金鳳茶餐廳

Open Now

Now Closed

好失望嘅一餐😕😕😕菠蘿包係凍架😭😭😭😭我真係好耐無食過咁凍嘅包好失望😭然後個包好實好重臭粉味，中唒伏🤦‍♀️雖然係跟餐轉好抵但唔好浪費quota🤦‍♀️火腿奄列係煎得ok 嘅，火腿都唔吝嗇，但望得到嘅油😨同埋偏咸沙嗲牛肉公仔麵沙嗲係無特色嘅沙嗲，麵唔會太淋，份量好多，但啲牛肉咸到我覺得自己會高血壓😨😨同埋如果個碟大啲會無咁狼狽我係平日午市黎所以要搭枱，但張枱又好細所以真係食到好麻煩

必食常餐！極濃厚沙嗲牛肉麵！極邪惡冰火菠蘿油！-講起金鳳，第一時間，好多人會諗起鋸扒嘅金鳳大餐廳，而呢間老冰室，一樣叫金鳳，外形唔起眼，但歷史更悠久，而且有一份會令人懷念嘅港式味道。-🥪午餐-沙嗲牛肉麵、火腿奄列、菠蘿油 ($51)🥩沙嗲牛肉麵1️⃣麵上鋪滿極濃厚嘅沙嗲牛肉，相當足料，鮮牛滑，沙嗲汁夠濃稠。2️⃣湯嘅比例剛好，令整體撈埋後更濃厚，每啖都被沙嗲包住，重口味但又唔會過鹹。👍🏻8.5/10🥞菠蘿油 (鮮牛油 +$3)熱辣出爐，菠蘿包皮脆，包身軟熟香甜，夾住厚切冰牛油，半溶狀態，一冷一熱，邪惡到極。👍🏻8.5/10🥤凍奶茶 (凍飲 +$3)香港最出名兼最出色嘅凍奶茶之一，無冰，茶濃而不澀，黑白奶香滑，路過都必飲一杯。👍🏻9/10

金鳳好食真係眾所周知😆長期午餐時間都排長龍，今日晏咗啲食午餐我嚟到前面淨係等兩個人，所以就排一排啦～菠蘿油真係冇得輸，外面菠蘿包熱辣辣，裏面係成擔牛油好滿足！黎得食都應該加錢換菠蘿包，因為餐包真係好普通🤣🤣🤣🤣終於到主角沙嗲牛麵。上一次黎食碗麵好多湯，搞到個沙嗲淡茂茂。今次嚟食少咗湯啲沙嗲油好多，即刻個面勁重味，好正仲有得跟煎雙蛋，勁多沙嗲配埋流心嘅雞蛋，絕配呀！🤪🤪🤪🤪🤪🤪🤪最後真係好想讚佢哋啲牛真係好大塊！超級平嘅茶餐廳質素真係無得輸。

最鐘意食茶記(๑´ڡ`๑) 上星期六終於去咗bookmarked已久嘅「金鳳茶餐廳」雖然佢人氣高企 但評論好壞參半 點都要親身試下佢🤨‎♡‧₊˚ 特 價 午 餐 $51 (⭐️ 6.5/10)🔖 [ 湯麵 • 火腿奄列/ 煎雙蛋 • 餐飽 • 餐茶 ]價錢幾抵 餐飽仲可以揀菠蘿飽😳 牛肉份量多 沙嗲味濃郁但鹹咗啲🤏 配米粉好味過公仔麵 因為加咗五香肉丁嘅辣油喺入面 更有層次感同惹味😛 而奄列炒得過火咗 唔夠嫩滑 波蘿飽最為令人失望☹️ 口感軟熟但偏黏 面頭亦唔脆💔 而且係唔熱的😭 舊鮮油($3)連半點溶化嘅跡象都沒有🥲‎♡‧₊˚ 酥 皮 蛋 撻 $7 (⭐️ 6/10)內餡唔夠滑身 味道亦好淡 蛋香味欠奉🤧

以前在灣仔返工試過一次，印象不過不失。今日經過諗住食個下午茶。兩個人叫了一個午餐，一個菠蘿包加奶茶。奶茶可以話是不過不失，不是十分出眾，名過其實。沙嗲牛麵的麵硬，牛肉鞋口，汁只有鹹味，沒有沙嗲味。$50幾一個餐完全對唔住呢個價錢。最不能接受的是菠蘿包係冰凍我，雖然現在天氣熱，都不用上個凍的包來降溫。從來未食過咁難食的菠蘿包，除了凍隱約有少少雪櫃味，食泥的質感🤮🤮🤮 個人感覺如果想挑戰冰凍菠蘿包可以一試

自問係一個常餐怪，係一個可以一日三餐都食常餐既人.ﾟ.＊.*⸜(*ˊᗜˋ*)⸝*.＊呢日突然間好想去返以前常常光顧的那份常餐。之所以咁鐘意去呢度食，坦白講，服務就真係無地方又真係好迫好迫···但佢真係份量好足，而且佢既常餐係配菠蘿包的，呢樣唔係間間都有喇掛(˶ˊᵕˋ˵)💡特價午餐 $ 51 𓇢佢個菠蘿包唔係sell空氣感，而係大而密度高，超有口感結實果隻，食哂預左呢個餐夠哂飽。𓇢奄列份量講真都真係唔野少，好大份下，火腿都唔會慳住落，不過就食咁多次都覺得佢偏向油左少少🤏𓇢沙嗲牛肉麵，牛肉都幾有咬口唔係醃到梅晒果啲，味道適中，不濃不淡。💡營養快餐D $47如果兩個朋友仔一齊去，我通常會咁叫一午餐一常餐share 個奄列食，咁樣份量就會岩岩好👍🏻💡原裝奶茶 跟餐凍飲+$3呢度既奶茶係招牌set 好左甜度沖好哂起雪櫃拎出黎果種，唔會太甜，又有茶香，係唔錯架喎🤤🤤🤤💡酥皮蛋撻 $7一聲令下「睇滾」 新鮮熱辣出爐酥皮蛋撻就由侍應雙手捧起出爐鐵盤出來，那香味引到我地都叫黎食剛出爐熱力的蛋撻脹卜卜異常既吸引人。只不過覺得個蛋既部分味道有啲淡，而酥皮香同酥脆但略厚喇。✰ 疫情期間限定做到兩人一檯 機會

在我來說灣仔有三寶，再興的燒味，春園茶餐廳的咖喱豬扒飯和乾炒牛河，還有就是金鳳奶茶和波蘿油。香脆飽皮，充滿蛋味綿密的包心，剛凉的麵包夾着邪惡的牛油，再沾上蛋汁放在口裡，不同層次口感混在味蕾，再加上它的厚杯順滑奶茶，只可說愈邪惡愈美味。這裡空間小，坐也不舒服，其實食物也普通，但是總有吸引力今我久不久要在這裡懷緬一下的平民街坊味，但在這重質不重量的，或只著重打卡的食客就末必明白舊食店的味道。

去灣仔做野，附近見到金鳳有人排隊，我未食過，但見人排隊，覺得應該不錯，於是我走去一齊排😆😆😆唔算等好耐，大概10分鐘內就到我。茶餐廳格局，相當要試d經典野食。😋😋叫左個邪惡菠蘿油，果然好正😋😋，但食完有d內疚😅😅沙爹牛肉麵併炒蛋份量好大，好多牛肉，而且沙爹味好重又不至太鹹，唔錯👍🏻，麵量比一般茶餐廳多，偏硬身，但可接受。炒蛋亦係好大碟，味道中規中矩。另外加錢點了支牛奶，玻璃樽牛奶係特別好飲d😆😆😆

喺灣仔一間老字號當旺茶記，希望朝早同晏晝都好多人，雖然要排隊不過5分鐘內就入得，人流去得好快。環境有啲擠迫，食客都係食完就走，員工都係快手快腳，格局似澳牛。佢嘅招牌係菠蘿包椰撻蛋撻雞批，同埋金鳳奶茶😳👓酥皮蛋撻 $7食落唔夠油香酥脆鬆化，個皮不是太厚，明顯唔係好多層。蛋反而正常，滑亦吾太甜，欠缺蛋香，可惜個酥皮麻麻。整體質素比較普通，唔算好好食好突出。評分：6/10👓鮮牛油菠蘿包 $10個包軟熟，但包頂層脆皮好散，一吉就碎晒唔夠紮實，而且個皮好薄吾夠厚。平時麵包舖菠蘿包仲好食😂牛油唔夠冰凍，其實好大塊嘅不過一上枱就溶咗唔見咗😂佢嘅菠蘿油十蚊經濟明白唔可以太高要求，因為出面真係好好食嗰啲例如金華double價成廿幾蚊個～評分：6/10👓火腿焗雞批 $12批皮鬆化唔油膩，簡簡單單雞肉火腿洋蔥，但唔夠香脆有少少淋，唔算特別重牛油香，鹹甜味足夠但餡料偏少，唔算好豐富火腿雞粒餡料。評分：6/10👓凍奶茶$23 熱奶茶$21有最低消費每人一杯飲品😗傳統製法冇冰凍奶茶，冰塊唔會溶溝淡。奶茶滑，但茶味吾夠濃。評分：6/10整體係間不過不失嘅茶記，不過就未正到要特登去灣仔試，大多數食客應該都係附近工作嘅

因為幾年前食過金鳳茶餐廳，當時好好食，所以今日經過見有位就入去再緬懷一下。我叫咗一個特價午餐，其實成個餐牌得一個午餐選擇，價錢方面係$51。菠蘿包同火腿奄列味道OK，火腿份量好足。不過好可惜，雪菜肉絲米粉我會俾唔合格，因為個米粉同個湯底都係冇味，係冇味，放喺表面嘅雪菜肉絲係凍的，所以食咗幾啖就冇食。最後叫咗一個熱奶茶，仍然保持到水準，好香好滑，好有茶味。因為懷着當年好好味嘅心情去，去嘅時候滿懷希望，所以今次嘅食後感係有啲失望。

邪惡指數：🐽🐽好食指數：🙆🏻‍♀️🙆🏻‍♀️呢間咁舊式嘅茶餐廳，喺灣仔都幾出名所以今次終於黎試試佢。只可惜冇我想像中咁好：⭕️沙嗲牛通粉係幾好食嘅，如果我下次仲會來嘅話我會再叫呢一個。個沙嗲味幾香，都算多牛肉，夾埋通粉係唔錯嘅。⭕️凍奶茶同檸檬茶兩個都唔錯❌菠蘿包係一個大失望，個包好厚身但係菠蘿皮比較少同薄，又冇整返熱佢，所以我都冇食晒❌五香肉丁米粉就真係食唔落去🤦🏻‍♀️本身個湯已經少而又冇味，又得嗰幾舊五香肉丁，完全唔掂。所以話都係試過就算😐

好耐冇食個菠蘿油，特登走來金鳳食一個，點知勁難食。個菠蘿油凍冰冰，個包底出晒水，又唔鬆軟，勁似食緊泥膠，都唔知個菠蘿油放咗幾多個晚上。個蛋撻仲誇張，我叫酥皮蛋撻，仲要7蚊個，點知嚟到凍冰冰之餘，仲要完全唔酥皮，曲奇皮都好食過佢。

記得幾年前專登去食過，結論係唔會再去，但今次又係專登去食，可能因為上次印象淡忘左，又想再試真啲，明明啲人話好好飲嘅奶茶無理由自己覺得唔好飲架嘛，所以呢日見未食lunch，就趁下午茶時間又去refresh一下😂。 叫左個餐，茶記嚟講，佢個火腿奄列好大份，裏面好多火腿絲，好足料，正！可惜塊奄列個面係乾而個底係勁油嘅😅，同埋個人唔太喜歡佢整到太熟，啲蛋唔夠滑。唔計狀態，味道係正常，唔會偏鹹或偏啖。 奄列上面有個大菠蘿包，份量又係好夠，可惜質素同我自己業餘新手整嘅隔夜菠蘿包效果係一樣嘅，就係唔熱又乾又硬，個菠蘿包同塊奄列咁嘅狀態，仲要大份量，真係對我消化能力一大考驗😅。讚嘅呢，除左火腿絲份量夠之外，仲有就係佢個碟邊係會high舊仔牛油比你，團牛油溶化嘅狀態係剛剛好，份量又配合得宜，唔會好似有啲餐廳咁未夠溶，成舊硬野叫做比左你但搽唔到落麵包嘅。 食完呢两樣野都飽飽地，因為個包係放喺塊奄列上面，技術上你個胃係要接收個大包先到奄列嘅，跟住仲有枱上面等左你好耐嘅沙爹牛肉通粉（不敢想像如果叫左沙牛麵點算🙈）。可能茶記關係，碟通粉係唔會扣起等你差唔多食完個菠蘿包同奄列先熱辣辣筆比你嘅。不過講到味道，呢個沙

啲人話嚟灣仔一定要試吓金鳳就好似去旺角一定要食義順牛奶公司一樣今日就專程嚟咗試下叫咗一個午餐同一杯飲品有沙嗲牛肉麵 火腿奄列 菠蘿油 跟餐奶茶同埋單獨嗌左一杯荷蘭谷古沙嗲牛肉麵個沙嗲味好香 唔會過咸公仔麵食到最尾都唔會林晒火腿奄列就好失色煎得好乾 唯獨係火腿絲好夠 要浸湯先至食得落菠蘿油係涷嘅 唔係新鮮出爐 如果加熱先上會更加好味 奶茶好滑 你就算嗌涷奶茶佢都係冇冰 呢個幾好 最怕有陣時太多冰令到成杯野好淡 荷蘭谷古就唔甜嘅 但勝在朱古力味夠濃 整體來講都麻麻哋最後$78買單 其實唔係好抵希望食物質素可以更加改善啦

朋友話一嚟灣仔好想食金鳳，因為特別鍾意佢嘅菠蘿包，我哋就下午茶時段咪嗌左個常餐，招牌沙嗲牛肉麵配菠蘿包，加埋嘢飲都係50零蚊。嘢食好快到，份量超級大，一個女仔絕對食唔晒，細食男仔都可能有啲困難，抱着期待嘅心食咗一啖菠蘿包，唔脆唔熱，個包有少少發酵過度，帶啲酒精味，非常之失望，個包係超級紮實的，唔係空氣包，但平時唔浪費食物的我，食咗一啖都係擺低咗。沙嗲牛肉公仔麵正常發揮，蛋撻最好食，之後嗌咗一個鮮牛肉蛋三文治也不錯，但係最出名嘅菠蘿包真係不了。環境5/10食物5/10服務 5/10人均 $50會否再次探訪？ 否