日本黒毛和牛焼肉 牛太 (MOSTown新港城中心(4期))

Open Now

Now Closed

因為是新店前去捧場，直接899一百二十分鐘放題，節假多加30蚊，仲有50分鐘，最後點咗兩碟，注意：一碟係一片或者一細塊，居然二十分鐘沒上到來，服務生又去催單，又加咗二十分鐘，食個鬼咩！建議不要點最貴的！

牛太 今日正式登陸馬鞍山喇😍餐廳提供多款黑毛和牛燒肉放題套餐，由油脂豐富嘅霜降和牛到肉味濃郁嘅赤身肉都應有盡有 今次我食咗$469 日本產黑毛和牛燒肉放題🤩真心大滿足🙉❤️超級推薦大家嚟食🤤首先自助區有不同種類野菜、小食炸物、甜品、雪糕、飲品😍特別推薦炸雞、3.5牛乳雪糕同抹茶蕨餅mix紅豆🤩炸雞香脆惹味！牛乳雪糕奶味濃厚又唔太甜🍦抹茶蕨餅口感好新鮮Q糯好正🍵主角燒肉當然無得輸🤩上級牛肋骨極度推介！encore 左超多次！脂香十足、肉質軟嫩🤤三款口味鹽燒、燒汁、和風京葱醬都試曬～最正係燒汁😍和風京葱醬有啲出前一丁麻油麵味🤣好特別！上級牛脊肉第二推薦，呢款牛味比牛肋骨濃少少，脂香都豐富👍🏻網燒可以逼走部份油脂，識落都無咁膩😝其他肉類都好出色，最重要係新鮮🙉❤️生雞蛋、溫泉蛋同紫菜都係任添，自製生雞蛋和牛拌飯無難度🤭❤️串燒雞軟骨、雞腎、海蝦、鮑魚、羊架 都係新鮮貨色！特別推薦牛油燒帶子！刺身級帶子燒完都超大隻🤩❤️最後記得留肚食雪糕同埋抹茶蕨餅😍😍

有幸被邀請試菜，位於馬鞍山新港城中心的牛太日本燒肉，其集團在日本有自家農場，我嚐過其集團其他餐廳，和牛素質一向穩定。所有黑毛和牛均從日本鹿兒島、宮崎嘅自家牧場挑選，以冰鮮方法處理再直送到港，確保黑毛和牛最原始嘅味道得以百分百保留。$629放題共有79款不同美食，牛方面分特上、上級，第1 round奉上的頭盤還未來得及介紹，只記得最厚那塊竟然非常之稔，最有印象是黑毛和牛火炙壽司及另一個壺漬果味牛肋肉，後者吸盡洋葱及果味，非常有心思和清新！此間餐廳特地由日本公司設計江戶時代裝潢，充滿日本氛圍，放題式的黑毛和牛、海鮮、豚肉及羊扒令你肚滿腸肥，還有放題式日本啤酒及來自日本牛乳造的雪糕，甜品抹茶蕨餅及紅豆小丸子，以上都令人愛不釋手，一試再試。雖然是放題，這次也不用付費，但不會本著「老奉」而亂叫食物，盡量吃完。見鄰枱兩父女離埸時起碼浪費五六碟日本和牛，價值如果喺city super起碼超過$1000，行為令人側目，收枱阿姐也大嘆浪費😌😤！有興趣可以去試。

從網上飲食平台得知牛太終於係馬鞍山新港城開分店, 正好假日同好友去馬鞍山SHOPPING, book定dinner去牛太食放題。晚市放題設有四款套餐價錢選擇, 今次品嚐嘅係第三款價錢套餐【特上日本產黑毛和牛 燒肉放題套餐】餐廳座位格局企理又分明, 大部份卡位, 闊落坐得舒服。設有自助吧, 提供少量瓜果、沙律、四款熟食、自助軟雪糕、飲品櫃。套餐燒肉有齊豚肉、和牛、羊、雞、海鮮、前菜, 均以QR code落單, 燒肉:可任食各款黑毛和牛稀有部位, 而牛肋肉都有好多款, 牛肋條、上級牛肋肉、牛肋肉、角切牛肋肉,各款亦有不同調味選擇。所提供嘅牛均分佈豐富牛脂, 肉味濃郁, 提供多款調味, 例如黑松露雞蛋汁、醬油蒜片、蘿蔔蓉等…. 有助減少油膩感。牛舌有齊薄切同厚切, 加咗少少鹽調味, 口感爽, 食得滿足。羊架有少少羶, 但嘗可入口。其中推介雙重芝味腸, 鹹甜脆皮腸沾落熱熔芝士, 可以拉起長長芝士絲, 惹味!雞軟骨、雞腎串均加咗少少黑椒, 燒後爽脆帶少少鹹。海鮮:包括有鹽燒大虎蝦、海蝦、牛油帆立貝、青口、廣島蠔、鮑魚,大虎蝦爽口鮮甜, 鮑魚已預先去除內臟, 放心燒完大啖入口。牛油帆立貝放係鋁盤上