快樂蜂 (亞皆老街)

Open Now

Now Closed

見到Jolibee由喺香港冇做，又返嚟香港，仲開咗咁多分店，有好多人話好食，啲雞好多肉汁，好脆，仲好食過香港嗰兩間連鎖店，而我一次都未試過，咁啱又見到旺角有，我就入去會一會佢啦，上到去好多人，好多菲律賓人，等咗一陣先有位，我叫咗個辣嘅雞餐，有薯條同可樂，首先講吓田雞，食落無乜肉汁，好乾，個雞皮唔脆，味道又麻麻，食嘅時候真係唔明白點解咁多人鍾意，個薯條又唔熱又唔脆，非常失望，最終冇乜點食，餓住個肚走咗。

今朝行過旺角，見Jollibee嘅易拉架上嘅早餐圖片好似幾吸引，於是便決定上去試下。可能係太早嘅關係，上到去冇乜人，好快咁點左個蘑菇炒蛋+牛角包+薯餅+咖啡嘅套餐。如果以$35黎講，性價比上有待改善，因為同區黎講同等價錢可以有更多或更好嘅選擇。希望下次黎嘅時候會有更多更加吸引嘅套餐推出。

旺角行街幾時都係甘多人，個個商場樓梯入口排到水蛇春甘，甘無book能怪誰，退以求其次諗住食碗面，點知連面都要排 傷心酸啦免。只能再退黎到快樂瘋 可能因為餓到瘋 食個6件雞桶餐覺得好滿足，仲有2杯野飲、2個mushroom rice with 3extra sauce shot, how wonderful dinner I had.

Jolibee開咗咁耐，見佢越開越多分店，但我一次都未試過。今日自己一個人就行咗入去！😂🔸辣味樂脆雞(8/10)真係炸得好脆！又真係好味過麥xx同kfx喎😂啲雞肉唔會好似麥xx同kfx 咁有雪味。反而啲雞仲超多汁，一路滴出黎！佢仲有一盒蘑菇醬俾你點炸雞，又真係幾夾喎😂😂🔸蘑菇飯(4/10)呢個就唔係幾掂啦，啲飯淋到不得了，一pat pat，汁又少。黎jollibee都係淨係食炸雞好了！🫣

好耐冇食呢啲唔健康嘅嘢今日朋友話有啲掛住個芝士薯條所以上去諗住食結果⋯⋯收銀員話冇？！點解呢？算喇 叫個意粉同一件雞食下啦隻雞脾雖然都算嫩同比kfc多肉但係唔夠熱亦唔夠以前juicy喎！唯一可以讚嘅係可樂唔係係稀嘅味🌚下次試下中環質素會唔會好啲

Jollibee 是一間來自philippines的炸雞快餐店， 以味道而言唔會差過美國雞！下午因為有少少肚餓，所以入到這裡。說實在，以今時今日的物價，27元一份下午茶餐絕對是抵食。雖然味道是標準味道，唔會有驚喜，但基本都唔差，平平一餐，絕對值得

今晚同屋企人去食，我覺得嗰味OK.下次要再去食，服務員嘅態度好，裏面有好多款式點，價錢都接受到，唔算太貴，每一樣我都認為很 Nice.來自菲律賓的jollibee快樂蜂提供熱狗、漢堡和炸雞等傳統美式快餐，已存在香港有二十多年，拓展業務有11間分店。但我還是第一次食，因為我本身由細到大都不太愛食快餐，尤其是M字果間麥噹噹。感覺就是不太好食，沒有營養不健康食物，今次令我大開眼界。以平民價錢享用美味炸雞，炸雞熱辣辣，皮脆充滿肉汁。更勝K-C。透過網站購買更有優惠價錢，食得更優惠。這是平價美味之選。

越開越多分店的Jollibee😍今次竟然是第一次到訪，點了一個連主食的套餐及一份小食套餐。不用多說，炸雞肉質嫩滑多汁，個人比較推薦辣味的炸雞，味道層次更豐富🤤另外較為驚喜的是薯蓉和蘸雞肉的醬汁🤩有股好像蘑菇的香味，網上看好像是「淡黑椒汁」～至於男朋友十分喜歡的主食意粉，我個人偏好較彈牙的意粉質地，因此有點少扣分。總括而言有機會仍會繼續光顧的！

我個人問題，平時自己去食炸雞，只會食雞鎚，就算去kxc，都係雞鎚或巴辣香雞翼。如果叫2件雞餐，係配雞上脾呀雞胸呀，我寧願唔食。平時去jolli bee都會問可唔可以要2件雞鎚，十次有九次都話唔得，都幾灰。係黎到呢間先可以2隻都比哂雞鎚，所以我黎呢度食既次數都好多。冇計，天生偏食🤓🤣🤓呢間炸雞鎚真係好掂，雞又熱又多汁，真係試過咬到有水必出黎。點嗰個醬汁又好味，正過kfx好多，xfc越做越退步，悲哀。🥲🥲其實各炸雞公司可以改下營銷，各人有各種喜好，正如我要食雞鎚咁，你地出2件雞咪照2個唔同部位，如果要同款（如2雞胸，或2雞鎚）咪加一蚊囉。啲人想食既，都唔介意比多蚊，你地又賺多蚊，我地又食得開心。硬係話定左冇得轉，咁你地唔轉，啲客咪轉去第二度食囉。

今次小編做一日菲仔，係菲律賓仔！突然之間想食炸雞！咁就嚟Jollibee 食下啦！可能係平日關係，就唔見有好多菲律賓人！不過星期日就會有好多菲律賓人來食呢個餐廳！今次叫咗件炸雞食，啲雞都炸得脆既，只係賣相差少少！Not too bad ! 至於肉嘅質地，又唔係話太鞋！算係咁啦！薯條方面，好過某大型快餐店嘅薯條！唯獨佢哋就落少咗少少鹽，如果落返多少少就啱啱好！咁就very good喇！至於服務態度方面，店員都有禮貌嘅！環境都算清潔

香港可以食炸雞嘅快餐店的確唔多，早幾日就去咗Jollibee試試佢！留意番雖然店員好多都係菲律賓人/外地人，但同我哋點單嘅店員佢都識講同聽廣東話！所以唔使驚溝通有障礙😆▪️六件雞桶我哋叫咗一半雞髀一半雞胸，炸皮都唔算話太厚，肉質就不過不失，唔算係柴，但肉入面就真係比較乾。食雞佢都有配一個醬，但個人認為嗰隻醬就冇乜特別。⭐️建議可以六件都叫雞髀，因為雞胸比較柴。▪️祖樂堡餐👍🏻呢個餐係有一個包，薯條同埋嘢飲，個包好食過個雞，主要係啲汁好好味，番茄醬同千島醬好夾，中間亦都有兩塊扒，雖然就唔係話好厚，但咁樣先可以一啖咬晒呀嘛😍👎🏻薯條就食唔晒，因為冇乜薯仔味▪️香芒蜜桃批正正常常冇乜特別，但略為偏甜，如果鍾意食甜野嘅人可能會好鍾意。整體來講都推介，下次去食可能會叫包餐👍🏻

今日嚟試呢間來自菲律賓嘅快餐店！咁因為我係叫外賣，而且買完過咗兩個鐘先食，所以味道同堂食會有啲出入！😮‍💨🔺快樂桶(3件雞髀+3件雞胸)外皮OK脆，肉質(特別係雞髀) 好嫩滑，唔會好乾。配埋佢個蘑菇汁食好特別！🔺祖樂堡有驚喜！蕃茄醬+千島醬好夾。😙

開工開到一半想食啲邪惡嘅食物，趁住放lunch，走咗去食jollibee！今次叫嘅呢個係有肉醬意粉嘅餐，配兩件炸雞再加汽水，盛惠55蚊。呢一個餐嘅肉醬意粉唔算太大份。意粉係一坨意粉上面加咗芝士碎同埋茄汁，茄汁都算多同埋濃稠。撈埋啲意粉一齊食，都有驚喜喎！佢個汁偏甜，撈埋啲麵會令人一口接一口，而且唔會覺得乾！炸雞就一如以往地好食，出面浸皮好脆，入面嘅肉就多汁，好食，唔會乾。第一次試佢嘅肉醬意粉覺得幾好食！

一直知道快樂蜂深受歡迎，但分店太少，一直都冇抽時間試。直到早前心血來潮想食炸雞，去另一間炸雞快餐連鎖店時…哇，竟然連又柴又冇肉嘅排骨位都拎出嚟奉客，真係忍唔住食另一間好過。今次試的tea set包一杯汽水、炸雞脾、忌廉湯粉，只係$25。雞肉的確嫩滑多汁，雖然炸雞皮偏冧，但整體都好味過某連鎖店。點雞肉的汁，淡口冇特別味道。忌廉湯粉份量不多，但味道算OK。另外叫咗一件$9呑拿魚卷，脆身，但肉醬感覺太溶。

如果你去過菲律賓呢....就知道e間快餐店呢...周街都係 可能係全國最多既一間....可能姐...無數據既...所以食親都有覺得去左菲律賓既感受...今日選左c4 餐....2隻雞....一個磨菇飯加可樂...都係正路快餐價幾十蚊啦...2隻雞炸得真係好正...皮又夠脆....肉又滑又夠熱.... 正到不得了...磨菇飯...就要多d汁就好d囉 其他都很好....很好....日後自己經過要多d食先得...