空海 (Closed)

服務態度不知所謂，七點半到要齊人先可點食物，但係八點四十五分要交枱，乜依間垃圾係限時任食架咩？！仲要六百人頭一位，問你發生咩事你就係咁叫人投訴，嚟食飯咋唔係嚟揾交嗌呀

提早1個多星期前訂了位，3個人，晚上7點半。當日去到7點15分左右，朋友問有位未，店員話有2個位，可坐住先。我當時未到，唔知佢地點對答，總之我7點20分到的時候，朋友火滾中，話店員叫佢在路邊等等，之後沒再理會佢。隔咗一陣，店員出黎，解釋店內客人還在用餐中，要等一會才有位。約8點，店員更給我們3杯茶，邀請我們去旁邊另一店內等。當等到決定轉場，在找地方的時候，店員終於回來帶我們就坐，時間係8點半。店內只有8個位，當時同一時間除了我們3人，還有2對情侶。點餐，用餐時間就大約個半鐘左右。其實好易掌握，但店員根本就冇考慮過安排訂位的編排。去過一次都怕。食物方面，個人認為一般般，不足以令人再臨。

這家小店只有八至十個座位，裝修簡潔，帶點日式風格，主要以蟹入饌。由於今日週末沒有午餐供應，只有定食八款，價錢由$118-$598，材料有松葉蟹，仲有毛蟹同各種刺身不等。今日試試松葉蟹甲羅燒定食$138這定食包括前菜、蟹肉味噌湯和松葉蟹肉、蟹羔釜飯。蟹肉味噌湯味道唔錯，仲有去殼蟹鉗。估唔到放湯的蟹肉都幾鮮甜。這松葉蟹甲羅燒味道頂呱呱！深色的蟹膏醬味道極之鮮美，味道鮮甜，完全沒有腥味，蟹味極濃！！！蟹膏醬內仲有絲絲蟹肉，口感十足，仲有味醂葱花吊起蟹鮮，添一點甜味，再拌以宮城縣一見鐘情白飯食之，正呀！這白飯幾有飯味，而有嚼感，配蟹膏醬一流！真估唔到旺角有家隱世小店，是次定食質數唔錯，值得一訪！

星期六下午偶然經過這間餐廳，午餐可以吃蟹丼而價錢不用一百元，何況一試！可能巳過午餐時間，不用等位，入內可以坐下。一張大木枱提供8個坐位，一眼見哂香港租金貴，冇辦法，可接受的！內部裝修燈飾也算有心思👏但音樂聲有點太大！我們先來一碗蟹湯，湯內有少少蟹肉，蟹湯也算香噴噴。合格主菜係蟹膏蟹肉丼，買相很簡單，份量適中，而蟹膏份量算夠多，吃完很滿足。簡簡單單一個主吃，可見主廚也花了小小心思，材料也算新鮮，有香甜蟹味。這樣的價錢，算是超值！

話說今日返晏所以前一日特登book 位食個好西先返公司做野book 12點點之去到.....未開既? 未開既？真係未開既?睇下我自己有冇柒到先...日子冇錯... 咁打比佢先...冇人聽既...咁又試下wtapps 佢過左十幾分鐘終於有人覆我... 話遲開...真心火滾左你遲開又唔講聲.... 係咪做生意嫁....等到佢開左...之後就入去**一定要訂位因為入邊得八個位訂左都可以唔開門咁walk-in一定唔會撞到囉**入面乾淨整齊既坐底叫埋野食大約等30mins 左右叫左個松葉蟹釜餃 - 秋月一打開香噴噴服務員會幫你攪拌好如下圖食後感: 午餐時段正價有八折 唔算特別抵食個人覺得普普通通如果一樣價錢我會寧願食蟹膳但我好肯定嘅係....我唔會再幫襯!!

難以想像一間食店只有八個座位，午膳時間只能做到一輪生意，而且不是天天開店，就是被這種不在乎的性格吸引，踫過幾次門釘也要堅持一試性格派蟹宴!充滿神秘的食店，撥開布簾，一眼已經看到店內環境日式食店，簡單而不失典雅的設計貼合蟹的主題，從筷子托可以看到店主的用心跟晚市價格相比，經濟午餐—連上湯、主食和茶都不用$100，堅貼地蟹肉味增湯，足料蟹肉湯料!松葉蟹肉蟹羔丼飯 意想不到的驚喜，飯面鋪滿新鮮豐富蟹肉，再加上超creamy的蟹膏，入口即溶，一定會再回頭享受蟹肉盛宴!

今晚冇提供原因唔開店又唔通知已訂枱嘅客人!電話又唔聽!我係兩星期前whatsapp訂位, 日前再reconfirm. 準時嚟到門口，不過冇開門，鐵閘關上！其實今晚係嚟慶祝老婆生日，朋友介紹話你哋啲食物水準好！不過冇機會試，也不會再試！

應該新開不久的日式小店，主打蟹，價錢唔貴但睇相好吸引，於是約吃貨朋友一試。店內只有一張枱八個位排排坐，採取預約制，可whatsapp查詢餐牌和預訂套餐。蟹膏蟹蓋甲羅燒 -味道不錯，汁濃齋食有啲滯，建議如可跟啲飯會比較好。蟹肉有雪味但俾個汁cover左。磯燒鮑魚 - 全晚最欣賞的小食，鮑魚入味兼彈牙，以$78價錢唻講質量很好松葉蟹海膽帆立貝丼飯 - 賣相不錯，但蟹肉有雪藏味，帆立貝亦唔鮮甜，海膽有苦味，對於酷愛刺身丼的我亦無食哂。。。有待改善其實香港人係好捨得洗錢食好野的 ，可能選址旺角的關係，店家唔敢將價錢定得太高，所以質量亦成正比。以蟹專門店唻講，我寧願下次俾貴啲返去"蟹膳"食，價錢雖高多於一倍，但論質數亦高品質很多。建議老闆(當日年輕server亦應該為老闆之一)不妨提高少少價錢，用更好質素的食材，以呢個地段亦不愁生意的加油年輕人，支持你的小店，繼續努力吧

竟然於旺角有間有趣日式小店，鋪面打開門一眼睇晒，全場只得八個位，仲要係一張大枱坐晒，四個對四個，識嘅唔識嘅坐埋一齊，長枱會議咁，都幾東京小店風🚆whatsapp訂位時預訂咗個Omakase（廚師發辦）《空海盛》全蟹宴🦀🦀🦀前菜有枝豆、小甜薯&胡麻豆腐，份量同主菜有得揮🌰柚子蟹肉海老沙律，蝦頗新鮮，酸汁開胃🥗松葉蟹腳刺身（三足），相比日本食嘅，都有7成嘅🦀松葉蟹膏甲羅燒，呢個做得好，香、濃🍛，送飯一流，但當日淨食都唔係話超漏🔥野菜天婦羅盛合（當日炸爐有事，店長任我哋揀，咁改為海膽刺身囉😋鮮美嘅，睇相都覺啦）🍣磯煮鮑魚，食味與外表相符，好入味🐡松葉蟹肉+三文魚子+帆立貝丼飯，正路嘢，飯比一般食嘅硬，用咗唔一樣嘅日本米，特登嘅，咬口幾過癮🍱松葉蟹肉+蟹膏+三文魚子釜飯，呢個有驚喜，加熱後飯變軟身，較易入口🍛越前蟹湯，啲色水似好濃味，其實好清甜，估佢唔到🍵甜品柚子雪葩，清吓膩🍨各式梳打或汽水🥛店長服務非常殷勤值得一讚👍店內亦有一般menu提供👌

之前上網睇過有人介紹呢到食海膽好味，今日就同男朋友黎試下，提提大家呢到要電話book位，仲要book完之後要去入數確認。先黎個餐前小食，柚子蟹肉龍蝦海老沙律，柚子味太重有點酸酸，吃不出蟹肉同龍蝦既鮮味，份量亦有點少…海膽汁松葉蟹肉，這碟蟹肉混合了海膽汁，蟹肉好鮮好滑，連埋青瓜食，唔會太膩。到主菜喇，海膽龍蝦飯，但有點失望，初時以為真係有成隻龍蝦…但原來係拆散左既龍蝦肉，擺個頭係到做裝飾…好像有點被騙…不過味道還可以，香濃的蟹膏混合了蛋汁和龍蝦肉，帶子亦很鮮甜，海膽creamy，但吃得多會有點膩。這餐有點貴，每人大約6XX，呢個價錢係第2度可以試晒上面既野食仲有凸，所以呢到試過就算，不會有下次。

以蟹為主的餐。。我中午不用等位。。個蟹肉帶子飯幾好食。。有時去自助餐D蟹好重雪味。。這個無。。仲有淡淡嘅蟹肉鮮味。。帶子就好普通。個羅甲就令我驚喜萬分。。店員會係你面前煮熱。。D蟹膏超鮮甜。。D鮮味留係口入面好耐。。令人想再食。。仲有蟹湯。。太淡。

見到朋友喺網上po咗喺呢度嘅食飯相,一直都想試....終於喺上星期六試到喇....果然冇令我哋失望....羅甲appetizer...充滿蟹膏&店長形容為成條脷咁長嘅海胆蟹湯好滿足呀!!!!

在網上見到有人推介蟹宴而且是新開的，所以來試試，應該是座位有限問題，一定要先附全數至可以訂位，我都係第一次，但我覺得都沒問題既，至少你不用等位。我訂了8:30的位去到時候有我和朋友 和另一對情侶。我訂了比較貴的餐，他每一度菜都是分開上的，他會問你駛唔駛小飯我就要了小飯。有點心思是這些餐具！開始食時候，賣相是好的，但味道真的..普通..再食這個時..有好重雪味，而且好像哪些 蟹腳雪味令我不想再食落去。還有這個海膽...哪些所謂龍蝦肉都只是腳的肉，我真的不懂分辨。而且好腥...到最後..有個湯哪個湯是沒味的.....所以我再拍照了。其實我知道飲食難做，但咁既錢食咁既質素..

或說上網見到有人食左一間蟹主題既餐廳,感覺好似日本既蟹道樂咁,於是就立即約朋友去試試最初諗住訂19:30,可惜訂位已客滿,因為得知餐廳坐位好小,全場得8個座位!!!!!最後唯有訂18:00,但我同朋友就只好急急收工後趕去...可惜我地最後都遲到,其實我地都明白餐廳有用餐時間,趕住做第二輪,所以我亦承諾會準時交枱,可惜店員卻回覆我: 因為廚房烹調也需時，最遲18:15必須上菜...所以意思係？？我同朋友都五好意思遲到,但收工時間人多車多,交通擠塞,我地都無可奈可🌝最後我地18:30前到達,我地亦表示可一次過上菜,希望趕回進度..講反野食先...我地揀左每位$598 "火🔥" 既set,每樣都不過不失,不過再問我會否再次光臨,我諗就未必了...作為蟹主題既餐,但好似變左海膽為主題既餐! 海膽確實新鮮,但蟹就...一般,依個價錢我會希望有更多蟹既特色菜式...總括黎講,成餐飯食到好飽 好濟,甚至會食淨,但意尤未盡...不過提一提想試既你記住訂位後要經過數付全數先確認訂位架!!