金二少冰室

Open Now

Now Closed

收到朋友嘅通知，weekend終於攞到飛睇話劇，心情當然特別興奮😎 正煩惱緊開場前去邊度醫肚嘅我，咁啱喺社交平台見朋友仔介紹 #佐敦 一個打卡點「金二少冰室」，單係喺相中見到啲🐻熊仔冰冰已經夠晒吸引，咁啱去開附近，梗係要試吓！打開餐牌，佢哋嘅食物造型都幾吸引，不過因為趕時間，我哋都係求其叫咗個 #黯然銷魂飯、同 #鮮茄牛肉飯 諗住快快脆脆食飽就行人… 不過當然唔少得要叫埋我嘅 #熊仔奶茶 啦！ 我哋點嘅「黯然銷魂飯」我諗大家都應該知道其實係 #叉燒煎蛋飯，一向對 #頹飯 冇期望嘅我，估唔到佢哋嘅 #叉燒 竟然令我有驚喜，肉質鬆化又唔會硬掘掘，太陽蛋嘅蛋汁撈埋特製嘅豉油汁，用嚟送白飯🍚一流🤤 不過個「鮮茄牛肉飯」就認真麻麻，啲 #牛肉 口感腍啤啤咁，上枱嘅造型同餐牌上嘅完全係兩回事… 有啲失望囉👉🏻👈🏻不過要讚一讚係佢哋🐻熊仔造型嘅奶茶，造型極之可愛之餘，茶味都幾濃，跟餐半價之後都只係$19，抵呀！簡簡單單嘅一餐，可以嚟 #打卡 之餘，又試到新嘢，可唯勝價比之讚💗📍 金二少冰室 (尖沙咀)柯士甸道71號地舖

今日食常餐- 蟹柳炒蛋，火腿通粉。奶茶冇茶味，只係甜味，熊仔冰斷咗隻腳。多士又硬又乾。為咗熊仔打咭而來失望而回。個人覺得灣仔亷記及我杯茶最好飲。所謂好飲嘅奶茶真係要自己去試，吾好只係睇評語。

坦白說，真的只是為了熊仔冰而來拍個照打個卡，但食物水準卻比預想中好喎。XO醬海鮮炒飯好夠味，XO醬辣辣地，配料算多，飯亦炒得好乾身不油膩；全日早餐賣相幾靚，豬扒煙肉煎蛋薯餅都OK中規中矩；飲品方面當然是叫熊仔冰奶茶，老實說，奶茶不算特別好飲，入口香滑說不上，只能算正常，但熊仔冰加了很多分；紅豆冰就好大杯，份量足夠多紅豆。

今日嚟到尖沙咀呢一邊食茶餐廳咁啱肚餓就同朋友入咗呢一間茶餐廳試吓，餐廳主打打卡凍奶茶，當然我同朋友都會叫啦，因為咁熱！凍奶茶奶味都非常香，而且茶底都非常香濃，我哋太熱掛住飲唔記得咗影相 煮食，我就叫咗呢一個南瓜焗海鮮飯，南瓜焗海鮮飯都有幾多唔同嘅海鮮配了包括有蝦魷魚，青口等等，焗飯再加埋芝士喺個面度其實都幾好食，本身餐廳係用炒飯底再加埋用半個南瓜，每一啖都有南瓜嘅香味，呢個焗飯都係第一次見，幾特別，總括嚟講用餐經驗都愉快！

舖天蓋地既報導，為熊仔打卡而來。原本奶茶有6款口味，但要熊仔冰奶茶就只有兩種味可揀。我地要左rose taste and原味。見到熊仔好似浸温泉咁，係幾得意既。熊仔係用奶茶做冰，就唔會溝淡味棉花糖chocolate多士，極普通，但收得唔平一夜暴富劉華阿華田多士就唔錯，爆漿的70蚊一個tea set, 就一次就夠！臨走見到阿姐猛sell其他新入座食客upgrade熊仔奶茶冰，d人唔so佢仲繼續游說，真係生意難做呢！

假日周圍行下，夜晚想平平地食茶記，上網見到有間金二少冰室，招牌熊仔奶茶好吸引，夏日炎炎都想嘆返杯凍奶茶。 餐廳格局一目了然，多數是卡位果下正，懷舊物品擺設及掛畫增添懷舊之感。樽仔奶茶，原來有好多款口味。餐牌，食物都幾多選擇，但見有沙嗲牛肉麵就想食。熊仔奶茶冰冰，$38，跟餐半價$19，好可愛的熊仔冰融化都冇變到好淡味，奶茶香濃幼滑醇厚，即使冰溶味道都冇乜的變淡， 味道不俗。常餐，$48。沙嗲牛肉麵，牛肉份量適中，肉質沙嗲味唔算好濃郁，麵底普普通通，整體正常水準。配蟹柳炒蛋及餐包，蟹柳炒蛋比較少見，蛋尚算滑，味道普通。海南雞飯套餐，$60，友人的，包括時蔬、中湯及餐飲，都幾抵食。椰汁紅豆冰，跟餐半價$17，友人的。奶茶幾正，而且可打卡，食物水準普通，服務態度幾好，坐得幾舒服。

網上搵吓佐敦有咩好食，當中搵到呢間茶餐廳，見到圖片吸引就慕名而來。當中包括左熊仔奶茶，問侍應，態度惡劣加唔願意介紹 ，問多句都嫌你煩咁。黎到先用左個杯 裝住左隻佢話用茶底做既熊仔冰冰 先講佢有好多款唔同既奶茶，其實都係用一個另個既樽裝住啲奶茶再倒出嚟。茶味唔算突出，隻熊仔都純粹gimmick,老實講唔值三十幾蚊杯。另外叫左原個蕃茄牛肉飯，牛肉有韌又有根 茄膏味又唔夠濃，個番茄仲要生生地！早知食個一哥焗豬都冇咁嬲！其實香港開左咁多冰室茶記，做唔好最基本嘅野好快會被淘汰，自求多福。

被「小熊奶茶」呼喚的探訪。今天在尖沙咀辦完事就來到九龍公園對面 柯士甸道上的這一家冰室體驗一下。他們的裝修充滿香港復古的味道！裏面有貼上「花樣年華」張曼玉的海報-好多其他有趣香港地道特色的裝飾。食物方面：這裡很多很多不同的食物-從早到晚啊！看我拍的餐單相片。去體驗那他們的名店凍奶茶加上一隻小熊🐻打卡 洗臉洗澡他們的「海南雞飯」都蠻豐富的有湯有一碟菜心。那雞油飯的黃油很黃😉服務人員非常友善啊-有什麼需要的立馬幫你，而且那是小熊也是他送給我們的！

【油尖旺區】【金二少冰室】我係茶餐廳 foodie 呢個朵就應該係眾所周知，我會唔會係全香港第一個承認自己成日食茶記嘅 foodie？嗱，留意返係「承認成日食」，唔係「成日食」，講緊嘅係兩個唔同嘅行為嚟，心水清嘅讀者可能感應到講乜。入正題先，因為今次都係正經嘢，話晒人哋個朵仲響，即係佐敦金二少叫到你唔係唔去下話嗰隻，咁咪去囉，佢喺童軍酒店對面，唔難去吖，附近仲有 Plato 同埋突破書廊，我仲喺呢頭撞見過我小四班主任咸家，少啲嚟好啲。入到去，侍應極力推薦我食 $68 嘅「原隻南瓜海鮮咖喱焗飯」，聽個名幾有霸氣同埋幾正，但係我真係唔想食飯，冇計。叫咗個金二少常餐，有「金牌沙爹牛肉麵」、「蟹柳炒滑蛋」同「牛油多士」，個麵唔算特別，只係 okay。反而個炒滑蛋配蟹柳幾有新鮮感幾得意，而且炒得幾滑，件多士就正常啦。嘢飲方面，我換咗金二少嘅樽裝「港式奶茶」，茶底幾厚實，幾正。加埋做「熊仔奶茶」就仲正，個冰熊仔好似都係茶嚟，溶入杯嘢飲嗰陣感覺唔錯。個餐 $48 加 $19 嘢飲就變成 $67，硬係好似唔多夠喉咁。本身諗住叫西多，但我見隔離枱叫，係切好咗金磚嗰種，吸引力大減，不如叫茶記絕少見到嘅「朱

位於佐敦的金二少冰室人數比尖沙咀少很多不用排長龍整間冰室的裝潢極具心思充滿香港情懷包括一些復古傢俱、擺設和畫報最大特色莫過於熊仔樽裝奶茶大大粒熊仔做的冰再將特色奶茶倒入杯簡直好似幫熊仔浸浴北極熊紅豆冰$38紅豆冰的奶熊更大更可愛多款口味奶茶裝在印有唐裝衫的樽裡非常別緻一夜暴富劉華多士$45其實就是煉奶花生醬西多加朱古力脆脆造型非常特別有一隻發財麻雀亦有一般茶餐雞脾薯條、沙嗲牛肉包下午茶所有飲品半價

啱啱飲完茶😋個謂仲有少少空位🤭朋友話想試試新開冰室甜品💜仲有好可愛嘅熊仔奶茶🧋🐻啱晒鍾意打卡嘅我📷🙆🏽‍♀️一夜暴富劉華多士$40多士夠厚身 滿滿嘅阿華田脆脆😋睇個樣已經好想食🧇超級正🫶🏻🙆🏽‍♀️朱古力，棉花糖多士$40棉花糖輕微燒過 入面口感軟綿綿🥰加埋朱古力醬嘅多士 邪惡之選🤤🐻熊仔絲襪奶茶🧋🧋🧋茶味香濃 外型可愛 正正正😁平民價錢👏🏻回頭率極高，仲有好多美食都要試🤩

飯菜好食，店員有禮，坐得舒服，奶茶一絕！！裝潢有心思，菜式如果可以增加就最好了！！店鋪坐落於較方便地點，係佐敦地鐵C2出口，同埋柯士甸西鐵站F出口中間～～～～～

知道柯士甸道有間冰室以懷舊風主題佈置,有懷舊收音機📻唱片💿而牆上嘅懷舊📽️海報🎬都係餐廳嘅特色,可以去打下卡📸Lunch叫佐海南雞飯🐥雞肉都算嫩滑,油飯灑上乾蒜,有色香但不夠味！最可惜不是正宗海南雞嗰三種醬汁,只是薑葱蓉,有啲失色,有啲似食燒味切雞飯😅本想叫#樽裝熊仔奶茶🐻但今日想飲檸檬茶,店員話可以半價+$19轉熊仔冰底檸檬茶🐻🍋見熊仔甘可愛,忍不住叫佐熊仔冰底,但亦會放些普通冰係杯底,可能不會甘快溶🤔

天氣開始轉暖，又係開始游水減肥嘅日子啦。但係每次游完水諗食咩都係一大煩惱，唔想食快餐，又唔想食貴野。呢晚我游完水，一離開九公泳池，直望就見到呢間「金二少冰室」，裝修幾新淨，環境又乾淨，於是入去試一試。🍽️可能因為已經晚上8點幾，所以入面都有幾多空位，唔需要排隊。坐低之後望一望牆上嘅黑板，上面有推介今日嘅餐單，都係一啲基本嘅茶餐廳嘅Menu。正當我準備落單嘅時間，望入餐廳最入面見到有一張poster上面有熊仔冰凍檸茶。於是，我點左咖喱牛腩飯和熊仔冰檸檬茶。原來個凍檸茶仲有得走甜，開頭以為揀左熊仔冰之後，甜度會固定，所以呢樣嘢都令我覺得好神奇。整個點餐過程非常迅速，讓我感到非常滿意。🧸店員好快就為我送上一杯「熊仔冰凍檸茶」，之後我發現點解呢個熊仔冰凍檸茶可以走甜，原來係因為隻熊仔冰就係一塊無糖嘅紅茶冰。個凍檸茶唔會好澀，所以就算無糖都覺得OK容易入口。🥘跟住落黎就係「咖喱牛腩飯」，其實上菜時間得好快，約兩三分鐘就已經可以送上嚟。個咖喱牛腩飯上台嗰陣時有陣好香嘅咖喱味，但係就唔會太辣，好啱我呢啲唔太食得辣嘅人。食落又有少少椰汁嘅香味，口味少少偏甜，所以其實好惹味，個汁好好送飯。個牛腩就唔會話太

游完水🏊見到差唔多10點想食少少嘢先返屋企 見到有間新開嘅茶餐廳所以決定入去試吓~原本諗住普普通通嗌個常餐就算 因為佢哋好似就嚟閂門 都唔想阻住人哋收工點知俾我見到個原條豬筒骨粉🦴見佢好似好大嚿好抵食，咁所以就叫咗一碗試吓嚟到見到舊豬筒骨的確幾大嚿 可惜嘅係佢冇咩肉 只有少少骨髓喺個筒入邊 比較失色😿而配菜方面，我嗌咗煎雙蛋配公仔麵底 呢啲就不過不失同普通茶餐廳一樣值得讚賞嘅係雖然佢哋就嚟閂門 但係佢哋冇好趕住咁逼你食 而且落單各位姐姐都非常好禮貌 俾足時間你慢慢食 令到我可以好好享受呢碗麵🥳🍜🍜🍜🍜🍜🍜🍜🍜🍜地理 8/10環境 7/10味道 6.5/10服務 9/1🍜🍜🍜🍜🍜🍜🍜🍜🍜