JK Bakery

Open Now

Now Closed

最近榴連季節，經過呢間bakery，咁啱見到有榴連軟包就買咗個榴連包同玫瑰草莓乳酪包番屋企。✨香濃D24榴連軟包 （$32）一攞上手個包仲大過隻手，陣榴連味隔住個袋都聞到😂包體外形整到好似榴連咁，味道就係抹茶味道。一切開舊包，就可以見到滿瀉嘅榴連蓉，食落去亦係香濃嘅榴連味道🥰🥰🥰榴連控可以試吓食～為食指數：4/5✨ 玫瑰草莓乳酪包 （$29）包體嘅味道有微微嘅玫瑰味，餡料就係爆多嘅cream cheese。成個包一齊食嘅話，玫瑰嘅味道會俾cream cheese 嘅味道蓋過咗。如果鐘意cream cheese都不妨試吓～為食指數：3.5/5雖然一件麵包要$30左右比起一般麵包舖係貴咗啲，但係論大細、餡料嘅量同quality嚟講，我個人覺得性價比算幾高👍🏼環境：N/A食物：⭐️⭐️⭐️⭐️服務：⭐️⭐️⭐️性價比：⭐️⭐️⭐️⭐️回頭度：🙆🏻‍♀️🙆🏻‍♀️🙆🏻‍♀️

榴槤季節 好多地方都出榴槤野小編見到有人介紹呢間隱世麵包鋪有爆餡榴槤同芋泥包!!!拎上手已經好墜手🤣隔住個袋都聞到陣陣榴槤香氣中間確實勁爆餡 有榴槤肉口感 但好似加左cream cheese...就有少少影響左個餡外形做到有榴槤刺 個包如果可以圓形就更似 但點解要用抹茶味做個皮? 完全同榴槤唔夾😭香濃D24榴槤軟包$32芋泥包都係一樣好墜手 確實勁爆餡芋泥之外仲有好多芋頭粒不過芋泥有D痴 冇綿密既口感個包偏硬 唔係香軟 同埋用左好多可可粉做皮 都係要隻色? 但一D都唔夾最後小編淨係食哂D餡🤣棄左個包香軟芋泥包$28同普通雞蛋糕冇分別上面焦糖係淋既焦糖蛋糕$18朱古力濃郁 有原粒提子乾但食唔出有榛子味榛子提子朱古力$25📍JK Bakery 📌佐敦佐敦道7號地鋪

之前喺度買咗一個布朗尼，非常有朱古力味，所以今日經過呢度附近，特登過嚟買佢其他野試吓麵包味道幾好，最緊要係佢嘅麵包食落去係冇咁多發粉，每舊麵包都好實在，非常重手，證明材料幾足夠 👍

開起DGS隔離 好耐之前呢個舖位已經係麵包舖 不過主要賣傳統舊式麵包依家轉手變咗賣啲新式手工創意麵包 入到去見到好多新奇嘅口味配搭😍例如D24榴連包、香芋麻薯波波、香芋椰絲包等▶️ 抹茶無花果 ($27)一見抹茶就雙眼發光🤩今次呢個配無花果 又一新配搭 平時我超少食無花果 所以唔太知咩嚟 不過試吓囉一開袋已經聞到陣無花果甜味 啲無花果又幾足喎同埋好巨型成個包有217g咁重抹茶味比較輕 好在唔太甜🍵都有好微甘味無花果比相像中好食❤️無提子乾同紅莓乾咁甜 之後有陣好似話梅咁嘅味咬落有啲粒粒野咬吓 口感好得意麵包質感仲好有嚼口🍞湯種麵包係唔同啲嘅！▶️ 玫瑰草莓乳酪 ($29)呢個包勁囉 成320g咁重 唔怪得知拎住佢返屋企都feel到佢嘅重量 絕對唔係空氣包🍞一切開入面全部芝士乳酪包晒出嚟🧀望落似吉士醬味道上食唔出玫瑰或草莓味🍓因為俾乳酪芝士搶咗乳酪芝士勁正🤤真係有乳酪奶香味 質感好creamy 唔會好heavy/dense 唔太甜之餘 有少少鹹味 最重要係一啲都唔酸🥛麵包質感同樣好有嚼口🫶🏻-兩個麵包都超級好食😍麵包控表示食過咁多間入面叫數一數二雖然配搭新奇但絶不奇怪 搞到我好想試吓其他包❣️衞

超愛超愛麵包的我，前幾天看到有網友分享這家，看著內餡兒我必須衝一波！！買的停不下手，我買了一個榴蓮的，OMG榴蓮餡兒又多又濃郁！又加了一個士多啤梨芝士，也是濃郁的內餡兒，噴薄欲出！.還有一個無花果抹茶🍵，買給小🐤胃做早餐，我晚上吃了一口，覺得這個普通，不過確確實實有無花果顆粒在裡面！.除了麵包🥯我還買了朱古力🍫曲奇餅乾🍪和伯爵茶曲奇，都好吃，朱古力🍫裡面有一粒朱古力！至少一粒，伯爵茶感覺裡面是有提子乾的！

哩間冇咩人講但係有意外既驚喜！一拎係勁重手😳買包之前買左兩杯comebuy然後發現哩兩個包加埋既重量係同兩杯comebuy既重量不相伯仲😳😳😳🍠香軟芋泥包 $25包體部分唔係鬆軟型而係偏向紮實既類型有手工做既感覺😉食到有小小既奶香味中間既芋泥係似台灣紫晶酥個種偏甜既芋泥😚中間會有啲芋頭顆粒😚質地唔會話好乾身 而且都幾滑重點係佢既份量 芋泥既量係巨多🤩芋泥控絕對係大滿足🥰👍🏻推薦指數4.8/5🌹玫瑰草莓乳酪 $28同芋泥包一樣哩款既包體都係紮實路線😉但哩個感覺上會再實啲 仲有極微既濕潤感🤏🏻包體都會食到淡淡既玫瑰香味入面既creamcheese量多到傻😂Pack得好實 唔會有任何空隙🤩有少少扣分係我唔太食到草莓味但整體係好掂😉鐘意食creamcheese類內餡既包控絕對可以一試😚👍🏻推薦指數4.4/5總結黎講我覺得哩間包舖真係十分足料😎😎一個絕對係食得飽仲有突個隻完全對得住佢既價錢!雖然舖頭位置唔太起眼但性價比真係好高👍🏻大家經過開佐敦真係可以試下🙌🏻

🚦JK Bakery（佐敦）包控注意‼️低調手工天然麵包店🤤使用湯種+自然酵母+外國原材料🍞又高質又有誠意🧡但暫時仲係鮮為人知🤫我會形容係hidden gem💎🍠香軟芋泥包🍠$2510/10【必食】懇請大家一定要試下🙏真心覺得芋泥控錯過咗會後悔👀芋泥份量好多，口感係幾綿密嘅🐑每一啖都勁飽滿，勁有實感🤤芋頭嘅味道濃郁，味道係食得出有加糖嘅甜🍬就算好大個都好，我都忍唔住食晒🌞最神奇嘅係我有飽肚嘅感覺，但唔滯✅🍫朱古力鹽可頌🍫$107/10【流心餡】太淋了🥲絕對唔係鹽可頌應有嘅口感就算翻焗都做唔到外脆內軟🚫但朱古力味道好正😳入面嘅餡唔多但有流心+脆粒❤️‍🔥食落係美祿味嚟😆唔知係咪佢嘅脆脆嚟🤫🧽香濃D24榴槤軟包🧽$249/10【榴槤關注組】同芋泥一樣，又係勁多餡🥺最癲嘅係榴槤真材實料🔥拎返屋企隔住兩個袋都聞到👃一切開，隔離房嘅屋企人都聞到😷整咗做包之後都仲係食到條脷會發麻嗰種👅證明真係好高質嘅榴槤🤯扣咗一份係因為外皮係抺茶味，唔係好夾😣🍯蜂蜜杞子紅棗軟歐包🍯$257/10【養生】一聽就知係養生type嘅手工麵包唔知係咪因為咁，所以味道比較淡幾乎食唔出蜂蜜嘅味道杞子同紅棗份量都唔多整體就係香香地

有時因為工作會經過小店都會聞到香噴噴的麵包及曲奇味有天就買些曲奇來試試看完全給它驚艷了我的味蕾(沒誇張😂🤣)買了些牛油曲奇及朱古力曲奇🍪🍫外表看似平凡 但吃下去就知道並不簡單牛油味很香很香 口感香脆鬆化🤤朱古力曲奇裏還有一些朱古力粒 口感豐富味道又不太甜 所有東西都恰到好處☺️已經回購多次 最愛還是朱古力曲奇誠意推介 經過真的值得一試✨也忍不住第一次打篇讚文 哈哈🤍我買了 $40 ✨✨🍪

公司附近轉咗間新🍞店員姐姐話係用低糖同日本麵粉💖每日都買一大袋🤭好嘢係要同人分享🥰有選擇困難症嘅我樣樣都想食🤔每次都要去巡舖🤣尋日買完先發現原來有我至愛嘅法式布丁😍今日一定要買嚟試下😋因為太肚餓冇整熱食😅個法包畀其他麵包舖較厚身所以蛋漿較少但食落個質感真係似法包好食嘅😊推介👇#香軟芋泥#番薯世界#抹茶芝士#抹茶餐包#紫菜肉鬆#紅酒桂圓核桃#紅酒藍莓乳酪