神石燒牛扒水產專門店 (淘大商場1期) (Closed)

每次經過都見到人流好旺嘅一間石板燒肉店，最近加推左壽喜燒套餐，查找得知原來係由RubberBand成員阿偉與朋友合資開設，以自助形式使用石板自行調節牛扒生熟程度。供應美國產神石牛、安格斯、日本及澳洲和牛等。人氣石燒牛，價錢經濟實惠 轉眼間已經開設全港六間分店，新推出左一人前關東壽喜燒附送野菜同溫泉蛋🥚 有多款不同產地同級數嘅牛肉套餐選擇🥘神石燒新登場: 關東壽喜燒嚴選獨家壽喜燒汁，配上多款安格斯牛肉套餐💯人氣首選： 鹿兒島A5和牛肉眼 $298🐄經典之選: 安格斯牛頸脊 $208🐮牛魔皇必選: 安格斯西冷 $138🥩鹿兒島A5和牛肉眼壽喜燒 $298推介:⭐️⭐️⭐️⭐️⭐️正!呢晚想食豪D! 兩個人揀左人氣首選鹿兒島A5和牛肉眼，色澤紅潤、薄片脂肪分佈均勻，中間有明顯油脂，旁邊油花豐富，放落壽喜燒湯滾熟牛味出色，入口嫩滑👍沾上湯汁，再沾上日本生雞蛋放落口，十分滋味。鍋內有齊基本壽喜燒的冬菇、金菇、秀珍菇、紅蘿蔔及娃娃菜等，加埋入味的稻庭烏冬，食哂一定大半飽😋。當然呢個價位唔可以同有壽喜燒濃汁煎烤再落湯的壽喜燒專門店相比，但牛肉質素同性價比真心一流! 係平民級人人都享受到的級數。🥩澳洲黑毛和牛+

邊爐控一年四季都鐘意打邊爐😻。壽喜燒香甜濃郁，加埋和牛超滿足🤤。✨壽喜燒一人前 - 日本鹿兒島A5和牛肉眼 $298套餐包括鹿兒島A5和牛肉眼、壽喜燒汁、稻庭野菜、烏冬。日本鹿兒島A5有超靚嘅大理石紋。和牛口感軟嫩，入口充滿油脂香味。壽喜燒汁味道香甜，越煮越濃郁。野菜、烏吸收晒壽喜燒汁嘅甜味😻。唔夠食嘅話仲有沙律🥗、麵豉湯🥘、白飯🍚任裝。✨限定優惠： 加HK$12 就可以享用 澳洲黑毛和牛 一份（每位只限加購一份）*數量有限*佢哋仲有其他唔同產地、級數嘅牛肉，亦都有其他肉類㗎。有壽喜燒又有石燒🔥。

提前Book左呢間神石燒！好彩有Book，門口大排長龍！門口點完餐就可以入去自己拎小菜同裝白飯/湯～今次試左2款A5和牛，肉質偏硬，唔錯但覺得未到A5嘅質素，油花再多啲就好加左份鴨肝，夾埋牛一齊入口會好食啲

呢間係我成世人食過最差嘅餐廳你一日未俾錢一日都唔會知道入邊嘅環境係點一入去真係嚇親以為火燭 大煙到傻 勁大油煙味張枱勁細 椅又細 袋都冇位放 全程攬住尼食 地下污糟到黐線 枱底整返個勾唔係咁難係咪阿？個自助吧真係嘆為觀止擺用來不飯個個容器 成碗粥咁 開個櫃桶拎個碗 哇 每個碗都有污跡 都唔知有冇洗過個羅宋湯咸到呀媽都唔認得最好笑佢成間野樓面得兩個員工門口帶位個個要做埋抹枱仲要聽到佢同個客對答啲野唔清唔楚唔該間野唔好再呃人啦平又唔係好平 比個咁既環境我幫襯呢間嘢係我呢一生人最差嘅決定

呢間燒肉係我最近先發現既好餐廳推介！店內大量日文字令小編有種去左日本既感覺😂【 美國Prime牛扒盛合】$138呢個set有牛扒、牛舌同鴨肝都只係$138，雖然主菜份量唔多，但味道幾好唔錯！食得好enjoy! 佢另外仲有湯、沙律、白飯任裝！ 其實食落真係食得幾滿足架。加埋個波子氣水就perfect池！😋😋😋不過同其他燒肉店都有既問題係油煙勁，我就唔驚會再食。只係如果本身如果對油煙sensitive 既你要留意返。

經openrice用優惠價訂咗呢個燒肉外賣套餐味道都還可以已經醃好咗一次過買咗兩個分兩餐食豬肉同牛肉整體都唔錯亦都有附燒肉醬汁唔需要放入冰格唯一就係自己屋企燒燒成屋油清理有啲麻煩建議去返堂食

本身打算買漢堡扒set 店員話賣晒 （中午12:30）要咗雞扒 。。 返到屋企打開份量非常少 ， 只有4件雞粒份量！燒汁+雞粒 擺肉個格仲細過沙律菜嘅格 超級唔值 ！不會再買而且外賣等待時間太耐！

近排呢啲石燒嘅舖頭開得越來越多，但係我呢啲成日要一個人食飯嘅來講，其實都係一個幾方便嘅選擇。今日就揀咗呢一個雞牛豬都有嘅餐，$138 每樣都100 g，從來都重量都冇乜概念，原來300 g肉都唔算太多，喺門口點餐之後大概5分鐘熱辣辣石燒嘅扒餐就送上嚟。味道算不過不失，牛係封門柳，肉質淋滑。白飯同埋湯都係任拎，估唔到佢哋連飯素都有。一定食得飽，價錢因為要加一嘅關係，我自己覺得就貴咗少少。佢哋都有做外賣，如果唔怕要洗嘅話都算抵食

疫情關係無得堂食，又好想食燒烤… 唯有去神石燒買外賣返屋企食啦🤩 估唔到勁有驚喜！我叫左個牛舌牛肉便當😆 牛舌都算多，多汁，有飯素！加埋牛肉汁再撈飯就真係一流😍😍😍

今次就去咗神石燒牛扒水產專門店其實之前一直都好想試 不過太多人排隊今次終於可以食 就叫豪啲🤭我自己就叫左個E餐👇🏻日本佐賀A5和牛肉眼300g重量級盛合 ($198)注意返和牛份量其實係得100g其餘200g分別係西班牙豬豚肉同美國天然雞肉質幾細膩 而且平均雪花脂肪 食落口感一流相比起 MY BOSS 叫嘅D餐嘅韓牛1+1($178)我覺得我個餐 雖然牛肉份量唔多但勝在個質素真係好好多 我覺得貴$20好抵食除此之外 餐廳嘅飯 沙律 湯 都係任添我一個都食左3碗飯😂 所以十分滿意🫶🏻

💛 #神石燒 #抗疫外賣餐疫情期間冇得坐定定用鐵板燒牛肉食，神石燒就推出咗一啲外賣套餐，仲好抵食🤩🥩 汁燒牛舌便當 （$48）牛舌份量算多，個汁甜甜的，又唔會遮蓋牛肉嘅香氣🤤 日本米加上飯素，再撈埋牛肉汁，令唔鍾意食白飯嘅我都覺得好食😚 仲有沙律菜添，算係均衡營養💗

本來抱住期待的心情第一次吃石燒，結果….首先不評論食物質素， 餐廳環境衛生差，周圍都是油琳琳，取食物的碗全部都是濕的，又有污蹟喺啲碗入邊，真的不敢用！牛肉方面，完全沒有肉味，覺得是比嘢拿過咁，厚切牛舌來的時候已經是全熟，更加是茶餐廳那種牛舌的質素，真是試一次就夠😩

神石燒專門店（九龍灣) @jinseki.steak 雖然宜家晚市無得堂食..😭但都可以買返去自己燒😍1++韓牛牛腰腹 200g 韓牛無咩驚喜..不過不失..🙈食唔到係韓國個種味道～A5薩摩和牛 200g 估唔到佢真係咁A5..油脂分布均勻😈好軟～油香爆出黎...但一個人食200g真係好肥膩🙈🙈你會食到一半唔想再食落去🤣🤣🤣白飯/沙律菜/味噌湯自助任食～個湯好好飲😍一定要飲

同friend黎到淘大商場，試下呢一間嘅神石燒🔥，聽講d牛好正😆😆😆😆所以黎試下……咁就夜晚食同friend一人一個套餐set，入面咩都有d，有牛🐮，雞🐔，和牛，仲有海蝦🦐同埋蜆😍😍😍😍咁仲有任食沙拉🥗同埋湯🥣咁樣😃😃😃味道中規中矩，牛方面q的確出色，好容易咬同入口，多汁😆😆😆😆😁所以如果鍾意食牛嘅朋友們不妨黎試下，其他肉類就唔太推薦😙至於價錢方面呢就比較貴dd，不過只食牛就覺得價錢係ok，因為其他野拉低左期望😗

適逢朋友有優惠券，所以嚟到食燒牛肉。叫咗個二人套餐，有蜆有牛肉，有羊扒，帶子，還有高級的和牛，和牛真係幾好食。唯一覺得唔方便係需要出去拎飯同湯同配料，其他大致上都可以，一塊石板不能燒得太耐，我們在晚餐期間都換了兩塊，食物質素可以，但係換板就不太方便。