K-Bab Korean Road Food (Closed)

喺OpenRice見到啲留言話老闆態度好差，所以做定心理準備去買外賣，感覺可能老闆係韓國人，語言不通，俾人感覺好冷淡，不過落order嘅過程尚算OK，至少佢喺收銀附近痴咗啲簡單嘅中文字方便，我哋同佢溝通要辣定係唔辣最後我哋試咗最正路嘅紫菜包飯，同辣泡菜餅，原本以為叫咁少嘢會唔夠食仲諗住買下其他，不過返嚟見到其實都幾大份，尤其是嗰個辣泡菜餅，真係好似Pizza咁大個size，加埋紫菜包飯成碗飯咁到最後我哋都食得好飽

唔知點形容，但真係好好食，好近似去韓國當地的味道，泡菜特別新鮮，幾十蚊有交易，仲好食過過百蚊一個餐個啲餐廳。係個附送既湯啖左啲，lunch有杯麥茶送好特別。但我唔係咁想推，唔想咁多人同我爭位😂

第一次嚟到呢間令人聞風喪膽嘅韓式小店，聽講呢間店的老闆態度麻麻，我就入去試下午市堂食。今日老闆的心情應該可以，起碼冇大聲鬧人。入到去第一時間記得掩翻埋度趟門，如果唔係就比人鬧喇。之後排隊，堂食的話記得先嘟安心同針紙，我都差D唔記得嘟安心，好在老闆只係唔耐煩，冇鬧我。老闆廣東話麻麻，都聽得明廣東話，我用英文落單，講number得喇，我聽嘢都有小小困難，我點左蔬菜什錦飯，佢會問你要豬牛雞，原來會加少少肉嘅，另外叫左玉竹茶，佢會問你熱定凍，比完錢，佢會指你坐邊,我會嘢食覺得夠熱，蔬菜豐富好食，覺得淡可以自己加D甜醬，記得快D加，如果有人黎食，佢之後會你未食完會收番支醬㗎！整體食物價錢ok，可以認識唔同文化都係好，希望大家嚟到都少D誤會，可以多D溝通，享受韓國美食！

一位見人就鬧就發脾氣的韓國人老闆，今日同一位傷健人士一入到，就比佢喝住叫關門，之後因為傷健人士行動不便，佢都唔會有小小良心，比多少少時間佢行埋一邊，係呼喝佢，仲懷疑如果行遲半步會比佢一手推開！我為求保護友人我即刻走為上著！之後有另一位友人講開，話佢難食，唔算平，態度最差，今日係發現最衰係跌埋個良心！！坦白講，態度真係因人而異，但係良心跌咗就真係無，佢係諗住個個都頂得順佢嘅氣佢就錯，好彩上嚟呢度見到好多劣評心理都平衡啲！我完全唔明白嘅正評係點樣嚟，而大家又可以咁樣去將一個咁樣嘅餐廳做正評，係咪都係跌咗個良心？

未試過去韓國餐廳食飯，老闆態度可以咁差，入緊既時候已經叫我地快啲快啲要閂門，跟住我地叫左餐坐低後提出想轉位置，但嗰個韓國老闆即刻超大聲呼喝叫我地坐係原位唔可以轉，當時係有空位唔係多人，但佢就超大聲係全部客人面前叫坐係到坐係到唔可以轉😓跟住黑面口噏噏話我地，其實唔俾轉都可以同我地講聲，而唔係一黎就呼喝我地囉，聲線大到全間餐廳啲人都望住，請問點解要受你氣呢？當啲客係咩？態度超級差，以後唔會幫襯真心！影衰哂韓國人

行完書展諗住2公婆食啲嘢醫肚，叫飯卷無飯卷,改叫其他嘢，加可樂又好似話無，溝通唔到之餘又見佢態度差劣，當堂一肚氣飽晒，老婆都話算啦唔食喇…..只好離場唔食…….睇怕都唔會再去……

放學係灣仔經過 覺得是開了很久的 韓國食店.暗暗地咁. 職員有韓國人.員工都用巾包曬頭好地道咁.經過好多次都無入過去.我諗....... 應該不會太難食最多翻熱je廚房都幾大下但 ....... 入去先購票後揀位坐星期六晚上八點都有五六枱客既我從來未食過咁難食既炸醬麵!!!!!!!!!!無 炸醬 味, 淨係得d洋葱既甜我撈左好多好多次, 以為係自己味覺有問題麵又好淋身, d餸食完唔知食緊乜連即食炸醬麵都好食過佢多多聲 😭

這間小小的餐廳在灣仔開了很久，價錢合理。老闆是一位韓國人但不太懂英語(order 食物ok)。 在疫情下，我在他的店外賣幾次食物。他的紫菜包飯，吞拿魚紫菜包飯和紫菜炸粉絲都很好味。 尤其是牛肉炒粉絲,味道真的不錯( 叫老闆加$10/$20牛肉炒).下次再試他其他食物！

呢個係早排仲可以4人一枱堂食既sharing 😂，拖延症發作依家先出。平時灣仔去食飯成日都會經過，不過同事幾個都未試過就一於去試下。因為要齊人先入，lunch time早去都未full。舖頭裝修少少舊，staff都好似係韓國人。🔅紫菜包飯 ($38)食韓國野例牌會叫，都唔錯，咬落厚實又夠爽口。🔅辛辣麵炒年糕 ($55)好大路韓式辛辣麵炒年糕，年糕幾煙韌，唔會太辣。有埋魚糕同菜唔會太齋。🔅炸紫菜包粉絲 ($38)紫菜頗鬆脆，粉絲都軟糯唔錯。🔅炸醬麵 ($60)炸醬麵都幾大碗夠足料，有洋蔥青瓜夠爽口，麵都幾彈牙。💬食物都算正常，未算好出色，但staff態度真係麻麻，未食完已經俾staff催交枱就真係未必會食第二次☹️。

今日突然想食韓國菜，就走咗入呢間小店食晏入去同快餐店一樣要俾咗錢先落單，佈置非常簡單，非常似餐室快餐店嘅感覺但係價錢都偏貴，主食起碼要$60以上，小食都要$40-55，不過值得一讚嘅係購買主食送野飲，而且亦有提供泡菜同芽菜做前菜由於非常肚餓嘅關係，除咗嗌烤豬肉飯外，我仲嗌左一客魚餅，一客有三串魚餅冇乜味，不過質地都彈牙嘅，但一定要點雨露。烤豬肉飯有得嗌唔同嘅辣度，我今次嗌咗中辣，豬肉肉質非常鞋，而且很碎，亦不夠辣(還沒有辛辣麵那麼辣）可能要叫大辣先得不過飯嘅質地真係要一讚嘅，感覺上用咗珍珠米，都幾軟熟上菜都幾快，等咗大約5分鐘啲餸菜已經嚟齊晒，快食之選整體體驗 6.5/10

人生中食得最唔安落既一餐飯，食物已經唔係我想評論既事情。如果你係一個人去食飯就真係唔好去啦，簡直好似俾人歧視咁，個老細直程都唔想做我生意，我叫多份嘢飲都要俾面色我睇。仲係咁整我張櫈，都未食完又要我轉位，真係好奇怪，我好想同佢講我杯嘢咁熱點飲咧。其實好多韓國朋友都好nice，唔知點解香港既韓國小店d老闆都唔係好好服務。但係哩間真係唔係一般差，可以用mean來形容。真係俾錢買難受。我要記住這間店。一定唔會再去。

外國朋友經過去入面食，入到去野都未叫完 就直接拎走手上既餐牌，難道問下一句都唔識。服務員唔識講英文就耐心d. 非常之差既服務態度。野食普通，冇禮貌。以後都唔會黎。差差差

今日中午時份落大雨，所以我地都唔諗住去得太遠，都係求其喺附近搵間食店算，見到呢間韓國餐廳無咩人排隊，所以我地決定食佢了！！呢間韓國餐廳個老闆係一個中年韓國男人嚟，所以客人一般都係同佢講英文(如果你識韓文，咁佢當然歡迎啦！)，佢幾有禮貌架，係一位親切和藹嘅老闆嚟~等左大概5分鐘就可以入座，我地好好彩可以獲安排坐喺一個卡座，唔使咁逼~佢呢度嘅規矩係要先俾錢落單、之後由侍應送餐，我嗌左一份海鮮豆花湯(跟飯)，味道唔錯，湯底清甜可口，不過我覺得海鮮數量太少，而且整體份量都唔多，所以筆者覺得唔太值$68；同其他韓國餐廳嘅做法類同，佢呢度每份餐都有跟一份泡菜同一份芽菜作為小配菜，味道都幾好架！店內環境偏細，無咩多餘空間用嚟做裝飾/擺設，係一間面積實用性好高嘅小食店。如果大家行經灣仔站，想食下韓國菜嘅話，都可以考慮下佢！

去完書展📚食個下午茶🍽，就去左菲林明道（ KBab ）🙋‍♂️韓國食物🥘唔係人人仲意食🍽，所以食一啲簡單及基本食物🍗，來一個簡單分享先：烤雞肉盖飯🥘：賣相唔太好，不過食落的確又特別味道，🐔雞肉嫩滑，啲辣醬唔太多，啱啱炒好鎖定肉汁，又一好炒功🍳。10星🌟為滿分一定有7星🌟煎餃🥟：內裏有肉、菜、粉絲；形容下先，煎方法用底温處理🍳，餃子🥟面只有少少煎過痕跡，唔多油，餃子🥟內裏粉絲唔太多非常好，🍽記得先試原味食一淡先，唔好點汁或醬🧂。10星🌟為滿分一定有9星🌟☂️以上為個人意見☂️🙇‍♂️(意見分歧者煩請見諒)🙇‍♂️

正一垃圾餐廳，門口都未入去就趕你走，會唔會講一句無位等候都咁難，難得黎到灣仔區又想食下韓國嘢，點知一黎就係咁既態度，垃圾，唔好話啲野食好唔好，餐廳入面一啖空氣都未吸過呀！