神石燒牛扒水產專門店 (東港城) (Closed)

神石焼係全港首家岩鹽熱石燒牛扒專門店，利用高溫熱石燒烹調優質牛扒。套餐包括自助區食品，有日式泡菜湯，黑豚牛舌洋蔥湯，沙律和白飯。白飯加左飯素已經好好食!🌟極上原條厚切牛舌芯 $128一上枱真係嚇親，份量十足，原條牛舌芯非常厚切好大條!牛舌芯係牛舌入面最柔嫩嘅位置，每條牛舌只有兩至三成可以被叫為牛舌芯。牛舌芯上枱時表面輕微煎過，根據自己的喜好再燒下，燒到外脆內嫩，食落爽彈，肉質鮮嫩多汁。🌟澳洲M7和牛扒配豚舌芯 $128如果唔想甘單調剩食牛舌的話，可以揀澳洲M7和牛扒系列，自由選配黑豚舌芯或牛舌芯。澳洲M7和牛扒，大理石紋理均勻分佈，石燒過後好香，肉味好濃郁，肉質有咬口! 豚舌芯切粒後燒至表面香脆，味道較濃郁，作為佐酒小食一流。

今晚同老公落樓撐枱腳，好想食燒肉既我就決定試下呢間，環境幾好。🔥明火石燒：澳洲M7黑毛和牛一人盛 $178明火石燒會係石板底下再放蠟燭，一直用火熱住石板，咁樣會方便啲，唔駛成塊石板咁換，如果蠟燭熄佐，可以淨係換蠟燭，熱力都均勻！和牛份量都多，有唔同部位，薄薄一片既和牛油花十足，充滿牛香，肉質鮮嫩！☄️傳統石燒：極上原條厚切牛舌芯 $128傳統石燒就係會先燒熱塊石板，上枱果陣熱辣辣既石板已經放上燒佐2成既牛吞芯，上枱果陣就可以慢慢再燒，當石板凍佐就可以叫店員再換過，同樣夠熱！牛吞芯真係好厚，好軟熟，軟腍腍得黎又濃牛味，口感味道同樣咁好，自己再落啲鹽調味又得！另外再追加日本北海道千歲產豚肉$0.5/g，我地叫佐50g，豚肉脂肪比例岩岩好，軟嫩既豚肉真係值得加錢去食！全部肉配埋有紫菜既飯就真係好好食！

今日帶好鍾意鋸扒既男朋友黎食神石燒既燒肉放題👧🏻🧒🏻 $209食75分鐘，有10款咁多肉同埋沙律吧可以任食😍首先一定要試既係［澳洲M7 黑毛和牛］同［美國CAB 黑安格斯牛肩胛扒］🐂呢兩款牛肉係出面扒房食都勁貴，依家竟然可以任食，當然要食返夠本🤣牛味非常香濃而且好juicy，超多肉汁😋值得讚係冇咩筋位或者肥肉😉我自己就最鍾意食豬，佢既［西班牙極豚肉］同埋［壽喜燒汁豚五花］都非常好食，冇豬騷味之餘調味好好，而且油香夠濃🐷男朋友就話好鍾意［壽喜燒汁牛舌］😍話佢一啲都唔騷，好有嚼勁 除此以外［黑安格斯漢堡排］其實都唔錯，調味好好而且口感紮實😋上肉既速度其實算快，75分鐘真係好夠食，而且沙律吧既選擇都多，湯呀、飯呀、沙律呀都有，真係好啱帶大食男朋友過黎食😂

我住系將軍澳附近，但系呢度好多餐廳都試過，高質素既燒肉真系沒幾間，所以今日dinner試下呢間餐廳，網上既評價一直居高不下！一齊睇下今日既餐單：⏭️明火石燒：澳洲M7黑毛和牛一人盛，肥瘦比例完美，好容易熟。⏭️牛肉味道濃鬱，加少少黑椒汁微辣，增加惹味.⏭️傳統石燒：神石美國PRIME牛扒，肉質有彈性，肉味最濃。不錯。烹調時可加入蒜頭、百里香、迷迭香等香料，除咗可以增加味道層次，亦可降低油膩感覺。⏭️沙律，沙律醋酸酸甜甜，容易入口，同食物既味道都好夾。⏭️紫菜飯，超級大碗，豐富口感。⏭️蘿蔔湯，蘿蔔新鮮彈牙，湯頭好甜，非常好味，仲有少少香。果然同網上既評價一樣，食物質素高，cp 值都好高，下次可以帶多d 朋友仔來。

前晚男朋友同我去左食神石燒牛扒水產專門店，今次我哋去咗食東港城嘅分店🥰今晚食咗個好邪惡75分鐘放題❣️呢個放題超吸引，我哋揀咗澳洲M7黑毛和牛套餐！佢一共可叫10款肉，分別有澳洲M7 和牛、美國CAB 黑安格斯牛肩胛扒           、澳洲穀飼100日牛扒、美國黑豚舌芯、西班牙極豚肉、美國天然無激素雞扒、壽喜燒汁牛五花、壽喜燒汁豚五花、壽喜燒汁牛舌、黑安格斯漢堡排！真係好多選擇好豐富！咁多款入面我比較推介以下呢幾款❣️👍🏻澳洲M7 和牛呢個係真係一定最好味，本身我都好鍾意食啲牛肉味好香濃嘅和牛，呢款絕對高質！而且佢嘅和牛切一切入面係有少少粉嫩嘅顏色！仲有好多肉汁添呀！👍🏻另外仲有幾款牛扒，我都覺得唔錯，因為用咗傳統石燒嘅方式，我覺得啲牛肉整體嘅味道好食好多！👍🏻另外壽喜燒汁牛五花、壽喜燒汁豚五花我都幾鍾意食，好有日式嘅風味

今晚同男朋友經過東港城嘅神石燒，聞到味道好香，就決定試下佢地嘅晚餐。我們點咗👅極上原條厚切牛舌芯👅，個牛舌芯好嫩滑，每一口都好多汁，真係好好味！唔夠喉想再想食下啲高質和牛，所以我地仲追加咗🇯🇵日本北海道十勝A5和牛🇯🇵，每100克只係$50，真係抵食！個和牛肉質極優，口感超級嫩滑，肉汁充沛，雪花都非常之靚，真係入口即溶，有如置身日本嘅感覺。另外，我地仲試咗傳統石燒嘅神石🇺🇲美國PRIME牛扒🇺🇲，同樣質地鮮嫩，肉汁豐富，真係好好味！配埋個沙律，令今餐更加豐富。今餐主要都係推薦A5和牛, 因為真係覺得好超值。當然想分量多啲，就可以嗌佢哋嘅傳統石燒，係熱辣辣嘅石上，即燒即食係好正。❤️❤️🤤

T^T今日心情唔好真係好想大吃一餐。記得網上見過神石燒燒肉唔錯，於是就去去左食返個燒肉放題。#w#**我就試左個~~60分鐘$139放題：美國CAB 黑安格斯牛肩胛扒~~可叫9款肉~~ 🌟特別想讚下牛扒🌟美國CAB 黑安格斯牛肩胛扒：夠大塊，啖啖肉，肉汁香，好正✔️澳洲穀飼100日牛扒：油花和肉味達到了最佳平衡，肉質特別柔軟🤤黑安格斯漢堡排：非常細膩軟嫩，唔會有過多油脂的膩口感🤯除咗牛肉，當然都有豬肉同雞肉啦，總有一款岩你嘅^^除此之外，出面有沙律吧可以任食沙律，個湯都幾唔錯鹹鹹地，真係令我非常滿足🐷🐷

呢間燒肉店長期人頭湧湧，生意極好💥見今日有啲時間，試試係咪真係咁值得排隊都要食先👀👀見佢推廣緊週年限定半額優惠，所以叫咗份👤一人火山燒肉盛👤，盛惠$64套餐主打美國牛肉組合，分別有3個不同部位，選擇多元化👍🏻🥩美國安格斯牛肉脂肪較少，唔會好肥好膩，幼嫩中帶少許咬口，牛肉味道香濃👃🏼🥓美國特級牛五花香氣十足，瘦肉中帶有油脂，用嚟燒好適合👏🏻👅薄切蔥花牛舌非常好下飯，蔥加鹽燒過後香味散發，用牛舌捲埋一齊食，可以送到幾碗飯呢👍🏻自助區有沙律提供，粟米粒、沙律菜、蕃茄仔、青瓜任食，另外白飯同湯都係自己搞掂👌🏻咁抵食難怪每日都唔多人排隊啦🤟🏻

和牛一向俾人嘅感覺都係好貴份量唔多，而「神石燒」則話俾你知，高質進口牛肉都可以又平又好食🥢🥢美國🇺🇸代表⋯⋯神石美國PRIME牛扒🥢美國牛肉分3個等級，其中Prime為最頂級，肉味同肥瘦比例都係最上乘，所以一般價錢都較貴。依塊PRIME牛扒都只係百多元，份量厚大，肉汁豐富味道鮮香。日本🇯🇵代表⋯⋯日本北海道十勝A5和牛🥢依個A5和牛最特別係可以自己決定份量，$1/g食幾多叫幾多，豐儉由人。網狀雪花遍佈整塊和牛，入口油份充裕，更有入口即化嘅感覺。兩款肉各有特色，重點都係平價又高水準，符合大眾口味價錢合理，我會俾💯分。

今日同三個好姊妹一齊去東港城嘅神石燒慶祝生日。我們揀咗佢地嘅60分鐘$139放題，可以叫9款肉嚟食。🤩🤩🐂🐂🐂🐂🇺🇲美國CAB黑安格斯牛肩胛扒，個肉質嫩滑，每一口都充滿濃郁嘅牛肉味道。仲有🇦🇺澳洲穀飼100日牛扒，個牛扒肉質鮮嫩多汁，好香好淋！最後仲有⚫黑安格斯漢堡排，個漢堡肉質鮮嫩多汁，真係一級棒！至於有牛舌，如果肚有空位都可以試下。🥩🍔😋🐷🐷🐷🐷美國黑豚舌芯同西班牙極豚肉，兩款豬肉都好鮮美，口感豐富；壽喜燒汁嘅牛五花、豚五花都係唔錯嘅選擇。🐔🐔🐔🐔天然無激素雞扒，食落絕對唔會係雪藏個種，入口好滑好香口，燒熟後更惹味。神石燒嘅60分鐘放題真係超值，而且環境舒適，高質食物係種享受。大胃王絕對一定要嚟食下✔️🙆

今日自己一人落街行下經過神石燒，口痕痕想食下燒肉晚餐，一試真係覺得係幾好味嘅！🌟傳統石燒：極上原條厚切牛舌芯🌟個牛舌芯好嫩滑，每一口都好多汁，真係好好味！咬落去時，口感非常順滑，肉汁隨之散發出來。佢嘅肉質細緻，並且容易入味，可以吸收燒烤時所添加的調味料，增添了口感的層次感。配埋沙律同紫菜飯，就更飽肚。而且個價錢只係$128，真係物超所值！🥩🌟頂級虎蝦同日式磯燒鮑魚🌟呢個係另外追加嘅。虎蝦新鮮彈牙，燒烤後更加帶出佢嘅鮮甜味道，真係令人愛不釋手！而磯燒鮑魚則有獨特嘅海味，肉質鮮美，本身佢個飽魚夠新鮮而且預先醃好咗，燒熟後有一種淡淡嘅香味又唔會太油膩，好適合作為追加嘅選擇。追加只係$19同埋$28，真係超抵食！🦐🐚我覺得神石燒嘅食物真係好出色！絕對推薦朋友一齊試下！推介度：8/10環境：7.5/10

在OpenRice 網上book枱，好方便美國極級黑安格斯牛頸脊$169，叫咗200gm，份量原來都好多神石美國Prime牛扒 $148，一份250gm，很厚的牛扒，牛肉味濃，不錯澳洲M7和牛扒配豚舌芯 $128，雙併可以吃到兩種牛，價錢也不貴日本鹿兒島南國元氣雞腿扒 $95，雞扒夠滑，烤雞很香4個套餐，埋單只係$540任食沙律菜、白飯(加紫菜芝麻)、白蘿蔔牛肉湯、麵豉湯、冰水，只係座位不是很寬敞，但以這個價錢算合理了。

🥴難食到唔會有人會想再幫襯🙄抽風系統差到(有等於冇)😶‍🌫️食完個人由頭到腳都臭到嘔😐啲餐具/醬油樽仲要油到死(完全唔想掂落去)💩店員又得一個人等咗野食勁耐都未到😮‍💨塊石又唔夠熱搞到成餐飯食到勁趕 😑男士們都反映唔夠食🤬仲要明明book咗枱都無確認到話我缺席🤢唔知依間垃圾餐廳存在有咩意義😵唔該真係唔好試伏 🤮依間野真係100%唔會再食☠️咁嘅質素仲要收我五百幾蚊🥱神石燒真係不了

想着午市食放题，一开始话要等位，已经讲明系食放题，之后到我啦，就话今日唔够人做唔到放题，好心做唔到一开始等位就出声啦，等到来同我讲做唔到，话厨房一个人，楼面一个人，做唔到你生意，没人就唔好开门啦，黑口黑脸，对住客

ෆ 神石燒牛扒水產專門店 ෆ 呢間燒肉已經回頭咗幾次( ♥︎ᴗ♥︎ )有冇人同我一樣好鍾意食牛舌？呢間燒肉唔會令你失望🙆🏻‍♀️而且有好多選擇牛、半、豬、雞都有🫶🏻我哋次次都揀到眼花撩亂🤣自己燒～唔想燒肉仲有壽喜燒！都係好好味😋 ෆ 推介菜式 ෆ 美國頂級厚切牛脷#hkig #hkfoodie #foodiehk #foodiegram #foodiegraphy #foodlovers #foodstagram #happysharing #hkfood #foodphotography #foodie #hkfoodblogger #hkfoodstagram #momofoodie #香港美食 #美食 #吃貨 #相機食先#hkig #hkfoodie #foodiehk #foodiegram #foodiegraphy #foodlovers #foodstagram #happysharing #hkfood #foodphotography #foodie #hkfoodblogger #hkfoodstagram #momofoodie #香港美食 #美食 #吃貨 #相