金記冰室 (八號花園) (Closed)

乾炒牛河一向有水準 但我連續兩星期中午去試都令人失望 俾我覺得好似個廚師冇返工是但搵人炒 炒到所有牛肉好似乾蒸咁硬 變左乾蒸牛河 今日個例湯重有陣臭縮味 攪到我要返屋企用漱口水浪口...... terrible

啱啱中午叫咗兒童餐同海南雞飯，之前見到佢哋整都唔錯，今日真係x你老_！d雞得幾舊都算，但食落嚡到乾，仲要無味！油飯轉白飯，d飯好似無落唔夠水煮咁，又乾又硬！例湯係無味精～但呢排可能鹽貴，唔捨得落～另外個兒童餐，小朋友係好鍾意食，但個火車餐盤好污糟好油，好似無人洗咁，之前已經同佢哋收銀講過一次，依然都係咁！明白一分錢一分貨唔係每樣都要求超級好食，但都唔好咁過份！基本清潔都唔係好x難啫！我見到係好家長都叫兒童餐俾小朋友食，但個盤真係好糟囉！

要數冰室茶餐廳我最喜歡嘅，莫過於係👉金記冰室!! 佢嘅餐牌選擇多，而且味道唔錯、價錢亦幾平， 所以都變成咗我嘅飯堂。今次入大埔踩單車🚴‍♀️ 做完運動就去八號花園嗰間食返餐勁🤤🤤·▪銀芽肉絲炒麵 HKD$68哩個銀芽肉絲炒麵🍝想食好耐!! 見到啲promo相真係勁吸引😻份量真係好多，個乾麵去到手臂咁高🤩 將啲肉絲撈汁倒落去，見到啲麵開始由乾變淋身嗰下，真係好療癒😍炒麵倒入熱湯汁後，變得腍身但又有少少彈牙，感覺亦唔會好油膩，好味😋·▪家鄉鹽焗雞 HKD$65哩個鹽焗雞有少少失望🤨醃得唔算好入味，肉質仲有啲嚡😕 賣相麻麻地，有待改善呢~·▪星洲炒米 HKD$45好夠鑊氣，而且咖哩既辣味剛好👍 米粉亦唔會好碎，做到條條分明，不錯的😋·▪咸牛肉炒蛋軍艦 HKD$29我一向係哩款軍艦既支持者🤤 咸牛肉肉炒蛋真材實料🤩 份量超多，平時早餐或下午茶食佢已經好飽！質素保持到👍·▪ 芒果凍頂烏龍冷泡茶 HKD$28第一次飲哩款冷泡茶，估唔到將芒果加入冷泡茶個味道都幾夾👍 小清新亦唔會好甜，好解渴🍹▪雪糕紅豆冰 HKD$30超級多紅豆喺底！椰汁味唔算好濃嗰種，但紅豆份量咁多已經完勝💯

平時成日掛住湊仔返學放學，好難得有段時間可以同老公坐低嘆午餐，遷就仔仔學畫畫，八號花園 金記 最啱我。室內裝修好似大埔墟火車站舊時咁樣，都幾有特色，座位安排又唔錯，大人小朋友都坐得舒服。銀牙肉絲炒麵 特別推介！造型好似金字塔，賣相出色而且炒麵底卜卜脆，夠晒脆又可口。銀牙肉絲材料足，肉絲味道香濃，銀牙又爽口，整碟銀牙肉絲炒麵 口感非常豐富。生炸雞髀即食麵配火腿烚蛋沙律生炸雞髀特別香滑多汁，雞有雞味嗰隻，炸成皮脆肉滑，即食麵仲可以揀口味我就鍾意爽啲啦！配火腿烚蛋沙律，感覺立刻清新又健康咗啲。加配白灼菜心自己喺屋企好少煮飯，出街食碟菜平衡一下。冇冰奶茶冇冰奶茶確實係更加香濃又滑，奶茶的味道更加原汁原味。馬來咖喱牛脷飯午市套餐價錢優惠又抵食，好鍾意飲佢個羅宋湯，馬來咖喱又香又辣，非常惹味，厚一切牛脷大大塊好似扒一樣。唔想食飯轉意粉一樣得，撈咖喱汁一齊食十分美味。金粒西多配雪糕估唔到午餐都可以食到甜品真係一流，懷舊美味的西多士，炸到金黃色特別柔滑，配埋雲呢拿雪糕一起吃，冰火感覺。

平時屋企一家人都會去附近餐廳食晚飯當係休息一下，今晚就去咗呢間金記冰室開飯，點了幾款精美小菜大家一邊食一邊傾，家陣落單相當方便，只要用手机掃瞄QR code就可以點所有食物先來有呢款自選二人小菜餐，已有老火例湯同白飯連飲品各兩份點了粟米魚柳同椒鹽豬扒兩款小菜各有特色，熱辣辣嘅粟米魚柳入口香脆鬆軟，沾上香甜粟米汁，撈埋白飯一邊食特別正輪到椒鹽豬扒食落肉質香嫩味香濃啖啖肉又惹味，再來係涼瓜炆牛肉，食到爽口甘甜涼瓜片，同時食到滑嫩多汁嘅牛肉最後有呢款精選晚餐C，翠玉瓜炒蝦球賣相十足，大大隻肉質彈牙蝦球，連同爽甜翠玉瓜，簡單煮法又食得健康正，不知不覺又品嚐完一餐精美小菜。

🐽天氣凍，食鐵板都係唔錯既選擇黎，岩曬啲食肉獸裝修餐具都有設計過，環境不錯鐵板海陸空 $92🐷🐟🐔幾多料，有豬扒，魚柳同雞翼，肉都夠香同入味配黑椒汁，但可惜無咩黑椒味🥺🥺🥺鐵板西冷手扒 $102😂呢個就有點圖文不符，餐牌中既🐂牛扒大塊好多，好似成個盤咁大，但依個無。。。🤣🤣男仔表示食完唔夠飽。🤔不過同場見到其他人叫雜扒餐既話，份量幾多，疊到小山丘咁，建議叫依個抵啲😇奶茶一向係冰室茶廳既靈魂。😌的確金記既奶茶都唔錯，個杯又靚。

疫情期間日日又煮又洗，這天就讓老公放下假，近近地出外吃一餐。京都肉排 $68肉排大大件，非常鬆軟入味，醬汁酸甜度剛好，配菜竟然為新鮮菠蘿🍍😍鮮腐竹杞子浸時蔬 $56足料好味，另加配料菜心$16👍金牌乾炒牛河 $58這個是每次來必點的，牛河不會很油膩，但也非常入味，很夠鑊氣👍金記三文治🥪 $42三文治一層為餐肉🐖及雞蛋🥚，一層有生菜🥬蕃茄🍅芝士🧀火腿，豐富好味👍雙拼多士🍞 $20選了煉奶及花生醬口味，花生醬有微小花生粒，又塗得均勻，每一口都嚐到😋蛋白杏仁茶 餐加$13非常香濃棉滑黑牛 餐加$13懷舊餐飲有特色非常滿足的一餐

一向都是金記冰室忠實擁躉，食開佢嘅食物都好有質素，今次再相約友人過來聚餐。很欣賞這裏的經理職員服務殷勤親切，一份厚厚嘅餐牌加上可以用QR code掃描在電話點食物，方便快捷好多，仲有細微項目選擇，例如多汁、小飯等等比較喜歡點這裏的小炒小菜，即叫即炒，仲炒得好有鑊氣，「XO醬蝦球炒西蘭花」我揀選了小辣口味，加配白飯餐湯及飲品都只係$15，確實好抵食。餐湯係中湯，現時工作忙少飲老火湯，今次可以滋潤一下❤️而「XO醬蝦球炒西蘭花」好大碟好足料，蝦球嘅份量多，每一隻都大大隻爽口彈牙，而且西蘭花好新鮮，醬汁配以白飯撈好滋味。朋友叫的「香煎鴛鴦扒飯配燒汁」更可以選多汁，驟眼睇雞扒及牛扒有我手板再大隻啲，肉質很新鮮嫩滑，食肉獸一定很喜歡。最後一杯凍檸茶爽一爽喉嚨，濃郁的紅茶加上酸澀的檸檬，簡直是夏日飲品之選。這個二人晚飯既豐富又抵食，經常來幫襯是有原因的！

每次經過都有人排隊。見冇人排入去食個Tea先。😛十大金牌精選🤩天氣涼涼地。飮杯杏仁茶潤下都好。🥰ScanQR code落單。幾方便。👍🏻落完單一陣就到！超有效率。綿滑蛋白杏仁茶～下午茶餐+$13就🈶️。真心抵👏真材實料。啖啖杏仁香。飲完堅潤一潤。❤️炸雞脾🍗沙律～🍗都幾大隻。食🉐️出熱辣辣炸起。唔係炸完又炸。雞髀上面灑上准鹽🧂。味道更上一層樓。沙律夠凍夠新鮮。唔會出水一pat pat 。

今晚同老公同屋企附近開餐，太耐無食中式野，所以黎到呢間冰室食飯，叫左好多野食。鐵板西冷牛扒配燒汁 老公點左呢個餸，好香，可以揀薯菜，意粉或者白飯。 老公就揀左白飯， 但我就覺得意粉會夾啲。 牛扒叫左7成熟，師父整到岩岩好，高水準。椒鹽豬扒非常嘢味嘅一樣餸，配埋白飯，可以食晒成碗飯呀。韭黃叉燒炒滑蛋 因為腸胃唔好，所以叫左師父炒全熟既蛋， 加左$15轉套餐，有野飲，飯，仲有個老火湯！ 好足料既老火湯，唔味精！ 下次再試下其他野，非常滿意既冰室。

大埔八號花園都有金記冰室，通常金記冰室都必定大排長龍，就到食飯時間，今次等一張枱就有位，咁我當然食佢啦。我哋一家三口坐卡位，坐位好寬闊，坐得舒服，慢慢嘆先☺️我哋叫咗🌟咖喱牛腩撈公仔麵咖哩味不辣帶點甜，牛腩之外重有牛根，炆到超級淋🌟鐵板香煎豬扒跟薯菜豬扒好入味，薯條肥嘟嘟脆卜卜🌟火車頭兒童餐仔仔食好好開心，好味道，成碟食晒，有粟米🌽粒粒，芝士磨菇雞翼，意粉🍝炒咗底架，由於仔仔唔食得牛所以我哋自己叫另上肉醬，有杯橙汁同甜品係棉花糖

今日媽媽罷煮，佢話聽早金記既焗豬扒飯好食都講左幾次今晚就去試試佢👍🏻金記冰室既裝潢我覺得幾好，走懷舊風，有以前冰室既味道但餐廳內光猛明亮，整體都整潔乾淨我地坐低睇一睇餐牌，晚市套餐分左星至五每日都唔同，就算常客都唔會悶🤣最後我地叫左 支竹雙腩係同埋焗豬扒飯坐左一陣野食就黎，上菜速度算快員工都幾親切友善，惟樓面人手不足有時想叫人都要等一般時間先上餐湯，茶餐廳既羅宋湯我無抱好大期望但呢個有驚喜到！😍其實個羅宋湯睇色水都知好濃郁果然飲落去係滿滿蕃茄味，濃郁既茄香🍅🍅🍅酸同咸既平均做得幾好，唔會過酸，咸度亦適中飲落仲有少少微辣提升整體味道👍🏻👍🏻羅宋湯內既料都幾多，全部蔬菜都已經煲到淋晒☺️我媽都讚好👍🏻焗豬扒飯上到黎個賣相都好好😊份量正常，豬扒係整整一大飯超正！豬扒我個人好滿意，因為茶餐廳既豬扒成日都好淋好似落左好多鬆肉粉咁呢到既豬扒軟淋得黎入啲咬口，口感不錯！而且食落有啲汁，加埋肉香同調味真係處理得非常不錯👍🏻芝士加蕃茄汁加炒飯底呢個配搭亦係一絕😆惟個人覺得個蕃茄醬可改善，可以濃厚啲☺️最後係支竹雙腩煲😚雙腩煲係比較少見，我同媽媽都好鐘意食支竹，見到即刻叫😂上枱見到份量都幾多，熱辣辣仲有少少喳

今日下晝收早可以享受一人天地，一落K12巴士就去咗有香港7/80年代feel金記冰室食個下午茶餐 。一直都想試佢㗎啦，難得今日閒情逸致，坐低嗌咗佢個金記精選麻辣雞片米線。而家天氣炎熱呀，所以食辣嘢一定會嘆住冷氣去麻辣一番。食咗一啖就令我食指大動，當堂眼睛亮晶晶！ 佢嘅麻辣滿足到我挑剔嘅味蕾, 鍾意種辣唔係重口味嘅，小醋多麻多辣。佢呢一隻就真係好適合香港人嘅口味，咸道辣度適中令你回味無窮，確實係舌尖上的美味。再加一杯凍烏龍茶將麻辣降溫，成個茶餐食得好開心。無期待嘅情況下永遠都係有驚喜！因為麻辣得好滋味， 所以另外加咗個外賣口水雞半隻當加料可以今晚同屋企人share。我見佢個menu英文寫住佢個口水雞係凍盤冇諗過佢熱辣辣一大盒。咁熱嘅天氣，我返到屋企就即係將佢急凍所以最後都係凍食。 我哋一家都好欣賞佢個麻辣汁整得幾好食 夠麻亦帶辣，好快連雞帶醬大清曬。而家佢外賣六點鐘後有77折嗌抵啲囉，下次要試下佢個金記乾炒牛河。

今日同朋友趁著一田購物優惠日還未結束，去咗大埔開心shopping，捧著幾袋戰利品，朋友就話食埋晚飯至返屋企，於是我哋就去咗附近一間茶餐廳——「金記冰室」坐低慢慢食。冰室門口擺放了餐牌及易拉架來介紹店內食物，整齊美觀，客人可一目瞭然。其中每天不同款式的防疫老火靚湯非常吸引，確實適合工作忙碌而無暇煲湯的上班一族。踏進店內，店員即上前招呼及量體溫，而客人需展示手腕內側，據店員說可順道檢查客人有否戴電子手環，看來頗細心，有別於一般食肆的做法。亦因應限聚令關係，店內座位均以膠板或透明膠來分隔，確保客人吃得安心又舒適。最後朋友點了香港情懷精選之「煎蛋豬扒飯」，而我因為下午茶吃多了，故此就選吃「吉列豬扒配沙律」，另外再加兩杯飲品—「芒果凍頂烏龍冷泡茶」和「凍檸檬茶」。「吉列豬扒配沙律」  $50吉列豬扒大大塊，色澤金黃，酥脆香口惹味，外脆內軟，肉質不會又乾又硬。沙律以薯仔及雜果拌成，比例剛好，而沙律味道酸酸甜甜，很開胃，還伴有番茄和生菜，賣相不錯，如果薯仔能再烚淋一點就更佳。「煎蛋豬扒飯配豉油汁」  $48香港情懷精選系列均設有多款醬汁以供選擇，除了豉油汁外，還可選配鮮茄汁、黑椒汁或燒汁。香煎豬扒

📍金記冰室 (大埔) 最近疫情緩和了許多，收工同屋企人去冰室叫左幾個餸想試下懷舊味道新鮮菠蘿生炒骨生炒骨甜酸適中，好開胃呀。粟米魚柳份量好足，粟米汁亦都好濃郁，炸得好香，味道中上🤩椒鹽豬扒椒鹽味唔會搶咗豬扒本身嗰個肉味，好香但唔會太多油懷舊特飲 黑牛+白雪公主充滿港式既懷舊味道，冰涼雪糕與衝擊味蕾既汽水做配搭，好正呀！.好食指數：🥇🥇🥇🥇🥇🥇🥇7/10分地址 :大埔安慈路2號八號花園地下8號舖