Balls. 一盒六粒 拎上手熱喇喇 好新鮮呀 佢有別於一般既章魚小丸子 個醬係wasabi 以為會好供鼻 原來越食越惹味 加上個外皮脆脆地 個餡又唔會太多粉 一啖擺落口 喇親 講唔到野住.整野食唔洗花巧 簡單既材料 技巧就夠

I always come back to this store which I think their takoyaki (octopus balls) are up to a good standard with a fair price, $22 for a box of 6. Brushed with mayonnaise, takoyaki sause and wasabi sause on top and shavings of dried bonito. 😋😋😋Each ball is covered with flavor and inside there's diced octopus 🐙 which gives a chewy touch. There wasn't overloaded with wheat flour batter which I sometimes get from other restaurants. Also, these were served hot. Not reheat some overnight leftovers so you

從前成日食日船章魚小丸子，分店都幾多，可惜近年租金貴競爭大，佢地分店少左好多。行開油麻地，見到又心思思想食。價格合理，幾年前都係平二、三元，如果買章魚燒加幾元就換到一杯手搖飲品。因為同行者不like 芥茉，所以我無要。其實我覺混醬好食d。入面粉團包住章魚仲係大大粒，無縮水🤗仍然保持水凖。

今日無無聊聊，去左油麻地覓食，一路向旺角方向行，突然見到好多人排隊，八卦之下過左去睇下有咩好食到要排隊啦原來係賣小丸子， $22 6粒，望落去唔算平，但係咁多人排隊就試下啦！拎到後問一問，非常香，味道唔係傳統既沙律醬汁，唔知咩汁，白色的，但係d汁同小丸子就好夾，我好鍾意個汁！咬開個小丸子，裡面既餡料好足，有好多菜，仲有一粒大大黎既章魚肉，好煙un，好有咬口！唔似其她店舖既小丸子全部都係麵粉，或者全部都係菜，得一粒鼻屎咁細既章魚，呢間既小丸子真係好足料值得再食！

今日要介紹大家嘅，就係去到旺角必定會食嘅「日船」章魚小丸子，容許我咁講啦，個人覺得比較地道而又好味嘅燒章魚丸，真係非佢莫屬。位於油麻地彌敦道，每次必叫一盒六粒，同朋友一齊行街？唔想爭崩頭，最好每人叫一盒！由於比較人多，所以保持住即叫即整。食物要好食最先決條件：當然係要熱辣辣上手入口啦！除咗配料唔孤寒，就連後加調味料都係好充足咖！所以口感同味道都相當豐富，諗起都好想再安哥啊。另外見到日船有新攪作「糖心醉蛋」，試食價7蚊，一於捧下場試下先。個人覺得個蛋稍微浸得唔夠耐，所以唔夠入味。所以一般般，不過可能每次製作嘅時間會唔一樣，值得期待下次表現。總結一下，日船真係皇道。個人認為成日由國外番泥嘅朋友，章魚丸絕對係其中一樣極懷念嘅地道小食。有外國朋友問自己旺角有乜食，絕對推介啦！

尋日去左mong kok唱karaoke ， 18：00唔知食乜好就去左食章魚燒 真係好多人排隊 排左5分鐘左右啦 $22/6粒 都ok ge 全部都係即刻整 保證新鮮 而且都好易搵 就登打士街 hnm附近 提大家如果唔食washbi記得叫佢走辣 因為我都受唔住！！！！

日船開業已久，對其印象還停留在登打士街那裡，原來已搬到油麻地。早嘗過這裡的章魚小丸子，印象不深，這次反而是被新產品溏心醉蛋吸引了！一向對雞蛋情有獨鍾，無論是溏心蛋、班尼狄蛋或玉子燒，所以馬上和朋友一人一隻一起吃。溏心醉蛋 $7/隻半凝結的蛋黃晶瑩剔透，溏心程度剛好，帶有很淡很淡的酒味，正合我意，如果是煙燻的話會更香。平常吃拉麵加配溏心蛋動輒要十元，這裡單賣七元算是不錯。

由13蚊食到22蚊, 貴係貴左啲, 但依然咁好味。皮薄又夠脆, 入面一定有章魚唔係得一pat粉, 椰菜又夠甜, 蛋黃醬加木魚絲正到痺。其實我鍾意呢種港式改良版多過關西正版hahahaha。

章魚丸-識食一定揀日船，無論味道，口感都係冇得輸。從十年前一直光顧至今，當中當然試過別家，但味道一係太油一係太軟身，冇一間比呢間好味。今日先寫食評真失敬，因為小食當然起身便食啦，那有閒拍完再吃呢。

如果有去過食正宗日本章魚小丸子的你,想係香港揾返最近似的口感和味道,就一定要去日船試試,佢每粒的丸子都有粒章丸,雖然唔係大粒個隻,但都算有好過冇,食落唔會有種好爛,一舊舊又散的蛋漿充值個口。未試過的你地,請放心去試。加埋佢獨有的蛋黃漿同wasabi漿再加埋木魚碎,食完簡直齒夾流香,無悔。兩個人食簡直岩岩好！

小丸子其實已經吃過很多，有時是吃到不想再吃，經過小吃店也不會叫。但今次就很想試一下這一間，很少小丸子店是會排隊，所以心想一試都不錯！ 店面很清潔，不似街邊小吃的樣子。價錢$22元6粒...我想這個也是我不想多吃的原因，以前不是這個價錢的吧！~(爆了年齡！！)店內不只有章魚小丸子，還有很多其他食品，但當然我只會叫小丸子！招牌哦~~ 加飲品有套餐~其實算是便宜吧~~~我不知道了~~呵呵！ 到手！店員效率很高，不會讓客人等太耐！ 好！重要的食評來了！醬汁很多，木魚都很多，第一口吃下甜甜的...這是應該有的味道？雖然我不相信，但我覺得這個味道不錯。也應該是這個沙拉醬的味好，所以吸引客人！章魚有一點失色是不夠熱，就算沒有客人或做多了都應該要把小丸子熱著！章魚小丸子的味道不太出，被醬汁霸佔了味覺！哈哈！是我太嚴謹嗎？不過我欣賞醬汁的味道！或許是香港人喜歡的口味！

日船章魚小丸子真係食左好多年喇，保持到質素，唔會好似其他小食咁流，粉團一坨，真心嬲專用小丸子盆，透氣唔會焗到冧哂打開就見到滿滿的木魚片，大大塊仲有少許脆口，夠哂新鮮一盒六粒，識食梗係配埋沙律醬同wasabi食，小丸子皮脆裏面熱辣辣，最緊要就係粒粒都有八爪魚粒唔會欺騙市民嘅心靈

我是個哈日族，所以也特偏愛日本的美食，數到小食黎講，我就好喜歡食八爪魚丸的！不過就算去到日本食，都未必間間岩你口味！而這間以賣八爪魚丸起家的外賣食店開業多年，依然深得大家歡心，剛巧路過當然要會一會佢！八爪魚丸（HK$22/6粒）可跟加錢再配飲品，不過我沒有加了！去到有人龍，排了十分鐘左右就買到！梗係立即在附近立食啦~ 一盒有六粒，上面有滿滿的柴魚碎、沙律醬及燒汁！醬汁跟柴魚碎份量好多，圓碌碌的八爪魚丸中間除了有主角八爪魚粒外，還有生菜絲，外表是淋身的，大概被醬汁整淋了！味道好正！滿滿的柴魚口味，配上微酸的沙律醬，好惹味説著都好想再食！

是日晚餐掃街！日の船真係香港最好食既章魚小丸子何惜分店少，由佢以前13蚊6粒食到現家廿幾蚊，T.T貴佐好多，但冇計，因為好味！外皮好脆但唔乾，內好軟但唔只係粉糊，有大大粒章魚，最最最欣賞係個wasabi醤，去到日本都唔係間間好食，有d仲要有薑絲。。wasabi醤真係好好味，講得上係畫龍點睛，冇佐佢唔得！加埋柴魚碎紫菜碎同沙律醬。。。真係好正，而且唔好見佢得6粒，其實好飽肚，現家仲有d set meal，我通常就只係要章魚小丸子，之後去黑布街個邊買埋牛丸包心個d食。YUMMY!!