金城餐廳 (Moved) New Location

午飯叫個焗豬扒飯焗豬扒飯的飯竟然無蛋, 豬扒又唔係好食過人, 隱隱中仲有少少酸味. 除了豬扒一早已幫你切細件, 我看不出和'大x樂'的焗豬扒飯有甚麼分別.反而同事點的摩羅雞扒飯的摩羅汁還算有特色.下次都係咪聽阿蘇點.

本身係筲箕灣街坊平時都係寧願 去隔離間 "平記" 食dinner 或"明園" 食 tea都唔會選擇黎呢間 "金城"不過 見阿蘇 sell 得咁行 就姑且去試一下...唔試又置可 一試就把幾火 1) 焗豬扒飯$37 連熱飲 豬扒都有一塊咁多 但汁少飯少但有d咩特別呢? 就真係講唔出只可以講 如果要食焗豬扒飯 我都係寧願去 "大X樂" 囉2) XO醬三絲炒貴刃$43 連熱飲 所謂嘅XO醬 其實辣椒醬 所謂嘅貴刃 其實係意粉食唔出係咩味道 午餐嘅價錢 下午茶嘅份量最重要係: 餐茶隻杯係有點兒 dirty呢間金城 真係一次就夠啦 因為真係諗唔到有d咩值得推介嘅地方囉!寫呢篇食評 唔係想特登柴佢台 只係想大家知道有d餐廳雖然係上過電視或門口貼左好多報章報導過 但都唔代表係好好食 好有特色囉!

一向以來都不太相信亞蘇的推介,不過今天又唔想食「安利」、「海南雞」或印尼串燒,所以就比一次幾會睇吓亞蘇話『全港最好食的焗豬扒飯』究竟有幾好食!唉....結果就如其他食評朋友話一樣law...『不外如事』,咪又係普通焗飯一個,有什麼特別? 「大」記的一哥好食過佢好多倍!!又唔係平,真係太失望! : 「亞蘇」的焗豬扒飯 @ HK$37 亞蘇實在太誇張! 絕對相信她極有可能享有特別待遇食到由老闆特別為她做的『全港最好食的焗豬扒飯』!

17/5(六) 3:30pm告別"金記冰室",踏足另一家茶記--金城.是次目標清晰,鎖定其舉世聞名的焗豬.$39的套餐:焗豬跟凍檸茶.焗豬賣相不賴,酸甜度得宜的茄醬呈鮮橙紅,夾雜著爽身的西芹及紅蘿蔔粒;炒飯底亦屬上品,仍舊乾身富嚼勁!而主角豬扒先炸後焗;鬆化中保持肉汁,肥瘦均勻,味道討好;著實滿得手的一個好焗豬!不過,喝的似乎出了狀況;檸茶要了少冰少甜;半冷不熟的檸茶徹底失茶香.此外,大叔的服務乃是值得褒揚的親和勤快;但另一扣分處為其似有還無的空調,令用餐過程中呼吸不太暢順!牆上餐牌另一得手菜式-斑片炒河,或成再回的獵物!

睇過阿蘇個節目話呢到焗豬好食，今日放工冇咩節目，本著試味既心態過來一趟。環境一般茶餐廳咁，不過就坐得比較迫，出同入都比較困難。餐牌都唔洗點睇就叫左個焗豬，跟檸茶。等左十五分鐘左右，終於有得食。第一啖試件豬扒，咬落口鬆化，夠林。而且唔知巧合定點啦，塊豬扒都幾夠肥，唔會好似好多餐廳咁焗完塊豬扒D肥脂已經乾晒。而且豬扒早已經切好，食落更顯方便。飯底亦都炒得幾夠香。唯一美中不足真系唔系好夠汁，不過其實佢個飯底就咁食都已經好正﹗﹗下次要試埋佢個斑片炒河^^

一向對阿蘇的推介有戒心，不過是日中午人在東大街，沒有心水，結果還是記起她的介紹，走進來試試其焗豬扒飯($37)。焗得表面些少焦了，不過影響不大。帶骨的豬扒已經切開，方便進食；雖然比較瘦，不帶幾多肥肉，但質地鬆軟，不錯。茄汁味道適中，沒有過酸或過甜，最重要是沒有太「漏」太滯的感覺。另叫的芙蓉蛋飯($30)一上檯便蛋香撲鼻，大大塊的又餡料不少，而且裏面還有蛋汁。跟餐的咖啡和奶茶也夠濃夠味，令人滿意。侍應爽手又反應快，沒有讓人不滿的地方。總算阿蘇沒有老點。

小時候經常去這餐廳,給我的感覺是食物質素高,員工士氣高的街坊餐廳自從有阿蘇介紹呢間的焗豬扒飯後,就多左人來食焗豬扒飯,而焗豬扒飯我自己都試過,覺得豬扒鬆軟,飯是加蛋炒飯而更加爽口汁料好味但落唔夠汁,減了一點分總的來說是一個不錯的飯,但還是不及大家樂的一哥好吃所以我對於焗豬扒飯跑出是不以為然不過除了焗豬扒飯外,其晚餐係絕不失禮的。前天和朋友去這間食晚飯,入到去睇左一下餐牌,就打算叫野食,不過其中一個待應他好像很心不在焉似的,即使我倆的距離不足3個人位,都係極佢都不理不踩,佢仲要走到我附近一帶都仲要當我的無到,為時達2分鐘左右,有點令我感到心灰意冷,如此情況,令我一度覺得他不是餐廳職員,只是一個食客在細小的餐廳內散步而已幸好最後佢都發現到我們,為我們下單我們三人都點了晚餐,首先送來了餐包,十分溫暖,加上午油會更正,不過我怕食唔落主菜而留低,然後是忌廉湯,溫暖香滑濃郁又夠料,十分開胃然後是主菜,豬扒意粉,汁料是非常好味,而豬扒選料上乘,入口易咬,沒有鞋也沒有,整體味道一流可謂無可挑剔最後食返餐包都覺得ok,不過我認為趁熱的時候食會更好以食物質素來說,係拍得住花園等質素不過就算由細食到大都好,

本來我覺得某飲食主持人介紹係食得過,不過我今次就真係捉蟲,事源我有日同我老媽子去試食果個班片炒河,真係.................班片腥,河粉少,汁杰,飲杯凍奶茶係叫做可以接受.............食焗豬扒飯就又乾又硬...............如果有得返轉頭,我唔會再食(我細個成日去食早餐)

自小已喜歡吃焗飯，小時候每次跟爸媽到「港式西餐廳」或是「大渣落」，大多會點焗豬扒飯或焗海鮮飯。個中原因不是喜歡吃豬扒或是海鮮，而是喜歡吃炒過的飯，再配上濃濃的醬汁。早前從收費台某飲食節目得知，有一間於位筲箕灣的茶餐廳，有出色的焗豬扒飯。雖然我一直對此節目的主持人，給予食物的評價也是半信半疑。但知道是焗豬扒飯時，便一直想一試。可惜地點偏遠，啤梨也不太情願前往，直到在同一地區安排另一個行程，這個「焗豬之旅」才能落實。另一個行程其實是重遊「海防博物館」，上一次到訪是在二千年，故今次再來，只花了兩個多小時遊覽，因為今天的主角其實是焗豬扒飯。「金城餐廳」，一個十分普通的名字，是否真的能夠烹調一碟不普通的焗豬扒飯？進入餐廳找了位子坐下，從客人與店員的對話中得知，進來的大多是「街坊街里」。由於已有了目標，只是從例看一看餐牌，便立即點菜。先來一碟「焗豬扒飯」($38.00連飲品))，再來一碟「龍躉片炒河」($68.00連飲品)，加多一杯凍奶茶及熱好立克。先來是「龍躉片炒河」，龍躉片是新鮮魚，有魚味亦不腥，河粉雖切得幼身，但又不會炒至碎爛。其實味道沒甚麼特別，跟一般的濕炒河粉沒大分別，只是在茶餐廳可以吃

聽了SOSZE WONG的介紹專程由港島西跑去港島東見證這位阿姐所推薦的食店..2人ORDER了一份龍躉炒河,一份焗豬扒飯,店員5分鐘回來答今日沒有龍躉,不如改班片炒河.我們說不要,店員回應一樣沒有分別.2人心想這店員十分有問題..我們改了支竹班腩煲.10分鐘店員回來講沒有支竹同班腩,不如改大鱔煲.真的想星星魚蝦蟹個店員.最終我哋ORDER了沙嗲肉片炒介蘭同焗飯..沙嗲肉片炒介蘭沒有沙嗲味介蘭只有2條.菜餚的溫度最多只有25-30度同中環D大排檔比真的十分十分十分差差..焗豬扒飯,如果同大家樂比,大家樂100分金城我比15分另加5分比SOSE WONG..豬扒沒有味同十分堅挺,可能隻豬食了大量威哥.最後給這店的評論只可說\\\"好唔掂\\\"同時希望SOSZE WONG姐姐唔好成日亂介紹.

焗豬扒飯外賣，多汁又保溫，用埋錫紙兜保暖，拎住個飯去買野都絕對唔會變左一舊舊同凍冰冰10年前的早上..經過金城門口成日見到佢地d班新鮮即日劏，而家邊有咁多新鮮班比你食但係而家要食靚班片班腩，勞煩少少要問佢條魚係咪今日劏架，新鮮魚肉質又甜又香炸得岩岩好，d粉唔會成吋厚

星期日晚飯時間去食，真係人山人海，要係門口等位，不過都係等左15分鐘啫。班片賣哂，所以冇得食班片炒河。叫左焗豬扒飯同埋咕嚕肉（有飯跟的）。焗豬扒飯的確唔錯，飯炒得夠香，不過份量太少。咕嚕肉都食得過，比好多餐廳炒得好。最重要的係30幾元一個餐，包飲品，咕嚕肉餐仲有餐湯送，都算好抵食。茶餐廳的服務，都係咁上下，冇得要求。不過當晚個老闆（我估係老闆啩？）好殷勤，送例湯時仲話唔夠可以加碼。

今日（十月三十日下午三時十五分）我慕名前往筲箕灣《金城餐廳》午膳，吃了一碟十分十分十分十分谷氣的東西，那是soszewong極力推荐的【班片抄河】。當時的服務員亞叔並沒有通知我沒有班片，而來了一碟班腩抄河，可惜碟內八塊少得可憐竟然全部都是魚骨，一些少許魚肉也沒有。我覺得被人欺騙，因為這碟班骨抄河索價四十六元（班片抄河四十八元）實在太不合理呢！！！！！！！！！！！！！！！至於豬扒焗飯質與量也是平平一般啊！！食水太深了！！也太太太太沒有商業道德呀！！！！！！！！！！！！！！！！！！！！！！！！！！！！！！！！！！！！

一向對蘇絲黃介紹既野食都無咩期望, 不過今次佢介紹此店都算唔錯...同老闆4時多去左下午茶, 佢就叫左個摩囉雞扒飯, 我就叫左奶醬多...多士就無咩特別, 反而個飯真係唔錯..D炒飯仲加上D葡萄乾真係幾好味..下次都試埋佢既焗豬扒飯同埋班片炒河.

昨晚3人來dinner,叫咗:1)中湯(叫煲仔類就包)-昨晚是蓮藕豬骨湯-足料,有果皮,蓮藕,豬骨,扁豆,紅蘿蔔,好甜,夠火喉-仲幾大碗吓-男店員好好,送多1碗比我哋因我們只叫了2個煲仔2)枝竹豆腐斑腩煲-開蓋後,熱騰騰-料都唔少, 有炸過的斑腩,豆腐卜,枝竹,生菜,冬菇,小玉米條...,可惜個樣唔多討好-斑腩細"舊",而且有d腥,味道唔多得3)海鮮什菜粉絲煲-亦是熱騰騰-內有西蘭花,菜心,西芹,芥蘭,粉絲,金菇,瑤柱碎,蝦乾,魷魚,小白菜....-個湯好夠味,所以d料全部清甜,菜幾新鮮,1d都無根,唔老-不錯4)焗豬扒飯-是亞蘇曾推介過-試了少少,豬扒碎上,都腍,唔"un",個飯有炒底,個汁d味同大家X有得比-不過姐夫說個汁偏甜咗少少,還是覺得美X做得好味d5)糖水(送)-無想過類似茶餐廳的地方會有糖水送-昨晚是芋頭,番薯-兩者雖不硬,但未煲到好腍,不過勝在唔甜6)凍飲-2杯-當晚好在早了1點來,否則都幾難揾位-服務好快手-環境以茶餐廳來計,算幾企理