金記冰室 (新翠商場) (Closed)

難得疫情好返小小..老人家終於肯出去食晚飯有卡位, 唔使同人答台, 唔使同人坐咁近....老人家終於肯入由於餐牌太多野揀  唯有幫老人家揀埋, 比佢食多D野!先黎個美式雜扒, 有得揀碟上雖然冇左咋咋聲, 但係唔怕D 汁咋到周圍都係, O岩哂老人家有雞扒, 有簿牛扒,有豬扒, 有煙肉, 有腸仔, 有D 配菜咁D 扒夠味, 唔使點汁都OK,  正常水準不過夠哂多肉!! O岩哂平時少食肉O既老人家再黎個雞扒拚炸魚柳.....個魚柳切左一半先記得影相..個魚柳炸得巧脆, 雞扒就同雜扒果個一樣夠味, 唔乾配扒的意粉有用汁燴過, 都算係咁亦都好夠味羅宋湯一碗, 不過不失突然心血來潮想食的沙嗲牛潛艇個包夠軟熟, D 牛多爆哂出咁濟不過個人就覺得偏咸老人家就好鍾意, 不過都唔可以比佢食咁多貪心得濟..嗌多左隻炸脾炸得夠脆, 好食過塊雞扒好多 最後甜品,,一口西多配雪糕賣相幾好不過西多入面冇花生醬. 老人家唔鍾意抹茶紅豆冰是正,  完全冇伏荷蘭谷古...原來即係可可粉....完全唔知, 真係新嘗試TICK 左濃D + 少奶點知D 粉溶唔哂....成口都係粉都係衰貪心

$78一個芝士肉醬意粉垃圾！71便利店的叮叮意粉仲好食過你！肉醬好貴嗎？95%意粉，得5%肉醬，其實$78蚊一個肉醬意粉都唔平！我以為自己食緊淨茄汁意粉，食左幾淡堅食唔落了！唔知以為去左隔離營食果D！諗住金記D食物靠得住，食貴D都冇所謂，點知都係呃飯食的！下次唔會再幫襯！

諗住搵個下午茶食下， 買左西炒飯， 連凍飲 $51. 一見到個西炒飯， 唔係我嘅下話， 人地食淨嘅得返一半都無。。。唔係， 原來真係我嘅，份量超少。。。咁嘅陣容要$51 ??? 唔係掛，味道一般，但係一定唔飽，超唔值， 超唔抵。我就唔會再幫趁，我食完仲要去買其他野食。我情願佢收再貴啲， 俾返一個會食飽人嘅份量。而家係成個碟， 得中間有一啲飯。頂你，你茶記黎架，唔講以為食緊法國餐。 同埋西炒飯入面係有好hea個啲雜豆。 由此可見呢間野啲質素真係麻麻。。。永不錄用啦

與朋友到金記冰室晚餐，位於柴灣港鐵站旁的商場內，十分方便。翻開菜牌，菜式種類繁多。小菜十分吸引，加$15可轉為套餐，包含一個小菜、餐湯、白飯和熱飲。有些小菜則可以半價加配熱飲，各式其式，價錢實惠。 例湯 ：今日是粉葛湯，正好是朋友的至愛。果然入口清甜美味。 蜜桃中式牛柳： 牛柳不韌，配以帶甜酸的汁，色香味全，配飯一流的小菜。 XO醬蝦球炒西蘭花：大大只的蝦球材料十足，爽口鮮味。碧綠的西蘭花爽脆。XO醬為菜餚增添層次感，性價比極高。 新鮮菠蘿咕嚕肉：咕嚕肉炸得皮脆肉滑，糖醋汁調配剛好，加上新鮮菠蘿，甜酸開胃。 鹹魚雞粒炒飯：朋友喜歡吃炒飯，那就點了這個鹹魚雞粒炒飯。炒飯粒粒分明，夾雜著鮮嫩的雞粒和鹹香的鹹魚粒，心感滿足。 綿滑蛋白杏仁茶（左）、檸檬茶（右）： 我點的是杏仁茶，以小菜半價優惠，只需$14。杏仁茶帶濃郁的杏仁味道，還有整個熟了的蛋白，整杯杏仁茶口感非常幼滑，令我感到驚喜。朋友的檸檬茶清香不帶苦澀，健康好味。整體來說，菜餚色香味全，水準可媲美酒樓，性價比十分高。

金記冰室 晚市2人套餐真係高水準！2個小菜，2個例湯，2個白飯，2杯飲品只係150元小菜有好多款選擇我們用手機點餐選了霸王雞 和 新鮮菠蘿咕嚕肉 服務員都好快手，即刻就攞電腦單給我們看問對不對然後就攞了例湯來給我們例湯是紅蘿蔔豬骨湯，非常驚喜沒有味精，好正！然後就飲品來到，約10分鐘小菜就來，感覺都很快！飲品檸檬菜蜜和檸檬可樂不得不讚有4片厚厚檸檬，想幾酸有幾酸，哈哈！最怕餐廳得少少檸檬 霸王雞 好滑嘟嘟，雞皮爽口，配左甜甜地豉油，大量蔥花薑絲我喜歡夾少少蔥和雞同吃，特別清爽味道例牌份量都很足夠 菠蘿咕嚕肉  咕嚕肉很脆口感脆身加上濃濃酸甜味道啖啖半肥瘦排骨位，好正！非常適合配白飯菠蘿是新鮮菠蘿，不是罐頭浸糖水的口感爽脆些，不是死甜，果香很濃郁大量洋蔥和青椒賣相不錯！

今日見完客好肚餓，嘩！ 原來成十一點幾㗎啦😵哎呀😳連早餐都未食添😅唔緊要啦😊行過見到呢間金記👍啲嘢食不嬲都ok嘅😊入去叫個午餐啦😊不過就唔係好肚餓呀😅點知😃原來有得叫早餐我十一點幾差唔名十二點啦仲有早餐食呀咁我梗係泥個正常嘅沙爹牛肉公仔麵加煎雙蛋同埋牛油多士喇我個朋友就叫咗個煎豬扒雙蛋牛油多士加八蚊仲有個公仔麵添 埋單兩個餐九十幾蚊都抵食呀可以當係brunch咁食呀😅 正呀😍好唔好食呀😅😅沙爹牛肉公仔麵味道都入味嘅普通公仔麵嗰個就冇乜味啦落咗辣椒又有辣得滯 😅個豬扒呢以前就應該大块啲嘅😅而家縮咗水呀🤣😂 呢間跟近排啲水準一般啦啲嘢食分量細咗呀😅希望佢遲啲會有改善啦💪💪#KatkatFoodie

之前有食過金記既皇牌焗豬扒飯，質素幾好有好大塊豬扒，蛋炒飯底乾身又好食但今日個晚餐外賣焗豬扒飯超級難食！！！金記可能見多人幫襯，開始吾重視食物質素！今日個蛋炒飯底改做椰子油飯，員工完全冇同客講，成個飯油淋淋又有椰子味，超怪！成個飯食咗2啖已經吾想再食！椰子油飯賣吾出係金記既問題，冇可能要客幫你解決d椰子油飯，仲要冇通知客！直程要客硬食椰子油飯！員工處事作風有待改善！！！今次對金記好失望，下次一定吾會再幫襯！！！

每隔一段時間，我哋總會去食吓茶餐廳同冰室，因為港式食物其實潛移默化咁成為生活既一部份。加上港式餐廳內嘅食物選擇真係好多，無論係鑊氣小炒、鐵板、港式沙律等等都有，最啱一大班人嘅時候，想食乜都得。講起茶記冰室又點少得金記冰室呢？深海吉列魚柳配沙律吉列魚柳即叫即炸，大半隻手臂咁長，夠晒大份抵食。魚柳炸到脆卜卜，外脆內嫩！港式薯仔沙律估唔到有成兩球，入邊有薯仔、粟米、蘋果同桃等，口感十足。枝竹火腩飯如果話豆腐火腩飯係男人嘅浪漫，咁枝竹火腩飯就係A姐嘅浪漫。因為A姐鍾意食枝竹嘅程度無人能及，我係好難先偷到一塊枝竹食㗎。枝竹索晒汁，勁入味！至於火腩一層肥一層瘦，啖啖肉！而呢個晚餐仲配埋飯、湯同飲品，絕對滿足。鐵板西冷牛扒講到港式嘅美食，又點少得鐵板餐呢？西冷牛扒嘅肉味香濃，我哋叫咗五成熟，再靠鐵板嘅熱力，將佢變成七成熟，牛扒Juicy，最夾當然係黑椒汁啦！跟餐仲有意粉、湯同飲品，其中意粉仲係預先撈埋茄汁，唔係白烚意粉嚟㗎！金粒西多配雪糕甜品方面，我哋就叫咗西多配雪糕，西多預先切粒，食嘅時候夠方便。熱辣辣嘅西多，配上凍冰冰嘅雪糕，冰火交融嘅感覺，

新鋪多人食是常識吧！近mtr 食完飯落雨也不怕，見今日不太多人，就食佢啦！客家沙薑雞(半隻) $118電子落單好方便，原來除了例牌還可以選擇半隻或一隻。(Menu唔覺有，好似電子版先有)雞肥瘦均勻，肉質嫩滑，沙薑的獨特香氣，越食越醒胃Xo醬蝦球炒西蘭花 $68西蘭花炒得翠綠爽脆，掛滿XO醬好惹味。蝦大細適中，咸淡度剛好。韭黃叉燒炒滑蛋 $65家常菜簡單易做， 爽口既韭黃， 加上大大叉燒配嫩滑炒蛋， 送飯一流。 再加$15 轉套餐，有飯有湯有飲品。

金記冰室，位於柴灣新翠商場，區內較為新的連鎖式茶餐廳。周日8點早上來一個簡單A餐，火腿通粉+太陽蛋+凍檸檬茶。火腿通粉溫度不足，夏天食還可以，冬天可能會覺得凍。太陽蛋蛋白未全熟，蛋黃內仍是凍。餐包尚可，比較軟身。

住柴灣的人都知道沒有一間有名氣的餐廳，全都是平平無奇，早幾個月知悉新翠商場內有間金記冰室，這應該是柴灣人的福氣吧，今天跟屋企人晚上到金記冰室晚餐，幸好時間尚早，不是太多人排隊。餐廳整潔乾淨的程度應該是柴灣之最，員工制服乾淨整潔，加上燈光非常明亮，店員都要點掃上安心出行二維碼，安排我們到卡座，餐具都整潔整齊地排放在櫃內，能讓顧客安心晚膳，掃上檯上的二維碼自行落單，減少落錯單的機會。餐牌上有多款不同的菜式、常餐、小菜、扒餐等應有盡有，我同媽媽最後點了三款小菜，蜜桃中式牛柳$75、韭黃蝦球炒滑蛋$68、清炒時蔬菜心$52、紅豆冰+$10、雪糕紅豆冰+$10。蜜桃中式牛柳 - 味很濃，甜酸得來夠和味，牛柳鬆軟帶有蜜桃的甜香，份量足夠。韭黃蝦球炒滑蛋 – 有去腸，外面香，裏面嫩，雞蛋包裹的蝦仁不腥，又鮮美，再加上韭黃提昇味道。清炒時蔬菜心 – 用上菜芯苗，無渣嫩生，非常的爽口。紅豆冰 – 紅豆冰杯略有點高，飲起來有點辛苦，但紅豆跟椰汁不會太甜，冰塊略為多了一點，但有兒時味道，整體不錯！

金記冰室 - 港式茶記冰室今日和朋友到了港島睇電影，電影之前就在附近吃一吃午飯，無意中到了這間新開的港式冰室，見環境光猛、裝修唔錯，所以一試。炸雞髀配沙律都幾大隻的炸雞髀，香脆的雞皮加上多汁的雞肉，雞肉經過醃製有底味，再配上解膩的沙律。金記三文治類似公司三文治，材料豐富，有炒蛋、火腿、蕃茄、芝士、生菜，再夾着煎香的午餐肉，分別應該就是在雞肉換上了午餐肉，再加上烘過的麵包和沙律醬。麻辣雞片米線初初看湯底的顏色以為清湯一樣，估唔到又麻又香，未至於很辣的味道，但非常有驚喜，雞片也非常滑。鮮茄濃汁焗豬扒飯濃郁的鮮茄醬汁加上軟腍的焗豬扒，還有熱熔芝士和新鮮蕃茄片。XO醬海鮮炒烏冬炒得非常有鑊氣的烏冬，惹味的XO醬加上多款海鮮，例如蝦粒、青口、魷魚和蟹柳。冰室例牌的熱檸茶

今日去開柴灣，搵個舊同食lunch，去間新開既金記，🕐去到本來以為要等好耐，但好彩只係等左🔟分鐘🤗。而家金記係用QR code點餐，我想點🐷潤麵，當揀好晒口味同野飲之後，售罄⋯ 退而求其次點個沙爹🐮肉麵，又售罄⋯ 以為係佢系統有事，試埋最後個鮮🐮麵，點知得左⋯ 到底係系統出錯，還是真係賣晒呢🤔⋯金記唔係第👆🏻次食，佢的脆🐷同炒🥚係幾好，鮮🐮麵就中規中啦，常餐黎講算唔錯，不過係諗唔明點解lunch hour未完已經會賣晒🐷潤同沙爹🐮⋯

早上11:00正打電話叫左2份早餐外賣,早上11:31分先有，無諗過早餐唔係焗野都要等半個鐘以上，雖然食物ok,但正常咁多分店既冰室要等咁耐都有d過份.@@@@

我自打電話落單叫外賣的， 聽電話的員工 很不認真， 復單兩次依然不能準確 記下我叫的外賣。 我叫了四個餐， 最後取餐時只有三個餐， 就算反覆覆單依然留單。 食物質素比起其他分店差很遠， 咖哩好稀， 招牌牛肉米粉沒有味， 唔會再幫襯。