自家烏冬 (Closed)

一行兩人大約4點去,唔洗等位,本身諗住坐近窗邊,但個侍應要我地住另一張,唔知點解呢我叫左個餐係煙肉南瓜汁撈烏東+魷魚串, 另外朋友散叫左雞軟骨餃子和野菜天婦羅凍烏東 煙肉南瓜汁撈烏東: 很大碟呀，如果係女仔應該可以兩個人一齊食一碟都OK。個汁有D水水地ge感覺，即係好似水同油溝唔埋個種感覺，雖然有南瓜味，但味道係好淡那種，適合喜歡食得很清淡ge人，真係健康之選，因為入面除左有細細塊ge煙肉(煙肉唔硬唔軟，有咬口，但唔屬於乾身，所以容易咬那種)，另外仲有3 種菇類，eg:美人菇，D菇好好食呀，我覺得係依個烏東ge靈魂之處，又爽口又甜，而個烏東的確係同出面普通烏東唔同，它屬於煙煙UN UN，有D QQQ咁，未至於好有彈性。魷魚串:餐牌上面d魷魚深色d,看似好好食,味道會好濃咁,但真實黎到,顏色反而淺色d,而味道冇想像中咁濃,少少辣,不過加左芝麻係會香口D。 雞軟骨餃子: 少少油,口感有D脆再配個汁,有D酸酸地,有油而不膩的感覺,幾開胃。野菜天婦羅凍烏東: 呢個係最早叫,但係是最遲上菜,朋友差不多食完雞軟骨餃子和魷魚串,而食我食左3份1GE煙肉南瓜汁撈烏東,它先到。野菜天婦羅D粉薄薄地，一d

自家烏冬在港九新界已開了多間分店﹐但聽食友提過質素不太特出及在港常常見到的不論質素怎樣而因新開張的人龍﹐所以這次來到品嘗還是第一次。 這店與鄰鋪板長壽司同一鋪位經營﹐ 論地方自家烏冬佔大部份﹐因而環境座得寬闊。 座下仔細地研究餐牌後﹐ 點了海鮮湯烏冬及豚肉掛烏冬.海鮮湯烏冬 $42 - 海鮮食材主要有蝦﹐青口﹐帶子兼魷魚﹐ 因各海鮮食材都是急凍海鮮﹐所以沒有鮮美的海鮮味及完全雖要依靠湯底來作味道。 這烏冬湯底顏色雖然很淡﹐但味道較鹹及帶有很重的木魚味道﹐ 質素與預期大致相同﹐不過不失。豚肉掛烏冬 $36 - 這道烏冬賣相不錯﹐ 豚肉已切成絲放在烏冬上﹐ 而碟旁側放有給顧客用來撈烏冬吃及作調味的蔥花﹐蘿蔔蓉﹐青瓜及木魚絲﹐ 再加少許陶瓷盎內的烏冬醬油更可令味道更香更美味。 炎熱天氣下吃這溫暖的掛烏冬不至全身發熱是一好選擇。以這餐來說﹐ 豚肉掛烏冬因在多種配料襯托下令味道更香更野味﹐ 味道較海鮮湯烏冬出色。 但不知是否當晚廚師在烹調烏冬的過程煮得過久而令兩款烏冬的煙韌度都偏淋及立癡癡地黏在一起﹐令本人對自家烏冬自己打做出來的烏冬質素打了折扣.

為左呢間野我真係要講返句:大失望了!!!今晚3個去試食呢間日日都要等位ge新鋪頭等左成半個鐘先有得入去,令我對佢抱有好大期望點知....叫左一個海鮮湯烏冬$42,一個韓風海鮮湯烏冬$45同一個雜錦天婦羅湯烏冬$48前兩個根本就一樣,都算了,韓風竟然連一片泡菜都冇!!!而且佢所謂ge「韓風」係蒜蓉辣椒醬開稀成湯而來的,真係難食到嘔囉有冇搞錯呀!!!實有呃$之嫌!!!個海鮮湯清到得陣鹽水味,仲敢話自己d湯係用魚乾熬出黎,人地魚米家個湯都起碼真係有魚味丫!總之真係完全俾人呃左咁.....埋單仲要成$149....大家唔好再俾佢店前面的等位d人呃左>"<食完真係想喊

是日母親節, 因一早已經同媽子慶祝咗, 所以兩口子自家搵食.....今日出街搵食預咗人山人海, 所以搵一些唔可以坐好耐嘅食店食飯, 有見及此不如試吓屋苑附近新開嘅烏冬店, 每次行過都有好多人等位, 雖然睇完其他食評都冇咩期望, 最後係失望而回。我地六點十分已經到咗門口都要排成41個至到@_@ 有冇咁多人呀??? 最終我地都要等咗45分鐘, 等都不是問題, 問題是佢好唔好食同值唔值得食....是晚一共點了5款食物:1) 吉列豬排釜揚烏冬 $38- 冇特別仲有D過咗火有D乾~~ 連大X活個吉列厚豚肉都好味過佢! 2) 牛肉湯烏冬$30 - D烏冬過咗火候唔彈牙3) 野菜天婦羅 $20 - 一般4) 胚芽珍珠奶茶 $12 特價5) 原味珍珠奶茶 $12 特價 - 可以不試冇特別連加一服務費以咁嘅價錢可以食到更有水準的食物, 我兩口子一致話短期內不會再去.....

好耐無寫食評，好耐無光顧新食店，難得將軍澳區有間日本野，又係連銷式板長壽司經營的烏冬，對佢有D期望，結果，我錯了！有期望就有機會失望，相反可能重會有驚喜。叫左碗什錦天婦羅烏冬，從來唔會亂食天婦羅，因為香港大部份地方都做得唔好，料要新鮮、粉漿要薄、炸起要鬆同脆，聽落簡單，但做出黎可能只有稻菊先至有真正既天婦羅。一如所料，天婦羅係唔合格的。有段插曲，待應送烏冬黎係無比汁沾天婦羅的。之後問返，待應話跟烏冬係無汁既，散叫就有汁。待應話你應該將天婦羅浸入湯裡面食。呢間野真係食到火起，建議鄭生將板長開埋燒臘，食雞飯無薑蓉、散叫雞就有，一定成行成市！淨係品評個天婦羅對佢唔公平，講返個主食烏冬。我欣賞佢個湯，夠膽色，用清如水既木魚清湯做底；就好似有要求的日本店用清水黎做Shabu Shabu既湯底，因為牛肉靚，最簡單既烹調方式就能帶出食物既本味。但好明顯佢對佢出品既烏冬信心過大。烏冬有如起國內超市買到八蚊一斤的辦麵。唔係話佢唔好，但一定唔夠份量放落個木魚清湯度。加一後，五十五蚊一碗咁既野再加埋呢種服務，可能有四十五蚊都去左條藍鰭吞拿度。呢開野，同夏麵館可爭一日長短

昨天隔着玻璃見到有厨房員工利用烏冬機製新鮮烏冬，今天決定來吃。等了10分鐘有位了。康康要咖喱吉列豬扒烏冬，我和焯焯要海鮮烏冬，加一客芝士煙肉焗廣島蠔。首先咖喱烏冬上枱，豬扒很脆但不夠熱，烏冬比預期的淋。5分鐘後焗蠔到，可能3隻蠔很細細隻，要用很多煙肉粒和勻芝士一齊焗才似樣，下次想吃，到超市買大隻的廣島蠔在家焗吧。吃完蠔還未見海鮮烏冬上枱，找來侍應問問，他說新開張，會比較慢，我答他對面枱的4位人客比我們遲10分鐘才到，但他們已吃緊烏冬，於是他才說去check check。前後等了約25分鐘，海鮮烏冬終於上枱 la，內有一隻中蝦、2隻青口、一隻扇貝，一條蟹柳、一小件魷魚鬚和數片白蘿蔔，湯是非常清的上湯，不知是不是用鹽水來滾海鮮之後的湯，再加葱粒，烏冬比咖喱烏冬煙韌，這才似讚岐烏冬的特質。焯焯說碗大大，烏冬少少，今天要吃下午茶，但對我來說，是足足有餘。如果身在銅鑼灣，我會選擇別府拉麵的烏冬吃。