佳記餐廳 (Closed)

呢晚本來應承媽子回家吃飯, 但萬料不到臨收工才收到通知要加班返唔到屋企食飯, 唯有放工去公司附近既茶記開餐.佳記係我飯堂之一, 午餐時段非常多人, 跟夜晚完全係兩回事叫左個咕嚕孖寶飯, 65元, 有湯有飲品. 咕嚕孖寶即係咕嚕肉加咕嚕蝦球, 兩者都炸得好脆, 又香口, 係一碟可以令我食晒成碗飯既送至於奶茶, 覺得比較澀口, 可能是因為晚上少左人流, 茶放得耐或再返煲導至.  因為夜放工, 身心疲倦, 基本上食一個暖笠笠的飯已心滿意足

有時候吃一個下午茶，或者離不開零食，又或者到餐廳而不想破費的話，茶餐廳或麵檔是最好不過。是日與友人茶聚，他吃飯而我吃下午茶。來到尖沙咀的佳記餐廳茶聚，是因為在下不想友人破費，兼且在下於午餐都吃得幾飽，故不用吃得太多吧。雖然友人吃飯，在外還是吃個簡單的下午茶。友人的飯餐不用多說，就讓說說在下的下午茶。來一個菠蘿油，已經十分化算，大大個的菠蘿包，夾著一塊厚厚的牛油。皮甜金黃得來有點偏向深色，有點脆但又有點硬，麵包不算鬆軟而帶硬，雖然內裡卻軟，但始終都偏硬了。凍奶茶初段較為淡味，沒有茶香和茶味，於是用飲管攪拌，才能帶出茶原本的味道，雖然是滑，但始終略嫌茶味未夠突出，回甘度稍欠。下午茶時段人不太多，可以坐久一點，但坐得太久，卻又越坐越凍，結賬走人好了。

今天中午，我帶了我的外國朋友─S.J先生去了香港尖沙咀，難得他來香港找我，當然帶他吃最好的，由於尖沙咀是很有名的街道，所有來這裡的人都一定是富貴的人，所以不能失禮，我們選擇到尖沙咀的金巴利道(Kimberly Road)逛街，途徑這間名叫「佳記餐廳(金巴利道)」(在香港其他地區也有這間餐廳的分店)，這是我今天的下午茶─熱好立克、叉燒荷蘭豆通心粉、迷你奶油豬仔包、炒蛋。我的這個下午茶只是叉燒不夠新鮮，所以叉燒的顏色也沒有光澤和紅潤，還有熱好立克的沖劑粉太多，當我喝完的時候，還有一大件殘餘物在杯裡面，這2方面都有改善的空間，而其他的味道也做得剛剛好。其實認識我的身邊人都知道我很少外出用餐，而外出用餐那天，都要選在自己家裡吃不到，甚至是較自己家裡更好吃的，價錢也要合理，不能太貴，也要外表吸引和能夠飽肚，我自問在食物這方面不算太高要求，如果一間餐廳做不足夠以上這些條件，真的太差勁了。但是，今天我的這個下午茶算是我吃過最好吃的，也讓我忍不住在OpenRice這裡，跟大家分享我今天的這個算是不錯的套餐。

下晝兩點半，本來想來一客下午茶。不過間唔落，間左是日什餐B， 咖啡豬T 骨+ 中湯+ 熱華田。 ( $42)中湯係茶記的水凖黎講算唔錯。雖然料唔太多，只係得一舊豬骨同埋幾塊瓜，唔可以算得上係老火湯，但係勝在無咩味精。咖啡豬T 骨面頭上黎個陣以為好多份量，但係其實係隻豌深度唔高，而且個底係斜的。佢放左小小辣油，但係略嫌唔夠辣同埋香，食唔出擺左同唔擺的分別。咖啡唔會太鹹亦唔會太淡，幾香咖啡味。茶記入面都算中上。其實唔知咩係豬T骨，望落去同食落去都同豬扒差唔多。不過呢到的豬扒有水準，應該係事先煎香左，食落去幾香口。咬落去幾腍，而且有肉汁，同埋會有豬肉的鮮味，係茶記豬扒入面佢做得比較出色。最後薯仔就普普通通，如果炸下佢會更加好。華田不過不失。服務亦都係普普通通。

今早同平時一樣早半個鐘同同事食早餐! 同平時一樣隔日會到佳記,因為佢個早餐B沙爹牛肉麵好食! 而個餐有炒蛋+腸仔+餐包跟飲品 $27! 咁今朝都係ORDER呢個餐, 當個餐嚟到嘅時候我就摸下個餐包,因為前日食嘅時候個包硬嘅! 如果今次都係硬嘅就同D啊姐講,結果都係硬嘅! 一心諗住食埋個蛋同腸仔先叫啊姐叮叮佢啦; 因為用同隻碟出! 點知就出現咗以下對話: 我: 啊姐! 個餐包好硬啊! 啊姐A: 緊係硬啦! 擺咗咁耐! 你食晒D嘢先食包就緊係硬咖啦! 我哋叮完你就食包先啦!我: 吓! 食包先?  佢一嚟已經硬咖喎! 我諗住食咗D嘢先叫你咋喎! 其實我前日食都係咁不過無出聲咋喎! 啊姐A : 你應該食包先吖嘛! 我: 靜咗!啊姐A : 咁你而家想點呀! 想換啊? 我: 咁硬食唔倒喎! 咁你一係叮熱D一係換過個啦! 啊姐A : 黑面攞走隻碟同揸落個包到,然後好大力掉落架下欄車到! 係呢個時候有個著白衫黑褲嘅啊姐應該係高級D嘅問佢咩事,啊姐A講完後口型痴X線行咗去水吧,然後高級啊姐向我行近!高級啊姐: 我哋D包係叮咖! 你食完碗麵就緊係硬啦! 我:呢個時候我已經按捺不住

三月中旬•晴在附近工作，找個地方吃夜宵，來這裡也不錯。晚上食物選擇多，空調充足，有電視看環境又光猛，坐落都舒適的。見有幾個人，叫份公司三文治來分吃就好。雖然包烘得不夠脆，其實各種味道只吃得到午餐肉、蕃茄及沙律醬，不過就夠好吃。你都米話，一份公司治加杯熱飲，唔平架。

Early dinner, 找一個吃輕間餐的地方，找到這茶餐廳，點了一個茶餐。先來的是豬仔包及火腿蛋。最欣賞是那個脆豬仔包，熱熱的，脆脆的，吃可口。主菜是茄湯底牛肉通酸酸甜甜的湯底很開胃，特別在開始轉熱的天氣特別適合，正。

昨天才去過尖沙咀，今趟又再次到這區，真是巧合了。今回到尖沙咀公幹，順道可以在這裡用餐，之後才回公司。今天選擇了寶勒巷其中一間茶記，在下也曾經在西環分店用餐，今趟卻到這尖咀分店，此茶記為佳記。到了門口，就發覺原來這是兩層的茶記，在下只好在下層用餐好了。這茶記佔用了兩間舖位，而且是而且是兩層，進入餐廳後就覺得座位幾窄的，顧客又多，這可能是與午飯時間有關。坐定後便點選了燒臘雙併飯--叉燒燒肉飯，另加紅湯和奶茶。紅湯是茶記的紅湯，酸味十足，但是欠缺辣味。而從紅湯看來，沒有這麼多的油浮現，看來都幾健康。當叉燒燒肉端上時，叉燒呈深紅色，而且不是半肥瘦，但是也不至於瘦的，而燒肉看起來似乎幾好。當吃下叉燒時，肉質較硬，但是仍有點腍，而且沒有半點鬆化。而燒肉夾起來時卻甩皮甩骨，皮肉分離，但是皮卻燒得很脆，也不覺得硬，燒肉本身也不太鹹，味道適中。奶茶的茶味則較為薄弱，沒有那麼多的茶味，奶仍然和茶的比例也算恰當，未見是奶水。整體燒味飯適中，不過不失，而服務略為差了點，原因是舉手後未能即時為在下茖單。

寶勒小巷內, 差不多都是食肆, 茶餐廳都有五間, 選了最大的一間, 雙連鋪.菠蘿油, 外觀討好, 好像有生命的菠蘿頭咬著了一片牛油, 表面烘得啞金黃色, 凹凸的的表面, 像太空望向地球一樣, 脆皮少少甜, 十分脆口, 微微熱的麵包, 未能把厚切的鮮牛油溶解, 一口吃下菠蘿包和未溶解的鮮牛油, 甜味與咸味混合得宜.焗鮮茄豬排飯, 上檯時還有煙滾滾, 剛焗起, 微微焦黑, 賣相吸引, 蕃茄芝士落足, 誰知”飯”不可以貌相, 外觀與質數成反比, 不單只飯身太濕太淋, 而且豬排半件都是肥肉, 吃不下口.星洲炒米, 材料紅洋蔥, 火腿絲, 叉燒粒, 和小蝦仁, 炒得不太乾身, 但米粉彈口, 吃落不算太差, 咖哩味不算太重. 奶茶, 窄口細杯, 奶滑茶濃, 口味適中 服務水準一般, 禮貌不致於差, 但員工個個目無表情, 加上反應遲緩, 頻繁出錯, 短短十五分鐘時間, 出錯了兩次食物, 不斷有飲品送到我們的檯上, “免費請我們飲??”, “梗係唔係!!”, “係隔離檯客人架..”.

十月上旬‧晴長跑練習完要找個地方醫肚，想吃點澱粉質食物，就來了這裡。這裡就如翠華，勝在選擇夠多，就要了個咖哩牛脷飯。咖哩本身椰香味重，也辣辣的，而撈起飯上來夠美味。牛脷爽口也帶點豐腴，是好吃的。一碟飯，轉眼吃完。

我哋係7pm晚餐時段去嘅, 一入去有好多空枱, 本來想坐下來, 但d阿姐要我哋坐入去轉右的餐廳內則. 一坐下發覺d冷氣好大, 兜口兜面的吹埋嚟. 我哋揀咗兩個西式晚餐. 食前先去一去洗手間, 入去發現鎖是壞的, 要一邊去一邊自己頂住隻門, 好似返大陸咁.白汁鷄皇飯: 賣相一般, 分開兩碟上, 一碟白飯, 一碟汁同餸, 令人感覺份量很多似的.茄汁海鮮意粉: 好多唔同種類的海鮮, 有青口, 魚, 蝦, 帶子..等等, 幾足料, 賣相唔錯, 可惜唔記得咗影相.食落頭嗰幾口其實覺得唔錯, 幾好食, 本是夠熱的, 但大家食了兩三口後, 因風太大已全部開始變冷及變硬.到我哋差不多吃完想叫餐飲, 居然全個場看不見任何職員. 我們原來正處身呼天不應, 叫地不聞的狀況.咁唯有自己行出去收銀嗰度搵個阿姐落單喇, 我見到個阿姐個口在咀嚼一d唔知咩..可能餓起上嚟頂唔順呱我返埋位後, 我朋友話趕時間不如轉做外賣杯喇.於是我又走出去搵個阿姐, 低聲下氣咁話: ‘唔好意思呀..想轉做外賣杯.’嗰個阿姐晲一晲個嘴, 不耐煩地走去同水吧d職員講話轉, 自始至終無回應過我,咁我諗住返埋位繼續食, 點知嗰個阿姐晦氣的走

已經唔係首次黎食..環境算不錯吧.. 以茶餐廳來說..但好明顯店主參考另一連鎖茶餐廳ge裝潢同格局..而家連d 價錢都好貼近..囧既然價錢裝潢都相似.. 試試食物質素如何吧!是日放假.. 下午三點左右黎食.. 唔多人(閒日吧!)有卡位坐.餐廳九成客人都係藍領一族(坦白講.. 若非有朋友陪同(男性).. 我唔會入呢間餐廳..)地方可接受.. 算企理!友人點了茶餐.. 豬柳福麵..我點了蛋治..比軟喜歡出前一丁多過福字..試了一口豬柳.. 竟然可以做到硬而無味.. 真的一絕!蛋治隨後上檯..見到雞蛋炒得還帶點蛋汁.. 我最愛呢.. =)麵包內的牛油不多. 蛋味顯得很足夠.. 正!餐廳有電視睇. 都唔會趕你走.. (因為無乜人?!)輕輕鬆鬆飲埋檸茶華田才走..但始終價錢偏貴..埋單$71.. 其中蛋治$23..那個福麵真的值四十幾蚊嗎? 你可以去試試看~

聽講寶勒巷間佳記好好食...有翠華水準...我見咁就腳....同班朋友劈完酒就落去食早餐醫肚..試下佢一入到去..見佢人都唔算好多....可能未到party散場時間...但係d台冇人執....我地坐左10分鐘都冇一個人理下咁我朋友就忍唔住去叫個阿姐幫幫手清左張台...個阿姐竟然走去執張冇人坐既先...仲話得啦..我執完呢張咪幫你執囉非常冇禮貌...淨係呢樣野都已經比唔上翠華..d野食都好耐先黎...本來一心試下佢有幾好...宜家樣樣睇到既都係唔好囉...真係期望過高...最正常既...係沙爹牛肉麵...個沙爹汁幾好...d牛肉夠"淋"..好味..不過冇乜特別個歐陸餐就開始出事...舊豬扒好硬...個所謂脆豬仔..又"淋"哂...咬都咬唔開..好難食.最特別係個櫻花豬扒福麵....櫻花可能係想個名型d~係唔會俾d花你食既放心...但係估唔到個豬扒都係呃人既...又話豬扒...明明就係一件豬肉片...薄到丫..個豬扒甜既...個味好怪...仲有陣羶味...我淨係食哂個麵就算..畢竟福麵好難整到佢難食所以話呢..唔試過點知..謠言既野真係害死人...佢同翠華~仲差好遠...當佢普通茶餐廳去看

同朋友去NEWAY唱K 之前, 在樓下的一間茶餐廳醫肚餐廳個名叫做佳記餐廳, 雖然係茶餐廳, 但環境完全無污糟的感覺, 卡位閣落, 比翠華舒服多了!餐廳仲有三部大電視, 播放無線的劇集, 沒有足球, 少了賭徒聚集, 感覺上無咁雜正值農曆十五, 選擇食素的我, 以北菇竹笙飯做晚飯, 水準不錯, 白飯煲得很好, 軟硬適中, 個汁好好味製作認真, 已經成為我去茶餐廳之選

這天早了返工，專登行遠一點，過來這邊增加卡路里。第一次來到這餐廳，因為離開我公司比較遠，旺角那間倒嘗試過，感覺一般。茶餐廳的早餐，坦白說我吃得很多了，怎麼會有期望呢？點了一個standard早餐 - 沙嗲牛肉麵 + 餐肉煎蛋 + 多士 + 凍咖啡，誰知，竟有驚喜。先上來的是凍咖啡，老實說我每一次去茶餐廳都是喝凍咖啡的，好喝難喝我全都喝過了，今次來到這裡嚐一口，想不到，真的好味道啊！這一杯跟一般茶餐廳真的不同，沒有了那種苦、澀、酸、甘，只有香和醇、幼和滑，喝這咖啡，你會以為自己去了pokka。我想(只是猜)他們是用即磨咖啡，再配忌廉來沖調，才會這樣幼滑甘香的。餐肉煎蛋當然沒有什麼好講的，多士的鬆脆倒給我極好印象，全不是其他茶餐廳的硬和靭。再來是沙嗲牛肉麵。一上來賣相已給我好感，幾條生菜絲已顯誠意，麵質是爽，牛肉是香滑，沙嗲濃度卻也恰到好處！餐廳似翠華格局，但比較清雅，少了那份俗。坦白講，作為一個designer，對翠華大堆頭堆砌式的裝修不敢恭維，尤其是那些燈飾，但當然這是題外話，作為一間餐廳，食物質素才是最重要的。佳記和翠華兩間的食物都保持水準，價錢亦相宜，難得！