雞記潮州麵食

Open Now

Now Closed

一年來, 我每兩星期至少去一次, 食物水準穩定牛肚軟韌適中, 五香味濃煎墨魚餅香脆可口, 墨魚丸足料28元有油菜, 菜很大碟, tst區算是抵

d粉麵好一般…廿幾蚊個set我prefer行返去食靚靚車仔麵或者行過隔離街去唯一食好過…附近咁多choice應該唔會有下次…

上星期同同事試下係咪咁好食, 伙計介紹呢道出名o係炸墨丸同炸魚片頭, 我同同事決定一試, 各叫了一個套餐($26 包一杯餐飲或油菜) . 我同同事share 餸食–各人2 粒墨丸及2 件炸魚片頭. 墨丸, 幾爽同彈牙, 有墨丸味, 唔錯. 但炸魚片頭就只屬一般. 二者相比, 會覺得墨丸好味好多. 個米粉都ok , 唔會太冧 pat pat , 個湯都無咩特別評語, 因太普通. $26 元一個餐, 係尖沙咀嚟講, 算係咁啦!

o係salon 叫外賣，有人推介雞記，即管試o下~ 叫o左個五香牛腩飯加咖啡$28，牛腩真係幾入味又唔韌，衰在唔夠汁~

麵算彈牙好傻仔叫左個紫菜墨丸麵送到台, 原來係紫菜加墨魚打成都幾鮮味,好食但係,地方唔好錯... 唔乾淨侍應對客人唔禮貌好在唔係對我冇禮貌...算啦,當茶餐廳咁睇都ok

一個人係尖沙咀遊遊蕩蕩...醒起好耐冇食過雞記...於是走左去醫肚.....入到去...嘩....乜咁大煙既....無論D侍應又好....食客又好....檯檯都有人食煙....個地下....有紙巾...有菜心花....有油漬...咁鬼核突架......叫左個套餐: 墨丸米線+ 熱檸水.....$25....我覺得貴左D唧.....而且碗米線既份量極少....食完都好似冇食過咁.....唔知係咪環境+心理影響......覺得墨魚丸冇以前咁彈牙好味.....我諗我以後都係唔會再黎架啦......

雞記間中都要食o下，為的當然是鎮店之寶。講真，麵食不差，但我吃過更多間更好的。但係墨魚餅真係冇得講。初嘗此味，$18大元得兩件? 仲同相有D唔同，好似唔夠脆，汗...即管一試。不吃猶自可，一吃不得了!沒有炸粉的死脆，好香口，得!墨魚比例唔低，成口墨魚味，加埋馬蹄，彈牙爽口，掂!兩件剪開八塊，送麵剛剛好。最精彩的是，我吃完後坐車回到大埔，口內仍有墨魚味和彈牙feel，起碼keep了半小時，你話我吹水都係咁話。

20040923 9.45pm好耐無食過雞記, 我諗都有成年, 記憶中墨魚餅同粉麵都有水準, 橫掂未夠鐘飲o野又有o的餓, 就入去整碗粉食下.叫o左一枝可樂同一碗牛腩+炸墨魚丸米粉.首先, 一碗咁簡單o既粉麵等o左足足20 分鍾先上木台. (當時唔算好爆, 侍應亦無表示歉意)然後等我講下碗o野啦好嘛? 清湯腩, 牛腩唔靚, 韌兼老, 痴牙, 湯底淡如白開水, 我死命加大量魚露先有小小味, 米粉發得太耐, 粗壯如米線- 喂大佬我要食o的米線咁粗o既粉我就直接叫米線啦! 發到咁大做乜?! 最差係炸墨魚丸, 一味油, o的油仲要隔隔地, 有o的益. 一食就食得出.咁o既quality 仲收我$32! 火都o黎!

必食炸墨魚餅,非常新鮮彈牙.豬手好味,豬手切件上,好細心,唔係一般既南乳味,清清地反而食到豬手既香味,又唔會太肥,幾爽口好味.另外試左紫菜墨丸片頭河,片頭唔及安利好味.但係都ok.可能墨魚餅好味得滯,所以搞到墨丸唔咩特別.尖沙咀中平靚正既選擇!

昨天與為食好友C吃晚飯，她提議到此．我們order再了豬手麵($18)，我不吃但C話好好食，咖哩雞扒飯餐($28)，一般ok，墨魚餅($18)，好彈牙好好味，清湯蘿蔔($10)，都幾好食，炸魚片頭(@18)，幾好甘啦，共$92

食過2次第一次食牛肚米($18),d米粉好幼,好好食(我好like食幼米粉)仲食過炸墨魚丸($25 is set),都好味今日又去食,上次食過牛,今次叫另一樣...咖哩雲吞米($18)好得意,起初以為係d湯係咖哩原本係雲吞內ga~一碗有6粒不過今次d米粉粗返,好似普通個d另朋友叫左洋蔥豬扒飯($28+drink),以為好普通茶餐廳食物估唔到d豬扒幾好食,好鬆化不過d麵set真係幾貴唔係平,不過食物算有水準!!

- 雲吞麵, 麵很彈牙, 無簡水味! 雲吞的蝦很大隻, 不過不失啦!- 魚旦麵, 潮州魚旦很滑很彈牙!以上每款可選油菜or 餐飲.

呢度d墨魚丸好正架, 超爽, 超彈牙!! 唔係溝粉溝到飛起架. 不論係炸左定係冇炸, 都係咁好食!! 雞記清一色都係男伙計, 個個都好似好兇咁, 唔係架. 佢地都好NICE!! 但係我真係冇見過女伙計喎?

我食過的餐;旦米就普通啦佢有個Set三十元有野飲或要油菜不過都唔錯既但就好難搵到位呀

1. 炸醬撈麵: 好好味~ ($18) <br>2. 炸水餃: 好香口, 但味道一般... ($18) <br>