石磨樂豆

Open Now

Now Closed

調景嶺港鐵一出開咗間新嘢我就試吓先 如果買吐司可能要等耐少少 即叫即製 其他就好快有得拎田園慢煮雞扒吐司 吐司夾住雞扒、生菜同蕃茄 入口雞扒幾嫩帶有香草嘅味道 吐司邊邊位似食緊餅乾嘅口感幾脆口桃膠芋泥小丸子 入面有好多桃膠同小丸子再加埋芋泥每一啖入口都好滿足 甜度剛好 食完好有飽足感士多啤梨豆乳沙冰入口有士多啤梨味仲有少許果肉 沙冰夠凍好消暑🍽石磨樂豆 Jollibean將軍澳調景嶺景嶺路8號都會駅地下GL-015C號舖

來自新加坡嘅人氣豆乳品牌Jollibean終於嚟到香港喇！賣嘅健康吐司、豆乳飲品同甜品都主打高營養同抗氧化😍爆餡芋泥吐司 ($38)即叫即整，吐司勁鬆脆入面嘅芋泥同肉鬆都真係爆晒餡鹹甜夾集，但味道一啲都唔怪芋泥亦都唔會太甜，必試👍🏿桃膠芋泥小丸子 ($42)超大桶，每一啖都食到啲料，大滿足🤭小丸子煙韌好味，芋泥軟綿不漏而我最鍾意係食桃膠，因為可以補充下膠原蛋嘛～木瓜雪耳雪梨豆乳 ($36)呢個味道好特別🤣除咗有濃郁嘅豆乳味，但又食到木瓜同雪梨。個人覺得有啲甜～

比起牛奶 我更鍾意飲豆奶～除咗傳統豆製品店 而家都多咗好多專賣豆奶嘅飲品店仲有層出不同嘅味道 我都要逐間逐間拜會下🙈呢間喺地鐵站一出就係喇～勁方便✔️樽裝木瓜雪耳雪梨豆乳樽裝豆乳即叫即整 頂部係微糖豆乳 飲落豆味濃郁底部就係木瓜雪耳雪梨糖水 冇諗過原來都夾到拌勻嚟飲甜度剛剛好 ✔️黑白芝麻奶蓋頂部係豆乳奶蓋 飲落口感濃稠 下面就係黑白芝麻豆乳女生就最愛漸層 呢款打卡真係好靚靚芝麻豆乳芝麻味濃郁 飲落帶微甜 唔會有罪惡感✔️白玉紅豆燒仙草呢度嘅白玉比坊間嘅細粒好多 食落煙煙韌韌好好食紅豆大大粒 煮到好腍 仙草食落比較滑 唔係好爽果種口感配埋椰奶食 係夏天透心涼嘅感覺啊✔️沙嗲免治牛肉吐司即叫即做嘅沙嗲牛肉飛碟 烘到好脆身 配埋啲沙嗲牛肉食勁香口惹味 熱辣辣食一流

今日中午見到新開這間石磨樂豆，以豆漿做主題幾吸引，所以買了個午餐套餐試吓。原本冇人排隊，我買咗之後就開始多人。照計我是第二個買，遲來的人都取食物走了我都未有。我都係買它普通午市套餐，又不是特別的多士口味🤔。看見他早早已準備了我的飲品和豆乳布丁都放在收銀枱，但就遲遲未出我的多士！後來我忍唔住追單和叫他將布丁先放回雪櫃𥚃保冷。由13:49等到14:13 ，用了24分鐘。我知製作需時，但24分鐘整件烘多士，未免太久吧。多士＆咖啡豆乳，只能說OK普通啦。但「豆乳布丁」真係唔掂！被它外表欺騙了！它並不是軟滑質感、不是似新加坡那種入口即溶口感。這個似吃大菜糕質感👎🏻

見到app有新餐廳！menu 超多款吐司同豆乳選擇，好療癒！馬上試試佢。吐司有鹹有甜有肉既選擇。豆乳又咖啡奶茶等嘅配搭，真係超多選擇！樽裝黑白芝麻豆乳500ml $32樽裝士多啤梨豆乳500ml $48士多啤梨豆乳有果肉，口感有啲稠身乳酪質地。黑白芝麻豆乳係稀身，濃度適中，好香。田園慢煮雞扒吐司 $52爆多芋泥肉鬆吐司 $44我心諗啲人係咁樣就咁芋泥肉鬆嘅配合好好！肉鬆同埋芋泥都好多。雞扒調味唔係好重，入面有蕃茄生菜，鍾意清清地嘅好