晉利廚房

Open Now

Now Closed

噚日先幫襯完，正常收銀姐姐如果見樓面唔得閒，都會幫客人手落單，但佢叫我叫樓面落，我喺咁叫人先有人理我。最差係個帶眼鏡嘅阿姐，明明有好多位又唔俾人坐，又話嗰區做清潔....但其他位又冇人執枱,正常客人好自然行去空枱度，跟住個阿姐有啲兇咁話我‘’唔好見枱就坐‘’，咁我就等佢執枱啦！我坐咗唔夠5分鐘，跟住再有其他客嚟就俾人坐話做清潔嗰區嘅枱。真係想知係咩嘢玩法嚟呢～😤食物質素都ok,只係服務差啲啫🙄

服務態度惡劣。我之前食午餐叫左乾炒牛河，黎到聞落有陣燶味，叫佢可唔可煮過，佢話邊有燶，然後大大聲攞去畀其他呀姐叫佢地聞下邊有燶味，最後好唔情願咁先肯換。今日再食早餐，見張檯污糟叫呀姐抹檯，佢竟然叫我自己用紙巾抺

由於八號風球的關係，好多餐廳都冇開。🙈只有晉利這間有開，所以便入來試試。下午2pm左右，不用等位。下午茶餐都幾抵，包一杯飲品，只需要大約三十幾至五十幾蚊！😬😋我叫了芝士鮮茄焗豬扒飯加熱檸水，$58。因為是即叫即做的關係，大約等15-20分鐘。豬扒都幾入味，加上好濃的蕃茄味，真係一試難忘！🤗😆😋😎

#菠蘿包 + #咸牛肉 蛋 做 #茶餐廳下午茶 約$39仲有飲品叫唔錯 👍🏻。不用等就可直接入去，下午茶多選擇而且價錢都可以，同同事各自叫一個下午茶，都幾飽肚。約不用10分鐘食物來到，菠蘿包有焗一焗先上桌絕對加分，麵包不太濕加分，咸牛肉配蛋仲要有蔥香味增加不少，不過蛋香一般，整體都幾足料，飲品正常。同事食的2餸麵就麻麻不特別，有卡位坐都舒服但是人手不太多，要叫一陣先嚟到 @ #小西灣茶餐廳 #柴灣茶餐廳 #藍灣半島 #藍灣廣場 #晉利廚房

晉利整體食物質素唔錯，但偶爾間都會中伏住係附近，都算常客，但期望越大，失望越大....見到嘔吐物+鼻分泌物一樣的飯盒，真心無曬胃口＃到底師傅知唔知咩叫滑蛋＃幾只雞蛋真係好貴嗎

呢個地方幾開揚裝修普通感覺尚算乾淨勝在喺交通樞紐站隔離對服務有要求嘅人就應該唔啱呢度係用手機點菜基本上啲服務員要做嘅嘢就係送餐上台同埋清理所以客人最好唔好咁多要求呢度啲價錢都幾平啲嘢有賣相未去到好食落得下肚😂

我第二次食，其實短期內幫襯第二次都唔會差得去邊，但唔明點解多負面評價。今日一家🏡4口到藍灣半島食晚餐，晉利都坐了8成人，我哋叫了4個小菜，點菜哥哥都幾有禮。霸王雞半隻：鷄好滑，但雞味較淡，叫了碟薑蓉，味道即刻昇華咗。魚香茄子煲：太太至愛，每次食小菜必點。茄子煲最怕茄子🍆煮得硬或太淋，呢度就煮得啱啱好，幾惹味。個人喜好，如果能加少許鹹魚🐟點綴下會更加好。黃金蝦🦐球：即是鹹蛋黃炒蝦球，面層鹹蛋🥚炒得幾香，但裹面食得出是雪藏蝦，普普通通。梅菜扣肉：扣肉肥瘦適中，底下生菜索曬肉汁，正，配飯一流，好好味😋。小菜選擇多，價錢相宜，真心覺得唔錯👍👍

There were no service at all! We ordered via scanning the QR code. Since there was an option to choose English, we’ve chosen Instant Noodles with shredded pork and preserved vegetables. And chosen a hot drink, Hot Lemon with Ribena which has indicated +$0. Then, some funny noodles came up with black coffee!! I asked for help for over 10 minutes, no one came! And then they said they didn’t know what the English was written!! And asked them to change it back for me and they said they have to add a

小西灣區內食店林立，不想選擇大型連鎖店的話，個人覺得此店於早餐時段的食物質素算中上，早餐款式多，以大型商場內食店的價錢尚算合理，餐廳環境乾淨，冷氣夠凍，坐位不算太迫，亦已改用手機落單與時並進，奶茶咖啡味道尚算合格，咖啡冇苦澀味。

係屋企附近，所以成日幾捧場，個人感覺都ok。地方幾大，菜單款式好多，比一般茶記多選擇。成日點炸雞比煎蛋飯、餐肉蛋飯、炸雞奕多士，夜晚叫餸食飯，牛肉、椒鹽鮮魷呢d都幾好，係有一次叫胡椒雞煲冇咩味。服務方面真係見人見智，整體都冇咩問題，最大問題係成日出錯餐，都5 6次左右。記得有一次我叫左炸雞比薯條，我朋友叫左炸雞奕麵，然後拎左雞比薯條，同佢講換番，佢就將雞奕拎入去扮新既出餐比我朋友，沾住少少薯條既配菜，所以我就發現左😂出餐方面要繼續加油

呢間餐廳真係好叻激起我寫第一條食評慾望一入門口同櫃面講一位唔該阿姐叫我同樓面講佢好忙咁我繼續面向嗰堆所謂樓面大叫一位唔該繼續無人理我見有咁多位咁我唯有自己搵位囉坐底諗好食乜，舉手依然無人理好啦，難得有位待應阿嬸離遠亡發現到我但佢唔係幫我落單，係叫我轉去張二人枱ok, 雖然見你間餐應都仲有好多枱但我一人坐4人枱確實唔啱轉完枱之後繼續無人同我落單時間關係加上長期無人理感覺真係十分唔好乜都無食…呀，唔係係單都未有機會落，揹袋走人！！！！終於明點解隔離間百份百咁多人而你間餐廳咁多吉枱！！！無下次！！！！

區內唔錯嘅茶餐廳🌟🌟🌟午餐晚餐時段人流多 可能因為區內選擇唔多環境: 開張唔太耐 環境仲算新淨食物款式選擇好多 menu好厚好似百科全書🤣食物份量好多 一定夠飽！！！價格合理 性價比算高！！！

從來未寫過食評，但今日因為這餐廳的服務太差，忍不住第一次寫食評。這餐廳最初開業時服務非常混亂，只是簡單外賣，收銀和其他員工都好慢好唔熟手，我心想員工看來年紀不輕，應該不是沒有經驗的吧，但因是新舖運作不暢順還可接受。事隔數月今天去第一次堂食，我們兩人推着一位坐輪椅的婆婆入了門口站在收銀處前等了至少2分鐘四處張望找人幫忙，雖然明明有收銀職員，店中不多客，亦有幾位侍應，我們卻好像完全透明一樣沒有人理會。站著不知所措因為掃了安心出行之後想掃疫苗通行證之後才入座。政策放鬆後我們只去過一次堂食，當時有人替我們scan pass，終於後來忍不住問收銀員怎樣去掃疫苗通行證，她冷冷望了我們一眼用手指一指前面的tablet之後又不理我們了，我想強調她一直不是忙於埋單。冇人教我便自己試掃，但沒有成功，最後我們差點決定自己坐低就算，但又覺得唔啱規矩。後來終於見到有一位男侍應經過我們身邊替人落單，我們就唯有等待他。待他應我時我忍不住表達完全冇人理我們，他以為我對他不滿，就說佢都要去洗手㗎！我表示我沒有不滿他去洗手間只是不滿周圍完全沒人幫忙。他沒有立即幫我們掃疫苗通行證，只是說好多人都識掃㗎啦。於是我掃俾佢睇，佢

我一路都有幫襯開，喜歡乾炒牛河，一來有鑊氣，二來牛肉數量相當充足，至少有八至九片牛肉。今次外賣自取竟然係全碟乾炒牛河只有三片牛肉，師傅係咪隨手隨心放幾多片有幾多片？今次經驗令我大跌眼鏡，十分失望😓乾炒牛河盛惠$55。

🐮 牛扒配白菌鮮奶炒滑蛋 $56💯 評分：🌕🌕🌕🌑🌑 (3/5)💬 牛扒嘅口感都尚算鮮嫩多汁，炒蛋亦稱得上滑溜，但係蘑菇就淨係得兩三塊，加埋唔太新鮮，有一種畫蛇添足嘅感覺。期餘嘅配菜質素不過不失，值得讚賞嘅係有薯條同埋薯角兩種食物合體，層次感比較豐富。😋🐷 梅菜蒸腩片配白飯 $52💯 評分：🌕🌕🌕🌑🌑 (3/5)💬 腩片嘅肥肉比例較重，梅菜味道都偏鹹，整體嘅份量亦唔算多，建議可以叫其他菜式。🤗🍜 五香肉丁米線 $46💯 評分：🌕🌕🌕🌑🌑 (3/5)💬 五香肉丁嘅辣度可以接受，米線嘅口感亦都夠滑溜，就係平時喺茶記會食到嘅味道。🤤