Just Steak Premium

Open Now

Now Closed

亞妹話馬鞍山開左間新既扒房， 又遇上生日， 喜歡試新嘢既我， 當然要試試。主要以牛扒出名， 但豬肉亦都唔錯組合推介💋因為家人已組叫左3個組合， 我驚食唔曬， 所以無跟組合， 但喜歡食粗薯條既朋友， 建議要order , 薯條唔太咸， 藉得推介。如果叫湯， 會係磨菇湯， 但無忌廉。 溫馨提示😄*如果有痛風者要留意， 磨菇令痛風變得更加嚴重， 可以係order 之前問清楚。 鐵板上級牛肉炒飯1. 唔係太多油， 牛肉粒細細粒， 又爽口， 燒汁又另上， 仲有少少菇同豆， 怕多肉既而濟既朋友， 我會推介試尼個。另外推介係肉眼牛扒跟意粉（配蒜蓉汁及和牛肉醬）200g和牛肉醬， 味道適中， 帶有少少番茄味。 蒜蓉汁另上又唔會搶咗牛扒本身既味。 全部上扒時， 店員已經講好會太約5成熟， 但鐵板溫到又岩岩好， 唔會太熱。 當落汁時， 汁唔會彈到周圍係

服務一級棒 經理(/老闆?)招呼 同我地介紹餐牌同牛扒 好熱情友善 店員都好有禮貌 落單對我地好有耐性 我哋落單一舊飯咁 店員又有耐性咁解釋加錢叫配菜點運作 叫野飲有問而家上定之後上 總之就係超級非常有耐性 茶漬飯有warabi 經理提我地會好辣 食完野 經理又問我哋o唔ok 總之你覺得佢哋好有心做生意*美國西冷牛扒 300g $139上菜已經係三四成熟 如果要熟啲就切開用鐵板煎下 不過鐵板好快唔熱 唔係好煎到去七成熟 我食五成熟所以冇問題 店員一上完牛扒就俾圍裙我 甘就唔洗彈油落自己到 食完門口有去油煙味噴霧牛扒本身調味足夠 有一塊香草牛油 可以唔洗點汁都夠味 美國西冷比美國肉眼更重牛肉味 (牛肉味由0到10 有5分左右) 不過更加有咬口同韌 洋蔥煎到好冧 浸住啲肉汁好香好食 不過好油😂 粟米飽滿 唔係乾曬水其實139鋸塊扒都好抵 出面食西餐西冷300g起碼二三百起跳*燒鰻魚櫻花蝦茶漬飯 $68呢個仲抵！$68就唔好期望大塊大塊靚鰻魚 呢個鰻魚魚肉冧 唔係厚實 燒汁入味 仲食得出係魚肉一塊 櫻花蝦蛋絲同鰻魚連飯一齊食係夾 茶漬飯的湯喺個煲仔到 明顯係味精湯啦 所以就咁當丼飯唔落湯食都

第二次光顧這家Just Steak .第一次點了貴價些少的牛扒，肉的質素及味道都可以，不是很驚喜。今次叫了最平的澳洲西冷扒76元200克。可能自己不算是食家，可以說是「唔識食」，覺得澳洲西冷扒和較貴的扒，分別不多大。跟扒類可加33元，選前菜、飲品、配茶、飯/意粉/薯條等。這個優惠都可以的，因為只吃200克牛扒，一來很單調，二來可能不夠飽。飲品方面，不是一般咖啡或茶，是有多種選擇的。環境方面，店內桌椅較密，瀰漫鐵板扒的香味。

新開餐廳梗係要去試食吓啦！門外放了幾個易拉架，其中一個是馮單據下次消費點選任何鐵板牛扒可免費享用磯燒鮑魚一隻。餐牌上有幾款都有做特價吸引客人。見到澳洲西冷牛扒同紐西蘭牛扒200g都做近特價，咁就梗係點選這兩款來試試啦！鐵板牛扒套餐可以用優惠價加餐湯、沙律、薯條、意粉同餐飲等。仲有澳洲M7和牛鐵板餐都做數量限定真的非常吸引。另外唔想食鐵板餐可以有其他選擇，炒烏冬炒飯等等。我點了凍滴咖啡紐西蘭西冷牛扒 （200G)蒜蓉汁、炸薯條、野菜沙律牛扒200g都唔少澳洲西冷牛扒 （300G）蒜蓉汁、炸薯條、餐湯咖喱雜菜湯澳洲西冷牛扒200g賣晒所以轉了300g，又厚又大件真是牛摩王的飛彿呀！

係馬鞍山新開左一排 冇左排隊既人潮決定黎試下 牛肉既價錢根據產地同重量 澳洲<新西蘭<日本和牛 而價錢係唔包飯/意粉 湯同飲品的 需要既話要額外加錢 我就叫左200g既澳洲西冷 個牛扒係跟鐵扒上既 佢一早set定係三四成熟 但係可以鐵板好熱既關係 切開既時候已經熟晒 個牛有d un同埋唔係好夠牛肉味 有d令人失望😢 同埋套餐既湯好酸好濃 有d似蕃茄膏溝出黎😵😵 同埋侍應唔記得左俾圍裙我地帶 d汁彈到個身😕整體黎講 覺得唔係幾抵食🥺

早前食完鐵板烏冬下午茶之後感覺唔錯，今日再嚟試下其他下午茶先，今次叫咗紐西蘭西冷牛扒、燒鰻魚櫻花蝦茶漬飯。紐西蘭西冷牛扒 200g ($86) : 另外再加多 $33 蚊加配薯條，温暖蛋同罐裝梨汁 ; 牛扒賣相一般配菜都好似求求其其咁，而且都真係好細塊，如果收 $86 蚊淨係得呢塊扒，真係一啲都唔值囉，真的中伏了。😔燒鰻魚櫻花蝦茶漬飯 ($68) : 飯餐跟二款小食(酸黃瓜同炸米通)，另加 $10 配咗溫泉蛋 🤤 鰻魚又大件又厚肉，而且重有四件 😍 有蛋絲同櫻花蝦乾做配菜，可以就咁食又得，加茶漬湯食又得兩種食法。

沙田馬鞍山被喻為美食沙漠，呢期MOST Town進駐好多新嘅食肆，心唸終於有啖好食，今日去食鐵板牛扒，有開分店應該都唔會差。果然期望愈大，失望愈大。佢個鐵扒做得好差，1-2分鐘左右就無咩熱力!我朋友嗰個真係得1分鐘，結果佢要食5成熟，但佢本身食開7成。我嗰個熱少少，但塊扒300g比較厚身，要好趕甘切好去食2成熟變5成熟😒😒😒😞✔️澳洲西冷牛扒300g$109都算大塊，但肉質麻麻，有1/4係肥肉，所以可以食的比較少。✔️澳洲肉眼牛扒200g$89呢個比較好，肉質亦比較平均，不會太多肥肉😞千萬不要加$33配套餐我朋友加左$33，四款可以揀3樣佢個意粉勁細，仲要好明顯係水煮比你，完全唔值嗰個價錢個餐湯先過分，雜菜湯，係可以好似飲鹽水，完全冇味😰總括而言，食物質素偏低，就算要食只可以食200g的扒餐，因為個鐵板熱力的問題。仲有配菜可以完全不用考慮😔

近來香港經濟已步入寒冬，無論任何大小商戶都無一倖免 ，雖然有唔少食肆敵不過租金要結業，但一雞死一雞嗚，今日經過馬鞍山新港城發現有間新開既餐廳，所以就入咗去幫襯。以後係馬鞍山除左 Pepper Lunch 之外又多一個鐵板餐廳選擇 👍🏻 叫咗鐵板牛肉炒烏冬，另加 $33 蚊任選 A 至 D 三款，叫咗日式醬油溫泉蛋、精選湯同飲品，另加麵醬日本和牛根腩。鐵板牛肉炒烏冬 ($68) : 烏冬同配料份量都幾多，而且啲牛肉重係質素好啲果隻，即刻成個炒烏冬精神哂，溫泉蛋亦好好味 😋 不過個精選湯就差左啲，味道有啲似雜菜清湯。麵醬日本和牛根腩 ($38) : 雖然唔知係唔係和牛 😝 不過都炆得鬆軟入味 👍🏻 不過味道濃咗少少，建議跟飯食或麵食更佳。

新開張，預料到會多人黎食，去到己經見到人龍，因為新店開張，佢用$76一個牛扒定食作招徠顧客，咁我見個個都排羊群心理，一定要試下啦！😆入到去原本想試日本和牛，點知好快賣晒我同朋輩就各自叫左個澳洲西冷牛扒200g，我揀左黑椒汁，再額外加錢有飯或意粉🍝選擇，有個是日餐湯，野飲我就揀左罐裝梨汁，扒係鐵板上 ，廚房唔會煎到塊扒熟晒，上台後客人要自行切開去煎返自己岩食既熟度，我就要食熟d,所以好勤力咁煎，我朋友食開5成熟佢就唔洗點煎，洋蔥🧅本來好生，愈食愈淋，好正！😋我清晒塊扒同飯連配菜都食埋呀😂好誇張～提一提：店舖有自助水吧，有常溫同熱水提供店員服務態度良好算唔錯架喇👍🏻

見新開業門口好多人排，就抱著試下既心態排。佢主打鐵板牛扒，有唔同地區既牛可以揀（日本、紐西蘭、澳洲、美國；西冷/肉眼）；另外有豬排，同其他鐵板飯。排左大半個鐘終於入左去，坐長枱（即係好多人坐一張枱），2個人去就打對坐，有d逼，而且座椅係無椅背。我同朋友都叫左紐西蘭肉眼200g,佢有得跟餐，但諗住扒都飽，所以只係跟左野飲同湯。要留意佢飲品熱同棟多數係罐裝，就好似柚子蜜咁。第一塊牛扒睇落好生，有血水，店員提醒要正反兩面煎一下先倒汁。睇落似幾塊湊夠磅數加埋一齊，比較薄。第二塊就望落靚好多，同埋冇咁多血水，完整同埋厚d。個汁係偏港式鐵板餐味，冇驚喜。聞落幾香，肉眼食落都ok，唔韌，都算有肉味。不過食完都唔係好夠喉，比預期份量少，建議跟飯/叫300g份量會多啲。由於環境比較逼，而且鐵板焗住身上面會有味，所以食完就走。整體性價比合理，以馬鞍山冇咩扒房黎講，都係一個選擇。